Video
Read full review
2020-10-13
855 views
一路都唔知原來第三街有條充滿靚餐廳嘅巷仔，直至到上次特登search餐廳嗰陣先知。呢間東南亞菜有好多唔同菜式選擇，包括泰式、越式等等。叫左份蝦餅、beef pho、pad thai with soft shell crab同埋芒果糯米飯。🦐Shrimp Cake（唔記得左幾錢，應該大約$68-78）有四大件，啱曬四個人share。外皮幾脆，入面蝦肉幾彈牙，但略顯唔夠蝦味。個口感真係幾好，但就未必可以好滿足到鍾意食蝦嘅朋友。個醬甜甜酸酸幾好食。🥩Beef Pho $98個河粉好特別！！！係好闊嘅扁身河粉，闊度不一。夾起一條放入匙羹，一啖放入口，發現成個口感好正！個口感煙煙韌韌，有啲似雞絲粉皮個粉皮嘅感覺，但再好食啲。同埋明明冇連湯食，但嗰啖河粉都超有牛味！好正！冇試到塊牛肉，但見到啲牛肉好靚同埋幾大塊。🦀Pad Thai with Soft Shell Crab $178有兩大隻軟殼蟹！完全冇expect過有咁多，因為佢比起普通Pad Thai只係貴20蚊，好抵。軟殼蟹炸得啱啱好，唔會有過多嘅調味，食完都唔會太口渴。每隻蟹腳都爆汁，同埋隻蟹都多肉多蟹膏，有蟹味，大讚。Pad Thai炒得
一路都唔知原來第三街有條充滿靚餐廳嘅巷仔，直至到上次特登search餐廳嗰陣先知。
呢間東南亞菜有好多唔同菜式選擇，包括泰式、越式等等。叫左份蝦餅、beef pho、pad thai with soft shell crab同埋芒果糯米飯。
🦐Shrimp Cake（唔記得左幾錢，應該大約$68-78）
有四大件，啱曬四個人share。外皮幾脆，入面蝦肉幾彈牙，但略顯唔夠蝦味。個口感真係幾好，但就未必可以好滿足到鍾意食蝦嘅朋友。個醬甜甜酸酸幾好食。
🥩Beef Pho $98
個河粉好特別！！！係好闊嘅扁身河粉，闊度不一。夾起一條放入匙羹，一啖放入口，發現成個口感好正！個口感煙煙韌韌，有啲似雞絲粉皮個粉皮嘅感覺，但再好食啲。同埋明明冇連湯食，但嗰啖河粉都超有牛味！好正！冇試到塊牛肉，但見到啲牛肉好靚同埋幾大塊。
🦀Pad Thai with Soft Shell Crab $178
有兩大隻軟殼蟹！完全冇expect過有咁多，因為佢比起普通Pad Thai只係貴20蚊，好抵。軟殼蟹炸得啱啱好，唔會有過多嘅調味，食完都唔會太口渴。每隻蟹腳都爆汁，同埋隻蟹都多肉多蟹膏，有蟹味，大讚。Pad Thai炒得乾身，唔會有多餘嘅油，食完唔會覺得好膩。同埋口感都係彈牙，好食。
🥭Mango Sticky Rice（都係唔記得幾錢，應該$58或者$68）
喺香港食到好食嘅芒果糯米飯真係好難得！去過好多泰國餐廳，貴嘅平嘅都有，但有啲就芒果太酸，更多嘅係啲糯米粉太硬，煮得唔夠淋，有啲嘅椰漿又太甜。但呢間個芒果糯米飯真係exactly喺泰國會食到嘅味道，芒果甜，糯米飯煮得夠淋同埋非常之黏，椰漿分量啱啱好，味道同糯米飯配合得天衣無縫。呢個真係大推！鍾意喺泰國食芒果糯米飯嘅人一定會鍾意。
整體黎講，呢間餐廳喺食物口感方面表現得相當唔錯，味道都控制得好好，唔會太濃太淡。服務唔錯，有不停過黎幫我地加水。不過唔知係咪因為地方太隱蔽所以成餐Dinner好似得我地一檯客，黎到嗰陣都有啲嚇親，怕會中伏。但最後出乎意料地好食。
因為有單點餐點六折優惠，最後四個人埋單total先$500！超級抵食！
Mango sticky rice
38 views
0 likes
0 comments
Pad thai with soft shell crab
$178
84 views
0 likes
0 comments
Beef pho
$98
41 views
0 likes
0 comments
Shrimp cake
36 views
0 likes
0 comments
Post
