源祖之味古早蛋糕店 (Closed)

我地已經有一段時間無去過樂富廣場 今日一去就發現商場多左唔少新店舖🤩 仲有古早蛋糕賣 呢間古早蛋糕店標榜用全天然食材 現場新鮮製作 仲有大大塊玻璃睇住師傅整蛋糕 透明度好高😆我地今次就試左雲石紋朱古力同香滑奶黃味😋 雲石紋朱古力面頭就見到好多粒粒朱古力 蛋糕好鬆軟 朱古力味香濃又唔會好甜👍🏻 香滑奶黃味係原味蛋糕中間有一層奶黃 令鬆軟綿密既蛋糕蛋香味更出眾👅 食唔哂放雪櫃第2日用微波爐叮番30秒一樣咁好食架🌟

如題. 慕名而來結果名過於實. 🥶收工之後去到甘岩最後一round蛋糕出爐。得返兩個鐘頭之前嘅朱古力味同埋10分鐘之後會出爐嘅流沙蛋黃蛋糕。嗯⋯⋯見到都已經有人排緊隊咁就試吓啦⋯⋯平時收工見到啲人拎住袋古早蛋糕好奇喺邊度結果OpenRice咗發現樂富開咗一間仲要評價唔錯。 食落去覺得個蛋糕比較林，加上蛋黃味我真係唔係特別鍾意，不過不失。我鍾意比較軟綿綿但係有彈性嘅感覺 九龍城嗰間做到所以我一路都係捧場客，驚肥都會食。而且蛋香亦都係九龍城嗰間做得比較好不過啲人話九龍城嗰間係湖北雞蛋有啲驚，$85真係貴咗啲不過like左佢嘅IG可以平$10。但係$75真係唔值囉。會比多一次機會佢食我最愛嘅芝士蛋糕。發現OpenRice要人寫咁多字原來係要真係有用㗎如果你好唔鍾意食呢間野你會有好多意見。另外有個問題發現坊間好多古早味蛋糕舖頭都會開定個盒同埋個袋擺喺度等入袋，其實可唔可以有塊板格住呢？並唔係淨係呢一間嘅問題，而且佢哋係咪應該方文支酒精搓手液喺收銀呢？不過呢間舖頭同其他有啲唔同嘅就係一個人收銀，另一個人比貨，另外兩個人入貨咁。我都覺得還可以啦唔錯～不過公平D講番本人唔太愛好蛋黃味。最愛芝士味

呢間店舖嘅師傅特意去台灣拜師學藝🇹🇼用料選取北海道3.6牛乳🥛、歐洲進口雞蛋🥚同韓國低甜度砂糖，每日人手新鮮製作。💗芝士愛肉鬆($85)蛋糕質感鬆軟綿密，帶濕潤感，不過蛋香唔算好突出。中層用上濃稠嘅澳洲芝士，鹹香十足，趁熱切開仲會拉絲🧀面頭再舖上大量惹味嘅肉鬆🐷💗雲石紋朱古力($75)雲石紋蛋糕內加入比利時黑朱古力漿，食落有濃郁嘅朱古力香，口感軟熟有彈性🍫夾集住半溶朱古力粒，味道香濃回甘，甜而不膩 🤤

今日專登去樂富,食完超好食嘅壽司郎😋路經這裏商場發現咗新開張冇幾耐ge 源祖之味古早蛋糕🤩 見到佢新鮮出爐，好多人排隊，我就跟住排隊諗住試吓。店員會先俾個牌仔你,分到牌仔就有得買啦🤗即場follow Fb or Ig 仲減$10 👍🏻結果買到新鮮出爐ge芝士味古早蛋糕$75😍😍減咗$10之後就$65😁之後即刻忍唔住偷偷地匿埋一二邊偷食咗一啖新鮮滾熱辣ge蛋糕果然好正好重蛋味，個蛋糕彈下彈下真係好正！拎到返屋企就已經凍哂，不過仲係好味即係呢一個蛋糕無論熱食或者常溫都係咁有質素因為個蛋糕好大個，一日食唔晒放返係雪櫃今日喺雪櫃拎出嚟凍食，好食到停唔到口下次經過一定會再幫襯！！去樂富又有得食到壽司郎🍣又食到正蛋糕 🍰真係好開心呀，下次一定會多啲去樂富支持你地源祖之味古早蛋糕

我自己最愛的古早味蛋糕店暫時只有這間最合心水：源祖之味古早蛋糕店現時其第三間樂富分店正式開幕啦！ 來到樂富廣場店我見到還有可愛到爆的打啱位呀！大人細路都會覺得開心呢！而且佢嘅的古早蛋糕一向有水準的，方面今次我選了海苔肉鬆古早味，蛋糕佈滿了海苔肉鬆，口感有層次，配上微甜蛋糕層原來好匹配，而且鬆軟又有雞蛋香軟可口的感覺！現時源祖之味古早蛋糕店為慶祝樂富店開幕，所有分店都有減$10優惠！由今日至12月31日like 源祖之味專頁即可享有減$10優惠。包括寶琳總店、上水分店和樂富分店呢！樂富分店：📍樂富廣場A區3樓3177號舖UNY生活創庫上一層

早幾日去開樂富約左人食晚飯，點知個fd 話ot要遲d 來，咁好啦大把時間，咪去行下UNY, 點知我竟然見到謙謙最愛的古早蛋糕店，仲要岩岩出爐係我地最愛的雲石紋朱古力味，點喎咁吸引唔買回家唔得啦！但如only 買一口味又唔太夠屋企人食， 最後我都買多件 芝士愛肉鬆，因公公婆婆鍾意。買完仲有時間去 Pacific 嘆返杯咖啡 等朋友來。同朋友食飽飽回家， 謙謙見到我拎住個盒開心到呢！ 自己去拎刀切，但我想講那時已經10點半 ，仲食得落，要瞓覺喎。謙謙真係好鍾意食源祖之味的蛋糕， 咁晏可以自己食兩件先瞓覺。其實我好明白嘅，因為我自己都忍唔住，食左先軟綿綿的香濃朱古力， 又忍唔住食多件肉鬆愛芝士， 肉鬆在上面焗得香口， 而中間d 芝士夠哂多。我第二日焗返熱來食， 芝士仲加溶更加香， 所以古早蛋糕室溫食又得，加熱食又得，好方便。

去樂富搵朋友溫書個時，竟然俾我發現新開咗間古早味蛋糕！即刻買返兩個同朋友一齊食-🧀香濃拉絲芝士｜💰75返屋企叮翻熱即流心！勁多芝士本身打開已經聞到芝士味芝士嘅鹹香配埋蛋糕嘅蛋甜味，恰到好處.🥚奶黃｜期間限定｜💰85好香奶黃味！仲要奶黃份量十足奶黃本身嘅甜味，加埋蛋糕好似更加綿密更濃郁✨.蛋糕體蛋味好香濃，而且好鬆軟。唔會好乾，啖啖都好濕潤嘅感覺，口味又濃郁✨而且超厚身，口感十足又綿滑-今次係我第一次食古早味蛋糕ε-(´∀｀; )一吃便愛上了✨包裝又可愛，以後一定會成日買黎食！啱啱攞上手嘅時候兩個蛋糕都仲好熱辣辣🔥而且隔住個口罩都聞到好香蛋味(｡･ω･｡).‼️全線分店12月讚好FB/IG就有10蚊優惠‼️.🕙佢哋個IGPage同埋掃盒上面個QR code都可以睇到佢地出爐時間表ε-(´∀｀; )見到寶琳總店仲買3件就免費送貨到附近地區呢