八道餐廳 (Closed)

靚媽有同事叫佢到呢間，雲人氣食店一試，睇吓啲食物得唔得，5月26日適值佛誕假期，揾食肥華就應靚媽要求，同佢及細仔仔專誠到此店食試食午飯，12點前到達此店，可即時入座，仲係四人卡座，坐低後陸續有食客，到此店光顧，而個個食客，都同此店話事人及員工有傾有講，閒話家常，場面温馨，可惜肥華三人是首次幫趁此店，來嘅目的亦為食嘢，沒有感受到此店對熟客嘅情懷，至於食物方面，可能今日係佛誕，要食齋所以上天，要懲罰我們三個食肉人仕，今早所點嘅每一款食物，極奇量都係C級質素，隻炸雞脾和個忌簾湯，細仔仔話係劣食，靚媽亦即場致電同事，如實滙報對呢間餐廳，嘅食物評語俾同事知🙅‍♀️🤦‍♀️👎👎👎

今日(27-8-2022 Sat)晏晝,專程同老公嚟懲罰老闆娘被斬嘅呢間,由於塞車,攪到我哋嚟到時啱啱係下午茶時間,睇吓menu,有好多選擇,我嘅選擇困難症出現喇,而老公好肚餓,佢就嗌咗嘢先,佢要$45.00嘅蒜香蔥油雞扒半熟蛋撈飯,加$1.00要青檸檬啫喱冰.我就再諗多一陣,開始肚餓嘅我,終於揀咗即焗酥皮卷同紅豆沙冰,老闆娘問我即焗酥皮卷要咩料?啊,我要$24.00嘅千島菠蘿煙肉啦,老闆娘提醒我要等25-30分鐘,而紅豆冰就加$13.00.之後就兩杯嘢到嚟,青檸檬啫喱冰,青檸味濃,不過舊綠色啫喱就冇乜味.味道:2.8分紅豆冰啲紅豆好夠腍亦唔太甜,唔錯嘅.味道:4.5分蒜香蔥油雞扒半熟蛋撈飯,老公見啲米係圓啲就話係日本米,油雞口感juicy唔乾,蒜香蔥油半熟蛋撈埋啲飯食好好食,唔錯.味道:5分, 抵食:3.5分焗千島菠蘿煙肉酥皮卷到嚟,但只係等咗20分鐘啫,係快咗嘅,呢個好熱,酥皮卷酥脆,千島菠蘿煙肉混合埋係唔錯,而佢有啲拉絲,不過煙肉冇我想像中咁鹹,就覺得呢個唔太鹹,OK嘅,不過就唔係太大驚喜.味道:4分, 抵食:3分而老公食完佢嗰份都覺得唔夠,就要多個$25.00嘅芝士豬柳漢堡,加

呢間餐廳坐落慈雲山都有一段時間，我時不時都會來幫襯，因為喜歡呢度人情味濃厚，同埋好佩服餐廳姐姐一腳踢經營（樓面、收銀、送餐、安心出行），覺得要支持下！食物價錢好貼地，而份量都好足夠～ 而且見餐單都會不時轉同埋可以俾客人選擇唔同配搭，十分人性化👍🏻👍🏻 而更重要既係我見到經常都會有公公婆婆、街坊幫襯，餐廳職員都會同大家傾計、有時都會俾優惠長者/學生咁，仲有鼓勵客人自帶餐盒、餐具買外賣（鼓勵環保同時慳返幾蚊錢）就係呢d心思同埋街坊情懷令我覺得會一直繼續幫襯！ 希望大家可以既話都去幫襯下，支持良心小店😀

良心價19蚊一個外賣飯盒😱？長者價更低至16蚊，抗疫時期真係優惠街坊，就算係豐富啲嘅全日餐都非常抵食，到底餐廳仲有無賺㗎🥹？之前都知呢間黃店有派開愛心飯盒，充滿濃濃嘅人情味💛。如果有能力，不妨用正價支持————————————————👅雞扒濃湯烏冬（良心價$23）👉🏻唔太肚餓就食個烏冬，呢位價錢都有肉食，蜜糖烤雞扒雖然薄啲，都有3-4件，而且雞皮甜滋滋🍯，幾似連鎖快餐店早餐件蜜糖雞扒，濃湯烏冬正常，烏冬唔係最差嗰種口感，性價比仍然唔錯———————————————— 🚩總結：抵到無朋友，但良心無價———————————————— 🌟注意：上午11時起供應————————————————📍 八道餐廳地址：慈雲山毓華街74-80A號嘉華大厦地舖.🗺地區：#bem黃大仙📥分類：#bem港式 #bem黃店日常💰人均消費：#bem_50蚊或以下

呢間餐廳我諗應該係開咗半年左右今日第一日去食早餐發覺其實好多選擇同埋價錢幾平蕃茄通粉就爭少少因為多數都係落茄膏但厚多士就有好香嘅蒜蓉味同埋花生醬口感外脆內軟值得一食

附近返工，周不時要搵早餐食醫肚。🥐有日行開，比我發現呢間平價早餐，真係抵食👍🏻, ＄２０左右就有一份早餐，依家呢個時勢，好少有呢支歌仔唱喇。我叫左番茄粟米天使麵＋熱奶茶，🍅番茄湯底香濃，真係有茄肉架；🍜麵底多，🌽粟米多，真心抵食。💯💯不過，我覺得杯奶茶澀左少少， 如果多返D奶就更加好了。外賣加＄２，所以，今餐早餐＄２１。（提外話，佢可以whatsapp 落單，好方便，唔洗得，去到就有得拎喇👍🏻👍🏻)

懶得落街買嘢食，就睇吓附近有咩外賣可以叫見到呢間價錢好似好平，又肯送上門，就叫佢叫咗個卡邦尼野菌意粉連飲品（$38）再加個炸燒賣（$10/8粒）就咁睇個意粉好似好靚仔，隻蛋半生熟，又有少少香草喺面但當我食左第一啖點解個意粉係甜嘅佢係嗰種甜嘅白汁，比你平時飲嘅忌廉湯更加甜然後我就食到啲雜豆，冇乜味嘅煙肉，又冇乜味嘅蘑菇片完全顛覆咗我對卡邦尼嘅認知，所以食完都幾失望反而嗰炸燒賣係正常，炸住個燒賣幾香口但有咁講，呢個價錢可以有咩要求可能咁啱我叫錯野，或者叫佢其他嘢會正常

在慈雲山區一間不起眼的餐廳，佈置簡單，但滿滿的人情味。餐牌內食物款式都幾多，而家幾特別。第一次來食，問下店員(老闆?)有什麼推介，非常熱情地推介，最後兩個人叫左3款食物。酸辣胡麻雞絲天使麵($40)配搭幾特別，未見過其他餐廳有此配搭，食落酸酸地微微辣，幾清新非常開胃，適合夏天食。卡邦尼野菌煙肉意粉($39)比較像白汁意粉，味道較普通，但份量頗多，以此價錢水平算是不錯。印度鍋餅(跟餐+$15)正常的煎餅，配埋咖哩汁都只係$15，抵食!食物整體算不上非常美味，是正常的味道，但勝在價錢平、店員熱情有人情味。

叫咗麻辣烏東，咖哩牛腩，鯖魚飯，雜菜，串燒小食，素咖哩角，個個同事都話好食。做事認真，因為回教朋友要特別處理食材都無問題，包裝很好，仲包甜品 ，又幫手叫gogovan，準時送食物，萬無一失！gooooooooooooood.

其實我自己算係呢度既常客，因為八道真係又抵食味道又算唔錯，但唔知點解即使係平日既中午放飯時間都唔算多人，我今日十二點幾黎都叫有位。佢既午餐餐牌每星期都會轉，可以保持新鮮感，而今日我叫左卡邦尼煙肉意粉，加一蚊可以有多個芒果啫喱冰，真係幾抵。然後佢等左唔洗十分鐘就上菜，呢點比之前食既加多樂冰室真係好唔少。上黎既卡邦尼意粉仲要有隻蛋，呢點真係意想不到，不過隻蛋如果熟多少少就好了，但整體黎講都算好食，而加埋個啫喱冰先39蚊，如果有買connect card仲可以九折，以午餐計真係抵到爛！

嗌左個牛河，炒到斷曬都算，啲汁搞到曬啲粉仲要乸埋一舊，仲要將湯河粉當炒河粉甘整，好心炒牛河就入翻啲炒粉，都五知係咪俾人食，嗌左杯紅豆冰，冇味飲滾水甘，紅豆來貨唔知係咪貴，最多都係得一羹，有時候平唔係大曬。

尋日路過慈雲山入去呢間嘢食個下午餐A加B….34蚊A係焗肉醬意粉B係西多士半件加個咖啡 我想講呢間嘢嘅食物質素…肉醬意粉係 真係焗嘅 味道ok，但肉醬少咗啲 咖啡係即磨嘅，飲得出ok 嗰半件西多士令我最不滿完全唔識整西多士，一邊燶曬，裏面入曬油點食呀. 好明顯係油未熱嘅時候，已經放麵包落去炸.同步進行，麵包索曬D油，跟住溫度漸升. 西多士最失敗之中嘅失敗.

如題，佢個麻辣雞肉炒烏冬，簡直就係辣辣辣！應該係即叫即炒，我都等左10分鐘左右，甚至下一張外賣單佢都出左先輪到我！個炒烏冬又麻又辣，正到痺！雖然我平時都叫做食得辣，但今次真係幾辣下，一路食，一路流汗、流眼水！講番食物，每一條烏冬都有上到色，個烏冬係炒到勁香口！烏冬有咬口，質感吾會硬、吾會粉！而且佢落左吾少雞肉入去炒，張圖都可以見到個面頭都已經有5嚿雞肉咁！總共成兜可能都有十幾嚿雞肉咁！雞肉食落多汁、嫩，一啲都吾會dry，而且都係炒得勁香口既！整體而言我非常滿意，但就覺得$55有少貴，如果係$45既話，我會成日去買黎食！

星期六朝早左醒，屋企又無野食，就去左屋企附近間黃店食早餐，想試呢間好耐，見佢價錢幾平又好多文宣，但一直唔得閒試。平時行過見唔多人幫襯，以為唔太好食，但食完係會覺得好驚喜！今次叫左一個醒晨早餐同一個沙嗲牛通早餐！咸牛肉炒蛋三文治配蛋白麥皮 ($27)推介指數：9.5/10呢個醒晨早餐非常之抵，無論你點配搭，都可以用唔洗$30食到超飽！呢份咸牛肉炒蛋三文治非常之好味，唔會太咸，食多幾件都可以，最重要佢係超級足料，餡料係多到唔會係呢個價錢食得到！性價比極高！仲可以配多個份量都唔少既蛋白麥皮，超級抵食！沙嗲牛肉通粉早餐 ($32)推介指數：8.5/1032蚊呢個價錢雖然好普遍，但32蚊黎講佢個份量真係多得好誇張。一上枱以為係得個碗大，但食極都食唔完，真係好大碗。唔只通粉多，沙嗲牛都唔少的，仲要配埋多士同腸蛋，真係好抵！不過鐘情沙嗲牛既朋友可能會嫌佢唔夠重味，味道會淡小小，可能係就番一班年紀比較大既食客，因爲我見大部分食客都係上左年紀，較少年輕人。總括嚟講，呢間野性價比真係非常之高！仲要係良心黃店，作為住係附近既手足一定要去懲罰下。近排仲推出埋抗疫外賣餐，18蚊已經有個外賣飯餐，呢間真係非常推介

上年尾食過一次得兩三枱客仔，昨日再經過竟然高朋滿座，上fb一睇發現原來係因為黃店，仲整埋咩加油站當連儂牆😂下？黃店？😂😂之前明明見佢門口有貼民建聯議員海報，等外賣又聽到同啲廢老講學生影響交通工搞到開唔到舖，仲話個女見到啲黑衫人驚，但又話自己係中立。宜家可能真係轉左黃嘅，慈雲山多間黃店都好嘅不過我就會再考察下先PS:上次係阿媽嗌左外賣叫我等話哂都係食評都要講下食物，沙嗲牛肉麵嘅早餐，沙嗲牛肉係過期嘅罐頭，酸的🤮🤮食左一啖就冇食，另一個炸魚就OK，不過平就係真嘅。依家生意好左，應該唔會再過期嘅，當我當時黑仔。