焗廚 (Closed)

Was in tsuen wan again for lunch and just saw this petite resturant which seems quite special. At 12:30pm, it only has 3 tables with customers, I felt a bit strange. I ordered the lunch set of Si Chuan fried rice with beef. The set include the soup and hot drink. The soup is delicious and rich in flavour. The fried rice is really rice with few beef, egg and veggie. Nothing special. The pros is that there is space for a leisure lunch.

路經荃灣見餐牌吸引就入去 伏就係咁中 叫個意大利飯似意大利米 汁還汁 米還米 咖啡似開水 $78-$98價錢絕對可以食得更好 浪費時間金錢quota 影響心情 本來叫左個小食 好彩漏單！一失足成千古恨 唯一得著 學到唔好睇餐牌就入去 劣！

今晚同屋企人食晚餐，原本係諗住食好出名嘅拉麵，但係條龍超長，免得屋企人等所以轉左地方食。我記得兩年前黎過這間，咁都想帶屋企人來試吓。食完之後感覺係以後好唔掂。兩年前去過一次覺得幾好感覺好因為佢哋啲嘢好特別同埋佢每一樣都覺得好食。今晚同屋企人六點幾去到餐廳裏面係冇乜人。本來都唔覺得奇怪但食完之後就知道咩事啦。羊扒豬扒全部都好難咬啊有冇未，價錢亦都唔平，西班牙飯都唔正統嘅，真係好唔掂，感覺上個廚師好似換左咁完全同兩年前嚟嘅一啲都唔一樣。我係荃灣人但係我唔會再嚟啦，早兩星期仲見到雜誌介紹這一間以為仲可以keep得住，原來已經係差晒啦。

今日Lunch time經過呢間位於路德圍既小店，焗廚，飲食男女有介紹過所以入去試下而且路德圍對我黎講無咩野食，全部都係米線店，難得搵到間西餐，荃灣區黎講算平～～～ 入到去店面唔算大，牆貼滿左好多menu 同 廚師推介，感覺好繽紛又帶點簡單，位置雖然唔大但坐得幾舒服。睇睇午餐Menu，好多選擇，有選擇困難症既我揀左好耐，最後揀左個卡邦尼忌廉煙肉意粉，加錢要左個紅湯湯好足料，好有羅宋湯味酸酸甜甜又唔咸，好飲之後主角卡邦尼意粉，賣相好靚，有好多洋蔥同煙肉係上面，意粉煮得岩岩好，好彈牙，食到我成嘴都係醬，卡邦尼同忌廉味好夠，汁都好多，份量好足夠，食到我超飽同埋個女侍應都幾有禮貌，起碼唔係hea個D，見我無水又主動倒水比我，野食黎又叫我小心熱，笑容幾好，d員工都係後生仔女，幾主動，呢樣野抵讚同埋餐廳環境好乾淨，洗手間都好乾淨，同有香味我覺得呢個價錢係荃灣區算係平，下次會再黎試個晚餐，因為我見到款式好多，好多野都好想試以這個價錢和服務，我認為是用餐的不二之選。食完又要繼續努力工作了，

從來未食過咁難食既焗豬扒飯，豬扒超薄，包住豬扒既蛋又煎到黑曬，個番茄汁十級難食，就連平日對食物沒什麼要求的工人姐姐都話不好食，大家樂一哥焗豬扒飯好食過呢間野多多聲，卡邦尼意粉細碟之外，全碟只有3舊丁屎咁細既煙內肉，完全冇heart,員工又極度冇禮貌!

平時見都有啲人排隊就入泥試下，甘岩經過有聖誕餐又唔洗排 2百幾蚊一位， 點知.... 完全中伏！ 叫左豬手 OMG! 配菜係酸蘿白都算 豬手原全無誠意求其茶啲蜜糖係面，基本上同煲湯啲豬剪係無分別。令外叫左羊扒跟墨魚意粉，一上台勁大陣so味，一眼就知係茶記貨識，仲衰過放提任食，有圖有真相，個意粉.... 情願食粥鋪個炒面到甜品，好明顯係係爭鮮購入既$12芝士蛋糕

肥媽入醫院第二晚，我同細妹探完佢之後，晚上9：00，嚟咗呢度食晚餐。店舖空間頗細，座位最多廿個，但可能平日加上夜嘅關係，食客唔算多，感覺唔算逼。餐牌全部用手寫，牆身亦貼有唔少菜單同相片，但我心情唔好，冇乜胃口，簡單點咗個1號特惠精選套餐龍脷柳長通粉，飲南瓜湯同熱華田；細妹就點咗個炒雜菜同雞翼。我個南瓜湯先到，有南瓜茸同忌廉味，甜甜哋，味道ok。長通粉份量好多，賣相亦好，不銹鋼焗盤外圍仲有個膠兜套住，但個女侍應拎埋嚟都有叫我小心熱，態度唔錯。龍脷柳熱辣辣，外層夠脆亦大塊，白汁芝士同通粉份量亦多，味道幾好；我問女侍應要茄汁，佢遞咗支地門俾我，我落咗好多茄汁落去，味道更加好！至於杯熱華田，好奇怪，唔知點解？我覺得有陣蕃薯味！細妹兜炒雜菜嚟先，佢分咗啲俾我，爽脆亦好味！至於雞翼我就冇食到，但細妹覺得都唔錯！差唔多埋單時，見到牆身貼有禁止一份餐兩個人食，否則收$50座位費，感覺麻麻地！我見佢哋個Summer Dinner Set款款係雙拼，本來我真係有諗過叫一份同細妹share,好彩冇，否則俾佢哋額外收費就唔抵！我哋食到晚上十點幾埋單，當時仲有人啱啱入座。可能個通粉實在太full, 食哂一份餐嘅

吃貨日常 愛覓食 到處食 每分每秒也在食😋琴晚去左荃灣食飯 Oven Kitchen 這間已經幫襯了一段時間 用普通的食材 但味道也不錯 而且最欣賞店員姐姐每次也會熱情地介紹食物 讓食客選擇 岩哂我呢d 有選擇困難症既吃貨 樣樣都想食 但胃就得一個😂..蜜糖芥末醬沙律$38 姐姐說這個醬是廚師秘製醬汁 有很多客人都很喜歡 更說要單買醬汁 雖然係蜜糖芥末醬 但芥末味不重 易入口 甜甜的 配上沙律 幾開胃 fresh😂👍🏻 除左沙律菜 椰菜 仲有蕃茄粒😍份量足 一大湯碗 二人份量 可當作前菜😊..卡邦尼意粉vs避風塘拼水牛城雞翼$98 偽文青最愛點這個 卡邦尼意粉上會有避風塘炒蟹果d粒粒 都幾特別 好香 但今次份量少了 而水牛城雞翼有4隻 但無以前甘入味 有少少失準🤔 希望下次會好食d啦🙏🏻

行過呢間餐廳，比佢個餐牌既黑松露吸引左，即刻入左去！2個人分別叫左黑松露意大利飯同黑松露鴨胸炒螺絲粉原來叫晚餐仲有個南瓜忌廉湯，入面仲有d融左既南瓜，真係好濃又好香黑松露意大利飯呢個係個晚市套餐黎，有湯又有野飲唔好睇佢好似好細碟，食食下先知都幾多！可能仲要係意大利飯，再加埋好濃既黑松露醬，更加易飽但其實係正既，個意大利飯煮得岩岩好，唔會變左一pat野又唔會太硬，岩我口味黑松露鴨胸炒螺絲粉呢個唔係套餐黎，但佢既分量都唔小！雖然咁睇好似好細碟，但其實用料十足呢個無岩岩個意大利粉咁膩，因為佢有d彩椒係到，可以中和番鴨胸分量都幾多！真係唔錯！因為我地驚唔夠飽，仲叫左個小食黑松露芝士焗薯角不得了，我真係以為係好細碟，分量勁小既薯皇，真係睇小左佢不過，認真係好好食既！個汁好有黑松露味，好濃而且佢薯皇又整得幾脆，所以就更加好食！但真係會好飽呢問餐廳唔算大，但勝左服務態度幾好，食物質素都唔錯！有機會會再去！！

唔係第一次黎食雖然店鋪好細但餐牌都唔算小野食既黑松露牛柳粒意大利飯$78佢份量都幾細但有點溜,所以夠飽意大利飯整得幾好一粒粒 唔痴口黑蒜西冷扒$98叫左5成熟 無血水出👍🏻最特別係黑蒜牛油真係好香！配牛扒好好食值得推介！好特別無加+1

煎餅 焗薯都好味 入面吾大 好少座位 約20所以都幾歲窄靠牆兩個座位都OK不過張枱太細放吾得多野有個燒雞好中國feel 好似食緊酒樓嗰啲咁最推薦係焗薯 好好味煎餅都好味 不過少份量

同男友去荃灣，落大雨又肚餓想求奇搵間野食下，見呢間啲灣都岩食就走左入去食。叫咗一個吉列龍利柳飯，一個芝士牛仔肉焗意粉。先講吉列龍利柳飯，個龍利柳烤到岩岩好！勁juicy，出面好多餐廳都炸到乾晒水，但呢間炸到啱啱熟，龍利柳超級嫰滑！炸粉唔多，意料之外！好評啊！芝士牛仔肉焗意粉就顯得略為遜色。雖然啲牛仔肉都係啱啱好，嫰滑、鮮、juicy。但個汁相對較濃，好容易蓋過牛仔肉既鮮味。夜晚 menu 更吸引，會再幫襯

同男友去荃灣，落大雨又肚餓想求奇搵間野食下，見呢間啲灣都岩食就走左入去食。叫咗一個吉列龍利柳飯，一個芝士牛仔肉焗意粉。先講吉列龍利柳飯，個龍利柳烤到岩岩好！勁juicy，出面好多餐廳都炸到乾晒水，但呢間炸到啱啱熟，龍利柳超級嫰滑！炸粉唔多，意料之外！好評啊！芝士牛仔肉焗意粉就顯得略為遜色。雖然啲牛仔肉都係啱啱好，嫰滑、鮮、juicy。但個汁相對較濃，好容易蓋過牛仔肉既鮮味。夜晚 menu 更吸引，會再幫襯

嚟到荃灣唔知食咩好，噤啱經過焗廚，諗諗吓食焗嘢都好喎，於是入咗去~我哋叫咗個午餐嘅意式蕃茄醬吞拿魚長通粉，下午茶嘅黑椒牛柳粒炒飯，同鮮茄焗薯皇～職員推介南瓜湯係新湯，於是我地就叫咗個試吓～南瓜湯都幾溶，一啲都唔浠，賣相不錯到主菜喇，意式蕃茄醬吞拿魚長通粉，望落去比較齋，而且長通粉比較硬，感覺麻麻黑椒牛柳粒炒飯，由於係下午茶，所以份量唔算太多，味道還可～至於個鮮茄焗薯皇，蕃茄溶溶哋再加芝士粉，呢個味道好好，我同朋友都爭住食總括呢間中規中矩，我相信佢啲小食係好食嘅，但主菜方面就有待改進～

2個人封去食飯 7點前落單仲有餡餅送。餐廳空間不大。但6點9去到都還有很多位。 聽朋友介紹過該店鴨胸很不錯。 店員姐姐很細心向別人解說和介紹吃什麼 不過聽到她跟其他客人都是同一翻說話 哈哈！ 一行2人叫了5樣食物 還有一個西班牙炒飯沒影相 味道普通 沒特別。 整體來說都不錯啦 都不是太貴。