pal.

Open Now

Now Closed

之前喺社交媒體網站加入左香港cafe關注組，見谷友推薦屯門嘅Pal.💭作為大西北人類星期六就去左試下，味道都唔錯-店舖位置唔算難搵，喺何福堂輕鐵站附近，但舖頭比較細，客同客之間就坐得逼啲，周末要等一陣位，我地星期六1點左右等左10分鐘左右就有位，職員有4個(態度友善)，野食等左15-20分鐘左右就上齊有得食我地兩個人一共叫左慢煮雞胸自家製青醬意粉🍝煙三文魚沙律🥗同埋一杯熱Cappuccino☕️-煙三文魚沙律🥗$118沙律份量ok，食材幾新鮮，牛油果雖然細小小但好熟同淋，個南瓜烤得好好食menu寫個醬係自家製洋蔥蜜糖汁，加埋新鮮蕃茄仔同啲醋漬洋蔥，酸酸甜甜咁仲有水波蛋汁一齊食唔會覺得得沙律菜食好寡，好味！而且食完都飽嘅慢煮雞胸自家製青醬意粉🍝$98雞胸好滑一啲都唔柴，意粉掛滿青醬，味道都唔錯，但係份量就比較細啲，朋友食完之後都唔飽🤣Cappuccino(熱泡沫咖啡)$42(偷飲左一啖先影;;)味道正常，普普通通嘅一杯咖啡，凍冰冰嘅天氣飲杯熱飲人都暖返哂~☕️總結：食物味道唔錯嘅小店，但因為店舖細，人流多坐位貼，就唔多適合想去cafe慢慢chill嘅人啦會回顧，下次想試下Bagel同檸檬氣泡

翻屯門路過此店叫了一杯hot lattle 入口太熱，味道過於苦另叫了一杯Dirty 入口咖啡味有少少太酸後徑苦澀。甜品不過不失～但店員態度友善，下次路過會再試，加油😙

入咗嚟屯門咁耐，今日終於有時間試吓呢間小店，價錢方便唔算平，用餐嘅時間大概係朝頭早11:00，我哋一行二人，揀咗一個香蕉pancake+牛油果慢煮雞胸酸種麵包沙律+一杯Dirty。價錢雖然唔平呢度埋單大概$250，但係食物質素同賣相有驚喜，完全唔係啲普通cafe既質素，咖啡好好飲，大推佢哋嘅麵包+coffee，等候時間唔算耐，大概20分鐘左右上菜，staff態度都好好，當日係假期，個場keep住都要排隊，值得一試！

原本諗住好chill嘅下午茶，入到店內剛有2個位，但吧枱上已報滿收回的餐具，環境擠迫混亂及店內的匆忙感，order 食物後真的足足等左好耐先上第一份意粉Chicken Pesto Pasta， 等左咁耐已被情緒扣分所以沒有覺得特別好食，食完意粉先來柸凍mocha, 跟住就再來 All Day Breakfast 正正常常沒有特別驚喜, 最後再上一柸沒有誠意的 Cappucino。用餐時間大約一小時多，但等候食物時間用左45分鐘。店舖、吧枱環境及上食品時間先後次序有待改善。

其實食物質素同嘢飲真係不錯，亦都理解店面比較細要等位好理所當然。但係有一位阿妹侍應，係工作期間食嘢不特止（開放式廚房客人睇到晒），仲要客人自己大大聲喺座位度叫出嚟點菜，自己仲繼續一邊食嘢，一邊撳機落單，成個觀感都幾差，建議培訓吓員工。 最令人無奈嘅係其他員工都勤勤儉儉咁樣努力工作，淨係得佢一個喺度唔知做乜，將啲水樽由下面個檯擺番上去bar檯到，提供唔到有效率嘅工作，幫唔到同事亦都冇盡全力serve客人，希望可以加強改善吓。

住屯門的朋友推薦已bookmark一段時間，終於黎到當日下午約3點-4點到達，店內座位不算多，剛好有空桌，不用等位。原來計劃一定要食的是Bagel 和 豆腐芝士蛋糕不過當日被告知蛋糕已售罄（朋友推薦），很可惜，建議早點去—慢煮雞胸牛油果比高配蕃薯條-Bagel可選原味/芝麻洋蔥/藍莓選擇了芝麻洋蔥bagel👍🏻加上嫩口的慢煮雞胸和牛油果，很好味的組合👍🏻-熱辣辣的炸蕃薯條，即叫即炸，非常香口，粗度剛好，脆卜卜又食到內裹蕃薯，少有好食的蕃薯條👍🏻—香辣蒜香蕃茄忌廉大蝦意粉蒜香撲鼻而開胃的蕃茄忌廉醬汁👍🏻，意粉都做到掛汁，如果是手工意粉會更好—糖冬瓜鮮奶咖啡冬瓜味鮮奶咖啡夠特別，以為味道會奇怪，事實幾夾幾好飲—鮮奶咖啡店員非常有禮貌👍🏻

我同幾個好耐無見嘅朋友約左黎呢間咖啡店見原本都無咩期望我都係普通叫咗個慢煮雞胸自家製青醬意粉點知一嚟到成碗綠色 諗諗吓我自己都叫咗個青醬不過意外地好食！ 個雞胸唔會好嚡，個醬汁有少少酸酸地 亦都有好大浸蒜香味 幾開胃🤤偷咗朋友啲煙三文魚食佢哋分別叫咗綠色早餐牛油果件三文魚班尼油蛋同煙三文魚沙律 另外都想讚個杯凍朱古力！好濃唔會有假甜同假朱古力味！咖啡店真係好細 枱枱凳凳都唔係好多所以等待嘅時間都好長 而且入到去冷氣唔足夠食完嘢都成身汗出番去但係真係好乾淨企理 而且好衛生 Staff都好nice 雖然得一個人做樓面但係都keep住面帶笑容 同好有禮貌希望下次有機會再返dou

聽聞這間咖啡店很久，今天到附近工作決定順便來試一試，店舖少少一間座位不算多，早上11點多到來便已全院滿座。本來想嘗試他的孫種麵包，可惜已經售完，所以叫了另外其他食物。這次叫了煙三文魚牛油果bagel配炸蕃薯條，bagel外層焗得非常酥脆，外脆內軟，配搭煙三文魚和牛油果非常出色，除了這兩樣配料還夾雜了一點洋蔥增加口感，非常不錯。炸番薯薯條炸得相當出色，很香口。除了食物外還叫了一杯咖啡，咖啡同樣高質。非常推薦這間咖啡店。

❣️豆腐芝士蛋糕49🧀⭐️⭐️⭐️⭐️⭐️蛋糕質感非常軟滑，一𢳂落去好似新地雪糕咁。然後面頭嘅焦糖燒得啱啱好，脆脆地，配合埋軟軟滑滑嘅蛋糕口感，好食啊🤤豆腐淡淡嘅香味又中和咗比較滯嘅芝士，所以整體感覺幾清新。❣️泡沫咖啡39☕️⭐️⭐️⭐️⭐️⭐️泡沫非常豐厚，而且奶泡打得好光滑、細膩、綿密，一飲落去嘴唇滿滿嘅奶泡，非常滿足。啡底幾香，而且濃郁，係杯出色嘅Cappuccino。❣️鮮奶咖啡39☕️⭐️⭐️⭐️⭐️⭐️相比Cappuccino，鮮奶咖啡奶香出少少，但又唔會喧賓奪主，啡底同樣有層次，好飲。應該兩款奶啡都係選用靚豆。而家好多Cafe唔知係慳成本用差豆，定係唔識沖，奶啡好多時個啡底都麻麻哋，所以呢一間比到我好大驚喜。❤️

假日又來食pal., 真係念念不忘佢既bagel, 成日都想食可惜假日來真係太太太多人🥹🥹好彩等位等左20分鐘就有得入去坐不過食物都等左45分鐘先上⋯⋯建議平日來可能會好點🥲🥲好野真係好難得先食到😭😭😭特別推介佢地既薄荷朱古力咖啡第1次飲好驚喜，第2次飲都係咁中意上面有啲少少融化左既綿花糖綠色粒粒係海鹽超有層次心機之作的食品同咖啡🫶🏻如果唔係等位太耐我實個個星期都來🥲

一家細咖啡店 離輕鐵站唔遠 但係位置都幾唔顯眼，店裡位子唔多，午市時間都滿座牛油果煙三文魚班尼迪窩夫 ($98)等左45分鐘終於上到😮‍💨竟然有兩種荷蘭醬：一種係平時嘅味，另一種就幾特別 有香草又辣辣地，唔怪得要整咁耐😌大蝦牛油果莎莎酸種包配沙律 ($92)有3隻蝦 調味夠 煎得香 牛油果醬清新 調味剛剛好同酸種包好夾 沙律都好新鮮配左酸酸甜甜嘅柚子醬焦糖咖啡 ($42)幾好飲但係平時咖啡底會落焦糖糖漿 呢杯就只係面頭有焦糖醬—𝗐𝗈𝗎𝗅𝖽 𝗋𝖾𝗏𝗂𝗌𝗂𝗍: no💳 𝗉𝗋𝗂𝖼𝖾 $110 𝗉𝗉 🌟 𝗈𝗏𝖾𝗋𝖺𝗅𝗅 7/10📍 pal. (屯門)屯門達仁坊1-29號遠東發展屯門中心大廈地下L號舖

食物質素高，味道清新Bagel 可以有三款口味選擇，原味，芝麻洋蔥及藍莓🥯🥯🥯配菜亦有沙律、薯條及蕃薯條選擇讓人可以自由配搭❤️待應態度十分良好，付款時會詢問你的用餐體驗是一間有溫度及舒適的Cafe

到「何福堂」食個午餐，真係一場唔錯嘅味蕾之旅🚀！首先嚟講講呢個「慢煮雞胸自家製青醬意粉」，味道真係出奇地正！雞胸肉質嫩滑，同自家製嘅青醬夾得就好似天生一對咁，蒜香同松子整合得恰到好處，火箭菜嘅辛辣微苦，仲為意粉添上咗層深度感。飲杯「拖肥咖啡」，甜香中同時透住迷人嘅咖啡香，暖笠笠嘅，真係心頭好，一流！鋪頭嘅服務亦都係貼心到不得了，職員親切得嚟，等你有個食得開心嘅心情。再加埋見到佢哋新鮮出爐嘅牛角包，呢種質樸嘅熱情，下次放假一定要返嚟慢慢享受番次！服務、環境、口味，「何福堂」就咁樣淺淺地俘虜咗我嘅味蕾之心❤️。記住，呢度唔止味道得，連心情都會好起嚟喇！下次想尋日常中嘅小確幸，記得黎呢度坐坐啦！🥗☕😊

📍Pal.📍屯門遠東發展屯門中心大廈地下L舖令人上癮既Cafe慢煮雞胸炒蛋藍莓Bagel配蕃薯條呢度既慢煮雞胸真係好好味，不會鞋，又夠味，再加上我最愛既藍莓Bagel，令我久唔久就想去食一次。配上既蕃薯條都好好食，一個人食完份Bagel都夠晒飽，好滿足，為呢個週末帶來好開始😍焦糖咖啡不會太甜的焦糖咖啡，咖啡香滑，味道濃，欣賞。係出面飲焦糖咖啡有時會覺得太甜，但呢度既焦糖咖啡絕對唔會太甜的，適合鍾意飲有少少甜咖啡既我。

今次講嘅係一家Cafe，霎眼睇過可能唔覺得佢有乜出色，但一試食，味蕾直接告訴你：「呢度係正！」🤤個人好鍾意佢嘅Vegan All Day Breakfast，清新蔬食響口感上勁贏面，簡直係健康同美味並重！跟住再嚟碟Bagel with cream cheese，咬落去外皮微脆，入面又軟熟熟，百搭Cream Cheese，真係幾正點👌。咖啡方面就點咗Americano同Latte。Americano對我來講就算中上水平，但如果你鍾意飲啲帶Fruity味嘅豆，應該會揾到驚喜。至於Latte，泡沫溫柔得好惹人喜愛，順滑嘅口感同香甜嘅尾韻令人回味無窮。嚟到呢度，服務絕對係加分項。員工嘅笑容友善，令人倍感舒適，彷彿都有d傘開心嘅「人情味」。所以，鍾意探尋美食嘅你唔該一試，Cafe嘅溫馨氣氛絕對值得你發掘！🥐☕💕