百事吉餅店 (Moved) New Location

為會議準備茶點，同事提議去百事吉。店舖雖小，足以買到我想要的。最後，買了25個提子鬆餅、25個椰子橽、30個提子蛋糕、四袋曲奇及杏仁條和蝴蝶酥各兩袋。賣單$500找$5。挑選和買的過程非常滿足，店員替我包裝後才心知不妙，一個人要拿著四袋有份量的甜點縱橫灣仔！當然，我把它們一一試過，除了提子蛋糕和椰子橽，因為這兩款的外表不太能吸引我。鬆餠一向是我不能抗拒的糕點，可惜這店的出品令我失望，或者應說是不合我的胃口吧。雖說價錢只是$2.5，但旺角櫻島及觀塘喜包店的質素令我覺得平價都可以好食。個人喜歡較接近餅乾的鬆餅，但這店鬆餅的外層不夠香脆，內裡亦不夠鬆軟 ，幸好甜度適中，吃下一個也不會有膩的感覺。牛油曲奇十分鬆化，店家毫不吝嗇地下牛油，精彩! 蝴蝶酥和杏仁條果然是鎮店之寶，不論是味道或質感都恰到好處，絕對值得再買。

蝴蝶酥輕輕的一片已经包含了牛油香、鬆脆、微甜於一身, 吃罷有陣陣牛油回甘。烘焗火候掌控得宜, 餅身鬆化, 不會像坊間般厚實, 吃來滿有輕鬆感。網上睇到蝴蝶酥唔難造, 不過好唔好食就要靠經驗...材料:急凍現成酥皮 1包, 砂糖約半碗, 雞蛋半隻（打散）做法:1. 先將現成酥皮橫向切一半, 用木棒把酥皮壓成約半公分厚, 面積跟橫向的 A4 紙大小相若。預算出酥皮的中間線, 把酥皮左右兩邊向中間線對摺。2. 用掃子在酥皮上掃上蛋液, 並均勻地灑上砂糖, 再重複步驟１的摺法。之後再掃蛋液及灑砂糖一次, 最後將麵條再對摺, 形成長條形的麵條。3. 用刀將長麵條切成約5公分厚的小麵條, 把每段小麵條放平並呈現出蝴蝶形, 用平底匙子將之稍為壓平, 然後排放在鋪上牛油紙的焗盤上。 4. 以120℃預熱焗爐10分鐘, 將放滿蝴蝶形小麵條的焗盤放入焗爐內, 焗約30分鐘至金黃色即可。

曲奇餅這種"來佬"食物在小時候的我眼中就只有藍色罐那一種為最經典, 但那一種就不是我的茶...但原來很多港式麵包店一直以來都有自製曲奇餅... 熊仔就在數年前無意中經過這家麵包店, 看到不同款式曲奇餅陳列於廚窗, 明碼實價, 更是新鮮由店後的焗爐而出, 實在不能忍手不買! 就是這樣, 小妹就愛上了曲奇餅這傢伙, 自此以後就會不斷嘗試其他店的出品, 成為一個愛曲奇之人~ 吃過很多很多次百事吉曲奇, 卻是第一次寫食評, 原因是每次都來不及影相留念就怱怱吃光半磅曲奇! 話說回頭, 這裡的曲奇以每磅計, 一磅$48, 也可以買半磅, 為免一次吃得太多通常我都是半磅半磅地買, 少吃多滋味! 是次買了半磅三款味道, 其中兩款是小妹的all time favorite, 其餘的一款是個新嘗試~~ 朱古力扭花~~ 在底的是牛油味曲奇, 鬆化重牛油味, 光是餅底都很吸引, 面頭的朱古力粒很大粒, 起了畫龍點睛的作用, 用的雖只是平價牛奶朱古力, 但食客都不會介意, 因為大家要求的不是甚麼法國名牌朱古力, 反而是那小時候吃的平價朱古力的感覺... 所以說這粒朱古力的意義在於點綴整塊曲奇! 這款是小妹的必吃

百事吉的麵包曲奇可以話係由細食到大, 但自從搬屋之後, 要偶爾O黎灣仔先可以食到...今次買O左2袋曲奇1袋係果占夾心: 有D好脆, 有D有少少腍, 感覺無以前新鮮 果占份量好少, 有時完成食唔到有果占味, 比起以前, 的確差O左好多...1袋係朱古力手指: 比果占夾心脆好多, 感覺新鮮好多, 可能係因為呢隻比較受歡迎, 去貨比較快有關服務方便, 我覺得D呀姐有D惡死...我O地拎上手揀多陣, 佢O地已經黑晒面, 好唔滿意...我O地只係睇下邊包無咁碎, 又唔係整爛佢D野,...都唔明點解香港而家D service咁差, 擺得出黎就預O左比人揀啦...anyway, 雖然D曲奇無以前咁好味, 但唔駛兩日, 成磅曲奇已經比我一個人食晒

逛完書展已近三時，沒什麼胃口，看見這裡有大大個又樣子不錯的雞批，於是買了一個作為午餐。雞批($6)：餡料是最常見的白汁雞肉和火腿，雖然不是完全滿，但也算多。不太鹹也不膩，味道很不錯。批很鬆化，不油膩。其他飽類和蛋糕都很廉宜，有機會會再試試。

本師奶一個入門食家仔當然成日諗下有咩食啦突然間諗到想食蝴蝶酥同埋杏仁條本身星期六跟埋老公返工架放工就可以去晒銅鑼灣2間曲奇店買晒2樣野喇噓不知唔知醒就冇計喇叫老公幫手去買比我佢話 : 咁鬼貴唔好買啦叮一聲記得係呢到見過百事吉評價似乎好得好 ! 就叫佢去灣仔買返黎試下啦不過我叫佢去總店佢走左去分店囉總店有多啲款同埋有橙味呢啲清淡味丫嘛店員比多佢 , 我叫老公全部要半磅架咋 咖啡非常香 , 包裝一開咖啡味飛晒出黎 , 杏仁片過甜粒朱古力我以為硬 , 點知原來係鬆化架, 同塊曲奇一咬就混埋一體架喇一樣鬆化 , 但過甜喇果然冇推介錯 !! 非常鬆 !! 唔過甜

第一次來到百事吉，站在門口 感覺是間頗出色的麵包店。店面小小的，出爐時間想說走進去選購麵包也不是易事，由於聞到一陣陣甜美的包香，身為包迷的我又決定暫時放下卡路里的阻撓，吃了再算！進入小小的麵包店，目光掃落在各式各樣的金黃麵包之上，實在每款麵包都想把它帶回家。可能因還末吃午餐的關係，我把它們每一款都想像得異常美味。首先夾了個菠蘿包，然後又分別拿了個原味香蕉糕和合桃香蕉糕；記得母親曾經提過這一間的香蕉糕做得很不錯。菠蘿包馬上就吃了。已經冷掉的菠蘿包，若做得好仍能吃出包的鬆化，而這一個　卻並不鬆化，淡黃色的’菠蘿’的覆蓋面不廣，脆是夠脆的。它勝在超便宜，已經很難用這價錢買到一個標準size的菠蘿包了！盛惠$ 2！但相對用料....有可能成反比嗎? 很想去相信是有的！！但菠蘿包還是合格。隔天才把香蕉糕當早餐吃；合桃的比原味的更有香蕉味，打開膠袋，香蕉香氣撲鼻；嗅覺有五星級的享受，那味覺呢?蛋糕的身體仍是不夠鬆，整個吃起來有點濟，但味道搭救！可惜的是當準備走出門口時，一盤熱辣辣的菠蘿包....出爐了...........

病了。所以要買個包食藥。我一向唔食早餐，除非病、口痕、肚餓，總之，我食早餐不是因為習慣。莊士敦道百事吉摺左，食少左係事實，今日迫住要買早餐，只好遠ｄ都去石水渠鋪。其實一ｄ都唔難搵，就係以前莊士敦道百事吉對面，前龍門旁邊條路入去，經過華潤超市就到。格局依舊，包都依舊。放棄了最愛的菠蘿毛毛蟲，買了一件Pizza。Pizza超足類，一個焗包餅鐵架只切八件左右，差不多兩枝營光筆的長度，大件得可怕。上面有腸仔、青椒、蛋、菠蘿，再有沙律醬同茄汁，非常足料，也非常好味。重投懷抱，多謝百事吉，因為你，我想，我會多一點吃早餐的。

去書展前，經過此店，買點食物當晚餐。因為已在其他地方買了個蒸包，故打算買多個蛋糕便算。健康蛋糕($4)：體積幾乎有磚頭那麼大。　很鬆軟又有濃濃的蛋香味，味道是不錯的，但頗甜，吃了大半件已覺得有點膩。用那麼多蛋和糖製作的蛋糕，為何說是「健康」？店中的食物都很廉宜，無餡包如芝麻包、提子包、雞尾包、菠蘿包等只是$2，pizza $12/2件，很抵食。

位於灣仔石水渠街1號其發大廈地下8號舖，原來仲有一間百事吉，由於舖位地方有限，百事吉的招牌貨蝴蝶酥及各式曲奇，甚至係限量發售嘅“芒果糥米滋”都見唔到。 不過呢度嘅員工就非常戮力，會幫你打電話過灣仔道總店問，有存貨嘅話店員會即刻幫你過去攞，呢D係咪華D所講嘅服務態度呢？講返“芒果糥米滋”，大大粒，裏面D芒果仲好新鮮，稍嫌外皮軟咗D，唔夠煙靭，但係凍冰冰，熱辣辣嘅天氣就最啱！為咗避免大家摸門釘，現將各店售賣招牌貨分列如下：店舖曲奇、酥餅芒果糥米滋莊士敦道141號√╳灣仔道67號√√石水渠街1號╳╳ （會幫你過灣仔道攞）