Palace Cafe (Closed)

呢半年差唔多每星期都會黎Palace Cafe食一次lunch, 係貪它就腳同冇咁heavy, 以往都係點set lunch, 味道普遍清淡同細份(通常係拳頭咁既份量). 今日就試下其他嘢~ 湯我點了minestrone而主菜就係Spaghetti Bolognese, 另外仲食左少少Shrimp and Scallop Pasta. Soup: minestrone (無Grappas咁濃同酸, 用洋蔥西芹粒配茄湯尚算好味, 不過落得多左蒜頭粒, 入口第一下被它嚇一嚇)Main course: - Spaghetti Bolognese with meatmall (上枱果下被它外表嚇到懷疑係咪我叫既果碟 因為全碟冇sauce, 意粉係白白滑滑既, 另加6粒外表好乾既meatmall. 心諗會唔會d sauce藏係meatball堅硬既外皮入面呢? 我嘗試用叉按下以求弄些醬出黎撈粉, 無耐一叉開係無汁既, 試左啖味道唔差但係乾d (似脫左水既豆腐喳, 好攪鬼). 唔緊要照食! 拿起叉同匙羹正式開餐, 一卷起意粉居然有意外驚喜~就係有少少肉醬係個底度, 失而復得既感覺實在太好喇, 我

星期日想早食high tea. 淨得呢度兩點半開始. 所以就黎.由於響戲院隔離, IFC最旺o既地方. 所以唔會靜得去邊. 坐位都算舒服. 檯就逼d.Tray有兩層. 下層咸點每人四舊. 上層甜點每人兩舊. 另每人2個scone分開擺.Scone: 幾好. 熱的. 不過有兩舊完全冇提子. Clotted cream 普通, 稍傑.酥皮腸仔卷: 唔係甘好食. 個皮太厚, 仲有d 晏. 煙三文魚露筍open sandwich: OK啦. 塊三文魚都幾大塊.菠菜酥皮卷: 呢個幾好. 如果多d菠菜會更好.朱古力mousse cake: 夠朱古力. 好味. 另外o個d不過不失啦. 茶方面有6種揀. 不過水唔夠熱. 個茶壺隔茶亦麻麻. Service就幾好. 以佢個價錢. Service實在唔錯. 總結: 都食得過. 不過佢冇得book 位. 如果遲去應該要等.

有Set Dinner HK$238 5 4 course: Starter + 三文魚柳併牛柳+ Cake + Drink 食物新鮮賣相雅致，Medium牛柳很香肉質嫩滑，芥末濃郁，服務好又不時加水。想不到這餐廳比酒店更有水準。

閒日來這裡吃SET LUNCH1. 餐包- 有5款不同的包包很好吃- 最愛CHEESE STICK- 黑醋很香很美味2. 3款小小小吃- 一啖一件太EXTRAVAGANT 早知飲湯啦- ROASTED BEEF, SMOKED SALMON, CHEERRY TOMATO X MELTED CHEESE- 清清地令人覺得好唔抵...HAHA-7.5分3. 三文魚慕絲釀雞肉- 跟上一道菜相比很大份- 味道偏淡雞略煎過不錯- 配搭幾好不油不膩- 最得意是鋪底的一粒粒東東不是中國米又不是意大利飯口感有趣有點像越南的米紙卷切粒粒清新好味- 9分服務幾好不時加水環境可以想像得到一點不寧靜但可以接受

Never try the cake from Leonidas and want to take a look there. I just found her famous chocolate but no cakes available...too bad. I cannot make myself disappoint and go go go.... and make myself happy as follows: 1. Key lime cheesecake - ok2. Irish cream cheesecake - good3. New york cheesecake - ok4. Swiss cheessecake - very hard and look like a pure cheese rather than cake. Recommand if you love very very rich taste5. Raspberry cheesecake - light and smooth6. Chocolate truffle cake - very

今天和MT到了Palace Cafe吃late lunch﹐叫來一個二人High Tea (雖然MT只有一個小時午飯時間)。三點多的時間也很滿﹐我們來的時候剛好有人離開﹐坐在餐廳一角。其實坐得還可以﹐不過和隔鄰的檯比較埋﹐說話大聲一點隔鄰就聽到(有一對闊太可能覺得我們太大聲﹐調開了﹐哈哈)。久遺了的鬆餅(scone)﹐剛焗好出來﹐很香﹐水準之作。那兩層finger food 有鹹點如咖喱豬肉卷﹑波菜撻(好味)﹑三文魚露筍多士﹑及芒果蝦多士。甜點有兩個果撻(士多啤梨及藍梅)﹐及兩件西餅(芒果及朱古力)﹐還可以。茶我叫了例牌Earl Grey (Twinings﹐水不夠熱)﹐MT叫了Apple Ginger Tea (應該OK卦?)﹐可取的是它們的茶具﹐很英式。份量作為late lunch 剛剛好﹐價錢OK ($198/two+10%)。還是那一句﹐最好坐獨立檯﹐不要坐那些二人有梳化的檯﹐免卻不必要的。。。eye gazing。

1.愛爾蘭芝士蛋糕$38~~味道無紐約芝士泔濃,但仍有芝士蛋糕的香.質地唔太soft,但餅底唔好味.2.煙三文魚牛油果意大利包$65~~價錢略貴,所以饀料無馬夫,但亦未稱得上好好味.

是個閑得要命的週日。到此來享用一個遲來的午餐。侍應識趣的把我帶到寧靜的沙發角落。胃口不佳，只點了凱撒沙律跟煙三文魚。閑的午飯，又豈能欠一杯Sauvignon Blanc？Sauvignon Blanc 滲着那幽幽的花香。呷着，似是踏進了植滿了珍珠般雅白的茉莉花後園，是那叫人驚艶的幽雅，卻又不落俗套。玫瑰花般的煙三文魚，高貴又嬌羞的倚偎在凱撒沙律旁，是何等的我見猶憐。煙三文魚，是新鮮肉嫩，內外兼備。長生菜又是爽脆多汁，拼上芝士跟沙律汁，就是清悅怡人的一個下午。愛。愛這花香滿載的閑逸下午。

和男友到ifc睇戲,唔想行得遠就近近地0係度食dinner...兩人點左兩個set dinner,分別係$148)清雞湯+西式煎釀茄瓜+鮮蝦海鮮意粉+熱咖啡男友嫌雞湯太淡,好似無味咁個前菜釀茄瓜味道ok,幾清新海鮮意粉不過不失,隻蝦幾爽($168)蘋果忌廉湯+西式煎釀茄瓜+煎雞扒鵝肝+熱檸水蘋果湯聞落去真係好香蘋果味,酸酸地,幾開胃前菜同男友0既一樣雞扒幾嫩滑,鵝肝煎得好香,ok!!食物一般,環境最令我欣賞,望住好多行人行色匆匆,我地就好悠閒咁食野,幾好feel...特別一提,serve我地個waiter幾風趣,服務唔錯..如果趕住入場睇戲,不妨同waiter講,佢會幫你極速上菜ga!! ^_^

尋日同朋友去ifc 睇戲，搵勻成間ifc都決定唔到食咩好，結果就黎左呢度，貪佢就o係戲院隔離。兩個人share左一份set dinner同一個salad。set dinner個appetiser已經唔記得左係咩....淨係知有菠菜，味道淡淡的，唔係幾啱我胃口。湯要左牛肉雜菜湯，得好少好碎既牛肉，雜菜就ok多，有D微酸都幾醒胃。main dish係雞柳併煎鵝肝唔記得配咩sauce，鵝肝煎得幾香口，不過就得一小塊，唔多夠，雞柳就有兩塊，唔太油膩亦唔乾身，幾好。另外仲有個salad係煙三文魚牛油果雜菜沙律，煙三文魚有三塊，同平時食開o個D差唔多，冇mud特別，牛油果煮得好淋身，不過我本身就對牛油果麻麻地，所以都冇咩意見。個醋真係好酸，D菜點佢黎食又酸得滯，唔點又覺得佢又乾又淡，所以最後決定放棄。我好鍾意上餐茶o個個茶壺同茶杯，好靚～杯旁仲放左一片朱古力～環境好舒服，侍應都好有禮貌，而且亦唔算好貴，overall都滿意的！

難得一日可以六點半收工，本來打算去金鐘買屍新娘戲票，之後就去做gym。適逢矇眼龍o係金鐘shopping，就約左一齊飲杯野先。點知佢試衫試到髮夾都爛埋，o係PP同金鐘廊又買唔倒o岩用o既，就同佢打的往IFC間A仔買啦！點知A仔竟然八點已經關門大吉，無計可施之下，都唯有披頭散髮咁去飲野啦！矇眼龍o既飲野，梗係唔係一杯茶咁簡單啦！不過佢之後仲要食晚飯，我又要做運動，所以去左最就近o既戲院coffee shop飲同食少少野。矇眼龍就叫左個野菌鮮帶子忌廉湯，我就要左個煙三文魚牛油果雜菜沙律，另加一杯蜜糖蘋果茶。兩個人行左一輪，結果係佢買左兩張花紙、一本薄同一隻俾狗仔玩o既毛巾骨頭玩具；我就買左三支筆‧‧‧侍應生先送上一籃麵包，都有四款野，不過除左黑芝麻薄脆同芝士條尚算鬆脆外，另外兩款麵包都係事先切定，切面已經變得「乾爭爭」，好唔掂！個湯先上檯，有左上次飲蠔湯o既經驗，矇眼龍當然唔再故作大方咁請我食帶子啦！結果如我地所料，成碗湯真係得一粒帶子，個湯都幾稀，野菌份量唔多，更唔好講話有帶子味啦！我個沙律賣相都OK，油醋汁係另上o既，不過牛油果好生，硬到食唔倒牛油果應有o既香味！煙三文魚當然唔係靚野，

我同大食怪太太買左1:45pm飛睇戲, 約1:10pm到達在旁的餐廳食午餐. 我叫左個vogue set lunch($128), 大食怪太太就叫左個牛油果三文魚麥包三文治($62), 落order時有點擔心只剩30分鐘左右就開場, 不夠時間進食, waitress話比我地聽,如果不夠時間,可以送入戲院給我們, 不過最終我地都能夠準時入場及無需用到呢個service.餐湯金必多忌廉湯, 個名同品質都好似茶餐廳, 只是個湯中間放左一隻少少鯹既蠔. Main course 係小龍蝦木瓜火龍果沙律, 味道都幾好, 但份量就好似一個Appetiser多少少. 個餐飲o架啡就想當唔錯, 隨杯附送一片朱古力.三文治不過不失, 好彩大食怪太太無我咁大食, 分左半份比我, 先至可以叫我做唔餓咁入場睇戲.

閒日下午四點幾, 竟然要等位, 好彩只係等左五分鐘.有幾款tea sets供應, 我要左牛油果雞胸沙律, 雞胸好韌, 沙律一般, 配既係千島汁就更行貨. 朋友要既蝦鮮果沙律亦都好普通. Hot tea有幾款揀(不過要出聲問先講囉), darjeeling, earl grey, jasmine等等, 一個小壺上, 但份量唔算多. 套茶杯幾靚, 飲得開心~~食物水準(以tea set計) 一般, 由於地方細, 檯排得密, 人多果陣感覺無乜privacy.

同朋友食完飯o係度飲~ 位外籍o既waitress幾好禮貌~ 我要o左杯cappuccino, ok喎~ 但係朋友o既Baileys Coffee用Irish Coffee o既杯~ 如果Irish coffee真係跟o個個杯o既刻度落酒同咖啡, 比例好明顯唔o岩~ 要做戲都做好d呀....

星期六去Palace IFC睇戲,之前黎呢度食個lunch,都係第一次黎。一個set lunch$120,有個忌廉湯,湯中間有隻蠔,賣相幾靚,而且湯唔太杰,唔錯,件包就普通左d,係一片包,唔係特別好味。主菜揀左牛仔柳,係好好味!肉又嫩又入味,一d都唔靭,好易切,而且所用既蕃茄汁都配合得好好,伴菜既薯同樣唔錯。食完主菜叫多件lychee mousse cake,等應話係新出既,好好味,係好軟身既mousse蛋糕,好有荔枝味,好清好清好滑,底下有一層好薄既蛋糕,我最鍾意呢個!另外飲左杯凍cappaccinno,咖啡味唔太濃,奶味較重,我覺得幾好飲(我唔係太受得好濃既咖啡)。等應服務態度極佳,好有禮貌,而且保持笑容。