俺流亭 (TKO Gateway) (Closed)

🧆好耐無食過高質既章魚小丸子🐙外脆內軟陪埋跳跳下的木魚同沙律醬🤤真係流曬口水😋🍲仲有比較特別既就係滾住食烏冬～個火到你食到7成左右就會自己熄左確保唔會滾到收乾曬啲湯😍反而令到個湯底更入味😋個烏冬就唔洗講啦！彈牙又滑！🍢關東煮就鹹左少少🙊不過懷緬下日本便利店都ok既😋🍜而鐵板炒麵就真係睇彩數啦試過鐵板唔夠熱就一啲都唔好食🙁但鐵板夠熱的話就好香同唔會太油🤔📌另收加一💰📌$200以上接受電子付款方式📌如果繁忙時間就可能要比啲耐性等耐啲啦～因為有時店堂唔夠員工，就算有位都唔會放客入去坐的評分時間～5隻👍🏻最高😉俺流亭味道：👍🏻👍🏻👍🏻👍🏻服務：👍🏻👍🏻👍🏻價錢：👍🏻👍🏻👍🏻環境：👍🏻👍🏻👍🏻👍🏻地理位置：👍🏻👍🏻👍🏻回頭機會：👍🏻👍🏻👍🏻👍🏻#人總有一飽今餐我最飽！😋

全晚叫左幾樣野食連野飲都全部中伏！！唔會再去！！1）牛肉鐵板飯個白飯底一上就已經燶到炭咁啲牛肉薄過紙似牛肉碎多啲仲要一邊燶晒另一邊就生嘅2）咖哩豬扒飯啲咖哩係凍嘅 啲豬扒唔係一塊切好咁上 係3塊奇形怪狀好似人地食剩拎去翻炸再拼埋3）免治雞肉飯更加食完一啖想嘔返出黎鹹到完全吞唔落4）連凍檸茶都中伏 啲冰多到貼住杯底啜一啖就無左 茶記唔叫少冰都無咁黑心呢間鋪門面就做到似日本野其實就全部快餐食物同加工罐頭食物仲要收加一最基本嘅食物連食入口都做唔到價錢雖然唔貴但都感覺被人呃明白生意難做 但呢間真係過晒火人生第一次食飯食完覺得搵笨

坐低水都冇一杯，又沒有見到任何一食客有水飲，以為冇水提供，付款時才發現有水供應(展示中); 職員解釋要求才會提供，真無奈。所謂"滾住食"，火十分弱，不足5分鐘燃料便耗盡了。食物質數又冇乜特別。新店樣樣慳，但連服務都慳，咁都要收10%服務費。

見開左新嘢就去試下。基本上日日都要排隊，睇你要排幾耐架姐😂入到去見到menu d價錢都差別幾大，3x蚊到8x蚊不等。我就怕3x蚊個d會好細碗，所以都係叫左88蚊既定食。出到黎，就唔覺有好大份既，細食既人應該都勉強食得哂。但係我就唔知4x蚊同8x蚊既份量係米真係好大分別，我就見4x蚊個碗拉麵都唔覺好少🍜咁就睇返你自己中意啦。汁燒牛肉定食，肉既份量合理 不過就有d 韌，個汁都ok。 鰻魚定食呢，我就覺得個鰻魚麻麻，不過我屋企人就好中意食。佢d配菜就正正常常，不過個薯仔泥幾好食🥔 個炸雞就幾好食，好juicy 肉質係嫩，個皮都係脆。如果想試新嘢，都可以試下😂

星期六下午，我在「旺角港鐵站」裡面，購買外賣自取「咖喱牛腩飯」作為晚餐食品，然後再在「旺角港鐵站」出口旁邊的商場地庫裡面購買了兩枚，包括甜味雪糕餡料和酸味水果在內的「糯米糍」後，立刻坐車返回「坑口」。至於晚餐裡面剩下的最後一部分「雞扒」，我選擇了留在「坑口」的購物商場裡面，隨便找一間食店，提早購買「雞扒飯」當作完成晚餐裡面的「雞肉」餸菜食品，食完之後回到「西貢」再食「牛腩飯」。結果我選擇了，光顧位於「坑口」「領展」商場「TKO Gateway」，商場東翼一樓裡面，近着接駁「東港城」商場通道的日本菜餐廳「俺流亭」。「俺流亭」裡面的食品，跟坊間的日本丼飯專門店做法差不多，都有牛、雞、豬、海鮮四種主要肉類食材提供，至於其他肉類食材丼飯食品，我就沒有再去細心留意了。「俺流亭」廚房製造的丼飯食品，不會只一種口味這樣單調，例如「俺流亭」裡面的「雞肉」「丼飯」食品，至少有四種食法，包括「南蠻炸雞丼」、「黑椒燒雞扒丼」、「免治雞肉親子丼」，還有「照燒雞扒丼」。那一刻的我比較希望食到雞腿肉，所以我把個人心水「雞肉飯」食品範圍，收窄至到只，剩下「照燒雞扒丼」和「黑椒燒雞扒丼」，但是我當時比較想食辣味食品刺

好一般wo🤨🤨 見呢間野新開張 又排晒長龍梗係要試試佢👆——————————————————————💁🏻‍♀️ 香濃蕃茄海鮮鍋燒烏冬 $78威威味蕾：👅👅👅👅👅（👍🏻=👅x 6-10👎🏻=👅x 1-5）因為鍋燒兩個字😂搞咁大場龍鳳其實煮完出黎佢本身d野都係熟既😅我真係嗌碗煮好左既烏冬唔好😑又比多幾廿蚊🤨味道一般啦 佢本身個湯底都係用茄膏個d整 比較稠身 燒多兩燒真係乾晒溏😅海鮮亦都唔算好新鮮🙈烏冬咬落太林 唔彈牙 好一般🙈同香港本土個隻圓碌碌烏冬有得揮😂——————————————————————💁🏻‍♀️ 炸蠔 $48威威味蕾：👅👅👅👅👅👅（👍🏻=👅x 6-10👎🏻=👅x 1-5）呢款炸蠔叫便好番少少 都算新鮮炸起 咬落都脆口麵包糠炸嘅都有重酥脆口感👍🏻不過不失😌#hkfoodie #hongkong #俺流亭#日式料理 #將軍澳 #美食 #食好西 #威威為食仔 #威威要還債 #識食都要惜

試新嘢， 一間可以话集pepper lunch，丸龜製麵， 同吉野家既日式餐廳鐵板，烏冬， 便當 ，真係咩都有…… 有理由懷疑背後真係同一個老闆 價錢平均50至70， 算可以接受， 食物多元化， 或者先係餐廳嘅生存之道 買咗個主食黎講，其中一个最平嘅 "麻辣牛肉丼"回家食, $38+1=$39其實就係似吉野家，不過份量再多啲，飯又好食d， 煙韌啲 ，味道就同丸龜製麵既麻辣湯是一樣味的， 真係極度 懷疑同一個老闆抱歉我沒有影相， 因當初冇諗過做食評飯堂質素嚟講算唔錯 ，下次可以試埋佢其他嘢

原先元氣執笠，換左呢間烏冬店價錢合理，款色都好多最吸引嘅係鍋燒烏冬我地揀左兩個鍋燒烏冬一個豚肉味噌鍋燒烏冬一個蕃茄雞扒鍋燒烏冬味噌烏冬味道唔錯豚肉難得地唔會鞋呀！蕃茄雞扒烏冬好大份雞扒都成六件唔算嫩滑，但都可以蕃茄偏酸味多，唔會太甜，幾好我地仲叫左關東煮年糕袋好味！蘿蔔夠入味！仲有章魚小丸子偏軟身，但都唔錯

疫情緩和下，外出吃晚飯！但又想試吓新嘢，所以決定去坑口站！在入坐前，侍應已經叮囑我們只接受現金或Octopus 付款方式！但我覺得只少增加PayMe & Apple Pay & EPS!由於是新裝修，每張枱已經有透明膠板分隔開，感覺安全一點！但如果可以在二人枱的地下加上一個藤籃放東西會讓人客坐得舒服一點！雞肉鐡板炒烏冬：份量比我想像中多而且好好味豚肉味噌鍋燒烏冬：材料好豐富，有豚肉 、🥬、大大件豆腐、🍥、🍳及配菜玉子燒、章魚燒，細細碟，一口一件剛剛好！大阪燒：外型如雪條一樣比較特別，幸好味道好ok

由於呢間店係新開，所以超多人排隊！平日夜晚排隊排左大概半個鐘左右就入得去！我叫呢款豬骨湯烏冬就係好似譚仔嗰啲你揀咗個湯底之後可以再任揀配菜嘅😋咁佢啲配菜其實都唔平最少都10幾廿蚊一個，咁我就叫多咗一個糖心蛋🤤睇相都見到真係流心㗎，配埋啲烏冬同豬骨湯食好正！咁佢個主角就係啲烏冬當然都好高質啦，識落好彈牙份量都正常😋呢個炸雞軟骨都好好食😋😋呢個壽喜燒係會有個爐喺下面熱住佢嘅，啲牛肉都OK嘅有牛味但個份量就少咗啲，性價比嘅話就比較低！總括嚟講呢間都值得試嘅，食物質素正常員工服務態度好好呢個好值得讚呀☺️

今天突然很想吃日式飯丼或烏冬，看見這間鋪頭新開張，而且又有人在排隊等吃，基於好奇便排隊試試。幸好排了不久便有位入座。打開menu感覺蠻驚喜的，因為雖然是剛剛開張，但菜單款式也有不少選擇，當中主打百搭烏冬和鍋燒烏冬。百搭烏冬的點餐方法跟港式車仔麵一樣，先揀湯底再揀餸。湯底有5款：鰹魚醬油、濃厚豚骨、咖哩、麻辣和濃蕃茄湯。餸就逐樣加錢點，連安格斯牛肉都有，任君選擇。百搭烏冬實在太多選擇，有揀選困難症的我和朋友於是點了一客「男盛豚骨鍋」和一客「日式燒肉丼」。每張枱都會放著一個木外殼的小火爐，當客人點了鍋燒烏冬，侍應便會點著爐頭，把熱騰騰的鍋燒烏冬整鍋放上去。這樣便可以讓客人吃到暖笠笠的烏冬料理，不會怕放涼了而趕著吃。《男盛豚骨鍋》🐔🐷🍲烏冬的口感不是很硬身的那種，麵質幼滑細膩，輕輕一吸就從舌尖滑到喉嚨裡，不太似讚歧烏冬，更像稻庭烏冬，可是以它的形狀來看又兩者都不像。湯底方面是濃濃的豚骨湯底，清甜不油膩。我覺得豚肉片以一人分量來說是剛剛好，畢竟還有其他配菜，而且豚肉片也不太肥，不會很膩。鍋燒烏冬包含了一隻溏心蛋，記得要趁早吃，不然便會被一直滾燙的湯底煮熟了。揚唐(炸雞)的表現就比較平穩，沒什麼

俾我發現坑口站附近商場啱啱開咗間新日本野，聽聞仲係有日籍廚師親自主理，梗係要去試一試啦～ 🤗午餐時間都見有唔少人排隊，我地大概排左30分鐘至有位～ 餐廳裝修簡約，環境非常光猛，坐得舒服 👍🏻餐廳主打食烏冬，而且有唔同食法！車仔麵式嘅自選烏冬、湯烏冬、鐵板烏冬、鍋燒烏冬😆唔食烏冬都有其他選擇：定食🍱、咖喱飯🍛、關東煮🍢、鐵板飯🥘～ 炸雞有3件，外脆內軟，而且非常juicy；咖喱湯香而不膩，對於重口味嘅我黎講略為淡口啲，再濃少少會更正 😋份量十足，成個鐵板都佈滿炒香嘅烏冬；豚肉用咗腩片，肥瘦適中，而且俾嘅份量亦唔野少 😂大阪燒汁，加埋柴魚碎同沙律醬，非常惹味。🤤烏冬口感煙韌有咬口，唔會一夾即斷。有2件，配一碗熱嘅天婦羅汁，都幾特別，味道唔錯～ 炸漿唔係一般天婦羅炸漿，但都非常鬆脆。😚雞軟骨正常，配埋檸檬汁 & 沙律醬，開胃。餐廳仲係試業中，暫時只收現金，大家要留意啦～ 😜

將軍澳TKO Gateway 開咗間新嘅日式料理-俺流亭，趁放寬限聚令夜晚同女友去試食新嘢！舖位位置前身係連鎖壽司舖，而家裝修寬躺好多，限聚令下對面冇人坐，坐得更加舒服😅俺流亭菜式包羅萬有，有湯烏冬，窩燒烏冬，鐵板飯，關東煮，丼飯，定食同埋各種日式小食。我哋叫咗窩燒烏冬，湯飮落比較咸，唔知有冇落師傅😑烏冬配料豐富，蜂巢豆腐沾滿湯汁，食落很juicy。 烏冬除咗窩裏配料，我哋仲叫咗炸雞件，雞肉嫩滑唔鞋口，如果配埋沙律汁更加好食😋關東煮本來叫咗四樣餸，唔知係咪開張有少少亂，落錯單，嚟少咗大根，後尾先至補返。鐵板炒烏冬叫咗豚肉，上枱時個鐵板仲燒得好熱，底部啲烏冬好快已經燒燶咗，有啲美中不足。總括來講，俺流亭菜式多樣化，性價比高，就可享唔同嘅日式料理。