Our Little Dream (Closed)

見見到好多人留低好好既 review ，今晚專登黎試下，果然無失望，仲要食得好開心，估唔到將軍澳有d咁高質既西餐！係門口有位小店長（廚師既大仔，只有六歲）招待我地。小店長好醒目，態度好專業，成晚不停走過黎同我地傾計。我地兩大一細叫咗兩個意粉，一個 carbonara 一個 龍蝦意粉。加$10 可以將意粉加大。本身想將 carbonara 加大，不過小店長建議我地將龍蝦意粉加大，因為佢話龍蝦意粉更加好味，我地就聽佢意見。小店長果然無錯。雖然 carbonara 都好味，不過龍蝦意粉更出色。個味道同presentation真係比其他高級餐廳更吸引。外面好多餐廳既龍蝦意粉係用番茄醬加幾塊龍蝦。呢到係真係用龍蝦醬做個底，個醬好似 lobster bisque咁，意粉煮到 Al dente 好 perfect。廚師仲好細心，分開預備咗少少 chilli flakes，比客人自己決定加唔加。我地再加咗個 salmon steak 同玉米比小朋友。雖然係兒童餐，但係睇得出廚師照好比心機煮，三文魚煎得好脆。另外好加分係餐廳有個 play mat 同玩具比小朋友玩。有小朋友既大人都知道帶小朋友出去食野最

今日同女友去澳南海岸食飯，Our Little Dream既門面平平無奇，但餐牌卻吸引到我，晚市套餐最平只要$288😱餐廳由一對90後夫婦經營，今日我仲見到佢地兩個可愛既仔女！入面餐廳面積幾大，廚房屬於開放式。全部座位放置係餐廳既一邊，剩下既空間係兒童既遊樂場。一坐低老闆娘送上一粒看似朱古力既小食，原來係墨魚汁製成既天婦羅，入面係刺身級嘅帶子🤩。外層麵衣香脆薄身，濃郁既蒜蓉醬同鮮甜既帶子好夾，估唔到小食已經咁精緻😍- 希臘魚湯 🇬🇷 味道同中式魚湯截然不同，檸檬同香草既味道好突出，另外魚無骨兼肉質鮮嫩。平時西餐嘅餐湯多數係忌廉湯或番茄湯，今次希臘魚湯有驚喜，一飲便愛上😍- 風乾火腿番茄蓉包片🇪🇸餐廳將風乾火腿切得比較碎，食既時候唔需要過度既咀嚼🤣。麵包非常香脆，加上蕃茄碎同少許橄欖油，香味撲鼻，同時幾開胃。- 日本真蠔配櫻花蝦意大利飯 🇯🇵 嚟自岩手縣既真蠔同我手掌一樣大。肉質飽滿口感肥美。另外配上沖繩既海葡萄，口感超似魚卵。意大利飯由櫻花蝦同紫菜整成，食落唔會話太creamy食一兩啖就好膩，加左櫻花蝦令口感更豐富。套餐加$50就可以食到別出心裁既意大利飯同生蠔😚- 龍蝦意粉廚師將蝦頭

Wheeee (｡･ω･｡)ﾉ٩(˃̶͈̀௰˂̶͈́)و【家庭式小店　食物一樣掂】呢間係將軍澳新開嘅小店，由做廚師出身嘅兩夫婦經營👫🏻 有兩位小朋友嘅佢哋對食物有絕對嘅執着，為咗食物可以盡可能少啲防腐劑同添加劑，寧願辛苦啲堅持全人手製作醬汁、麵包、煙燻豬腩片，都唔用隨街都買到嘅現成嘢，真係好難得🥺一入門口就感覺到佢哋同其他餐廳嘅分別，佢哋有一半嘅空間都係用咗嚟做小朋友嘅遊玩區🧸 而唔係放滿密密麻麻嘅枱，亦因為咁，家長都可以放心望住啲小朋友四圍玩😛～我是Menu～流心鵪鶉蛋肉球 $88呢個係用咗西班牙豬面肉🐷包住半熟嘅鵪鶉蛋🐣再高温油炸而成嘅肉球🧆 我覺得比起整傳統嘅蘇格蘭炸蛋更加有難度！面頭相信係店主自製嘅沙律醬，感覺食都食得安心啲🤣 秘製炸雞 $88雖然只係小食，但係份量一啲都唔細😆同埋都每件幾大嚿，炸雞嘅外皮又薄又脆，食得個粉漿加咗香料調味🧂而入面嘅雞肉仲能夠保持嫩滑🐥 另外仲有店主自製嘅honey wholegrain mustard可以點嚟食～龍蝦意粉 $328一入口就食到極濃郁嘅醬汁，好香嘅龍蝦鮮味🦞 應該係用咗龍蝦頭炒再熬製而成👩🏻‍🍳 意粉唔會太腍，又掛到汁🤤 兩邊嘅龍蝦殼入面都有已

將軍澳海濱果邊進駐左唔少新餐廳要跟都跟唔切😂吸引左好多朋友打卡偏偏我地選擇左一間唔太起眼既小店環境非常闊落 未食已經覺得chill 🤣左邊空間擺放左梳化 而且地下有軟墊可以比小朋友玩玩具 右邊空間就係做生意既地方最入係一個開揚既廚房做得開放式既廚房 相信都對自己幾有信心💪🏻👀咁多隻眼望住 唔多唔少都有啲壓力🤣適逢當日有十幾人開緊party 慶生🥳🥳小朋友有小朋友area happy大人有大人傾計happy原來小店亦可攜帶竉物👏🏻🐶狗狗也要chill一chill◼️◾️▪️龍蝦意粉▪️◾️◼️比本Menu既賣相吸引左！擺盤靚仔有氣勢🦞龍蝦肉結實又彈牙，亦已經拆晒肉，唔洗自己出手！聽講龍蝦汁係由龍蝦頭同蔬菜去烹調，所以食落唔止得龍蝦既鮮，點講呢🤔味道係好濃郁惹味，同我係出面食開既龍蝦汁意粉偏膩又易有飽滯感既唔同！！呢碟係食完覺得對個胃無負擔，好輕鬆好舒服，一啖想接一啖食，面頭仲貼心地擺左唔少配菜及蝦仁，口感就唔會咁單一，極好掛汁🥰食完唔會覺得口渴！意粉軟硬適中，我鍾意成碟意粉唔係走creamy路線，真係一啲油膩感都無👍🏻另附上乾辣椒，小店話味道會更提升更夾，而我地覺得就咁食就最真實最好味😋◼️◾️▪️手切

最喜歡幫襯自家開既餐廳，這間特別的家庭式餐廳，入内會有個小朋友比餐牌你😆，環境裝修好和諧，樓底高、開揚、坐位也唔算多當晚也差不多坐滿，這晚試了個父親節特別二人套餐，有牛排🥩小食和甜品，額外加份龍蝦意粉🍝三個人都剛好夠飽既，十分欣賞店內那個發光球體，内裡播放的音樂也很舒服，當晚是老公生日窩心待應特別和神秘哋送上一件蛋糕🍰！還願意幫忙寫上祝福字句，字體靚到呢….真係好感動好有愛！這份禮物🎁唔係間間餐廳可以做到比客人，真係好多謝這餐廰的安排，絕對滿足和愉快的用餐經歷。記得訂枱要預先要求啊🙂

終於都嚟到週末，一於食返餐好嘅本來同男友去海旁啲餐廳食，咁啱見到一間新開嘅店舖本來都心大心細，但見佢like 社交平台有炸雞送，一於試吓估佢唔到個炸雞咁好食，本來諗住免費嘅嘢都唔抱太大期望，點知一上枱嘅時候賣相已經好吸引，咬落去嘅時候更加不得了聽廚師講，個炸雞用咗雞髀肉，個脆漿唔係平時街邊食嗰啲死實實又厚嘅，係佢哋自己調校，薄薄地撲上一層粉，再逐份拎去炸，真心好食。食完仲要唔油膩，我食得兩嚿，其餘俾男朋友清晒等咗一陣，終於上主菜，我叫咗個水波蛋，三大片厚厚嘅煙三文魚，賣相靚靚仲要跟個沙律，食得出啲沙律係即刻整，生菜好新鮮，唔會好似出邊啲餐廳咁預早整好曬，上枱嘅時候d菜已經淋曬男友唔係好好西式早餐，好彩有意粉食，佢叫咗個龍蝦意粉，呢個真心推介一定要食龍蝦超級彈牙，仲要好細心咁幫你起晒肉，食起上嚟好方便，啲意粉吸收晒啲龍蝦汁，以呢個價錢來講，真係冇得輸。大廚話啲龍蝦係佢哋每日去街市新鮮買嘅，唔怪得知咁新鮮彈牙啦，坦白講，佢好食個平時喺酒店度食三百幾蚊碟嗰啲。男友只係分咗一細啖俾我，自己成碟清晒，為咗呢啲意粉，佢話一定要再嚟食多次。同大廚傾開，原來佢哋開業兩星期，依家好多嘢都仲係嘗試階段，希