俺流塩らーめん (東薈城名店倉)

Open Now

Now Closed

咁啱係附近做野，就同同事搵左間來食呢間主打拉麵🍜但因為我同佢都想食飯🍚加上都抵食，見food court 都$60-70,呢度$49, 所以好快就決定呢間🤭飯類選擇不多，畢竟主打拉麵同事叫左：俺流叉燒飯 $49叉燒好肥，好多肥肉🙈(個人不愛肥肉，好彩無叫🤭）我叫左：唐揚炸雞飯 $49普普通通，不過不失😂呢個價錢，ok啦但呢間勝左環境舒適❤️lunch 上菜都唔會好慢👍服務態度都ok整體感覺幾好，想平食又有舒服環境

人講東涌一般，但我嘅味蕾強烈反對！試咗呢間拉麵店，食落真係正！😍🍜柚子拉麵，每一條面線都柔滑得嚟你咁啱，啖啖面嘅韌度啱啱好，嗰陣清新嘅柚子香氣真係閃到我，一啖咁得意，鼻哥哥都要夾手指讚好！佢個湯頭，鹹香得黎又唔會㩒舌，係真係可以飲到杯底嗰種。另外，男朋友嗌嘅俺流鹽湯拉麵，雖然我覺得啲湯底咸咗啲，但塊豚肉嫩到緊，即咬即化，過口唔笠，影嘅唔係豚肉係幸福感嗰下呢～🤤環境嘅話，呢間店整潔啱啱好，服務生嘅動作快捷，咁樣食個飽飽嘅午餐，就算又快又滿意！好食，唔拍胸口，絕對有再嚟嘅噏頭！下次試吓另外嘅口味，等我味蕾繼續喺東涌走嚟走去。👅🌟

🇯🇵日式 🍜拉麵 🚹1-4人 ——————商場行緊街見肚餓，心癮起想食拉麵，呢間拉麵就被選中啦😛！🤣🍜俺流特製撈麵撈拉麵有特色，叉燒極厚切😆醬汁帶微辣，如果配料同醬汁可以再多啲就更好～🍜黑蒜油熟成濃湯拉麵湯底濃所以偏咸，拉麵掛汁，糖心蛋都有流心效果😋👍🏽叉燒厚度啱晒食湯麵，肥瘦均衡👍🏽份量都啱小鳥胃食👍🏽不過…🐻‍❄️覺得湯底咸左少少…反而🐻飲左2啖就鍾意佢夠濃味結論：適合食開濃味，偏好濃味嘅食家們～

墨汁魷魚豚角拉麵 湯好啖，冇咩墨汁味。豚角一口size肥美。鮮味蛤蜊濃湯拉麵個湯飲落去完全冇味，好似油溝水咁🤢拉麵好似油麵咁，但係好大鹼水味🫠同侍應講淨係俾返碗一樣嘅湯，再叫侍應試，佢倒左入廚房飲，等一排之後俾碗新湯，顏色好大分別，再飲先有d味但係都唔好飲。之後解釋返話師傅差一樣材料冇落，一路解釋其實就係掩飾緊用味精。用左味精都唔好飲先可悲。🤧俺流叉燒飯正常味道，有蒜片加d汁，唔太推介。之後唔會再去呢間

去完迪士尼後又去了東涌吃晚飯，今次食了拉麵。俺流塩らーめん 是發源於澀谷的連鎖拉麵店。東涌分店的座位不算太多，晚餐時間大約要等10分鐘才有位。在等位期間會先給餐牌和點單紙先決定好吃什麼。🍜俺流紫蘇梅子拉麵 ($83)3款中湯底喝起來最特別是這個，吃之前要將梅子搗爛才有清新酸甜的味道喔！🍜黑蒜熟成濃湯拉麵 ($83)我自己選的是這款，上桌時聞到很香的黑蒜味。如果您本身是超重口味就有可能會覺得湯底不夠濃郁，但我自己就認為剛剛好，惹味中有焦香的黑蒜味。配料都幾豐富。叉燒稍為肥了一點點，溏心蛋則頗有蛋香。🍜俺流柚子拉麵 ($83)這個是3款中最清淡，湯底也沒有柚子味。其實只是加了柚子的拉麵那樣子吧!?

【離島區】【俺流塩らーめん】之前講到自己去咗東涌做嘢，如果有幸獲得大家留意嘅話，嗰日我係有做直播嘅。而直播嗰時主要係講東薈城名店倉 crossover LuLu豬 嘅「夏日綠『豚』園」活動，仲間歇性咁同當時嘅觀眾做咗少量嘅互動，幾難得。不過由於我慣咗出門口完全唔做資料搜集，因此我喺嗰度係完全唔知自己做乜嘅。一條友喺東薈城游離浪蕩，好彩當時冇警察嚟捉我涉嫌「遊蕩罪」，否則我嗰刻真係解釋唔到自己喺度做乜。個腦放咗陣空之後，就搵嘢食喇。行行吓見到呢間拉麵店，好似唔錯，加上附近好似冇乜嘢啱食，就入呢間啦。入到去，食佢哋疑似 signature 嘢「俺流鹽湯拉麵」，$64 嘅價錢，但係質素一般，有塊日式叉燒喺度但係都彌補唔到啲乜，普普通通完成一餐。想叫個小食食吓，唔知點解睇咗幾多次個 menu 都以為個「明太子芝士燒餃子」係明太子雞翼，呢六件餃子可以話係因誤會而結合。價錢 $42 都唔算好貴，不過由於我一直都以為自己叫緊嘅係雞翼，因此期望同現實係有落差。價錢方面，最後係 $116 埋單，有一個拉麵、一個小食，都係正常嘅價錢，冇咩好挑剔。只係我食完之後先發現，原來呢間嘢喺其他地方都有分店，即刻成件

看見店內貼滿客人要怎樣怎樣都不理了，但係佢一味叫人借開，一句唔該都無，行埋少少就好唔客氣要你讓位人”俾客人”，又唔係收得平，放低menu走人唔鬼理佢！排到頭位都咁話. 我唔係來俾錢俾你喝！

難得假期到東涌行街，行到攰經過俺流拉麵，睇睇餐牌價錢相宜就去試一試，排隊等左約10分鐘就可以入座。黑蒜油熟成濃湯拉麵黑蒜油湯底比較鹹同濃味。叉燒肥膏位置佔左6成，有點失望。配料有炸蒜片，京蔥，溏心蛋。整體中規中矩。俺流塩味拉麵鹽味湯底無咁油膩，配以少量京蔥相對比較清新。但筍絲切得太幼沒有口感。炸雞炸雞份量相當多，但炸得不夠乾身及有點油膩感。調味料店內提供不同的調味料作調味，主要有黑蒜油，柚子胡椒，梅子醬，我就比較鐘意梅子醬。總括價錢相宜，食物質素不過不失。

前排去東薈城行街,中午順便食個晏~之前喺其他地方都有見過呢間拉麵店,諗住嚟試下~當日係週末嚟,裏面得四五檯客,好快有位坐~但可能因為呢間店比較細,左右都有人坐,所以有啲逼...點咗個黑蒜熟成濃湯拉麵~個麵底係幾好食嘅~仍然係彈牙,唔會煮得過腍~但係個湯就真係鹹到不得了,或者正宗嘅係咁先啱?如果唔會齋飲個湯,靠啲麵掛到湯一齊食就好夠味~配料方面,隻蛋係醣心嘅,所以都好好食~但係叉燒得一塊,真係覺得好少…我諗我下次唔會再揀呢間~

-紮根於涉谷的人氣拉麵 - 俺流塩らーめん-📍俺流豚肉盛盒拉麵 $98有叉燒、五花腩（？）、豚肉片，流心蛋其實唔錯～啲肉咬落有油脂香，肉質唔會太乾柴不過係完全一條芽菜都無嘅..啱曬食肉獸🤣但都可以因感個人口味另外俾錢加配料嘅～～-拉麵硬度有得揀第一次食所以我揀咗普通係屬於一咬就斷個種中意煙韌啲嘅朋友可能揀硬會適合啲～不過..碗拉麵係 超 級 咸..我平時食嘢唔算好清淡嘅但都覺得超咸咸到完全飲唔到湯底嘅豬骨味..咸到齋食麵都太咸..所以我自己倒咗啲水落去先食到落😂😂😂唔會有下次sorry🤭🤭推介指數🐻‍❄️食物：❀ ❀ 環境：❀ ❀ ❀服務：❀ ❀

買俺流塩湯拉麵外賣做午餐… 返到公司打開個蓋才發現個麵冇叉燒😞變了齋拉麵🙄成個麵既靈魂冇左.. 同食杯麵有何分別😞😭點解咁樣都可以發生.. 而家既人做事求求其其…..

好耐無去東薈城行，見到有間”涉谷No.1 人氣拉麵”，梗係入去試下！星期日既晏晝都唔係好多人餐牌仲有介紹最適合既調味搭配～我地分別叫左兩碗麵：▪️鮮味蛤蜊濃湯拉麵 ($89)都有唔少蛤蜊，應該都要10隻，而且唔腥，都幾有鮮味，起碼無沙😂湯底都算濃郁，普通麵質就正常。▪️俺流芝士辛辣濃湯拉麵 ($89)揀左硬麵質地，比起普通麵質都唔覺得有特別硬🤔而且辛辣濃湯都唔係太辛辣，即使唔食得辣既都會食到，反而係偏咸。由於唔夠辣，自己加啲辣油味道就好啲。入面仲有菠菜，叉燒同溏心蛋。碗麵充滿芝士，幾香，仲有拉絲添！整體又唔算勁好食，未必會再食😂

位於東涌東薈城既日式拉麵店，位置方便～俺流男盛拉麵$89招牌俺流男盛拉麵，果然不失望～湯十分濃郁，拉麵都好彈牙👍🏻冇得彈！重點係十分足料！內有日式叉燒、炸雞和流心蛋食完都十分滿足～保證一定夠飽😆俺流特製撈麵$75推薦👍🏻食拉麵食到悶悶到可以試下呢個～撈麵係用佢特製醬汁和黑蒜油～十分野味可口～ 配料方面有：生蛋黃和叉燒配合一齊，絕不單調～俺流叉燒飯$45貌似細細碗，但其實分量十足👍🏻叉燒而然係冇得彈👍🏻大阪燒餃子（6件）$39餃子上佈滿著木魚片再加上大阪燒醬汁意想不到，醬汁與餃子咁夾👍🏻柚子椰菜$28比較清淡的菜式想健康d, 又想有小小特色，非他莫屬柚子醬汁，令到簡簡單單既椰菜都變得不一樣，有機會一定要再試👍🏻日式胡麻雞肉沙律$49雞肉係炸雞肉，味道充足👍🏻沙律分量不少無論係生菜或是胡麻醬都好充足👍🏻

每次放lunch諗食咩都諗到人頭痛，但好多人都work from home既關係，成個東薈城lunchtime好多餐廳基本上都唔洗等位，所以同同事兩個人就決定去平時勁多人排隊既「俺流塩拉麵」食返碗拉麵😋一如既往，今次我都係叫左「辛辣熟成濃湯拉麵」，自己勁中意依個湯係因為佢本身辣得黎又唔會搶左個湯本身果陣味，但如果本身中意食淡味少少既朋友仔，依個拉麵就可能會濃左少少。配料方面，叉燒自己就覺得一般，每次都覺得比較肥，食左一兩啖會覺得有啲膩。另外，每次黎食都一定會加$10要埋紫菜，$10有大大兜紫菜，紫菜吸埋啲湯超好食😚

入東涌都食開附近餐廳，好多都好有禮貌而且食物都好食，去完IT肚餓，見到有間日式拉麵感覺好似都吾會太差所以就行入去試下啦，點知。。。。估吾到咁Q難食我地兩個人，叫左一碗9號芝士辛辣濃湯拉麵同大阪燒餃子，大阪燒餃子味道還可以，但碗拉麵就勁勁勁勁咸！ 咸到飲好多水😓而且芝士同辛辣味完全非常唔夾，味道好奇怪真係好難食，從來未試過食一碗拉麵係咁難食我地臨走換口罩，舊口罩已經用包裝袋包好而且並沒有外露，但服務員勁無禮貌大大聲叫人拎走返，真心吾會再有下次。