蠔站 (諾士佛臺)

Open Now

Now Closed

太太生日想食生蠔，所以選擇這間餐廳慶祝，食物質素ok,氣氛也好好，我們叫了生蠔、烤羊架、黑松露雜菌意大利飯，因為太太生日我還早一日親自上門訂了cheesecake 慶祝生日，但去到叫甜品時，久久未出，同叫店員跟進時竟然話冇曬店員雖然叫我們改其他甜品，但太太唔食朱古力，所以很沒趣埋單走了

女友人MY突然o係30-9-2018 (Sun)約我o地31-10-2018 (Mon)國慶日出o黎食飯,所為何事?冇問.佢揀o左呢o度,OK. 我o地12點到o黎,只有我o地兩pair人食,環境好舒服好寧靜,只要叫$78.00至$133.00不等o既.set lunch,就有自助沙律任食,睇見menu好吸引,女友人MY要$78.00o既香蒜蝦球扁意粉,老公要$93.00o既香煎美國豬柳伴芥末籽醬,我同男友人JT就要$99.00o既香煎紐西蘭羊仔扒.落完單,好快就俾蒜蓉多士同餐湯,餐湯南瓜忌廉湯,蒜蓉多士香脆,好味.南瓜忌廉湯稠杰度o岩o岩好,味道亦唔錯.然後去沙律吧攞o野食,唔算好多o野,有:泰式木瓜沙律,微辣,木瓜爽.雞蛋柚子沙律,OK冇問題燒南瓜沙律,冇乜調味,正常冇問題.咖哩印尼中東米,口感比較硬,味道亦怪怪,我接受唔到.菠蘿羽衣甘藍沙律,羽衣甘藍已經唔多新鮮,而且唔係咁脆.黎麥炒薯仔,黎麥太多變o左味道怪怪,不過都OK o既.食完一碟沙律,主菜就到,香煎紐西蘭羊仔扒完全冇羶味,細件但夠厚,口感o岩o岩好,不過有啲煎燶o既味道.香煎美國豬柳伴芥末籽醬,兩件豬柳大大件,但同樣有煎

第一次看到及吃到跟食評寫的(包括圖片)沒有偏差的食物 大滿足！ $10 12只(1打)貨真假實 愛爾蘭生蠔在港尋找3年 终於找到CP值甚高 而海水味又合胃口的生蠔 這跟我在澳洲悉尼餐廳吃的味道及新鲜道無差 若在跑馬地著名的Benson Crab吃同樣的 價錢是雙倍只吃蠔 有点寡 再跟午餐加$120配多3款生蠔蠔吧亦有多款由每只$39起至生蠔自选星期天午餐時間不算人多 服務挺好 但剛巧有小朋友開生日會 比較吵 美中不足！吃飽後 往海港城CitiSuper 看到客人用$35至$69不等 或以$318 半打 ***还要在超市立食*** 開蠔的年上亞姐不纯熟開蠔手勢 及另一大嬸只能用基本蠔知識介紹客人 (其他超市不見得更优秀！) 我才不要花$$$立食！ 這餐廳豐儉由人 試了3款 House Wine $68每杯 不錯！

約左朋友係尖沙咀食飯，上openrice見到原來尖沙咀都有oyster station，就諗住去食。一坐低就嗌左兩打生蠔，每人食半打先。$10生蠔實在太吸引，嗌多啲都唔覺得肉赤。蠔好鮮，唔係好重海水味唔會好咸，點埋佢既汁食非常好味。另外叫左四杯白酒飲。主菜叫左10oz既美國USDA CAB西冷牛扒，好香炭燒味，一咬落去好多肉汁又唔韌。配菜都好好味！香辣蒜片蜆肉扁意粉都好出色，蒜味好出，扁意粉又好有咬口，煮得岩岩好。再試埋佢既炸啤酒味薯條，啤酒味唔係好重，但薯條係實心既，食完真係好飽。每一樣野食都好好味，性價比高既餐廳！

未來老爺生日，佢話想食蠔， 我一諗就諗到黎呢間餐廳， 因為佢做十蚊一隻蠔，而且性價比高，我平時lunch 都會落嚟叫半打食下 好嘞講返正題先， 今日我哋六個人嚟食一坐低已經叫咗三打蠔 三打一齊上 真係好震撼好多隻好喺眼前 大家都忍唔住快快落手，um.... 今次啲蠔水準唔錯，隻隻都又肥又鮮甜， 經過大約10分鐘， 檯面上嘅學生蠔都全部清光 之後細佬仲吊緊蠔引 我哋又落多咗六隻燒生蠔，分別有2種唔同嘅味道，有黑松露燒，芝士煙肉燒， 跟住我哋仲叫咗燒豬手，配 埋芥末醬 簡直停唔到口， 豬手肉質嫩滑，皮又夠脆 食到嚟呢部分已經好 飽， 坐咗陣我哋先再嗌其他野食，消化下先 之後我哋叫咗軟殼蟹 蒜香意粉，黑松露雜菇飯 同埋 沙律海鮮pizza... 呢個軟殼蟹意粉值得一讚軟殼蟹炸得好鬆軟size又大， 唔錯唔錯，另外個飯同pizza 水準都唔錯，嘢食全部都好入味，屋企人食得好開心

同frd lum住解解蠔癮 book左位唔洗等好快有得坐, d $10蠔係可以任叫!!! 先一人一打 size算細 不過味道幾好 又有海水味 物超所值勒已經 始終蠔真係一分錢一分貨 食完encore多2打等個唔食生嘢既frd. 叫左pizza同一個白汁海鮮意粉share 因為食蠔都已經飽曬 好彩距pizza係薄低 好脆好多cheese 驚喜地好食 😂😂 每人300左右 抵食抵食~PS 我好多frd提我唔好叫距地雞翼同啤酒薯條 有少少伏 🌚😬

同朋友gathering, 朋友話呢間好扛食咪大家去試下囉大家都鐘食蠔, 又見咁抵, 緊係大叫特叫啦雖然唔係話特別好食, 但係咁平, 點計都抵啦食蠔緊係要配白酒啦, 可惜我忘了影低美酒相襯之後我地叫左個軟殼蟹扁意粉唔好意思, 因為太心急食既關係, 食左兩啖先影相, 軟殼蟹好脆好好食之後再叫多個10安士西冷牛雖然叫左5成熟, 但食落似3成多D, 有朋友唔鐘意咁生既就唔多喜歡了。

朋友話呢到有十蚊生蠔，我同朋友都好愛生蠔，所以就黎試下，十蚊蚊係次次不同既，如果想試其他蠔都有好多選擇既，不過價錢就當然貴啲啦，我地都加左幾隻試下十蚊蠔就比較瘦，味道都不錯既，另外加左4隻都好甜好好食。除有蠔之外意粉都好好味，pizza都是不錯的，整體黎講都吾錯既，兩個女仔食到勁飽

朋友生日飯去蠔一蠔， 南非蠔10蚊一隻，好新鮮，好抵食，仲平過外賣返屋企，又唔洗自己開，食得好豪爽！！海水味重，有些少creamy. 好正，小二，一人黎多一打！！之後冇曬 南非蠔 竟然有法國既fine de Claire 海水味都是 重 但係就爽脆的 aftertaste帶少少 金屬味 都係好新鮮好好味呀 薯條好熱，剛剛炸起，正!炸雞翅炸過頭，有些乾！Pizza 好味，個餅底好crispy.德國 豬手炸得太犀利 脆皮 整到條脷損左 肉質太乾 略鹹，可以食其他野 整體嚟講 啲蠔超新鮮 又抵食 仲會推介pizza，一定再去！！

放工後蠔癮突然升起，所以同朋友決定去蠔吧食平價蠔頂一頂癮，想平食其實就可以食$10一隻嘅生蠔。今日嘅特價蠔係法國蠔，海水味較重。而我同朋友不消15分鐘就已經食咗一打了！比起佢嘅正價蠔，呢款蠔係冇咁肥美冇咁creamy，但對比起自助餐的蠔，絕對不失色！另外我哋仲叫咗牛油果藜麥大蝦沙律，見到呢碟菜嘅時候，第一下好驚訝，賣相我唔識欣賞、有D唔想吃。但係一落手，居然有好大驚喜，味道甜甜地，藜麥+牛油果+蝦肉，感覺好夾好有口感。呢款沙律比想像中飽肚原本同朋友都怕就咁嚟食一打特價生蠔，會被店員白眼，但店員嘅服務態度其實依然好好！

星期六約左Friend 一齊去尖沙咀做facial, 做完facial 已經12：30，個肚已經好鬼餓，最後其中一個friend 話諾士佛台有一間餐廳好抵食。去到間餐廳，環境好清幽，好難得係唔多人。一坐落，咩都唔使講，首先就點左一打蠔，$10 一只，真係抵食到爛。之後再點左Pizza 同海鮮意粉。Lunch set 包餐湯，面包，同野飲。最後仲叫左個啤酒炸薯條。D 蠔好鮮，一d 都唔會覺得腥。Pizza 同海鮮意粉味道唔錯，幾好食。而炸薯條係粗薯條，食到好多薯容係入面。

去過大角咀分店，真係好欣賞。今次嚟尖沙咀分店，伏咗：侍應唔夠，點餐要等好耐，仲要漏單。雞翼返炸九次又乾又硬，Pizza無味都係好乾，生蠔唔新鮮好乾...點解乜都咁乾，牛扒係無牛味。真心無一款係好味嘅。我去咗沙漠咩？！乜都係乾無味。

做咗oyster station嘅VIP會員，逢星期一惠顧滿500$ 全單會有七折，但＄10 一隻嘅蠔係不計在內！所以係7折的吸引下，我哋就成班朋友一齊去食啦！我哋首先叫咗一個正價的生蠔拼盤，咁其實佢係三百幾蚊就會有一打生蠔，如果你想揀的款係屬於48/58/68$@咁就要補返差價！我哋今次只係揀左兩款，一隻係美國嘅蠔、一隻係南非嘅蠔！因為我個人就比較喜歡食比較肥美creamy的蠔！！我真係好鐘意南非的Nelia，所以加錢都一定要食！黎到oyster station，佢最優惠的10$ 一隻蠔，無可能唔叫！ 我地前後叫左兩打10$@ 蠔，有南非同愛爾蘭！ Ribs 好入味！因為同行有朋友唔係好鍾意食蠔，所以我哋嘅晚餐都有主食！叫咗豬手、好入味、皮脆肉嫩、唔會比德國餐廳差！除咗蠔其實熱食都唔錯、所以就算唔鐘意食蠔嘅朋友，都可以試一試呢間餐廳！

今次係我第三次黎，因為我覺得好食 ga 野係要 encore ga, 由於有好友即將離開香港，我地一班旅行好友就約左出黎蠔一蠔，順度 farewell 我地 ga 朋友仔啦。是日都唔例外，餐廳職員都會介紹是日優惠生蠔，但唔知點解次次都係南非同愛爾蘭，哈哈，不過唔緊要。頭盤 一定係生蠔啦，好鮮呀，配上白酒，正 頭盤點至一個呀，仲有我地都鍾意食嘅秋葵 去過西班牙後就開始鍾意食 ham la Lee 個 pizza 好食過我係意大利食個 d, 冇他 ga, HK style, 仲未食得慣意大利 d pizza, 冇乜餡 個 pasta 都唔錯，好多蜆肉呀 至於個 risotto 就好一般啦 但總括來講，我都覺得好食 ga，雖然有時間限制！

某日同朋友黎到呢間位於尖沙咀嘅餐廳，餐廳嘅賣點係可以“蠔”飲“蠔”食！其實我嘅意思即係呢度嘅生蠔好平，最平嗰種只不過係10蚊一隻咋！！如果想食豪d，另外仲有其他貴d嘅生蠔種類選擇~我地四個人order咗打半生蠔、野菌黑松露pizza、軟殼蟹意粉同蒜蓉牛柳粒。雖然我地只係揀咗最平嗰隻生蠔，但係味道都相當唔錯，肉質爽口，有海水味，尚算鮮甜。其他菜式味道都唔錯！Pizza 餅皮薄身，批邊鬆脆，有唔少野菌，黑松露味好濃，相當惹味；意粉上嘅軟殼蟹炸得夠香口，成碟意粉味道都幾好，不過個人認爲略嫌淡咗些少；至於牛柳粒嘅牛味幾濃，蒜片炸得香脆，夠曬濃味，最啱重口味一族！要提提大家，原來呢間餐廳都幾受歡迎~如果星期六日想去的話，最好都係book定位喇~