Overlap Coffee

Open Now

Now Closed

送完小朋友返學路過元朗大馬路，見到一間新開嘅cafe，咁有緣份當然要入去試試啦！一入到去，不得了！都未坐低就俾Micky見到佢哋有部casette機可以聽歌🎧我點晒餐佢都未捨得坐低😅我點咗Light Breakfast $128，有鮮莓乳酪，芝麻豆腐，熱情果，焦糖香蕉，大啡菇，牛角包窩夫，明治牛乳炒蛋，沙律，串茄。材料新鮮、配搭新穎、我最鍾意個焦糖香蕉🍌torch得好香！另外值得一讚就係個croffle！愛上了！返唔到轉頭！好脆好flakey，好香牛油味！我點咗牛角包窩夫$138，有兩件，我揀咗墨西哥莎莎醬煙三文魚牛角包窩夫同白蛋牛油果醬蘑菇牛角包窩夫，兩款都好好味！下次試埋個炒蛋先！我哋再點咗一個salad就係大蝦榖麥脆脆香橙沙律 $98🍊🦐，柚子醋汁酸酸甜甜好清新開胃🤤啲蝦係煎過㗎！勁香！！最後就係混合穀物片配新鮮生果乳酪碗 $68，我最近愛上咗plain yogurt配生果！仲有啲脆脆，有口感又健康！Service又好，呢個早晨好滿足！💯

山長水遠入元朗國為左食好野 又有咩好怕喎Book 左啲好地方 一於食晒佢😆第一站去左最近新開既小店 #Overlap 好鍾意依到既環境 白色木系做主調 落地玻璃 透光度一流 除左意式咖啡 仲有好多款特調飲品Lumos 用上埃塞俄比亞咖啡豆、白桃烏龍、橘子、桂花花釀 酸甜感比較重 加上表面有一層Creamy 既芝士奶蓋 Muscat 用左Burundi產地既咖啡豆、香印金萱烏龍、荔枝露調製而成 味道清爽 Full Breakfast 好豐富 有煙三文魚，蘋果豬肉腸，明治牛乳炒蛋， 焦糖香蕉，芝麻豆腐，牛角包高夫，沙律，熱情果，串茄擺盤好精緻 牛角窩夫好香牛油味 好香脆🍀明太子忌廉海膽蟹肉闊蛋麵闊蛋麵好有彈性 醬汁好香濃💕

🔎Overlap Coffee (元朗)又一間新開嘅Cafe 裝修簡約舒服 仲有會員制 做會員後免加一 滿$800之後第二杯飲品半價 🔹Full Breakfast $142煙三文魚， 蘋果豬肉腸，明治牛乳炒蛋，焦糖香蕉，芝麻豆腐， 牛角包窩夫，沙律，熱情果，串茄款式多得嚟又唔會太heavy 最欣賞係焦糖香蕉 芝麻豆腐都好滑 牛角包窩夫都幾好 仲好有牛角包味 但就唔會食到碎哂 所有嘢都係會食嘅嘢 但又唔會同其他店一式一樣🔹牛角包窩夫(三選二) $138明太子蟹肉蟹籽炒蛋牛角包窩夫白蛋牛油果醬蘑菇牛角包窩夫我都幾鍾意食牛角包 就算夾成窩夫都好喜歡 可以直接揀兩款唔同嘅配搭兩款嚟講鍾意白蛋牛油果醬多啲 個口感同味道都唔錯明太子炒蛋就豐富啲 仲有蟹肉蟹籽 不過食嘅時候就易啲跌 如果炒蛋再多少少明太子就會好啲 蛋份量多 相比起明太子味就弱咗🔸Iced Americano $40🔸Iced Mocha Meiji Milk $52 可咖啡嚟講都算大杯 咖啡味就中上水平 不過杯Mocha就太多奶 令到朱古力味同咖啡味都唔係好出📍元朗鳳翔路1-5號偉發大廈地下2號舖🍴搵返相關地區👉🏻 #90sfoo

休閑的一天，配上休閑既lunch😊元朗有間簡約舒適既coffee shop，主打咖啡輕食🥗🍴▫️Full Breakfast🥙$142見到個擺盤已經睇得出好有心機🧡好靚。🧇窩夫鬆脆，蘋果肉腸肉質爽口，蕃茄同香蕉都係新鮮而且整完都多汁香甜每樣菜式都係用心之作👍🏻◾️大蝦穀麥脆脆香橙沙律🥗$98新鮮沙律菜配上柚子醋汁，每啖都好fresh，食完想再食😋仲有粒粒健康既穀麥，令整個沙律更有咬口▫️Latte+Dirty☕️$48+$58一杯好既咖啡足以令心情整天都舒暢☺️呢度咖啡豆夠香，唔酸唔苦。Dirty唔係間間有得飲，咖啡豆配香滑牛奶，先品嘗咖啡香，再慢慢溶入牛奶咖啡👍🏻👍🏻

由小店發放設計圖則開始就一直期待相信店主重視品牌效應soft opening 就有自家商品發售☕️🌂👕對店入面details 位亦有一定要求吧檯上方前中後膠片重疊拼出立體Logo 門前兩張木板縱橫交錯而成嘅純樸小茶几餐樓入面好有美感嘅木餐椅🪑Digital 嘅年代好多嘢都變得無型難得呢度有部懷舊卡式帶機俾大家見識見識一切睇落去都幾美好、直到啲嘢食嘢飲上檯⋯⋯🤦🏻‍♀️🔖 Croffle （配料三選二）🧇點咗飛魚子配炒蛋 & 煙三文魚莎莎🐟配料不過不失可惜Croffle 呈乾硬化🥐要用盡指力先切得開🍴去到呢個價位Croffle都唔係新鮮即夾又點講得過去呢🫤🔖 Latte ☕️拉花圖案唔錯不過無耐就消失於天與地👋🏻🔖 Half Moon 🌗見有一系列特飲好歹都點一杯吧🥃命名好優雅、但加塊威化餅喺面嘛⋯不解🙄 頃刻夢幻、瞬間折返人間⋯❣️收加一服務費 ( 呢個定價仲加一實在勇氣可嘉！）店員其實都親切友善嘅😌但俾水、加水、勤收碟呢啲基本嘢感覺無人好好教導咁呢🥺❣️門口位置影影相就好、不宜久留🦟🪰🪳-》盲嘅、超速嘅、死嘅、咩都有😵‍💫

近年香港幾興文青coffee shop，最近喺元朗鳳祥新開呢間overlap非常推薦大家店內整潔開揚文青feel，好適合傾偈門口已經見到咖啡師努力工作最直接先試Americano，好香啊，係用了上乘咖啡豆吧同行有小朋友都無問題，有朱古力奶，都好香滑最推介就係佢哋嘅special coffee, 睇餐牌已好驚訝，咖啡可以咁樣？估唔到咁正！用嘅係埃塞俄比亞-古吉罕貝拉，加原生紅蜜，番石榴果茸，曼寧玫瑰蜜桃果，洛神葵，出嚟效果好出色，有咖啡香又有果甜，就算唔飲開咖啡都會鍾意除咗咖啡，呢度都有輕食，水準都好高，All day Breakfast好正窩夫唔係甜品嗰種，有啲牛角包味道，香脆仲有煙三文魚，好靚嘅炒滑蛋大食嘅朋友都唔使擔心，佢仲有高質意粉，所以無論係傾偈飲嘢定當正餐，都好推薦大家嚟呢間overlap

一個可算精心設計日系咖啡店 門面最正係用落地玻璃滲透充分嘅女神光 讓一眾型男索女打卡 最出色係個幾杯special drinks好用心調較出嚟 最重要既係唔駛擲低寵物係屋企可以帶埋去享受美好既星期日

元朗最近又開咗間新Cafe喇🤩🎉🎉 首先呢間Overlap Cafe俾我嘅整體感覺係亁淨俐落，門口木枱好清新簡約。整體來講好有型格，好有佢嘅特色。留意到店主好多細心之處，店內好多亮眼特色位。🤩佢位於比較少人啲嘅地段，即使想坐門口同朋友傾吓偈，環境也較為安靜好chill。亦可以帶埋寵物嚟嘆吓。😁🥗🍤叫咗1個Full Breakfast, 大蝦穀物脆脆香橙沙律同2杯特飲。食材大部份都新鮮及好食😋ADB很豐富。🍹呢杯叫做Bale 嘅特飲好特別，俾到我驚喜。佢係用咗以下嘅咖啡豆, 花茶，生果混合調配而成。飲落味道好清新唔會好甜，亦唔覺飲到好重咖啡味，味道較似花茶嘅透心涼特飲。適合一啲對咖啡味道比較抗拒嘅朋友。又或者喜歡試新嘢嘅朋友，可以試試呢度一共4款嘅特飲。🍹Bale嘅成份有：埃塞俄比亞-古吉罕貝拉原生種 - 紅蜜處理番石榴果茸曼寧玫瑰蜜桃果洛神葵🍹Grapefruit Ice Tea柚子冰茶，酸甜冰涼，比起我杯Bale會甜少少。都係夏天嘅解渴之選。整體嚟講，裝修及食物咖啡製作都很用心的一間店。店員都很有禮，會主動詢問對咖啡口味的喜好及接受程度而推薦適合你的口味。👍👍只是價格略為進取了點。

由元朗站步行7-8分鐘左右，就見到呢間裝修簡潔別緻的咖啡小店，十分方便。落地玻璃將小店內外空間隔開，戶內採光度十足，在陽光普照的早上顯得格外精神，加上輕快的音樂，真係好有食早餐的氣氛。戶外設有兩張小枱，適合帶寵物的朋友跟毛孩一起嘆咖啡😃😃Full Breakfast $148煙三文魚，蘋果豬肉腸，明治牛乳炒蛋，焦糖香蕉，芝麻豆腐，牛角包高夫，沙律，熱情果，串茄♥️香蕉上配上脆卜卜焦糖，格外愛美味，很驚喜😋♥️明太子蟹肉蟹籽炒蛋貝果 $108Bagel比想像中軟熟，蟹肉份量很多，配上滑捋捋的雞蛋和蟹籽，入口清新，跟沙律菜一齊食健康美味🤭UJI Matcha Latte $52拉花靚到唔捨得飲🤭宇治抹茶味香濃Lumos $68埃塞俄比亞，古吉罕貝拉原生種，紅物處理白桃烏龍茶湯橘子桂花花釀以上四樣嘢加埋一齊，味道好清新，加上厚厚的奶蓋，入口是奶香味，中間有淡淡茶味，尾段甜甜地，正😋😋😋

元朗居民表示有新咖啡店好開心☺️新店以灰白色作為主調 裝修簡約清新 很多太空/星球設計嘅元素 🛸環境光猛開陽 坐得都幾舒服展示櫃除咗有店家獨賣嘅產品 仲有懷舊錄音機 很有特色📽️戶外嘅座位係寵物友善 不過較為多蚊蟲👀都係坐返室內有冷氣🥵入邊仲有提供Wi-Fi同插頭餐牌主要有All day breakfast、牛角包窩夫同貝果等等 也有很多特調飲品～🔸Light Breakfast $128配搭都係我鍾意嘅 而且好豐富🥰入邊有牛角包窩夫、麻醬豆腐、鮮莓乳酪、大啡菇、炒蛋，焦糖香蕉、沙律同茄串餐牌本身寫有熱情果 但實際是欠奉的🤷🏻‍♀️全部味道都唔錯 但牛角包窩夫有點兒太硬😂🔸Lumos $68特調飲品揀咗呢款 賣相好精緻😍以埃塞俄比亞古吉罕貝拉同白桃烏龍茶為主調加入橘子同桂花花釀 味道非常清新👍🏻💡整體嚟講 食物飲品味道都不錯😆賣相有心思 配搭幾得意 但元朗區價錢方面略為進取🫡值得一讚嘅係店員服務非常親切 遲啲有甜品會想再訪的🫶🏻✄------------------------------✄整體味道😋: 7.5/10性價比💵: 7/10 打卡指數😍: 7.5/10 環境服務🥂: 8/10 推

不知不覺間元朗的cafe文化已經走向精緻有個性的方向👍🏼新開在yoho hub附近的這家overlap coffee就是走日系+音樂風。先要讚一下裝修。簡約的日系風，大玻璃看到外面一排的古樹。很多小細節都加入了唱片的元素，和具設計感的logo和時刻播放着的chill music構成了強烈的主題，坐位安排也相當舒服👍🏼今天因為很早就光顧，點了一份full breakfast。用料和擺盤也相當不錯，較特別的有芝蔴豆腐、焦糖香蕉和熱情果等。窩夫非常香脆，伴上煙三文魚或香蕉都很配，令人食慾大開🤗他們也有供應輕盈版和其他bagel等，下次可以一試。說到重點—咖啡，這次試了他們的special 「Full Moon」。咖啡特飲以椰子為主題，咖啡底加上椰子水和伯爵茶，還有厚厚的奶蓋，IGable之餘也很清爽。下次再試普通的黑系咖啡！

由於筆者住元朗，日日搭西鐵都經過，睇住呢間咖啡店裝修，最近終於開張了！一於返工前過黎試下～☕️Dirty （Meiji Milk）,$58常溫偏凍（因為用上凍奶），份量多👍🏼用上大玻璃杯，上層的Espresso與下層明治牛奶漸漸被“污染”，所以叫dirty, 味道不會太淡或太濃，岩岩好！推薦👍🏼👍🏼👍🏼🥗Full Breakfast $142煙三文魚，蘋果豬肉腸，明治牛乳炒蛋，焦糖香蕉，芝麻豆腐，牛角包窩夫，沙律，熱情果，串茄♨️用鐵碟上印有小店logo顯心思，有raw感露營feel。🔅沙律菜新鮮用柚子汁，酸甜開胃🔅豬肉腸，幼身易咬，唔太鹹🔅串茄大大粒，有輕輕煎過，好鮮甜🔅炒蛋落左3.5牛乳，好滑唔過火過漏🔅豆腐味濃，唔會過凍，食落口溫度剛好，同日本芝麻醬好夾，芝麻醬好香🔅煙三文魚唔會梅淋淋，亦唔鹹，好👍🏼🔅焦糖香蕉,夠特色，兩者好夾，成為這份早餐的靈魂🌟🌟🌟🔅牛角包窩夫,個人覺得硬左少少，鹹鹹香香的，如果有蜜糖🍯加上更好🔅熱情果，筆者個人好怕酸！所以擺最後先食😅用小匙羹🥄「不」d汁飲下，其實好甜！真既！係熱情果d核酸姐～🌿木系小清新裝修，小店感覺舒服，店員主動送上清水，有禮貌，並詢問對咖

元朗帶間新開coffee shop , 見門面不錯，特登週末黎食，點知…入到環境裝修不錯，光猛舒服。我朋友叫左杯dirty , 我叫左杯ice mocha .結果我果黎左杯好淡味既咖啡，無論顏色上味道上都唔覺得係mocha , 比latte 更淡味，我地再三問我果杯係mocha ? 個侍應話係….我朋友叫左hams 沙律，98$ 好細碗，hams 感覺係一塊然後砌開幾塊小片，98$ 實在偏貴我叫左個light breakfast , 賣相唔錯，但點知個牛角窩夫令人好失望，太硬….咖啡同食物都要改進

元朗一間新開的café裝修清新簡約而且光線充足予人一種舒適的感覺飲品以咖啡及茶類🍵為主幾款特調咖啡最為吸引✤ Full Breakfast ($148)相當豐富的breakfast沙律🥗加入柚子醬汁好清新加上芝麻豆腐增添了日式風味煙三文魚不會過咸蘋果豬肉腸不會太油膩明治牛乳炒蛋🥚加$12升級了黑松露瀑布炒蛋店員豪不吝嗇加入大量黑松露醬非常惹味煎過的串茄又甜又多汁至於牛角包窩夫亦夠酥脆配上焦糖香蕉🍌及熱情果就好像吃了一道甜品非常令人滿足✤明太子忌廉海膽蟹肉闊蛋麵($138)明太子具有濃郁的鮮味加上忌廉的奶香🥛和豐富的口感與海膽和蟹肉🦀的鮮甜相互融合寬闊的蛋麵條柔軟且滑而且非常掛汁當天點了兩杯特調咖啡無論賣相和味道都相當出色✤ Half Moon($72)賣相好精緻最上層放了一塊椰子🥥威化餅加上濃厚椰子奶蓋上層打卡一絕以布隆迪卡揚扎咖啡☕️及伯爵茶為主調配上調配的椰子水再以椰奶泡沫舖面味道香甜椰香味十足✤ Muscat ($68)以布隆迪卡揚扎咖啡及香印金萱烏龍12號為主調🌱加入茘枝露增添了香甜的荔枝果香味味道酸甜清爽加上茶的甘香好適合夏天飲用🌞總結餐廳展現出對每道菜式的用心製作細膩的口感和