Outback Steakhouse (Moved) New Location

仲未病好,但厭倦清淡既我懶得戒口今日決定食outback等左一陣就有位,不過位置唔係好舒服...叫左blooming onion同兩個burger,落左單就有麵包食麵包 : 我咳到死,唔可以食果pat cream,男友食左兩啖都無再dip,應該無咩特別...不過麵包好好食,甜甜地,暖笠笠,而且好鬆軟blooming onion : 等左超耐先有野食,但黎到個onion竟然係唔熱既...男友即刻叫人換,第2次黎既終於係暖(仍然唔熱),不過算啦btw,d onion炸得一d都唔靚,似dying onion多d...burger : 男友叫左牛果個burger,我叫左個自選burger,因為唔食肉就俾左塊扒男友個salad無乜味,無乜特別,薯條唔錯,熱辣辣,burger都ok,不過芝士無咩芝士味...?我一向堅持唔食淨野,不過今次真係唔得...飽到上心口,男友都食唔哂我俾佢塊扒,我地仲食淨半個onion同d薯條...好guilty

今次係第一次帶同可可樂樂一齊出外食飯, 好開心可以一家人品嚐美食.我帶住可可樂樂先到餐廳, 當然事前巳致電訂枱, 當時六點幾, 餐廳都無咩人, 坐低後睇左陣餐牌, 爸爸還沒到, 橫掂最後都係我決定食咩, 所以我叫預計佢差唔多到時, 叫定野食等佢黎到就有得食, 係咪諗得好周到呢?因為我唔食牛羊, 所以選擇相應少左好多, 本來想叫佢最愛的芝士薯條, 但諗起佢呢排喉嚨不太舒服, 都係下次再試吧, 最後我叫左個蘑菇湯, 一個卡邦尼意粉, 一個愛麗斯坪"烤雞胸肉.個侍應知道我係度等人, 於是上左黑包麵包俾我食住先, 真係熱辣辣好軟熟, 我切左一舊又一舊, 因為實在太美味, 但都記得留番一半俾親愛的他一齊品嚐 跟住我的蘑菇湯到左, 因為之前睇過食評知道呢度既湯好杰, 試左一口, 好好味而且好多料, 食多兩啖諗諗, 咁好味既野我又想佢都嚐嚐, 但一人一半唔多夠喉喎, 於是我又叫多個湯俾佢, 自己就開開心心繼續攻戰面前的湯.當佢來到時, 意粉及烤雞亦都來到, 時間可以話係啱啱好(自己安慰自己), 我好似小學生發現新大陸咁, 開心的不停叫佢試試麵包, 跟住又催佢快試個湯, 連佢都笑我到底叫佢試邊樣先 卡

我尋晚同幾個朋友夜晚大約8:30左右到荃灣愉景新城o個間outback 食晚飯, 我成日都會同o的朋友來食, 因為覺得這間鋪o的廚師真係煮得好好味, 尤其係意粉同steak. 其他小食都好味.不過唔知點解, 去親這間outback 都好似見到o的waiter / waitress 好忙, 由你叫落order 到等有得食, 問佢地比杯水飲, 都要等好耐, 平時人流多唔多, 我就唔清楚, 但係冇理由星期日甘多人, 都係見到只有3-4個waiter / waitress. 有乜搞錯呀. 成間鋪甘大, 又多人來食飯, 唔係個廚師煮得好味, 我唸真係未必會來, 因為直頭覺得冇service. 我都問過o的waiter / waitress 點解冇人家, 叫公司請多幾個返來幫手, 明知星期日, 都只得3-4個waiter / waitress, 真係有o的問題. 同埋見到佢地都好辛苦, o的碟, 玻璃杯, 鬼死甘重. 有o的waiter / waitress 身型矮小, 還要用手托起個盤, 真係會做到肌肉勞損呀~我都試過係佢公司WEBSITE 投訴過, 不過好似冇乜人回覆您.真係希望這間公司對O的

今晚諗住近近地搵地方鋸扒, 諗左好耐決定到荃灣OUTBACK試下...等左一陣就有位, 我地叫左:- 洋蔥球- 一個西冷SET (5成熟)- 一份豬肋骨 (改跟沙律)點知..........等左一陣, 應該先黎既麵飽同水都未到, 就黎左個洋蔥球, 接住就黎塊有成7成熟既西冷, 跟住到未解夠凍既沙律, 再到豬肋骨....0係食到一半既時候餐湯先到......差唔多食完先有個麵飽比我地..........試問咁既次序又點會食得舒服呢???不過呢D唔係WAITER既問題, 佢都已經盡左力, 公司應該請多幾個人幫下手~~

聖誕節對我黎講係多一個意義, 因為 6 年前既今日係我地2 個既結婚日 原本我想去食日本野, 不過我老公話不如食好D 啦. 禁我地就去左 outback , outback 係我地有節日要慶祝既地方之一. 當晚沒有 book 枱, 但由於 6 點去到所以不用等, 但要7 點半交枱, 而且不用minimum charge < 我記得之前試過在情人節去食要收minimum charge>, 唔收就更加抵. 佢地做緊 2, 3 - 4 人set, 價錢都幾抵食, 有湯, 主菜, 意粉同餐飲 (如: 2 人set 都係收4百幾, 如白金會員個set 只係$350左右), 但個 set 有牛而我地2 個都唔食牛所以冇叫. 不過, 個優惠期好似去到明年2月.我地叫左: 羊架 : 由於老公唔食生野所以叫左7-8成熟, 份量同平時一樣. 不過, 唔記得將其中一個小食轉做甜蕃薯 失望 豬肋骨 (全份) : 今日食既唔同, 不是味道唔同, 而是個豬同個骨. 平時要好出力先可以骨同肉分開, 不過今日既就1 刀分開左 . 唔知係唔係用左其它方法, 不過好似煲熟左

與家人共聚, 訂枱時, 接聽電話女職員說可以$400入會,有15%off, 並有$250coupon($200+$50), 有兩年期,可同時即時使用. 還有每月coupon優惠,問她是否要預先購買, 她說可即買即用.到用餐當日, 男侍應同樣重覆女職員的話,我們即時填表入會,跟著男侍應説是他攪錯, $250coupon不可即時使用, 而$200+$50coupon必須分開使用,只有有15%off,他説是他攪錯,我們可取消入會既然一心打算到此吃飯, 就沒有再與他計較. 繼續入會.我們叫了個4人套餐, 包括三文魚沙拉, Cream of Chowder, Sirloin,spaghetti and drinks (可選紅酒).炸洋蔥花, Baby ribs, Mussels, 安格斯牛排(好像是16oz). beer, 雞肉漢堡老外的安格斯牛排是medium rare, 真正是血淋淋, 他說Very good. 沒有太多肥肉,另一人試吃後也說很嫩,很鮮.西冷是6成熟, 肉質也不錯, 仍然不韌.炸洋蔥花的確名不虛傳, 香脆不油膩,賣相很好, 食得睇得.意粉味道一般. 份量足夠Mussels很

因為有COUPON所以我黎又黎食嘞~ 第一次黎JOIN左個MEMBERSHIP 有DISCOUNT 先會黎, 如果唔係都未必會食今次唔知係咪早黎, 黎到就有位, 坐低無耐就有人拎個黑糖麵包黎, 水到未到就有包包食, 記得上次黎都無, 唔知係咪先到先得..呵呵1)黑糖麵包-平時見D人講到咁好食, 緊係好想試下啦..不過凍冰冰又實的的, 似個粉團發酵唔起, 好痴牙, 唔鐘意, 又唔明點解D人話好食2)凱撒沙律-沒有什麼特色, 但我個人喜愛沙律, 所以認為好味3)羊扒跟墨西哥飯-我地西6成熟因為上次黎叫7成都黎左9成所以今次叫6成怕太熟會UN, 今次又無過火喎, 仲有D有血水TIM, 不過好稔, 點埋個SAUCE 剛好~ 而個飯都好好味4)洋蔥湯-一向對呢D又濃又稠既湯無好感, 似飲SAUCE一樣5)牛扒跟焗番薯同焗薯-不得不食既係佢既焗番薯,第一次跟焗番薯因為成日諗甜同咸一齊好怪, 不過真係好得, 一定要食~!! 牛扒同樣都叫左6成, 佢表係ROAST, 裡面係稔, 好味~6)CHOCOLATE THUNDER- 黎得呢間食都係為左佢架啦, 係偏甜, 不過夾住雪糕同忌廉一齊食就岩岩好, 餐

因今天為同事farewell 脫苦海, 所以去了荃灣OUTBACK吃lunch....先點了一個四人餐加兩款小吃, 味道真的不錯... 在等食前, 侍應先生先送上黑糖麵包先享用.... 在這時候, 我的經理先生竟然愛上了這麵包.. 最意想不到的事係, 侍應先生好體貼地提醒經理先生先吃餐後唔夠才添加麵包... 最後我的經理先生總共食了五個黑糖麵包如下: -~ 餐前三個~ 餐後兩個PS: 要多謝侍應先生沒有嫌棄, 繼續送上麵包....

真係火都黎埋本來今日要來跟朋友慶祝生日BOOK了7點, 但有事未能準時前來佢地留左我電話又唔打黎問下我地到唔到咁就比左位WALKIN既人我明白做飲食既冇話吉起個位唔比客食野這個又不能怪誰最衰就係我明明BOOK左台話明生日, 冇人MARK底既咩?冇人問過係咪有人生日, 對下身份證, 又話有甜品送結果到埋單都冇人問過, 難道要當著我朋友面前問佢生日,我要甜品咁樣既咩?就算呢樣你地覺得冇問題咁下面呢個就有問題啦掛特別係今日招呼我地入坐果位小姐一D服務態度都冇係呀我地係遲左黎你唔使咁冷漠, 咁不肖咁同我地講一句 "你地遲左WO"你想我答你咩野, 依家係咪校務處報到?!?要同你SAY SORRY我地遲左咁樣??你地好彩, 如果我仲做緊之前間公司, 我實同你地OUTBACK 香港總經理投訴你地你點出黎做野, 咁既服務態度!以後我食OB情願出尖咀都唔黎呢間

原本冇諗住黎食~所以冇帶相機黎~可惜2個人食左個肉眼set同埋大蝦蘑菇寬條麵跟餐有caesar,做得不錯~dressing唔會太濃黑糖包好好味~只係硬左少少pasta個汁好夠味~芝士味夠濃~份量算多肉眼食medium~都好準~有肉味~有2種伴碟選幾好~選左焗薯同雞飯~~焗著有驚喜!service到位~有禮貌!走之前申請埋vip~488蚊用2年~有500蚊優惠券~即場可以用250現金券!仲好詳細解釋用法條款~~不錯~埋單100蚊有找~~當然係折實左啦唔折每人約170蚊~

很久之前在銅鑼灣的OUTBACK吃過覺得不錯,所以今次在荃灣與友人吃飯再次選了OUTBACK......今次依然選擇了肉眼排,覺得比上次好吃,不知是否與不同分店有關,而洋蔥餐湯真的很多洋蔥,可惜我不太愛吃洋蔥......至於伴碟的薯條與飯真的非常好吃,是最令我回味的東西呢！另外黑糖麵包真的不錯,因為我喜愛吃麵包......

我猜我應該有十年沒來過Outback了。平日的夜晚，仍然要訂位，兼且全店爆滿，可惜是失望而回的.....黑糖麵包好像比從前縮水了？炸洋蔥花球曾是這裡的名物，想當年那個比我的頭還要大的洋蔥，如今已經又縮水一大半。洋蔥炸得不好，極不均勻，一邊像燒焦，另一邊卻還有點辛辣，唉。二人餐－忌廉周打魚湯自己沒喝；聽說很不錯。二人餐－豬仔骨看似很「大件夾抵食」，實質冇乜肉。味道唔差，但不算特別出色。二人餐－牛扒二重奏一陣風便吹走的兩小塊牛扒，受熱好像有點問題，一些部分overdone，其餘則血紅紅，奇怪。又，何來二重奏？？雲呢嗱雪糕伴朱古九餅全晚最好吃的竟然是追加的這道甜品！比想像中「低糖」，chocolate brownie也做得很美味。跟餐的２杯飲料甜到甩牙，不喝也罷。所有店員也有點不知所措的樣子，可能忙吧，總是答非所問；食物上菜速度也很慢，應該後會無期了。

雖然愉景新城呢間個帶位女經理出晒名　”黑面，態度差”　架喇，但係想喺荃灣食餐似樣啲嘅Steak，冇計啦，我又再忍，阿經理你今時今日仲可以企喺度，真係要入去多謝班活力十足嘅侍應生同出品部嘅 chef，否則以你這種待客之道，真係拉低晒餐廳個curve架。2人是日菜色：Bloomin’ Onion - 是日失手之作炸得過了火，而且忘記去皮，要一片一片吐掉啡色的皮，平日絕非如此黑糖麵包 - 香噴噴welcome snack，簡直就是震店之寶Aussie Cheese Fries - 有Monterey Jack, Cheddar同煙肉碎， 好好食~係必叫之選長腳蟹配薑炒飯 - 預熱過嘅長腳蟹，啖啖肉，味道好鮮，好食過凍食Prime Rib - Aged prime rib用慢烤嘅方式處理, 令肉味同肉汁都特別豐富Teriyaki Marinated Sirloin - order medium變咗medium welldone，入口韌，乾，粗糙Stella Artois X 2每次食完outback都覺得好有罪惡感，好ｈｅａｖｙ

每一次去outback都不會失望, 記得十幾年前未有outback時, 一大班人去美式餐廳會去Dan Ryan's, Ruby Tuesdays, TGI Friday... 但有Outback後真係只會食Outback... 暫時除左比較不喜歡他們的原味牛外(有些似煲完湯的肉)... 其他所有食物都讚! 絕對係不二之選.我有時自己一個人, 食個黑麵包, 叫個湯加個ceasar salad已經非常夠又滿足!環境, 服務, 雖不太驚喜, 但都非常中上不會失望.

基於上次除夕"豉油西餐"事件,有一排都唔敢食呢檔野. 不過之前有一日放工唔知食乜, 又同老婆黎番呢間分店度比多次機會佢.今次點左芝士薯條,炸雞鎚,湯同埋燒牛肉(5成熟)芝士薯條夠乾身夠香,唔錯,炸雞鎚可能咸左少少,不過夠入味,送啤酒一流.湯都係咁上下,似送飯既汁咁杰...燒牛肉呢.....其實送到上黎我懷疑得三成熟添,除左個邊外其他位都好紅...味道ok既個汁...我見識少,唔知有隻汁食落好似"溝淡左既豉油",不過點兜咁"生"既牛肉食又幾好味喎,結果食得晒!不過佢地點菜上菜既速度真係爭d,始終侍應唔夠人用(反而帶位有成三條女....)以今次既食物質素睇番,應該坐埋去bar檯叫兩杯啤酒兩碟炸野黎咬就差不多!坐底當正餐食就真係爭d (無計,家陣既outback已經唔同以前)