Outback Steakhouse (東薈城名店倉)

Open Now

Now Closed

係離島區返工返到攰，有時放飯都想食好少少食個正D既Lunch於是今次就去左位於東薈城呢間靚靚Outlet入面的Outback Steakhouse 食晏Outback的位置非常方便，位於巴士總站同地鐵站的中間。只要一搭電梯上兩層就即刻去到啦～餐廳入面既空間好寬敞，所以即使好多人會黎呢到食飯，只要12:30前入座基本上都唔洗等位！而且中間的枱都好大張，旁邊仲有梳化位添岩哂星期五既Happy Friday Lunch呀~~同平時一樣，我同一班同事最鐘意叫既野就係「Toowoomba Pasta 芝士白汁燒蝦寬麵 $148」丶「Grilled Scallops & Bacon Creamy Risotto 烤帶子煙肉白汁燴飯 $148」同埋「Chicken Quesadilla 燒雞肉芝士夾餅 $128」！白汁燒蝦寬麵每次都有超多隻蝦！！每個人食幾隻都仲有仲有好Creamy既味道~ 夾餅夾住溶咗既芝士真係好香脆，好有芝心批既感覺意大利飯軟硬度岩岩好，而且煙肉帶子好貼心咁串起一齊，拎黎食都好方便呀～Outback當然唔少得任食既黑糖麵包啦！！烘到少少熱，搽佢配搭既Cream cheese簡直完

我見好耐無食Outdback lu~所以就訂枱生日就去食個晚飯。期待食好耐無食的黑糖麵包，但覺得無以前禁好味。之後叫左龍蝦包，龍蝦肉有好多，味道好味新鮮好多汁，大件抵食！一個人未必可以食得晒，同家人朋友分享就最開心happy share！另外叫咗蕃茄長通粉，不過不失ok! 原來生日會免費送一件芝士蛋糕！仲會插上Happy birthday旗仔，我個人覺得件芝士蛋糕好好味！總結一下:環境衛生乾淨企理舒適服務生還可以態度OK食物都幾好

好耐無入黎Outback食lunch 啦, 呢度地方大, 同隔離枱唔會太近, 好多時 2 個人都俾4人位, 星期日lunch係度, 可以坐耐d, 傾下計。上一次黎所有set lunch 起左價碼$20-$40, 今次有幾個set 又加多$10。正正因為咁, 我就download 左個member app, 就算唔係成日食, 都有個10% off。今次叫左個海鮮蕃茄意粉, 上枱個樣有d 打風咁, 料有d 細, 但算有份量, 唔會得幾粒。另外, 再叫左個肉眼扒, 不過不失, 個沙律菜好食, 係酸椰菜, 唔係 2 片菜加2粒小蕃茄。當然, 我地encore 左多條包, 熱騰騰無得輸呀!Outback member coupon 會話public holiday 唔用得, 但星期日係用得架, 記得download!

機緣巧合下同朋友去東薈城行街，咁啱就見到呢一間裝修非常有個人格調嘅餐廳。入座之後整體環境會令人感到好舒服，輕快嘅音樂加上電視播欖球比賽嘅片段都幾有澳洲嘅風格。我同我朋友叫咗兩個午餐，分別係燒肉醬味豬肋骨同埋香草蕃茄海鮮意粉。首先，我要讚吓佢嘅忌廉湯！個湯軟綿綿非常好飲👍🏻👍🏻，而且佢個餐包好有咬感，比嘅份量亦都好足！食完個餐包同埋飲完個忌廉湯都有啲飽飽地😂😂主菜係燒肉醬味豬肋骨，肉地好豐厚，配搭埋佢嘅燒肉醬汁非常好食，額外再有薯條，作為配菜，係非常好嘅配搭👍🏻👍🏻！第二個主菜係香草蕃茄海鮮意粉，味道好好，濃濃嘅海鮮味加上蕃茄味令到成個意粉食起上嚟更加開胃👍🏻👍🏻✨✨唯一有少少瑕疵就係佢嘅咖啡唔係太好飲，其他嚟講都係一級水準✨👍🏻。

以為outback quality一定好但唔係, 呢間D野太細份同埋睇得出上碟時好求其, 唔會好似其他分店咁, 睇得出好有心機整出黎。對比其他分店 (eg. 紅磡、尖沙咀) 差好多。唔係難食, 係好普通, 好似食緊快餐咁, 可能近機場, 多遊客, 佢地冇得比較。但食開出面O既outback就會知, 希望會改善, 因為我都係好鍾意食outback, 所以先去過唔同分店。

Outback 終於出咗佢哋嘅🥖黑糖麥包🥖外賣啦，仲要係獨立包裝款，等到我頸都長，絕對係包痴嘅我又點會唔鍾意佢哋嘅麥包先😏，每一次去食都一定會refill，黑糖包先係重點吧😂😂，幾個月前都已經見到佢哋推出嫁啦，不過就唔啱地方去買，為$12/件，另外仲會跟埋牛油俾你，我嗰次買咗三條，佢哋就俾咗三盒牛油，返去焗3分鐘就食得，真係超方便👍🏻👍🏻，我覺得甜度啱啱好，又夠軟熟，配埋佢哋自家製嘅牛油，簡直係一流🤤🤤，唔知係咪心理作用，硬係覺得有啲唔同，但味道又好似一樣咁🤣🤣，本身仲諗住想買多幾條，但原來佢哋嘅食用日期得幾日，咁就證明冇額外添加啦👏🏻，全線嘅outback steak都有得賣，仲唔快啲去試吓😋😋

估唔到一班後生仔女都可以有咁好嘅服務態度，又有笑容。麵包同湯上咗main courses 先嚟。不斷道歉同即刻跟進，而且入廚房處理完不只一位同事嚟向我交代進度。再加上食物水準，size都好好。佢個意粉係我食咁多間嘅top 3. 8：30後入坐仲有15%discount. 5星呀！

除夕晚去咗東薈城Outback食dinner, 由於冇book枱，等到8:30pm先有位。嗰晚好多人，啲waiter 都做到手忙腳亂，不停翻枱，見到佢哋都覺得辛苦。我哋三個人叫咗一個Ribeye steak, 一個Penne 同nacho. Outback Ribeye steak 保持一貫水準，最鍾意食side dish 嘅薯條同飯。我哋叫medium, 切開塊牛扒中間都有medium嘅感覺。不過我略嫌佢太多肥膏😅 Grilled Lobster tail Seafood penne 中規中矩，我覺得有少少漏，但係lobster 好好味，好多肉。Nacho 我唔記得影相，普普通通啦。最鍾意ice tea 無限refill, 我都飲咗二杯。食到最後，因為佢10pm 關門，後尾都有少少趕我哋，不過唔緊要，大家都明白。

星期五晚去食都幾多人，但等位唔算耐。店內環境寬敞，唔會好迫。食物正常不過不失，叫咗三成熟嘅精選肉眼扒，但某啲位overcook到變咗五成up，中間就三成偏生，但舊肉係好食嘅，冇筋亦都好腍。

放假難得嚟到東涌散吓心，又行吓東涌outlet，行到肚餓要搵嘢食，咁啱嗰日又想食牛扒，見到outback Steakhouse驚牛扒餐好抵食，所以決定試吓。餐廳好大，有得坐卡位，座位舒適。我哋決定咗叫漢堡包餐同埋雞肉pasta，嘢食份量好大，十足10美國style。另外，餐廳亦都提供佢哋著名嘅黑糖麵包，又甜又香，亦都可以refill。餐廳職員態度亦都非常好，整體來講，餐廳嘅性價比非常高，唔怪得可以開到咁多間分店啦。

平日午市，用網上外賣平台落單自取，可以減$50，就超值了。叫了漢堡飽餐，有粗粗薯條、餐湯及招牌黑糖麵包。$70都不用，正👍🏻。漢堡飽蕃茄同菜都很新鮮，鮮甜。一個漢堡飽真的像食飯一樣的飽。粗薯條，始終外賣，質素難平。但份量算多，如飯的份量。湯，香而好味，不會過鹹。最後黑糖包真的吃不下。黑糖包回家才食，也好味，難怪咁多人鍾意。

難得平日放假所以選擇入嚟東涌行吓街食下野，行吓行吓唔覺已經去到下午茶時間，睇咗幾間餐廳都係想食肉，所以就入咗嚟呢到。有分戶外同埋室內，但由於天氣仲有少少炎熱，所以都係留返喺室內舒服啲，但相信秋天嘅時候坐喺戶外都幾舒服，而且個環境係幾靚。下午茶冇乜人，上菜速度都好快叫咗個豬肋骨同埋一個蝦炒飯（無影相）豬肋骨好好食，夠淋又入味，易切而且都好多肉，可以好快就切到啲肉俾小朋友食薯條啱啱炸起熱辣辣又夠脆口蝦炒飯個味道都幾好食，不過個米嘅口感有啲煙靭好似糯米咁樣，所以都幾快飽本身想食多條黑糖麵包都食唔落了唯有留返下一次

一家大細去食牛扒大餐，黑糖麥包，飲品都可無限refill👍🏽叫咗個C餐同D餐C餐：頂級牛扒拼龍蝦尾👍🏽👍🏽必點牛扒侍應冇問幾成熟，鐵板上五成熟，外表焦香，超多肉汁；肉質鬆軟、口感豐富👍🏽龍蝦尾亦非常非常好味。餐另配+芝士白汁燒蝦寬麵（一般，味道很淡）D餐：豪華海陸套餐加拿大蟹腳，鮮甜燒蝦8隻，調味十足燒比目魚柳配雞味飯，比目魚沒有腥，很大片，雞味飯一般，可能因個人口味，唔太好西方炒飯種味。豬肋骨：肉質鬆軟，醬味濃郁雪糕朱古力軟餅👍🏽👍🏽鮮果美式芝士餅，好大件，正常芝士蛋糕味道，但士多啤梨好難食😂

Was greeted with very bad service at this branch. Was there for late lunch and the waitress just left the cups with a loud thud and threw the straws on the table with a nonchalant face. 😓

1. Order時我叫漏side dish 我揭緊本menu 呀waiter出手禁我本menu2. 食完第一條黑糖包 呀waiter收碟時我已經叫refill 食完個main佢都未俾到我 格黎枱反而入座無耐就上左2條先 最後要叫第三次佢先俾到我3. 第一杯水飲完我地舉手叫斟水 佢臨到我果枱 退後左步去斟格黎枱先 我地request既 係咪應該斟左我地先再round埋其他枱呢？4. Waiter round斟水 round到我果枱就停左 但我地有個吉既杯5. 個side dish 有4成係燶既6. 我小朋友扭計喊 waiter格黎枱做野時對住我小朋友”shh” 請問”shh”可以解決到咩? 呢個超級bad feeling!!!service超差食過幾間分店都冇呢d問題出現未試過嬲到一定要寫出黎