蘭苑餐廳

Open Now

Now Closed

黎到學校canteen食個晏黎講，呢間都算系偏貴嘅🤔不過食物質素亦過得去！中大嘅同學仔都可以考慮一下去呢度食飯個靚晏🙂🙂午餐嚟到，佢有跟埋餐湯🍲半隻烤雞配上酸辣醬，食落都幾惹味😉酸酸地都幾開胃嫁！雞肉都算系多🙂🙂🙂有咬口得黎又帶點香草味🌿旁邊有一大pat薯蓉，打得夠蓉，好夠cream😝而且味道有陣陣嘅牛油香味，唔需要加任何醬料已經夠好味！另外沙律菜亦吾止系裝飾，可以一清油膩感😏

從大學站行了一段小路，約5分鐘便到。熱檸茶--》三片薄檸檬，茶較淡味（3分）鮮牛肉--》好味，有牛味，牛汁豐富，但磨菇味淡，不知道是不是罐頭來的；青瓜片不夠新鮮，好似切咗放了一段時間！（7分）薯條--》好好食，唔油，香薯仔味（9分十分好食--》7分

蘭苑分內外兩區，只吃過外區，因此不能說內區的食物如何。平心而論，廿幾三十蚊一餐飯，在中大絕對是偏貴，在其他餐廳，基本上十幾蚊已經有份量味道俱佳的選擇，放到廿蚊，選擇就更多了。而以中大標準，蘭苑的價錢和食物質素的性價比是不高的。通常去，都是貪他的一杯果香濃郁的果茶。除此以外，前陣子瘋傳蘭苑一道賣相甚佳的厚多士，其實食落很一般，不過執意喂飽手機的話。也是可以一試的。係依度食過魚柳飯, 豬扒飯等, 感覺豬扒飯比較好吃. 豬扒比其他中大餐廳的略厚, 但仍然柔軟, 而且醃得幾惹味, 係這裡的不錯之選. 

今日小妹來到中大 為慳錢 梗係去canteen食埋lunch先走啦...兩餸飯係大學canteen必備款式 小妹以前就讀九龍塘大學就成日食 但選擇唔多..... 今日居然喺中大見到多春魚！平心而論 素質麻麻 因為一次過炸起好多 招待過長長的人龍 多春魚到凍哂又淋哂 但就唔熱氣囉...第二個餸係蕃薯芋頭... 「蕃薯有蕃薯味」係廢話 但... 呢幾舊蕃薯係真無咩蕃薯味個飯好健康... 太健康 青椒洋蔥係隨蕃薯芋頭附送嘅... 而紅白蘿蔔則係飯嘅配菜 青椒洋蔥蘿蔔太濃味 令小妹討厭到難以入口 寧願要生菜呀娃娃菜...

今日上午到中大尋梅覓櫻，中午路過祟基學院何添樓旁蘭苑餐廳，行累了，坐下休息吓嘆番個餐廳老闆娘自家製的栗子忌廉蛋糕、芝士蛋糕。栗子忌廉蛋糕清蛋糕鬆軟忌廉滑，配合栗子蓉，是很受歡迎的配搭！芝士蛋糕，雖然我不喜歡芝士，但這款芝士蛋糕容易入口，芝士口感不太膩。每客西餅和餐茶是$35，真抵食！這裏環境幽靜清雅，安座後人也放鬆，據悉蘭苑餐廳出品的超厚無敵六片方包西多士，每日只有限量10份，相信日後有機會再試，餐廳還有免費果茶奉送。

好多人你蘭苑淨係識得食厚多士，其實除咗厚多士之外蘭苑仲有好多好野食。例如奶油豬同豬扒包。加上環境好好，又唔多人，所以早餐同下午茶都係好值得食。今次係食豬扒漢堡加凍奶茶，缺點係豬扒好難就咁咬得開所以食到好論盡。但係就味道來講算係中大數一數二有質素嘅食物嚟㗎啦！

中大既飯堂，果然真係幾有水準!室外清靜的環境，好似去左啲東南亞地方、好似泰國咁呀!今日天氣涼涼的，食起上黎特別舒服。叫左個套餐，有沙律，湯，野飲，包，主食!都係100蚊唔洗，我覺得ok值架，食環境都抵曬。開頭第一啖飲個玫瑰花桃茶蜜糖，覺得好酸好怪 。三隻味各自都好出，冇統一既感覺。但飲到一半就覺得其實都幾特別，尤其是個玫瑰花香好加分。事後飲曬杯野，我將啲玫瑰花攞黎沖水，沖左兩三轉都仲好香，證明係優質野。主餐冷麵溫度適中，用大量新鮮蔬菜好引起到客人既食慾。麵中的大蝦隻隻新鮮多肉，完全唔霉。淡淡的海鮮味中散發出蝦的鮮，讚!而麵質就差左少少，唔夠彈牙同爽，但整體胡麻味足夠，同海鮮尚算配合。最後建議個蒜蓉包可以多加牛油。

相信很少人有機會到這餐廳吃東西, 要不是要到中大聽講座, 也不會入中大搵食. 由於CC canteen closed, 新的龐氏canteen又吃過了, 所以就試這間. 我們入到去, 見到座位有限, 職員說, 有張枱有Booking啦喎, 可不可以一小時內交枱? 我們說可以啊, 因為都要返去講座的下半場.坐下一看menu,果然有別於中大的其他canteen, 價錢不菲, 大概$70. 真是不可以當便飯日日食. 尤其學生. 雖然我們趕趕地, 職員又趕趕地收返我們張枱, 但是一個70蚊既lunch set, 總是高級野, 總是慢工出細貨. 又有餐包, 又有餐湯, 當然有餐茶, 乃是在我們力崔之下出現的.回說main course, 是汶牛肉in western style. 牛肉好"林" 好入味,好食. 特別係個汁正! 如果有碗白飯我可以清左佢. 旁邊有西式菜和薯蓉, 都好配合個main. 意粉有少許dry. 我主要吃牛肉. 意粉就餘下了. 朋友是勁喜歡那個放牛肉的容器, 因她那個是紫色的, 她勁鍾意果隻紫色!當我們快要完成又舉晒手要快D埋單時, 一群OL就入到黎搵位啦. 相信是附近中大a

中大其中一個名點就係蘭苑嘅巨型西多，有厚唔使講，自己睇圖。雖則份量十足，不足又唔係真係話好好好好好食。包係脆嘅，不過唔知點解唔夠熱。總體上質素同出面茶餐廳差唔多。不過$16喺出面真係未食到份西多，咁就算佢啦！

今天，我跟朋友到蘭苑吃香烤漢堡扒飯，漢堡扒厚身，一口咬下，肉汁四溢，十分美味，而漢堡扒外層經火烤後，更是焦脆可口。漢堡扒旁是自製的茄醬，沒有市面上的那麽甜，比較健康，也有一陣濃烈的蕃茄味道。附送的飲品為果茶，不僅可以無限添飲，而且味道酸酸甜甜，實是使人十分開胃，餐前品嚐最是合適不過。

蘭苑一向係中大出名係比較有水準既餐廳，當然價錢亦都比較貴，所以平時都好少食。今日難得早上有心情，於是就決定去蘭苑嘆個早餐。佢既早餐套餐比我想像中平，於是就叫左set。首先，佢既賣相無得輸，完全有種係高級餐廳既外國style，食慾大開。佢既烘式方包好香，咬落十分脆。炒蛋炒得啱啱好，非常香滑。漢堡排亦煎得唔錯，幾有肉汁。茄汁焗豆就不過不失，配埋少少蔬菜，感覺好fresh。最後飲埋杯熱奶茶，真係非常滿足。

畢業於香港中文大學的朋友，最近，在 what's app 跟我分享一張杜鵑花盛放的相片！  好奇問他在哪裡拍攝？原來他在居住的將軍澳影的；並說中文大學許多地方都有！  然而，花期只有兩、三星期！於是，我建議他帶我去中大，一定會見到好多杜鵑花！ 由他決定時間，而我則選定好幾間餐廳，讓他作最後選擇適合大家口味的一間！ 在我的心水選擇之中，包括：Cafe 330、Cafe Tolo、池畔軒及蘭苑！ 他比約定時間早到，先行在中大祟基學院兜個圈，發現位於祟基學院蘭苑的 <蘭苑餐廳> 較近火車站！真是最方便的好選擇！  當然，由他帶路啦！ 由於，我由上環搭地鐵過去大學站要左轉右轉，起碼要一小時，  都無時間食飯！  建議到中大先食下午茶吧！起初，我以為他最近到過中大，所以，得知這裡有很多杜鵑花！  那時候，我才知道他在中大畢業！其實！他已經有十多年無再踏足中大！  以前，這裡許多地方都有杜鵑花；現時只有少許！  加上後期增設了好幾間學院，面貌煥然一新！  沿途有不少其他品種花卉遍佈四周！繁花綻放，  花香處處！  當我們見到有些大學生坐在草地時，也

蘭苑聞名於它的招牌厚多士，據聞只在下午茶時段限量發售，於時便和朋友來一試究竟我們2人共點了一個厚多士，份量的確不少但比起多士，醬料並沒有因此多了這導致厚多士吃到後期的時候味道不太足夠至少比起我本來預期的，蘭苑厚多士並沒有真的那麼特別，只是比較大而已

年初四和朋友訂了枱食蘭苑，但最後卻很失望。因為等左成半個鐘餐湯同麵包也冇到，但就比左個主菜我先，我個friend 要追侍應追左三次，最後等左45 分鐘先來主菜。食完個湯先送到。等到一肚氣。蘭苑一向食物味道也okay. 午餐價錢也不便宜。大約$70-80左右一個set lunch.係大學canteen 嚟講係貴。我叫韓式燒鯖魚飯，鯖魚燒得不錯，賣相也ok. 但碗飯唔係用珍珠米，似平時屋企食的米，所以配韓式泡菜湯怪怪地。我個friend 叫嘅係大蝦長通粉，份量也算大碟，醬汁味道也調得剛剛好。但因為等得太耐，又見到個侍應上菜比熟客先，幾好食都冇用。

一直聽人講好大件既西多就聽得多! 之前試過五點左右去, 但係賣晒!!今日終於有得食喇!一入到去即刻問有冇西多試! 聽到話有就即刻落單等左唔洗10分鐘就有得食喇!蘭苑西多係有五層架!! 每層中間有花生醬! 但就唔算太多~ 上面有牛油同好多朱古力醬, 真係流晒口水呀!因為係下午茶時間, 所以兩個人share 一份已經好飽喇~希望下次有機會試埋其他野食~