四海遊龍鍋貼水餃專門店 (Closed)

初在「四海遊龍」開張, 小妹也跟一眾街坊一樣, 急不及待前往一試該店究竟是「龍」或是「蟲」!初期開張因人太多, 小妹決定買外賣-10隻招牌水餃, 熱豆漿。回家開餐時發現小小的外賣裡有貼心地附上醋包, 辣椒豆鼓包, 蒜泥包等佐料給客人, 實在值得加分!食物方面，水餃味道平平, 沒有口感, 亦沒有鮮味可言, 而豆漿則味濃, 甜度適中, 替餐廳挽回了一點分數! 當時覺得雖然該店不是「龍」, 卻也未論作「蟲」。今晚小妹父親大人話想試「四海遊龍」, 所以即管再試一次有無進步? 可是, 我後悔了! 我又再次叫-10隻招牌水餃餐, 熱豆漿。水餃我叫10隻, 只來了8隻, 而且餃子皮都爛掉…味道依然沒有半點進步不在話下, 我竟然食到有陣油膱味?! 而父親大人點的豬腳肉燥飯, 豬腳皮全是毛…豬腳是入味, 夠腍, 可是最主要的皮卻不能吃了, 好可惜! 此外我們還有點台灣香腸當小吃, 香腸是夠熱, 可是皮不脆, 而且很油! 最後， 員工服務態度實在有待改善, 愛理不理的態度令我實在受不了, 總結今晚該店只有杯熱豆漿仍能令我滿意! 實在失望, 不明白何解會落為「蟲」。

曾經有一排聽到四海游龍都唔想去食，因為質素太差。今日等登落去食一轉、試試個水準，點知發覺居然好食左！魚香茄子飯個汁甜甜地，啲肉碎夠細、冇筋且唔會「孩口」。茄子有少少太淋身，如果爽返啲效果更佳。但最大問題係唔夠熱，好似「鯨鯨地」咁，少許嘔心。碗麵係配雜錦滷水，有蛋、豬耳、豆腐同雞翼，算係足料。湯底亦夠味、麵條軟硬適中。可惜係碟碟野都係啡tone唔夠吸引，令人冇咩胃口。我一向都覺得呢度同八方雲集的餃子都唔係好食得：又凍又「痴底」、成日爛鬼曬。而所謂的特別味道都唔太吸引，例如泡菜、咖哩等。今日勉強過關，起碼唔會穿底。

四海游龍， 酸辣湯水餃麵。酸辣湯底， 酸又不酸，辣又不辣，唔知想點！而且，個湯居然係甜的！ 無錯，甜的！湯底又落大量粉，令到成碗麵槳埋一齊，一'舊舊'！不知所謂， 成碗麵吃一啖後就放低！永不幫襯！

吃冬至飯的時間未到，做甚麼才好？？吃吧！吃吧！便宜一點去吃茶餐吧～ 臺式茶餐由$22起，已包括豆漿、咖啡、奶茶一杯（凍飲加$3）咖啡、奶茶均是捷榮出品，的確是咖啡總比奶茶好～蚵仔麵線 $25湯底有木魚香甜，麵線幼滑，蚵仔淡味～水餃8隻 $22皮薄餡實，豬肉餡甜而且有菜葉在內，菜葉似是黃芽白那種白菜。最好就是水餃上碟時已經隔清水份，不會因為沾得水份太久以致餃皮浮浮。好，準備下場冬至飯！

終觀自從改革後的商場, 地下這層的連價數個舖位, 大轉小、小轉大, 好似越轉越做得不長久。四海遊龍暫時是最update的當家。招牌水餃 ... 一碟10隻的招牌水餃, 當時的隔水功力良好, 餃皮沒有浸爛, 適當的厚身餃皮帶麵粉香, 水餃豬肉餡紮實, 一咬多汁, 我見有侍應生是在店裏包餃子, 感覺較良好。東坡焢肉飯 ... 厚身大件焢肉煮得不膩口, 味道酸中有鹹, 總覺有點不適應, 肉燥有肥肉去煮, 送飯加多些甘香, 配菜還有些鹹酸菜碎, 撈飯來吃也不賴!屏東鹽酥雞肉燥飯 ... 鹽酥雞炸起不酥, 鹽也撒得少, 未能做到預期惹味效果, 肉燥與上碗飯的肉燥一樣好味但卻淋得比上碗飯少 , 要知道從食物名字來說, 肉燥都是主角。

下午茶叫左個k餐，成25蚊但係份量少到喊，一條得手指尾咁長既香腸加2粒雞肉，同餐牌個圖完全唔一樣，成個碟得半隻手掌咁大，極唔合理，加個面要8蚊，仲要係冇味既用水整熱就算，33蚊食完好似冇食咁，等又等得耐，唔怪得長時間冇人啦！