八道餐廳 (Closed)

其實我自己算係呢度既常客，因為八道真係又抵食味道又算唔錯，但唔知點解即使係平日既中午放飯時間都唔算多人，我今日十二點幾黎都叫有位。佢既午餐餐牌每星期都會轉，可以保持新鮮感，而今日我叫左卡邦尼煙肉意粉，加一蚊可以有多個芒果啫喱冰，真係幾抵。然後佢等左唔洗十分鐘就上菜，呢點比之前食既加多樂冰室真係好唔少。上黎既卡邦尼意粉仲要有隻蛋，呢點真係意想不到，不過隻蛋如果熟多少少就好了，但整體黎講都算好食，而加埋個啫喱冰先39蚊，如果有買connect card仲可以九折，以午餐計真係抵到爛！