Video
Opening Hours
Today
11:00 - 21:00
Mon - Sun
11:00 - 21:00
Above information is for reference only. Please check details with the restaurant.
駛車經過見到呢間小店，抱住試下嘅心態入去。叫咗一隻海南雞外賣，現場即斬，喺車上等幾分鐘就有得攞，好方便。食落真係有驚喜！雞肉滑、有雞味，仲要無骨，食完一舊即刻想食多舊！一家三口秒清左一隻海南雞，阿仔話下星期要再幫襯！值得推介 💯 （事後上網搵先發現，原來呢個品牌已經喺香港開咗20年，原來係海南雞飯老字號！）
continue reading
本身天后好少黎，今日甘岩要係個頭番工。lunch time 見人多就快快手叫個外賣算，又估唔到依間海南雞都幾好。海南雞餐有餐湯同埋小菜送，都幾抵既。中湯豬骨南瓜甘筍湯，幾好味，夠濃又飲唔出係味精湯，幾好👍海南雞飯d 飯軟硬適中，本身煮既時候已經加左黃薑，紅蒜頭等香料，夠曬香。而海南雞份量都好多，件件都好大😱 肉質非常嫩滑，火候控制得好好！而佢送既有三隻醬，薑蔥蓉，甜鼓油同埋甜酸辣醬，個人比較中意甜酸辣醬，配合上海南雞既鮮嫩，認真唔錯！
continue reading
前面無人，但等一大輪，等極都唔take order。終於等到落單，打算叫兩個雞飯，一個係正價和另一個係學生餐，就話要等30分鐘。叫正價，話就唔使等咁耐。問吓點解同一樣都係雞飯，但學生餐要等咁耐，就話你可以唔等。算，咁唔自在，冇幫襯走咗。唔知道味道如何，但一定不會幫襯。
continue reading
食物唔掂，服務超差，喇沙完全啲湯好似水咁淡，叫佢加多少少湯好似叫佢死，好似不可一世的店員從未試過咁難食，海南雞啲雞又唔熟，講真食物唔淨係重要，服務態度最緊要，就算好食，食完都背脊骨落，何況超難食，簡直黐線點解今時今日仲有啲咁嘅人做生意？可以咁樣做？以前食水煮牛嗰間超級好，一個禮拜起碼食兩次。最慘呢間店好似有四至五人，只有一個姨姨態度正常好… ………………………………………真心就分享比天后的朋友們，知唔以前嗰間食水煮牛去咗邊度
continue reading
因為下午要開會, 所以不夠時間出去食午飯, 正好一直都想試下新開嘅栢檔海南雞飯, 買完返公司慢慢食。我選了海南雞飯。回到工作室個飯都仲暖。一打開外賣盒雞和飯是分開盛載，這樣很好，有些店是把雞放在飯上面，感覺飯吸走了油份，雞肉就會比較乾，這樣分開盛載就可以令雞肉浸在黃油中，雞皮光澤，賣相都吸引多了。飯份量好多，是雞油飯，飯粒偏硬, 但我一向喜歡這種質地, 每吃一啖飯都是雞油香。雞肉好嫩滑，一點都不韌，味道不是好咸, 雞味都濃。隨盒附上3款醬汁，薑蓉，甜鼓油和甜酸辣醬，可以沾雞撈飯。我用了少少薑蓉點雞肉已經好夠味。聽店員說醬料是他們每天新鮮造的, 這一點真的很有誠意啊, 更令這個雞加分!整體雞肉加雞油飯已經好夾, 再加上那3個醬汁, 3個不同味道不同層次, 好味!
continue reading