蠔站 (諾士佛臺)

Open Now

Now Closed

之前已經幫趁過中環分店的蠔站。這次 星期五晚相約友人一行4人到位於尖沙咀的分店。 早兩天已預訂8:30pm的檯，我們約8:15到達。一坐低，我們便點了一打生蠔（生蠔優惠，十蚊一隻）澳洲生蠔，不太大隻接著點了蟹肉牛油果沙律好好味，牛油果同蟹肉味道好夾主菜點了豬手 份量比我想像中大份好多 豬手外皮十分十分脆（香口）而且不會太干，豬手肉好滑，讚👍🏻另外點了一份蠔pizza pizza底好脆，友人好喜歡，連食兩舊 😆👍🏻最後，另外多點一打生蠔 ，這次是南非生蠔，比之前的大隻（生蠔優惠：十蚊隻）最後，由於友人生日，但我們沒有準備蛋糕，因此在餐廳點了心太軟，加生日牌，女店員十分好，幫我安排了一切，十分感謝🙏🏻！餐廳感覺十分chill, 下次還會再黎

約左一大班朋友來食住野吹水，我哋7:00左右來到，轉眼間全場差唔多爆滿，好彩我地有訂位咋。場內燈光柔和，營造有格調的浪漫氣氛，除左適合一大班朋友聚會，亦非常適合情侶食返個浪漫晚餐。食物質素很高，來左好多次都覺得keep 到水準，餐具方面好乾淨。期待下次再約

已經幫襯過很多次。尖沙咀分店近排訂枱情況 態度極差 明明沒客又要set 果時間90分鐘 -訂枱時間已經令人不快 -樓面員工態度極差 餐廳內只有數名客人 還叫客人在門口找等 -食物質素下降 不會再想幫襯-

我係食蠔嘅超級粉絲，真係每一次至少可以食到一打以上！但係蠔本身就比較貴，所以都唔係可以成日食。直至我搵到oyster station佢係每日都會推出十蚊一隻生蠔呢個優惠！咁只要用120蚊就可以食到十隻蠔啦！ 生蠔雖然十蚊一隻佢啲質素完全唔差，一樣係有creamy同有淡淡嘅海水味！ 今次純粹係為咗食生蠔，所以冇點到其他菜色，但其實呢間餐廳係有提供其他嘅菜式，例如pasta，pizza同risotto都有，下次嚟嘅時候我會試下其他菜式！ 除咗10蚊生蠔之外其實佢都有好多呢自世界各地嘅蠔， 每日都有少少唔同嘅今次我就冇試到，但我見到隔離枱食嗰啲貴啲嘅生蠔係畀十蚊嘅生蠔的確係更加肥美，鍾意食蠔嘅你呢間一定要試！

同朋友慶生, 再次黎到蠔站~~對呢間野好有信心的, 因為玻璃肚既我地, 食呢間既蠔冇肚痛!今次3個人, 食左4打呀, 大滿足!今次全部係係食10蚊蠔~ 係法國蠔黎既海水味重D, 邊位脆身, 中間CREAMY真係超正呀, 果陣CREAMY既味仲停留係口中....EM~~細細隻, 大滿足黎親都會叫既啤酒炸薯條因為口感好好, 放左好耐都仲咁脆蒜泥辣椒意粉都夠味, 細細碟岩哂, 咁我地可以留肚食多D蠔~壽星女想食既牛扒, 五成熟, 但唔會太多血水 (我驚)肉質柔軟, 好易切, 好JUICY!ROSE 既SOMERSBY好好飲, 又香又甜 但相反另外兩款(summer topical 同violent hawaiI) 就唔好飲了一陣藥水味的...帶左蛋糕去食, 加90蚊, 會幫我地雪住職員既態度都好NICE

服務全程冇笑容就算啦，其實都唔係好介意笑唔笑嘅問題，態度又都係幾冷淡嘅，唔錯！堅持尼個態度落去，就可以👋🏿。三個人食左千五蚊，牛扒OK，豬麻麻，最差就係個比目魚，簡直不可思議，兩細細塊貴就算，又冇味，全部係骨頭，簡直令人失望⋯生蠔都OK，10蚊好抵食，冇肚痛，都乾淨。講真如果想做高級嘢，不如試下轉食材啦，一係就唔好定咁高價錢，又唔好食，服務態度又⋯算啦，以後唔會有下次～👋🏿第一次食都係最後一次，第一次寫食評竟然係因為非常不滿意其食物。好，👋🏿⋯⋯

聽朋友講之前有$10 一隻生蠔，諗住上嚟試吓，佢男朋友專登揀一間餐廳慶祝，上到去個優惠已經冇咗！$199有八隻生蠔加一杯餐酒，其實呢度都幾好食嘅！都幾新鮮同埋好有海水味！之後叫咗呢一個卡邦尼意粉，其實味道係冇問題，不過價錢就偏貴囉，因為份量其實好少，我諗一個人都可以食得晒！之後叫做呢一個反骨雞翼，炸出嚟都好脆口，價錢好似係$68 ，基本正常價錢！食落去真係好似食緊雞鎚咁，都唔錯既！食西餐就一定要食牛扒，呢個西冷扒叫咗三成熟，佢個汁同埋肉質都好食，三百幾蚊同一般餐廳價錢差唔多最後一人叫左一杯啤酒，叫1664 不過佢地話唔夠杯所以用asahi杯裝住😂

Went there for their oysters. $120 for 6 with a lunch set which includes soup, pasta and drink.The oysters are from the USA, South Africa and Korea. They are very fresh and big as well.The pasta was average and the coffee i ordered was too sweet.Would definitely go again for their oysters.

不嬲都有食開將軍澳果間一直都認為除左生蠔 其他菜式冇咩可取之處除左叫左兩打$10 生蠔叫左雞翼 雞翼好普通 同埋牛排 🥩同意粉但係三個人都唔夠食！再叫又好貴 所以都stop左最後去左食甜品算黎度環境好過將軍澳 熱食都煮得好過將軍澳分店唔怪得好評多d d

一去到，先點了一打生蠔，Pizza和意大利飯。其實再加單，點了一個凱撒沙律。等了大概15分鐘。就見到隔離枱已經有食物上枱（意大利飯），但係我想講我哋係比隔離枱先到先點，我們點完餐後，他們才入座的。看到這個情況，立即跟侍應講，侍應話幫我地跟。大概過了幾分鐘。旁邊的那張枱的一打生蠔已經到，但我張枱還是空空如也。只有最遲點的沙律到了。最後還再問侍應。才有生蠔先到。過了大概八分鐘。隔離枱嘅燒春雞都到咗。我哋張枱還是什麼都沒有。足足等了40分鐘。只係來了一個凱撒沙律和生蠔。侍應還來過不滿的態度，說想我哋食咗啲生蠔先至來其他食物。咁我話上得㗎。吾洗等。最後等左10分鐘都仲未嚟。埋單。走人，沒下次

第二次去食呢間，個人覺得氣氛幾好，環境乾淨，員工態度唔錯。頭盤食咗沙律，沙律正常中規中矩，唔會話特別好味。主菜食咗煮蜆意粉，墨魚飯。蜆都幾大隻，肥嘟嘟😍好味。❤️我更加欣賞墨魚飯🥰成條墨魚原隻擺咗喺度🤪🤪煎過後更香，墨魚汁香👍🏻👍🏻豬手仲抵讚，超大份😂上台嗰時有啲嚇親，有啲翠玉瓜，去肉瓜都唔會馬虎🥰燒得好好味。我哋仲叫咗啲生蠔但係唔記得咗影相🤦🏼‍♀️🤦🏼‍♀️， 生蠔都好新鮮，記得嗰時做緊特價所以好抵食❤️❤️🥰🥰食到好滿足

不嬲都好喜歡食蠔，發現蠔站係少有的食蠔地方！而且Chefs recommendation仲要非常之好味😚濃濃的蠔味帶住礦物味，口感就比較Creamy🥰只係10元隻！即係叫咗半支白酒，提升生蠔的香氣😊雖然同老公都認為好味的蠔其實食8隻左右就可以留住果種幸福的感覺😚但實在太難得可以2人世界，所以就叫咗第二打😂🙏🏻之後仲叫咗fresh salad💜好清新！沙律係我們最喜歡的💜另外都叫咗鴨肝多士！不過鴨肝味比較淡，配咗蒜味多士，嗯。。。。叫做平衡反？😅主菜點咗牛排，不過忘記影相了！牛味濃，成熟煎得剛剛好！配上紅酒🍷💓只係配菜薯蓉口感奇差，係整晚最錯的地方呢！

特然想食蠔又諗唔到去邊就近近地走左去尖沙咀呢間oyster barbook 左枱都要等陣先入得去入到去必食既就係生蠔啦$10一隻 我地order 左一打咁都係$120咋 好抵呀但係d 生蠔就細左d 同顏色麻麻地果然係一分錢一分貨啦性價比黎講都ok la跟住我地仲叫左個豬手但係個店員唔記得落單同我地hold 住左張單所以我地都等左好耐先有野食但豬手意外地好食燒得岩岩好外脆內軟 肉質又好嫩滑好好食好正 推介！！！！！都會介紹朋友食既❤️

同一班fd 黎食 卜左七點 要九時還枱 你要飲酒享受嘆蠔 時間係唔足夠個日食 未夠鐘就係咁吹雖然你下枱客到左。但我地未夠鐘同未食完 係咁吹都真係無引不過佢食物質素係好的我地先剈左個蠔併盤。由佢介紹幫我地執好食的 如果佢有牌仔介紹再插住更好 食完都唔知食左咩🤣🤣人齊就係咁叫十蚊蠔 細細隻 有2款 都係抵食的叫了maincourse 個豬手好好味。外脆肉嫩 時間控制得好好個黑毛豬 就一般般 味道同肉質都無驚喜羊架好味 或許我係一個羊痴佢小食都唔錯 炸夢條同尤魚圈都好味佢個炸粉好得

晚飯約會朋友想食生蠔，本來但算去另一間專食生蠔的餐廳，但果間星期一休息，於是改蠔站。之前有去過將軍澳店，感覺不錯，今次試尖沙咀店。黎得蠔站必叫最出名抵食$10一隻生蠔，我地都叫左半打。除左$10蠔，其他生蠔有package 叫，半打$219，一打$392，可以叫$39既蠔，叫貴過$39就要補差價。當晚的十一款蠔：上枱：$10蠔雖然味道唔差，但不及貴蠔肥美，相比只下變得失色不少。其他食物方面，頭盤香芒牛油果大蝦沙律味道唔錯但份量略少。粉麵方面，我地叫左香辣蒜香蜆肉扁意粉，很香好好味。辣度岩岩好，唔會一放落口辣到你食唔到，食多幾啖之後先會慢慢感受到辣。蜆比較預期中大，辣油滲透哂入蜆肉，正。薯條做小食，夠哂脆。另外叫左香辣炸雞翼，開頭冇留意餐牌有圖，以為係炸雞中翼，其實比較似韓式炸雞，即係炸完出黎睇佢唔出係翼黎。味道普普通通，不過份量唔少，都幾飽肚的。