Video
Introduction
It is managed by a couple. All the dishes are exquisite and made by heart. Bosses are willing to communicate with the customers and introduce them the way of cooking. It is a pet friendly restaurant that you can bring your pets along.
continue reading
Additional Information
真正由廚師烹調出嚟嘅食物，全自家製，無添加、無味精、無防腐劑
Opening Hours
Mon - Fri
12:00 - 14:00
18:00 - 21:00
Sat - Sun
12:00 - 16:00
18:00 - 21:00
Above information is for reference only. Please check details with the restaurant.
隨心所欲，路過餐廳🍴門口，望入去，感覺不錯，就鎖定目標吧🤩。 一進入內，空間感十足，左面還設有兒童樂園🎠區，一套湖水綠梳化🛋️，有櫻花🌸樹，牆壁上有活動小魚🐠🐟圖案，由於是節日，還有大大棵的聖誕節🎄🎁及聖誕裝飾❄️🎅🏻☃️。 另一邊就是一排的半梳化🛋️座，座位不算多，只有幾張枱。這小店是由一對夫婦👩❤️👨營運，有2個仔仔，他們的大仔👦🏻還化身為小店長，負責落單及「招呼」客人，👦🏻非常活潑好動，溶入每枱客人中，到了我們處，還坐下，每事問，十分攪笑。 我倆點了 ～自家煙燻豬腩片🥓卡邦尼🍝 ：好多芝士🧀，形成一座芝士山🧀，味道香濃，意粉好滑，口感不錯👍🏻炸魚薯條🍟 ～ 剛炸起的魚手指及手切薯條，熱騰騰，份量還可以😌，好正😋窩夫🧇配雪糕🍨 ～朱古力醬 ～ 甜甜蜜蜜，開開心心🥰，當然要食埋甜品，窩夫🧇都好脆，有4件，但雪糕🍨只得一球，少咗啲，有2球會好一點😌到我們離開時，👦🏻還依依不捨，與男友玩一會才肯罷休，細仔此時也走來湊熱鬧，玩埋一份，好可愛的小孩🤩，帶給我倆片刻的歡樂🥳由於是家庭式經營，上菜速度不算快，唔趕時間就會覺得好享受，總好過限時限刻的食店😌
continue reading
將軍澳南呢邊有好多人氣食肆，當中有間餐廳比較低調，一直都想試下佢！Our Little Dream由一對90後夫妻成立，佢地兼任大廚同侍應，大仔都會一齊幫手，呢種家庭式經營特別溫馨🫶🏻 主廚熱愛烹飪，曾經係星級餐廳工作，將寶貴經驗總結成一本食譜，創造出獨一無二既菜式。餐廳地方好大，但只有一半座位比食客坐，另一半變成兒童遊樂場，有梳化同玩具，岩哂小朋友放電~ 佢仲係一間寵物友善餐廳，歡迎客人帶埋寵物黎玩添🐾以小店黎講menu都有好多選擇，由湯﹑小食﹑前菜﹑pizza至主菜都有。Lunch Set既價錢都幾抵食~ 不過少d野揀。呢度得兩夫婦打理餐廳，已經想像到佢地由備料﹑烹煮﹑去到清潔都係親力親為，真係唔容易呀🙌🏻♢ 🌽煙燻粟米凍湯 $67呢個湯用氣泡碗裝住，成個fine dining咁氣派非凡！粟米湯質地濃稠，夠哂香甜，帶住少少煙燻味，好特別。原來廚師都花左唔少心機架~ 佢將粟米炒香後用攪拌機打成湯，再將蘋果木既香味滲入湯，難怪可以做到咁獨一無二既味道！♢ 🍳低溫慢煮蛋黃薯蓉 $68呢道菜簡直係視覺享受！一塊塊薯片圍住粒蛋黃，好似朵花咁靚~ 仲有D金萡係頂，滿滿既高級感！蛋黃火候控制得好好，經慢煮後呈現半流心既狀態，味道香濃。蛋黃底下係鮮壓薯蓉，口感綿滑，配埋薯片一齊食好正！♢ 🍔Mini Burger $118一個價錢食到3個口味，分別有龍蝦堡﹑手指魚同BBQ手撕豬。每塊包都有焗過，包皮微脆又夠軟熟。最鍾意既係手指魚burger，炸得金黃酥脆，D炸粉同魚柳combine得好好。♢ 🦞龍蝦意粉 $328賣相不得了~ 個presentation可以同高級餐廳媲美！兩大條新鮮龍蝦肉，肉質彈牙，仲幫你起埋殼。個意粉醬都非常正，聽講大廚用左龍蝦頭去熬d龍蝦汁出黎，真材實料，唔會好似出面咁用番茄醬就算~ D意粉軟硬度都煮得岩岩好，好掛汁，每一啖都食到香濃既龍蝦汁。♢ 🍫OLD Chocolate $58朱古力味好香濃，仲有好多忌廉，中和左朱古力既甜度，味道剛好。睇得出呢間小店一家都對廚藝好有passion，每樣野都做到好仔細，對出品有要求，由賣相到味道拍得住高級西餐廳✨ 佢既湯同小食特別impress到我~ 幾十蚊食到咁高質素，非常抵😍 而主菜都價錢合理~ 不過上菜時間有少少慢，始終佢地得兩公婆一腳踢，所以大家要比多少少耐性喔。希望大家都可以黎支持呢間追夢既小店 — Our Little Dream❤️
continue reading
無仔細睇食評，星期六晚去咗將軍澳Monterey Place間Our Little Dream，成個過程可謂充滿驚喜😂😆首先進入餐廳，由一位身穿圍裙小朋友，過來招呼接待，雖然小店員年紀輕輕（佢話我估中佢6歲要🤫🤐），做起事上來井井有條，十分有趣。佢落單會寫英文同畫公仔，準確無誤。 仲有我哋想轉枱，佢仲幫我哋再抺多次枱，確保衛生。 👍🏻後來，除咗小店員，仲有個約兩歲嘅細佬係度，睫毛長長，周圍走，仲嚟撩我哋玩，勁可愛。睇真啲個menu，先知係對90後夫婦開嘅家庭式小店，小店員就係哥哥，感受到哩家人嘅熱誠，仲好有愛。💖講返食物，首先嚟嘅係紅菜頭濃湯，紅菜頭味道濃郁，不過不失。再嚟嘅係自家製嘅8吋手拉薄餅，味道揀咗番茄醬，材料加咗雞肉，pizza 好脆又熱辣辣，好好食😋！最後係龍蝦意粉，龍蝦有兩大條肉，肉質彈牙新鮮。個人較鍾意清淡口味，所以覺得意粉醬汁稍多，過於濃味。另意粉雖然係加咗底嘅，不過男士一定都會覺得份量唔夠。餐飲揀咗熱菊花茶，味道清甜，幾好飲。整體食物質素同味道都係中上，只係份量略為細份。服務好特別，我得到小店員同意，俾大家睇下佢認真嘅工作時嘅表現，佢為哩間餐廳加唔少分🤩。如果有小朋友嘅，仲有好大嘅空間俾佢哋自由玩同活動，又有小梳化坐，好relax。不過有一點一定要提：趕時間嘅就千祈唔好去，因為每份食物都用心制作，大家記住要耐心等候。☝🏻
continue reading
餐廳係由90後夫婦開，食物質素高價錢合理仲有夫婦六歲長子小店長，由帶位去推介食物，落單到收錢都係佢一腳踢，一個非常聰明嘅小可愛，一間很用心好有愛嘅餐廳，多謝你帶比我咃一個歡樂嘅星期六！
continue reading
好少寫食評，但呢間小店好值得支持🧡感覺到佢哋用心制造食物，出品有質素😋👍今次試咗龍蝦意粉同黑松露多士，十分推介👍😋💯希望下次試埋出名嘅卡邦尼意粉😁加上有2位超級可愛又乖又叻嘅小美男喺度💙💙一定會再幫襯😋😁
continue reading