蠔站 (諾士佛臺)

Open Now

Now Closed

去過大角咀分店，真係好欣賞。今次嚟尖沙咀分店，伏咗：侍應唔夠，點餐要等好耐，仲要漏單。雞翼返炸九次又乾又硬，Pizza無味都係好乾，生蠔唔新鮮好乾...點解乜都咁乾，牛扒係無牛味。真心無一款係好味嘅。我去咗沙漠咩？！乜都係乾無味。

做咗oyster station嘅VIP會員，逢星期一惠顧滿500$ 全單會有七折，但＄10 一隻嘅蠔係不計在內！所以係7折的吸引下，我哋就成班朋友一齊去食啦！我哋首先叫咗一個正價的生蠔拼盤，咁其實佢係三百幾蚊就會有一打生蠔，如果你想揀的款係屬於48/58/68$@咁就要補返差價！我哋今次只係揀左兩款，一隻係美國嘅蠔、一隻係南非嘅蠔！因為我個人就比較喜歡食比較肥美creamy的蠔！！我真係好鐘意南非的Nelia，所以加錢都一定要食！黎到oyster station，佢最優惠的10$ 一隻蠔，無可能唔叫！ 我地前後叫左兩打10$@ 蠔，有南非同愛爾蘭！ Ribs 好入味！因為同行有朋友唔係好鍾意食蠔，所以我哋嘅晚餐都有主食！叫咗豬手、好入味、皮脆肉嫩、唔會比德國餐廳差！除咗蠔其實熱食都唔錯、所以就算唔鐘意食蠔嘅朋友，都可以試一試呢間餐廳！

今次係我第三次黎，因為我覺得好食 ga 野係要 encore ga, 由於有好友即將離開香港，我地一班旅行好友就約左出黎蠔一蠔，順度 farewell 我地 ga 朋友仔啦。是日都唔例外，餐廳職員都會介紹是日優惠生蠔，但唔知點解次次都係南非同愛爾蘭，哈哈，不過唔緊要。頭盤 一定係生蠔啦，好鮮呀，配上白酒，正 頭盤點至一個呀，仲有我地都鍾意食嘅秋葵 去過西班牙後就開始鍾意食 ham la Lee 個 pizza 好食過我係意大利食個 d, 冇他 ga, HK style, 仲未食得慣意大利 d pizza, 冇乜餡 個 pasta 都唔錯，好多蜆肉呀 至於個 risotto 就好一般啦 但總括來講，我都覺得好食 ga，雖然有時間限制！

某日同朋友黎到呢間位於尖沙咀嘅餐廳，餐廳嘅賣點係可以“蠔”飲“蠔”食！其實我嘅意思即係呢度嘅生蠔好平，最平嗰種只不過係10蚊一隻咋！！如果想食豪d，另外仲有其他貴d嘅生蠔種類選擇~我地四個人order咗打半生蠔、野菌黑松露pizza、軟殼蟹意粉同蒜蓉牛柳粒。雖然我地只係揀咗最平嗰隻生蠔，但係味道都相當唔錯，肉質爽口，有海水味，尚算鮮甜。其他菜式味道都唔錯！Pizza 餅皮薄身，批邊鬆脆，有唔少野菌，黑松露味好濃，相當惹味；意粉上嘅軟殼蟹炸得夠香口，成碟意粉味道都幾好，不過個人認爲略嫌淡咗些少；至於牛柳粒嘅牛味幾濃，蒜片炸得香脆，夠曬濃味，最啱重口味一族！要提提大家，原來呢間餐廳都幾受歡迎~如果星期六日想去的話，最好都係book定位喇~

鍾意食生蠔所以黎左試野食其實唔差，點左 $216/6 隻自選蠔（如果唔熟悉都不要叫）前線開蠔既staff 會笑你 唔係話介紹因為要自己行出去睇 ， 仲要係睇字唔係睇蠔點解唔整個menu 出黎呢？同埋十隻$10promote 緊既蠔（真係好細隻，侍應只係答我法國蠔）點餐點左幾次都未叫到唔係因為太忙 係因為侍應唔夠專業 問左好多野都答我唔到 問佢今日餐湯係咩 佢係我地面前翻menu😥😥另外叫左parmaham melon 未食過咁難食既melon , 唔甜又硬又切得唔好（好似放左好耐咁）🤢賣相都唔得 所以冇影相😂最後叫左個蜆肉意粉同羊羊ok ，好食賣相同味道都ok個意粉就一般 粉太硬🤢我堅持個蜆係煮唔熟 所以一隻都冇食到都有反應意見 侍應答我廚房一定會做到熟晒先拎出黎 叫我放心！後來朋友食完覺得唔舒服 ☹️同埋啲嘢食起得太快 食完生蠔之後其他野全部一齊出， 其實好影響食物質素👎🏼👎🏼👎🏼

啤酒味薯條冇啤酒味，侍應生回應：外面買返黎的👍🏻👍🏻妙答.....😏😏😏今日十蚊南非蠔，食六隻其中一隻upgrade法國蠔，法國蠔係大隻d, 不過我覺得都係南非正d,今日包場到七點，正！！！冇人同我爭位😱😱😱，不過都係限時要我七點半埋單

又黎食蠔啦，今次帶左咀刁爸爸，爸爸都讚生蠔又平又扺，仲免費升級左兩隻做法國生蠔（原價58）。冇訂枱，6點半walk in入去，講到明8點要還枱，我地當然冇問題。不過下次會記得book枱，比老豆慢慢食。餐湯係蕃茄忌廉湯，呀妹就好鐘意，我覺得ok。鵝肝，羊架，蜆肉意粉都要比like，唯獨係刺身拼盤個聖子刺身冇晒要轉3文魚有d失望，不過都係好fresh既!爸爸就覺得刺身拼盤唔扺食，其他野5粒星!

我們一班同事有喜慶lunch time會常去，初初食，買一送一個set真係好化算，同埋食蠔亦是，真心低食，已經食左起碼7至8次，但最近幾次食，無左買一送一不特止，一個餐最平68.有湯，有飲品，都算啦，有同事生日豪少少啦（但同平時買一送一是一樣😅)無啦啦又話可以免費食沙律菜，咁我地已經同侍應溝通左，因爲唔係食足咁多個餐，一個餐可免沙律，我地就原本8個人，叫左6個餐，咁侍應話ok la同我地免，跟住又多左個同事嚟堂吃，咁9人，7個餐，最後埋單，收多我一個沙律，仲要48蚊，有無搞錯，個普通沙律菜(雖然任食)但我係食餐，唔係食菜架嘛！48蚊，我唔加錢分單啦⋯⋯當初話分單就可退免左呢個問題啦，加上d餐細份左好多，最後個個同事都不開心，以後都唔會幫襯！最好笑就係，一開始有一個同事先到，又唔知留左咩名，但個侍應要好細緻咁問，又幾人，又姓名，電話，(執著地要知)原本以為真係好多人訂左枱，係好正常咁問，我們食左一個鐘，最係都係得2張枱，做人處事就靈活一點啦！成間鋪得嗰2枱客，叫親侍應都無人應，唉！所以一間公司除左食物質素，員工態度都好影響整間公司既生意！

食物質素不過不失，但服務真的一般般。侍應冷漠懶散，叫他下單就像打擾了他一樣，愛理不理。上菜像向你發號施令，大聲粗莽，「生蠔！」「牛！」「魚！」。我的天！一丁點服務態度都沒有，幸好不是跟我的客戶來吃，真的失禮！。

間唔時就會想食蠔，不過一般出面食都要20幾至40幾蚊隻，叫幾隻就100幾蚊，而自己本身又唔識分蠔嘅種類，所以對我來講都幾貴，所以每次蠔癮發作都來衣間醫下，其實唔洗講大家都知衣度有10蚊隻蠔叫，叫一打都不過120蚊，平係一個原因會再來，但是除左平，佢10蚊隻果啲蠔唔會話無味唔新鮮，每次食都海水味濃同有蠔味，除住佢每次提供的10蚊蠔不同而有唔同質感～creamy/爽等等，所以好蠔朋友可以試下，可以食到你唔食😂今日想食但係早上暈完船浪食唔到咁多，一行四人叫住兩打先，今次海水味ok creamy 朋友話食到金屬味之後叫左ribs eye medium rare 切開都紅紅地，「淋淋」地，咸蟲嘅我都覺得咸左少少carbonara creamy 好食，四個人分唔覺太多👍🏻仲叫左雞翼做小食微辣juicy 不過之前已食左牛同意粉，有啲「陋」紫薯蘋果沙律，但是佢唔係用紫薯呢😮味道ok

星期五幾旺場 訂位都around 8:30pm 先有位1️⃣是日$10精選生蠔。愛爾蘭蠔海水味較重 偏細隻 偏瘦嘅 not creamy 小編一般般.........2️⃣焗蠔6隻 $138小編叫左三種味道1. 黑松露 2. 煙肉芝士 3.菠菜芝士呢d蠔比較肥美大隻👍🏻👍🏻 食落有滿足感3️⃣羊架 $248好味 唔騷 不過今次有d細舊.......蔬菜烤得幾多汁入味 不過今次嘅大啡菇烤得有少少乾.......So far so good 嘅~~~

已經黎過3次，10蚊生蠔係最最最吸引我黎既原因，呢到環境靚，服務好，性價比高，同老公黎慶祝結婚周年，而且食物質素令我地非常滿意，嗌左一打生蠔，兩個餐湯，一個意粉，埋單三百幾蚊，慳慳地又想食餐好，呢到係我既首選~

一去到 等左好耐先入坐 都唔緊要 應該係經理啦著住恤衫 行埋黎幫我地落單啦 咁我地order左一打生蠔同意大利飯 無耐生蠔到左 咁過左差唔到十分鐘左右有個侍應行埋黎收左個生蠔盤同問洗唔洗加單要蠔咁就加多半打啦 到半打到食完既時候就奇怪個飯咁耐都未到既 根住搵番order個職員 好無禮貌咁講 上完凍盤先上熱食 order時有需要同客人講？食過幾次都唔係咁分開上 咁算啦唔緊要啦 再等下啦 其實原本已經好肚餓 諗住等多陣啦 唔緊要啦 點知又等左差唔多半個鐘先到 問左好多次先到 講到話要cancel先到 我想問究竟無落單？定真係制作需時咁耐？如果真係制作咁耐 有需要同客人講聲？？？仲要唔係攞上枱 係經理行埋黎dum上枱?咩服務態度？茶記都好過佢啦🤷🏻‍♀️ 食到好委屈 好似挨你俾嘢我食咁 隔離枱早我地小小order都食完埋單都未有得食 ——————————————————————-真心 一句講哂 如果你時間多又受得氣就去食啦🤷🏻‍♀️

本身無諗住去呢間食，男友生日，佢話突然好想食生蠔，經朋友介紹話呢間正，之後Walk in去，無諗到居然有位，因為朋友話要訂位，兩個人叫左20隻生蠔，一個四式芝士pizza,同一個墨西哥闊條面，個芝士pizza,非常出色，令人食完一舊再一舊，食完所有野黎，男朋話d生蠔好正，再追加多一打，埋單780文下次再會去食

I was attracted by the oyster which is 10 dollar each and decided to have a try before movie. Just two of us so we ordered one and a half dozen. It came with lemon and the sauce. As u can see from the pic they came in different sizes which some can be quite small to normal sizes. The taste is ok but quite hard to enjoy it when it gets too small. It is fresh though and no restrictions on how many u order or minimum charge. A nice place for happy hour!