太平洋咖啡 (Closed)

一年容易又聖誕！雖然仲有半個多月，但今日已急不及待試咗焦糖薑餅牛奶咖啡、聖誕紫薯撻、雪花柚子芝士蛋糕同番石榴蛋糕。焦糖薑餅牛奶咖啡，薑餅味唔算好突出，保持一貫牛奶咖啡嘅味道，個人偏好紫薯味濃郁嘅甜品，加上開心果仁雲呢拿撻底，呢個撻雖然有啲滯但就好滿足。至於柚子芝士切開果然好多柚子，感覺清新不油膩……番石榴蛋糕震滕滕上碟，皆因慕絲融入奶凍中，同樣清潤不膩。