焗廚 (Closed)

農曆新年的最後一日, 我兄弟倆去了荃灣的玄圓學院攝太歲, 求個羊年順風順水.祈福完成後正值午飯時間. 我地決定落返去荃灣揾食. 今日天氣有啲涼, 最好去食個暖笠笠的焗飯. 終於揾到嚟焗廚.這裡地方細細, 只有十數張坐位. 我們原先被安排了二人卡位. 但我地兩個大男人坐落似乎有啲迫. 店員見狀都友善地主動替我們換位. 來到這裡首選自然係焗飯! 餐牌上選擇雖多, 牆上也貼滿了各式各樣的餐牌. 只是午市套餐只有一款焗飯, 有更多選擇會更好. 最後點了個午餐鮮茄焗龍脷飯. 再散點了個拼盤.香芧忌廉湯隨午餐附送, 香芧味十足. 只是個人不太好香芧, 不過不失.鮮茄焗龍脷飯份量十足. 雖然滿佈番茄, 但完全唔會酸. 塊龍脷大大塊, 質地比較淋身. 煎煎可能較好. 但味道整體不俗.拼盤點了這個有點後侮吧! 因為份量比想像多, 根本食唔落. 拼盤包含了四款小食:松露薯條 - 因為没有薯角, 所以松露薯條代替. 好香松露味, 感覺唔太熱氣. 好食!雞翼 - 因為太飽, 這個没有食... 炸湯丸 - 以燕麥炸成. 外脆內軟, 個人好鐘意~餡餅 - 酸酸甜甜, 幾開胃, 唔太乾.整體嚟講唔錯, 有誠意既小店

今天老婆仔半天工作收工後我們一起去荃灣逛街再去看多啦A夢電影來到荃灣當然要搜尋一下最近有什麼美食發現到有間焗的專門店看似不錯就過來試試看到其他食評表示繁忙時間很多人等位但我們是兩時多來到的所以幾乎沒有人在進餐聽說這裡最出名的是46元的蘇菲黑松露野菌芝士餡餅一於叫一份試試另外老婆仔要了個78元的卡邦尼飛魚籽醬燴意粉我就要了76元的法式黑松露野菌野菌海鮮焗飯這蘇菲黑松露野菌芝士餡餅只有4片以這價錢來說還算可以吃起上來老婆仔第一句就說是很特別的確裡面的味道有點複雜本身黑松露的味道是相當大的可以蓋住其他所有味道但芝士味也很突出同時有兩種突出的味道只能說很特別不過也不算很奇怪味道還算能配合而卡邦尼飛魚籽醬燴意粉本身期望會焗得很香但看起來不似是焗的沒有預期中的卡邦尼味起初吃覺得很淡不過慢慢還可以飛魚籽醬份量也不少但感覺這個意粉就是不太多配菜就似只有意粉至於法式黑松露野菌野菌海鮮焗飯焗得很香裡面也有各種應有的海鮮包括蝦、魷魚、班塊、蟹柳等配菜算是一般但我覺得焗得不錯醬汁剛剛好對得起這間餐廳「焗」的名字雖然我和老婆仔又趕著看電影沒有逗留很久但也感覺到這裡環境有點擠迫若果繁忙時間應該更逼得不能亂動吧

攝完太歲, 回程到了荃灣路德圍附近, 尋找新餐廳食午餐 - 焗廚是日有四款午餐供應香茅忌廉湯上枱已聞到一陣香茅清香味; 喝了數啖, 唯獨有香濃忌廉味凍朱古力顏色偏淡; 喝後, 淡淡的朱古力味焗蕃茄香菌豬扒意粉 蕃茄味濃; 豬扒肉腍; 意粉軟硬適中又不油腻下次再來試晚餐焗廚 總結: 值得一試!

Oven Kitchen都食過幾以了今次試了意大利黑醋胡椒豬扒炒意粉這款意粉比較乾身,沒有太多醬汁,但調味也十分重要,意大利黑醋令意粉酸酸的好開胃,但我覺得胡椒味不太宊出,可以再濃烈些, 而意粉炒得剛好,食起來還有彈性。黑松露牛扒配薯條原本可以配薯角,但因為薯角缺貨,只好選薯條,薯條太少了,相比之下, 牛扒好大塊,我要7成熟的,切開内面還是嫩嫩的,但黑松露汁有點太咸.而本身牛扒也有調味。

今日姨媽放假，於是同佢搵食，原本姨媽想食咖哩，我話試下呢間，其實我想試好耐，每次條隊真係好長！今日叫左炒雜菜，水牛城雞翼，芝士焗薯皇，黑松露芝士焗海鮮飯！水牛城雞翼：味道有d酸同辣，雞翼都算大隻，order個陣店員好清楚講左因為今次返貨雞翼大隻左，所以由5隻減到4隻，我地都ok！炒雜菜：無影到相，不過雜菜入面有紫椰菜，完全估唔到，d菜炒到爽口，唔錯！芝士焗薯皇：芝士味濃，薯皇新鮮炸出嚟，又唔油，好食！黑松露芝士海鮮焗飯：份量足，好多芝士，海鮮足料，有半塊魚柳，有蝦有魷魚，炒飯底係即炒因為唔會太乾身！老闆係年輕人，睇到d餐牌嘅設計同醬汁都係好有創意，完全感受到佢地用心去整，雖然舖頭好細，但係都吸引到咁多人去排隊去試，證明的確係有水準同用心製作，所以下次一定會再去食支持下

每次經過都很想要嘗試一下，可是每次不是已經吃飽就是約了朋友在其他地方吃飯，難得今天和男友一起放假，便­齊齊睡到自然醒，然後到荃灣吃個悠閒午餐。這裡店面不大，座位不多，員工也很少，男友說平日下午和晚上都排著長龍，幸好這一天我們比較早到，人不算多­。店內貼滿不同食物的相片，小食、set lunch、焗飯意粉、扒類，可以供選擇的種類非常多。上餐速度很快，蕃茄湯非常濃郁，味道可口。男友點的­卡邦尼意粉非常入味又不致於太膩，而且蝦膏香味撲鼻，男友非常滿意。我點了芝士忌廉焗牛扒飯，轉了黑松露汁，可算是新鮮配搭。一放下的時候黑松露香味已經非常吸引，把汁醬撈著­飯吃，夠飽肚又入味，有黑松露的甜味加上芝士的香濃，可說是非常成功。值得一讚的是焗飯飯底竟然是炒飯，有­心思之餘再提升了整個焗飯的美味，應記一功。由於座位不多，用餐完畢後就要盡快離開，可能讓客人不可以好好聊天。不過美味的食物確是讓客人下一次甘願再­回頭，而且眼見的員工都是年輕人，勇敢創業的心實在更加值得支持。

米妮今日同米奇黎到焗廚補祝生日。見Openrice食評不錯，決定一試！店面得20個位，較為窄，好在米奇同米妮早到，所以唔駛點等就有位。米妮叫左法式烤寶雲高羊扒餐，米奇叫左薰衣草烤鴨胸拼澳洲西冷牛扒拼忌廉薯皇餐。先上餐湯，完全係難飲！估唔到一開始就搞成咁！辣蕃茄湯除左辣之外又鹹，個味似蕃茄醬多過新鮮蕃茄煲嘅，無誠意 香草忌廉湯怪味，唔知係咪米妮食左個蕃茄湯先試個忌廉湯搞到個味蕾已經變左，但真係覺得有d葡汁味 跟住上的蘇菲黑松露芝士饀餅，唔錯，黑松露好香，入面d雜菌唔會太濕，饀餅皮脆（其實同出面賣的手抓餅一樣），加埋d菌真係唔錯 ，一試無妨，但價錢稍嫌貴。到主菜，先上米奇果份，我見到就呆左，牛扒好薄，試埋不得了，同茶餐廳快餐一樣，無牛肉味 ！試埋個鴨胸，明顯煎過龍，外面乾左，得個忌廉薯皇過到關。到埋米妮個主菜，法式烤寶雲高羊扒，上個陣覺得賣相唔錯，食落就真係覺得絕對無下次了。羊扒鹹到不得了，好似超市賣d燒烤包的質素，加埋上面鹹到似鹽的麵包糠，簡直唔知自己食緊乜肉！估唔到好好地一次慶祝生日的晚餐會搞到咁唔愉快，咁高的價錢咁低的質素真係第一次，亦都唔會有下次！後記：食完好口乾

聽朋友介紹之下，第一次黎依間小店食野。舖面比較細，座位只有二十個，所以等一張枱都要大約半個鐘。個人比較鍾意食焗豬排飯，所以就叫左佢既鮮茄焗脆豬排飯。好多鮮茄粒同芝士粒，味道都好新鮮，但個人認為茄味唔大，不過用炸豬排都幾特別。第二道就叫左個 二人份量既豬肋排味道唔錯，好難得可以係小型既食店食到，而且價錢尚可，$138。一邊食野，一邊睇下牆上既菜式，好多食物都值得一試，而且都係有創意既配搭，不過可能焗豬排飯太普遍，所以驚喜唔大，唯有等下次試下其他特別菜式啦

一入去冷冷清清得一檯，服務員你在何方唔見人想走人，但坐底左咪望下牆上的餐牌囉，嘩！ 又真係幾多選擇，服務員終於出來原來間餐廳真係有人既，我們點了避風堂炒意拼水牛城雞翼 加 焗牛扒飯，首先中西合壁的避風堂炒意有些香脆的配料幾特別，真正水牛城雞翼我是未食過但這裡是整得好味的，焗牛扒飯牛扒不鞋口 炒飯底焗得剛好不太乾也不太濕，可惜用上鐵兜盛載好快便凍了，用膳期間見到幾位廚師都是後生仔，加油吧！ 你們是得的 有機會定必再來一試。

平日都少去荃灣呢區，難得過黎就睇下有咩好食啦！兩個人只係叫左2樣野， 蘇菲黑松露芝士餡餅同焗豬扒飯!個餡餅我真係中意食，類似既野我係佐敦都食過，個間比較脆同膩，呢間比較適合淡口味啲的朋友。個焗豬扒飯無出面的咁重味精，豬扒都好鬆化，配上有點脆脆的調味，唔知係咩。整體口感不錯。話說佢有個香茅忌廉湯，一入口有少少怪，飲飲下又ok wor.最後叫埋凍咖啡，第一啖我已經覺得好飲，唔係茶餐廳個啲料!下次再黎會試個個賽螃蟹黑叢露

成日都去荃灣 小店逐間慢慢試一入鋪頭 裏面好窄 況且只係得幾張枱 不過牆度貼哂相同埋menu 小店風情咁我就叫左黑椒牛柳炒飯 三十幾蚊左右賣相一般啦 但一食落口好失望 啲飯完全冇味 牛柳粒唔算多 偶爾食到先會覺得有黑椒味 但個飯莫講話黑椒味 連其他味都冇乜 只能夠形容佢係一碟飯喔原本有好好既期望 店員態度都唔錯 可能晚市會比較好

在這個地方經過還好看到小店能試試當賽螃蟹遇上黑松露 得意名字的焗飯陣陣黑松露香， 黑松露跟忌廉融在一起，更馥郁， 飯粒炒過，但偏濕，但是超水準之作價錢實惠極力推薦 芝士的確不少，但西蘭花過硬係因為實在無特別，更加想影低，引以為鑑

荃灣西餐店真的不多, 但港式西餐尚算不少, 在追求味道及性價比是不俗的。Oven Kitchen 價錢比一般快餐店高一點, 看食評是不俗, 於是一試其出品。先上小巴黎忌廉湯, 水準一般, 罐頭湯水平。跟著是黑松露野菌芝士餡餅, 這個有驚喜, 唔太漏, 有黑松露香味, 算是香口, 好吃 ! 其他食店不多見, 必試出品。主菜焗豬扒飯其後送上, 看表面已知.........普通, 快餐店水平, 豬扒不多, 也不香口, 以焗為主打有點失望。芝士忌廉龍脷柳焗飯, 同樣龍脷柳不多, 焗飯普普通通, 忌廉汁也是一般水準。見其他食客顯示出滿意表情, 可能點錯了食物, 但以焗為主打最基本的焗飯也一般, 想店方要注意。

今天起床較晚 用餐時間也順之而推遲了 平日十二時便會餓 但是日兩點多才有食欲 剛巧要到荃灣買點東西 碰上這間主打焗物的食店 好吧 先醫肚再說1.和風芥末紫菜芝士餡餅從餐牌上看到這個餡餅 突然激起嘗試的意欲 便點了一份 餡料除了有溶化的芝士外還灑上了一層芝士粉 使芝士的味道更濃郁更多樣化 而且芥末令紫菜香更突出 吃到後半部還有點番茄醬 酸味使味道顯層次 非常美味2.蜜糖芥末野菌牛柳串 野菌味道挺新鮮的 牛柳雖煎得頗香但尚嫌未夠嚼勁而且油份也較多 配上旁邊的沙拉吃方能中和油膩感 3.賽螃蟹黑松露焗飯餐牌上的名字頗有趣的 叫當賽螃蟹遇上黑松露 亦因此所以吸引到我 可配焗飯或意粉 而個人較愛焗飯 上枱時已經嗅到陣陣黑松露香 入口更不得了 黑松露味道跟忌廉融和在一起 一點也不突兀  完全在口腔中互映相輝 加上蛋白非常之滑 飯炒過而粒粒分明再焗過後亦帶點黑松露香 簡直是超水準之作價錢實惠但水準好比坊間的西餐廳 實在買少見少 真的不到荃灣區也找不到呢 極力推薦

此餐廳位於熱鬧的路德圍，但由於兩次去都是十點左右，不用等位就可入座。服務不錯，而且上菜速度超快，入座至離開也不過用了大半小時。這次點了白汁海鮮燴烏冬賣相吸引食落唔會覺得好膩 ，估唔到同烏冬都幾夾另外叫了避風塘雞翼，十分推介。之前都試過炭燒雞翼，但食落似咕嚕肉(?)可能因為醬汁問題。下次會再試其它雞翼!