Pak Soi Asian Kitchen (Moved) New Location

📍ℙ𝕒𝕜 𝕊𝕠𝕚 𝔸𝕤𝕚𝕒𝕟 𝕂𝕚𝕥𝕔𝕙𝕖𝕟呢間餐廳有得坐室外同室內 不過個日12點到好熱就揀坐入去環境都幾好坐得幾舒服😬Combo Khao Mun Gai + Moo Grop w/Ginger rice海南雞併脆皮豬腩肉配黃薑飯🍚海南雞雞肉正常發揮啦 至於豬腩肉 肉同肥膏比例6:4 個皮仲要焗到脆卜卜😋點埋個甜酸醬食都幾過癮 兩款肉個份量都幾足 黃薑飯都幾香唔錯Pad See-iw w/Pork泰式豬肉炒河🐷醉愛pad系列 通常得pad thai食所以見有呢個就試下 果然都係炒得好香 豬肉都好多舊😗佢係真係泰式嘅河粉 唔係一條條係一舊舊比較煙韌 有啲似茶樓啲蝦餃皮咁Thai Lime Tea泰式青檸茶🫖個顏色比起港式檸茶混濁啲 飲起嚟有嗰種泰式香料味 飲唔慣既可能一時間會接受唔到 雖然走咗糖 但都唔會話苦 幾開胃🤤椰汁西米糕跟套餐送嘅一個甜品 食完就好開心好完滿了😙

去到西區食Weekend Lunch，搵到呢間泰國餐廳感覺好有外國風情，我食個Lunch set配杯泰式奶茶（+$20），埋單連加一$189，價錢唔平但食物質素唔錯，套餐幾豐富。Pad See-iw $152類似Pad Thai，不過個粉粗身啲，咬落煙韌啲。配料有蛋，雞肉，菜同紅蘿蔔等，味道口感幾好。午餐有跟湯，前菜/小食同甜品。碗湯幾清甜，仲有好大舊肉碎同蘿蔔。無揀到沙律，要左小食係兩大件炸魚餅，落足料，不過食到有條魚骨！甜品係芒果糯米飯，一人份量剛剛好，不過芒果唔係好夠甜。

朋友話呢間餐廳既野食好好食！！今次就黎試試😋😋-🍜Vietnamese Pho Tai 越南牛肉河粉 $98✨呢個河粉真係好特別！！佢係用好闊嘅扁身河粉，質感煙韌，仲好入味🤤🤤湯底超超超濃郁，牛肉硬度適中👍🏻👍🏻鐘意重口味既朋友實會鐘意食❤️❤️-🍲Gaeng Kiew Wan 青咖喱配白飯 (雞肉) $118✨我超鐘意佢呢個咖哩！！又唔會太辣，仲好香椰香味😍😍d雞肉都幾大舊，咬落好彈牙！！好食到就咁咖喱撈飯都會忍唔住食哂成碗飯🤣🤣🤣除左雞肉，仲有其他蔬菜，倒如豆角、翠玉瓜～～份量都好多，超抵食👍🏻👍🏻-🍤Pok Pieya Sod 鮮蝦米紙卷(4pcs) $88✨呢個紙卷都好足料！！有大大舊蝦仁，好爽口😋😋仲有好多生菜包住，一啖咬落去好滿足！！-今次用左app訂位，所以有半價優惠💕💕除返每人$100左右，真係好抵！！野食都好高質，十分推介👍🏻👍🏻環境都好乾淨舒服，店員仲好nice❤️❤️下次都會想再黎食😋😋

上openrice search到呢間小店feel既泰菜 去到都未開門 我地周圍行等左陣 入去個陣其實都未開門 但店員都俾我地入 好多野想食 但佢都唔係平 坐坐下 野食未到 我地都無除口罩 但d店員間中都有放低口罩囉 如果無疫情真係無所謂 但有疫情 要保障大家都係戴返口罩好d嘛 豬頸肉+春卷撈檬 佢好多配菜 幾多料 但係無乜粉 所以老公係唔夠飽的 所以其實可以叫多幾樣野食軟殼蟹黃咖喱+薄餅薄餅好鬆好香油酥味 黃咖哩唔辣岩我 同埋落左d蛋落去 成個汁唔會稀冧冧 軟殼蟹唔夠脆身 但調味好香炸雞軟骨個醬佢撈左是拉差+泰式辣醬 呢個配搭幾好bor! 重點係佢熱辣辣 有杯酒仲正 其實我多麼的想飲杯凍野 但我唔飲得

呢間係位於西營盤既酒吧街附近既一間小店💁🏻‍♀️網上一搵評論唔多 介紹比較少但意外地質素都幾高 個feel係似酒吧仔店員同大多數顧客都係講英文既🤭真係有種去左外國既感覺🤤.🎈Cha Gio Vietnam越式炸春卷 ($56) 炸得可以話係非常之鬆脆啦🤤春卷入面有芋頭同肉等🤭再配埋個汁更加惹味👍我地包埋生菜一齊食 味道口感都唔錯🤤🤤評分: 7.5/10.🎈Lap Moo 豬肉生菜包 ($98)呢一個就比春卷更加考廚師既功力🤭呢到既豬肉都炒得好有風味🤤醬汁有魚露青檸等 做出酸酸甜甜帶點辣既味道👍送飯同包生菜食都一流啊😍可惜友人就口味較淡會覺得偏咸 我個人就覺得咸度包生菜包後適中 不過有大量芫茜啊唔中意香葉類既人要注意啦！🥲評分: 8/10.🎈Thai Lime Tea 泰式青檸茶($33)望落真係同普通既港式凍檸茶冇乜分別🤣🤣但飲落就知佢既茶底同青檸都係泰式既味道🤤都幾好飲同預期既一樣評分: 7.5/10.🎈總體而言呢間路邊小酒吧係冇冷氣既🥺同埋係pet friendly有好多鬼佬夜晚會帶埋狗狗落黎坐下飲兩杯 都幾好feel🤣食物質素都幾好 係值得推薦既👍評分: 8/10

一路都唔知原來第三街有條充滿靚餐廳嘅巷仔，直至到上次特登search餐廳嗰陣先知。呢間東南亞菜有好多唔同菜式選擇，包括泰式、越式等等。叫左份蝦餅、beef pho、pad thai with soft shell crab同埋芒果糯米飯。🦐Shrimp Cake（唔記得左幾錢，應該大約$68-78）有四大件，啱曬四個人share。外皮幾脆，入面蝦肉幾彈牙，但略顯唔夠蝦味。個口感真係幾好，但就未必可以好滿足到鍾意食蝦嘅朋友。個醬甜甜酸酸幾好食。🥩Beef Pho $98個河粉好特別！！！係好闊嘅扁身河粉，闊度不一。夾起一條放入匙羹，一啖放入口，發現成個口感好正！個口感煙煙韌韌，有啲似雞絲粉皮個粉皮嘅感覺，但再好食啲。同埋明明冇連湯食，但嗰啖河粉都超有牛味！好正！冇試到塊牛肉，但見到啲牛肉好靚同埋幾大塊。🦀Pad Thai with Soft Shell Crab $178有兩大隻軟殼蟹！完全冇expect過有咁多，因為佢比起普通Pad Thai只係貴20蚊，好抵。軟殼蟹炸得啱啱好，唔會有過多嘅調味，食完都唔會太口渴。每隻蟹腳都爆汁，同埋隻蟹都多肉多蟹膏，有蟹味，大讚。Pad Thai炒得

一早已經聽過西營盤有好多好嘢食，果然名不虛傳，喺巷仔都可以尋寶！前菜選擇了泰式酸辣鳳爪，雖然不算很酸甜，但是配起生洋蔥，辣勁很夠，真的很開胃。Chicken Satay肉質鮮嫩，咬落去仲有肉汁流出黎！沙嗲醬內有花生，用心製作~完全係泰國地道的味道，送飯一流~生牛肉河用上粗河粉，卻出奇地好食，口感豐富，生牛肉肉質鮮嫩，湯底濃郁。再加杯Mojito，美好嘅假日午餐就係咁樣形成啦！餐點份量也不少，兩個人食已經覺得好飽啦。

Went here on a busy Saturday evening. It’s surrounded by a couple of busy restaurants and there was a good vibe. Pak Soi itself was quiet at 8pm but got busier. We ordered tofu cubes, spring rolls and chicken bites and although we weren’t keen on the tofu (the centre was very soft like an underdone scrambled egg white) the other dishes were superb, particularly the chicken bites. For mains we shared a green curry and pork with beans. Both equally good. They also had a good selection of wines. Pr

呢間餐廳嘅位置比較隱蔽，其實我住附近，唔係因為睇OpenRice我都唔知開咗一間新嘅餐廳，，咁我好想食泰國菜，所以入去試吓！點知出乎意料地好食！有驚喜！因為佢話俾我聽廚師係泰國人，真係同泰國食嘅味道係一樣！所以我都幾推介俾大家！我今次食咗個青咖喱豬，個青咖喱真係好好味！

新開既餐廳，試一試吓先。話說最鍾意試新開既餐廳，試吓水準究竟係點！？呢間絕對好高分，由staff 既服務態度，到食物嘅水平，都好高質。叫咗好幾杯嘢飲，分別係芒果smoothies, 牛油果smoothies, 同泰茶，全部都唔錯，都比較偏重奶味，芒果smoothies 有啲似沙冰，好飲亦好fresh. 牛油果smoothies 係我飲過咁多間入面最重牛油果味既一間，泰茶同平時泰國飲嗰啲差無幾，好飲。食物方面都好高分數，尤其係啲小食類，蝦餅丶雞軟骨，都好鬆脆，蝦餅大大塊，又夠新鮮。主菜方面，咖哩同phad thai 同通菜都一上就清空，味道比起平時泰國菜淡少少，啱返香港人口味。比較普通既係海南雞飯，個飯唔太夠椰香，亦唔夠油嫩，雞就偏淡味，醬料亦比較普通。建議大家可以唔洗叫，試多啲其他嘢吧～

delicious food and good environment to talk!specially the beef and pork I like.It is good to bring a group of friends or celebrate birthday !