Outback Steakhouse (荃灣廣場)

Open Now

Now Closed

今日五一勞動節公眾假期，荃灣廣場夜晚好多食肆都好多人。最後我參考OpenRice，選了這間。我們兩個人等了大約十五分鐘便入座。在我們的要求下，我們非常幸運坐到剩餘的一張卡位。當我們看到座位時，感到非常驚喜，因為座位非常寬廣而且有很高的隔板隔住左右兩邊，非常有安全感，而且後面有精緻的植物裝飾。黑糖麥包是免費贈送，麵包鬆軟有咬口，而小麥香味和黑糖的甜味非常突出，配合極度香滑的牛油，非常好吃。這個拼盤的炸雞翼和雞鎚外皮香脆和厚薄適中，而肉質尚算嫩滑、不會太乾，並滲出淡淡的辣味，非常惹味。請教了店員，那個醬叫農村沙律醬，和炸雞一起吃是非常夾。薯條炸得香脆而內裏香滑，薯仔味濃郁，配合凝固了的芝士醬簡直一流。美中不足的是豬肋骨肉質比較乾硬，應該不太新鮮，不過很入味。蒜蓉包炸得非常香脆，而且面頭的蒜蓉分量充足，鋪得非常均勻。意粉是均勻地和香草碎、芝士汁和番茄汁撈勻，而意粉煙韌彈牙和入味。青口肉質鮮甜。總括來說，這餐廳的食物質素非常高，而座位與座位之間的距離闊落，用作間隔的透明膠板面積亦非常大，在這疫情下倍感安心。

第一次食outback steakhouse，見到佢哋嘅lunch Menu都有唔錯嘅選擇，而且仲有任食嘅麵包同埋餐湯加野飲！喺荃灣呢一間分店嘅座位都非常之多，而且空間感都幾好！個餐包非常之有誠意，送上嚟都仲係熱辣辣嘅，而且你食完仲可以refill。而餐湯方面都有紅湯或者白湯俾你選擇。喺主菜方面我就叫咗佢哋嘅燒雞肉芝士夾餅，雞肉同芝士都好足料，送上嚟都係暖咗，但冇拉芝士嘅效果，而個賣相都一般般，個夾餅配有煉奶，薯條方面都好香脆！另外凱撒沙律嘅份量都好大份，蝦嘅數量都好多，而蔬菜都好新鮮！大家有機會都可以過嚟試一試佢哋嘅Lunch set！

時間返返去2 月初, 仲未開放晚市堂食嘅時候。同老公放工諗唔到食咩, 行過OUTBACK, 老公話想食黑糖包, 雖然即場外賣有折, 但係原來透過OPENRICE APP 落外賣單仲平, 於是就試吓用OPENRICE 個APP 落單啦! 用APP 落單超方便快捷, 俾錢可以用ALIPAY 或入信用卡資料就得。落單後等大約20 分鐘就有得拎。等候期間見到有個實習生幫手落單, 佢態度親切有禮。食店用OPENRICE 個袋嚟放食物, 個袋好札實, 而且質地係膠, 可以重用。不錯! 我哋叫咗雞肉拼燒蝦寬麵同加拿大全天然無激素黑毛豬肉眼扒。2 個餐都有配是日餐湯同黑糖麥包返到屋企第一時間食咗黑糖麥包先, 加埋個牛油, 真係食唔停口呀! 雞肉拼燒蝦寬麵 份量都幾多, 不過個忌廉汁都幾膩下! 加拿大全天然無激素黑毛豬肉眼扒之前食過一次, 老公好鍾意, 今次都係為咗食佢!豬扒超入味同淋, 真係食唔停口, 我勁快食晒一塊! 個雞味飯好乾身, 又有少少菜, 不錯呀! 份量勁多, 食到好飽! 

用匯豐銀行信用卡，可以試吓呢個優惠套餐。套餐係有雞同豬、牛、海鮮揀，我地揀咗個豬肋骨拼燒雞嗰個。有餐湯，係青瓜湯嚟嘅；另外仲有招牌黑糖麥包 （大家都知呢個係食推介😛）house salad 🥗 有麵包糠、cheddar 芝士碎、生菜、青瓜、蕃茄仔，都算多食材👍🏻 燒肉醬味豬肋骨拼燒雞（半隻）燒雞香同嫩身，而且切開都多肉食，而且因為大家傾斯計，就算凍咗，隻雞都仲係幾好食；反而覺得豬肋骨今次唔太入味同比較細條，少肉咗。燒美國帶子煙肉白汁燴飯👍🏻👍🏻 好食推介！ 煙肉包住帶子，三粒帶子係飯面，擺盤賣相幾好睇。加$28 - 什果美式芝士餅 比我想像中好，至少什果唔係罐頭倒出嚟嘅幾粒糖水水果😝 主要係芒果同士多啤梨🍓。cheese cake 都夠芝士味，太又唔係好濃個種，感覺適中 7 折可以叫野飲 點咗: mango smoothie 同埋 mango Mojito 值得一提，服務態度好；坐得舒服；而且又冇限用餐時間，最適合同朋友傾吓計💖

🟩一向對於呢間既食物質素都有著愛吃及喜歡吃的食物，尤其係佢地餐前的一個麵包，真係特別好吃😋，一個簡單又普通的餐前麵包都咁好味，其他食物就係吃得更加放心。平日大多是堂食，但由於疫情下沒有晚飯堂食，但是就是想吃的心，就去外賣回家享受吃😊———————-疫情下價錢仲抵食$128元，有湯、麵包、薯條、仲有就係主角燒肉醬味豬🐷肋骨😍———————🟧忌廉磨菇湯🥣：濃郁忌廉，啖啖都有磨菇🍄粒粒的湯，又夠creamy，普普通通的一個忌廉湯都可以咁好飲😋———————🟪餐前麵包🥯：呢度個餐前麵包特別好食，加埋佢地滑滑嘅牛油🧈⋯⋯零舍好味😁———————🟨炸薯條：即炸得又香又脆，雖然外賣返到屋企始終會影響某一程度脆的感覺，但因為外賣盒包裝係錫紙盒，所以返到屋企食仍然有脆的感覺⋯⋯😋————————🟫 燒肉醬味豬🐷肋骨：豬肋骨也是我喜愛吃的食物之一，醬汁惹味之餘，肉質軟熟多汁————————想食就食：開心🥳⋯⋯就係咁簡單——————

今日同sis去完睇呢期熱爆嘅紅葉黎左我唔記得幾多年無黎嘅Outback，因為sis好喜歡食呢度嘅黑糖包🥖包得好好嘅餐具😂 位置寬躺，坐得算舒服野食方面，我哋只係叫左簡單嘅意粉set，做完運動需要多啲carb補充體力 哈哈青瓜湯，望落去怪怪的，但味道係ok嘅黑糖包，sis至愛，我就一向唔鍾意食包，不過呢個我覺得唔錯，熱熱的咬落幾鬆軟，加d cream冇咁乾幾好食可以無限refill👍🏽意粉 - 好大碟實夠飽😂個cream sauce感覺有啲pizza hut feel lol唔知係咪味道比較濃，一路食一路覺得口渴，值得讚嘅係staff加水加得好頻密下，service唔錯。嘢飲都係大大杯，感覺上所有嘢都好大份😆幾抵食嘅食完覺得好眼瞓🥱

其實呢間餐廳呢，外賣自取同埋黎呢度食一個月都起碼會食一兩次，我個人就比較傾向揀外賣自取，因為有折扣同埋比較平啲，但老公就想出街，同埋為咗無限refill飲品，所以呢就揀咗堂食！其實堂食都有一個好處，就係食唔晒你都可以問佢攞盒打包返屋企！寫都不失為一個環保嘅做法，一如其他舖頭一樣，門口要探熱，沒有燒才可以進入店舖！午餐嘅價錢真係好親民，尤其是飲品可以無限添飲這一點！同埋他們添飲的度都很快！另一樣鍾意食呢間餐廳嘅原因，真的是為了黑糖餐包！十幾年前第一次食過呢間餐廳嘅黑糖餐包以後，就愛上了！台面有消毒紙巾🧻上次食嘅時候已經點歌了飯及意粉，所以今次便是是漢堡包及芝士夾餅，漢堡包就比較普通，漢堡都Juice，但就比較淡少少！而雞肉芝士夾餅，份量超足，總共有4塊，已經溶透嘅芝士加上我好似食到蘑菇！其實食咗兩塊半已經很飽，最後將剩返嘅一塊，及差唔多冇乜點食過嘅薯條打包！飲品：可樂及檸檬茶湯：忌廉粟米湯黑糖包👍🏻薯條炸得很脆！side dish 就麻麻睇睇，份量好足

今晚外賣晚叫了二個餐和一個烤豬肋骨搥芝士薯仔拼盤，其中一個本來係烤美國帶子煙肉白汁燴飯（$108）, 攞左返屋企變左香草蕃茄海鮮意粉（$98）, 搞錯左，仲收多左錢...😭😭

聽就聽得多呢度既黑糖包係好出名 但我就從未食過 一直都好想試下到底係咪真係咁好食 係咪真係咁出名 咁岩我屋企人都話想試下 咁就要試試喇我地星期六晏晝去到 要等一陣先有位 咁我地先望望Menu 諗住坐底可以即刻叫 我見都有好多選擇 有平都有貴 等左大約15分鐘左右就有位了 餐廳都好大間下 每張枱都好闊落 感覺幾舒服 環境唔錯我地叫左兩個lunch 佢啲餐全部都會跟埋餐湯同黑糖包 今日係蘑菇忌廉湯 好快個黑糖包就黎左 我地即刻切開黎試試 食落熱辣辣仲好鬆軟 真係幾好食 即刻再refill多個黎食 之後啲主菜都黎埋 我地叫左個燒雞肉芝士夾餅 佢一份有四大塊 跟埋薯條仲有個醬 感覺上幾抵食 每一塊夾餅都有好多芝士 反而雞肉少左啲 一個人食晒四大塊既話應該會幾漏下 不過真係幾好食 估唔到會有咁多芝士另外仲叫左個加拿大全天然無激素黑毛豬肉眼扒 黎到個份量又係幾大下 有兩大塊豬扒 豬扒下面仲有個飯 第一塊豬扒食落唔錯 感覺岩岩好 幾滑身 但第二塊就麻麻地 有啲鞋 下次唔會揀全熟應該會好少少 個飯就食左少少試試 食落有少少辣 個人就麻麻地個飯 最後再refill多一次個黑糖包 真係好好食 又係岩岩整

近日盡量沒有約太多朋友聚餐，但一兩個始終都要聚一聚。三人行找個地方吃下東西， Outback係唔錯嘅選擇，因為餐廳比較闊落，而且做足防疫措施。我哋都非常鍾意食這兒的Baby Back Pork Ribs 燒肉醬味豬肋骨因為燒得好香，但裏面的肉質保持嫩滑。跟餐的薯條更是冇得彈，外皮香脆內心軟軟的，好香薯仔味，又有一點小小的酸菜醒醒胃。燒蝦凱撒沙律都唔錯，沙律菜非常新鮮，香脆的麵包粒和芝士加起來，這就是我喜愛的蔬菜沙律。燒虾就不過不失啦。烤美國帶子煙肉白汁燴飯 做得不錯，個飯有creamy的感覺，美國帶子好大粒，裏面還充滿肉汁。今日嘅餐湯係粟米忌廉湯，加上黑糖麵 越食越好味。

晚餐 ....落腳於 Outback Steakhouse (荃灣廣場) ~Menu ~黑糖麵包配牛油 : Outback Steakhouse 的名物 , 美味可口 , 每一台都會有 , 可以免費添加 ~No Rules Pasta 芝士白汁雞肉拼燒蝦寬麵 : 主要用 Parmesan cheese 和奶油煮成的忌廉汁, 質感稠稠 , 夠 rich 亦夠 creamy, 味道有點微辛 , 所有汁都剛剛好平均地包裹著 fettuccine; 雞肉滑嫩入味 , 蝦肉彈牙 , 香口的蘑菇 , 寬麵也煙韌Q彈 ; 所有食材和 sauce 都很融和 , 口感和味道相當豐富 , yummy ~USDA NY Strip Sirloin (12oz) 美國紐約西冷牛扒 : 我點的熟度是 medium rare, 送上枱後立即把牛扒切開來看一看，廚師是做得到 ; 忍不住要一口把肉吃下，牛扒有烤過的香氣之餘，牛肉味道濃郁，肉質也 juicy, 基本上不需沾醬汁也好吃，很有水準 ~伴隨的配菜單 Baked Sweet Potato 焗甜薯 , (即是焗蕃薯) 絕對不是坐冷板凳的小傢伙 , 味道很好 ,

每次嚟呢間餐廳都係因為想食佢個鬆軟、有淡淡甜味的黑糖麵包，真係百食不厭。今日餐湯係蔬菜湯，第一次飲呢個湯，但味道唔係咁好，好淡味，一點菜味都無，只飲到濃烈嘅胡椒粉味。主菜叫咗個黑毛豬扒$128，果兩塊扒煮到又鞋又靭，又無味，好似食香口膠咁，真係天下無敵。跟排嘅飯係又凍又硬，係煮咗一大鍋，客人要就毫無番熱咁放上碟。最近兩次食佢嘅飯都係咁嘅情況，真係好失望😞！今次真係食得唔開心，覺得餐廳好唔尊重食客，比咗百幾蚊竟然食到差過快餐店嘅食物。最後好彩飲到杯豆味平衡、香濃嘅美式咖啡。.老實講，餐廳嘅食物水準已經較早年差咗，真係要盡快改善一下！

香辣蝦燴飯，啲半生到冇辦法食，話就香辣蝦，其實個飯完全冇味，難食如垃圾，食左兩啖忍唔住掉埋。仲叫左兩個意粉，淋到以為食緊湯意，間甘既餐廳，竟然有好評兼排長龍，服！

到Outback Steakhouse 下午茶，選擇好多而且價錢比平日便宜。我叫咗一個 Chicken Quesadilla 燒雞芝士夾餅，這個下午茶套餐還配有餐湯及黑糖麥包，今日嘅餐湯非常合胃口是清淡的蔬菜湯，清甜好味。跟住嚟嘅係黑糖麥包，這個麵包是餐廳的名物，麵包鬆軟熱辣辣的，非常好味，包你食過都會很難忘。燒雞芝士夾餅 係一道非常惹味的食品，烤熱的墨西哥薄餅中間夾有車仔芝士、洋蔥絲、雞肉絲、香草等，口感豐富，半溶的芝士包着雞絲等 非常美味又健康。薯條炸得非常好，好乾身外脆內軟，是剛剛炸起的特別好味。Grilled US Scallops & Bacon Creamy Risotto 烤美國帶子白汁燴飯，帶子大大粒而且很鮮味，白汁燴飯熟度剛剛好，米心還有一點白 very good 。加$18 可加配咖啡或茶啊。

我最喜歡outback 的自家製熱辣辣黑糖麵包，美式餐廳貫轍始終，食物份量都很多，而且食物質素很高 我叫了雞肉沙律，很喜歡沙津上的鋪滿cheese,好健康主菜叫了海鮮意大利粉，海鮮有青口，蝦材料新鮮 配上蕃茄汁 成個配搭好好味！燒蝦意大利飯都很美味，意大利飯煮得好creamy 配上炸過既紅蘿白絲，口感特別香口！甜品方面，雖然好飽，不過都一定要叫，我哋每人一個叫左Tiramisu 和雪糕軟餅。如果喜歡食甜品的話，後者一定要叫，雲里拿雪糕配上焗到熱辣辣既brownie 真係好好味！絕對是每次必點既甜品之一