百味川 (Closed)

過開黎掃平野，梗係唔好miss左葵廣出名嘅川味魚淮山麵，叫番兩個唔同味嘅滿足哂！天氣咁熱，個個都想歎下冷氣坐低食，好在佢地有幾個舖位，座位算係葵廣坐得較舒服嘅食肆。麻辣魚淮山麵、番茄魚淮山麵，麻辣少辣不失麻香，刺激味蕾，魚肉份量又多；番茄魚超濃番茄湯，係番茄控老婆必選，淮山麵夠爽，又低卡好味，岩哂！呢度嘅川辣雲耳，醋味濃麻夠香辣味少，雲耳爽口，好鬼開胃。仲有麻辣手撕雞都唔錯，食完口渴唔洗驚，飲埋餐飲夠哂飽。快靚正之選。

平時嚟葵廣都只會掃街 買小食醫肚今次留意到有間川菜Lunch大排長龍好奇之下 就一嚐人氣小店 百味川.百味酸菜魚米線🐟與其他餐廳唔同 每天堅持採用新鮮豬骨及雞加上清湯煲成 不含味精 所以比較清香鮮甜魚柳份量好多 無骨啖啖肉 肉質非常嫩滑可選米線 淮山麵 扭紋薯粉 油麵 生菜底揀咗薯粉 吸湯能力高 味道很鮮甜 一點都不膩.麻辣牛魔王米線🐮分別有牛腩 牛筋 牛肚這三寶 牛魔王大愛牛筋爽滑醇厚 牛肚柔嫩夠味 牛腩鮮香不膩店主強調使用了四川/ 重慶的辣椒 花椒 香料辣得正宗 配搭健康爽彈的淮山麵 口感味覺一流.無冰奶茶/咖啡☕️跟餐只需要$7 就飲到樽仔奶茶/咖啡濃醇厚滑 拍得住茶餐廳水準 無冰果然正啲.麻辣手撕雞🐔雖然係小食 但份量一啲都唔少滿滿的一碟 真材實料 冇用菜/青瓜鋪底調味夠麻夠辣 唔會太咸 手撕雞肉質都夠滑.蒜泥白肉🐷蒜泥白肉有一種獨特的魅力 明明不愛吃肥肉都會忍不住一片接一片的沾蒜蓉醬吃每一口都是彈牙膠質感 還可以品嘗到肉的鮮甜薄切的五花肉 一點也不像在吃肥肉 吃完愛上了

蕃茄酸辣乾拌麵慢煮辣牛筋：claim得自己係慢煮真係有啲料。軟身、諗到似係jelly一樣。辣又唔算好辣，可能因為本身個sauce酸辣都cover左佢。珍寶百味過橋准山麵作為一准山嘅愛好者，我係別處食過一次淮山麵就霖得濟。所以，原本對呢度無咩期望。但今次竟然係爽口彈牙，拍得住上一碗嘅薯粉。下次可以叫准山乾拌麵。咁啲材料上，我覺得值得叫嘅有豬潤、腩肉呢兩款都係好食。自家掣嘅白菜餃就有啲厚皮，但個餡就好食geh. 蒜泥白肉呢度嘅白肉就係米線嘅腩肉，再搽上蒜泥。味道一般啦。

身為葵芳人，一直有朋友詢問介紹一下葵涌廣場的飲飲食食，因為這裡出名的就是價廉物美。想不到數十塊也有酸菜魚吃，這次叫得太多，飽得捧腹離場。百味鮮茄魚米線 - $60近十塊的魚肉好厚身，完全不會散開，啖啖肉之餘，入口軟嫩無腥無刺。鮮茄湯底味道好濃郁，還有些茄膏於魚肉附近，酸酸味味。麵底轉了淮山麵，有一整個麵底份量多得驚人，非油炸麵健康又爽滑彈牙。百味酸菜魚米線 - $60酸湯鮮香美味不膩，一片片的酸菜好爽脆開胃。爽滑柔韌的米線份量正常得多。淨雲吞(6粒) - $38餡料是最傳統的豬肉加韭菜，豬肉鮮而不腥，雲吞皮薄不膩，入口好潤滑。淨韭菜餃(6粒) - $38充斥著韭菜特殊的香氣，口感綿軟。恐龍華田 + $11美祿恐龍就聽得多，原來也有恐龍華田。不同的是沒有加入煉乳，而頂部轉上撒阿華田粉，味道特別濃郁。凍奶茶 +$3

今日經過葵涌廣場有間「百味川」好多人食，餐廳乾淨整潔，餐廳招牌係各種口味米線，除佐米線仲有飯、小食。嗌佐一份珍寶百味過橋米線，好大一碗，配料充足夠晒豐富：牛肉、豬肉、雞肉、豬潤都唔止一舊，仲有魚蛋、墨魚丸等。除佐配料仲可以揀湯底：酸辣、麻辣、番茄、沙嗲等，我揀麻辣中辣，真啲夠晒麻夠晒辣，味道濃郁，食幾啖嘴唇麻麻嘢😂麻麻辣辣好過癮！另一份番茄魚米線：好濃郁啲番茄湯，甜甜酸酸嘢，魚塊份量都唔少，無骨，肉質鮮嫩，配上番茄湯底甜甜嘢。

於葵芳地下，去到都幾多人，麵同餸料既選擇都幾多，點了一碗麵跟一份小食，珍寶百味過橋米線 $62送到過黎，可能是選了清湯關係，碗麵賣相不太好，餸料既份量還可以，可惜既係，湯底味道偏咸，食到一半已經接受唔到。口水雞翼 $31賣相不錯，可惜調味不太喜歡，原以為是麻跟辣，但可惜兩樣都唔係，而反而係得醬料既咸味，而雞翼可能係就咁淋左D醬料係面，食落無味。總體而言，價錢未算係好貴，但食物方面，偏咸同調味可以更好。

今天叫了下午茶的，炸醬及娃娃菜酸辣米線，熱檸茶， 10分難食，一浸不屬於酸辣米線的薑味，熱檸茶直接用茶膽非常嘔心，以後不會再食，以及連同一商場也不做外賣服務，老闆娘態度極差

葵廣淮山麵新開到現在，午餐都要排隊，淮山麵好少地方可以食到！哩道食唔使加錢，不錯。人均：99.麻辣牛魔王淮山麵之前食小辣食到，今次叫中辣，夠辣啦！牛腩、牛肚及牛根好軟，哩碗較重口味。😏😏😏.過橋米線改淮山麵乜都有啲，諗唔到食咩就叫佢😂友人食清湯。.醋香雲耳中和下食辣的味道，雲耳爽口，份量多！哩款小食可以叫。.口水雞翼開半雞翼，入味而容易食，不錯。.炸墨魚丸炸得外脆內軟，沾上酸辣醬剛剛好。.飲品熱飲不用加錢！

夜晚過咗葵芳行街，上網睇到人哋話呢度都有酸菜魚食所以就嚟試吓。佢呢度嘅酸菜魚係用龍利柳，啖啖肉完全冇骨，醃到入晒味，依個湯都幾鮮甜，唔會剩係得辣味，但係有少少酸都好開胃，呢個價錢來講我覺得幾唔錯。而佢特別在可以將個面底轉成菜底，啱晒我呢啲成日話減肥但係又為食嘅人。男朋友就揀咗個過橋米線，因為唔使揀乜都有，大大碗一定夠飽肚。佢揀咗酸辣湯底配淮山麵，佢個酸辣湯底都唔錯，同樣地夠酸得來唔會得個辣字，而淮山麵都好彈牙。另外我哋叫咗兩個小食，但係估唔到佢個份量係咁多。首先係個涼拌海帶，都幾入味，不過就嫌佢唔係咁爽，林身左小小。而佢個麻辣手撕雞都好夠辣，連平時好食得辣嘅男朋友都話好辣，所以真係好堅。而且個份量都真係好大，唔似得出邊其他舖頭會墊啲菜喺底，扮好多。而係呢度有樽仔奶茶同埋樽仔咖啡，幾好飲㗎，甜度濃度啱啱好，奶茶咁啱又可以解辣，唔錯。

我是愛辣的人，喜歡有間正宗四川風味位於葵芳店的百味川呢！不但有多款湯底和麵底可選擇，我自己喜歡有酸菜魚湯底、麻辣湯底、蕃茄湯底，麵條可選米線、扭紋薯粉或淮山麵呢！而聽說百味川老闆去重慶拜師學藝，所以用自家農場種食材秘製無添加魚湯底，果然用心！另外還有多款小食，韮菜餃子和蒜蓉白肉便是我至愛，加埋杯恐龍華田飲品， 滿足！百味川店舖地址：葵芳葵涌廣場地下A39舖新分店地址：大埔安慈路1號海寶花園地下15號舖

葵涌廣場是個購物和美食天堂，炎夏在這裏逛街最適合。逛完街，找個餐廳吃晚餐，天氣熱，不想吃飯，見到百味川有各款米線和涼拌小食，去試試吧！百味鮮茄魚米線$60,加$2轉番茄酸辣湯底，其實就是酸菜魚的變奏版，變成番茄湯底，味道也很好，番茄酸酸甜甜，另配酸辣湯底，更加惹味。魚片是魚柳，分量多，煮得滑嘟嘟的，配蕃茄湯一起吃，味道夠濃。米線質感軟硬度適中，推介這款米線呢！珍寶百味過橋米線62,加$2配酸辣湯底。喜歡過橋米線多配料，不用傷腦筋選擇吃什麼。丸類、肉類，樣樣都有一些，先讚酸菜，味道不錯醃得酸酸甜甜的，不會死鹹，配湯米線吃，非常開胃，覺得豬潤爽口，夠香夠新鮮，另外還有魚片頭、魚蛋、墨魚丸、龍蝦丸、鮮牛肉、腩肉、火腿、雞肉、豆卜、生菜等等，真的超多配料，為食貪多的人最適合。涼拌小菜，選了涼拌海帶$28, 海帶份量很多，辣醬和蒜蓉拌勻後，味道很濃，辣度大概小辣至中辣。川辣鳳爪$33,最喜歡吃無骨鳳爪了，一碟五隻，爽口有嚼勁，份量覺得比較少，不夠過癮。這裏的辣醬感覺是越吃越辣的，所以還是要點飲品。因為點了米線，可配套餐，我們選配特飲，熱飲每杯加$6。柑桔酸梅露，解辣十分有用，酸酸甜甜味道，喝到柑

見到有咁多人like, 即管過嚟試下，叫咗紅燒肉酸辣米線，個紅燒肉係騷嘅，湯底好似好深色但冇味嘅,自問唔係大嘥鬼，普通味道嘅我都會盡量食曬，但碗嘢食咗第一啖就知道伏，之後啲騷味就成個口都係，真係頂唔到落去，食淨三分之二碗但間嘢都幾多人食下，眼見都有七至八枱客，但又唔係平又唔好食，好彩今次淨係試咗一個四十幾蚊嘅米線，如果試佢啲貴嘢真係畀錢買難受應該唔係我個人問題，我老公都食淨咗半碗，大家都當減肥算啦希望睇到呢個post嘅人，真係唔好諗住去試，因為係我呢幾年食過最難食嘅嘢

好小出葵芳，今日難得尼到，帶住啊媽，知佢鐘意食米線。就搵到呢間試下，叫有二百幾個好評心諗應該唔差。我地兩個都叫左酸菜魚米線，湯無乜酸味⋯酸菜都唔係好酸⋯魚係雪藏魚。食落感覺係清湯加魚加酸菜咁，所有野好似分開咁唔係一體～唔會有下次了有點中伏既感覺⋯

一入到去 啲姐姐唔知做咩 態度勁惡已經覺得唔良好叫左碗酸菜魚米線 唔酸唔辣 又lum一啲都唔好食 60蚊碗貴 唔抵食同行個frd叫左碗撈麵 餃子餸 皮厚 總結 唔好食同之前cm一樣到底200幾個like係點黎

葵廣一向平靚正，係地下行左一轉，見到30幾蚊有個lunch, 諗住試吓，點知...入到去坐低問30幾蚊lunch, 原來係外賣，咁好啦打開menu 睇，60幾蚊碗麵， 都唔平喎，咁就叫個過橋薯粉啦，哇，碗就大啦，一夾，同我早幾日係佐敦個間差咁遠既，心諗，可能好食呢？味道真係好一般，味精多到個日不停飲水，每樣餸一舊起二舊止，食完係飽既，不過60幾蚊食碗咁既野，係葵廣應該好多選擇囉仲要食食下見到隻小強係牆度🙄真係不吐不快