煌府婚宴專門店 (Closed)

話說同女朋友去行山，咁啱泊咗低架車喺信和停車場，行山就梗係要補充體力啦！一落樓就見到呢間酒樓，天氣又嚴熱！ 一於入去食個lunch先！一於就叫個棉花雞因為本身好鍾意食，出面好少棉花雞仲用魚肚，但係嚟到就非常之失望！ 完全勁乾，魚肚硬，正常會索哂啲湯汁同軟滑，雞都係非常之鞋，因為冇湯汁嘅關係芋頭都非常之硬同乾，菇不過不失！另外就叫咗個蝦餃，正常茶樓水準，不錯，唯一係個皮偏厚，不過呢個都好個人，有人鍾意食厚皮有人鍾意食薄皮！豉汁鳳爪就醬汁偏鹹，鳳爪都未去到骨肉分離，有少少未夠淋，但香味係有既！反而最好食係米網蘿蔔絲腸，入面有好多蘿蔔絲，另外加埋米網脆卜卜，有芹菜既香味！值得大家去試下！總結係一間非常之普通嘅茶樓，但係有總好過無，適合老人家攤唞下一盅兩件！

熱過街邊30幾度， 街邊食仲舒服啲問伙計就話擺酒要熄熱到爆炸未食已經想走， 啲經理唔開冷氣都做得出風扇都冇把， 睇都唔睇， 點做生意貼錢買難受， 未食都一肚火街邊都舒服啲

昨天18/6訂了三圍枱慶祝父親節&父親生日飯。酒樓好好，我們想食的餸是12人份量，我們只付兩圍錢，分三圍（8人）食。我們揀了頌父個set套餐碟碟餸份量很多，很足夠。由於我們人數較多，有三位女侍應服務我們，她們很細心及服務好好，值得一讚。關於餸菜：乳豬全體，皮很脆，好味。但我顧住幫家人們拍照，所以沒有映相。澳洲龍蝦，好鮮味，但略嫌煮耐左小小，有小小過熟，上湯較多，但伊麵質感整得剛好。炸蟹拑好味，老人家好欣賞。炸子雞都是好香脆及滑，荷葉飯好好味，料好足。其他菜都幾好味。因提前落訂送了大大個壽包，隻隻都有一個鹹蛋，好驚喜，其他酒家未必有鹹蛋食，好香。最最最驚喜係紅豆沙超級好食，我係極喜愛食紅豆沙的，食唔曬仲打包回家食。這價錢食這些餸菜係好抵食的。總括：三個女侍應服務好好，笑容親切又細心。我家人們都話她們好好，再有飯聚會再來這間煌府。

好難得一路食 一路忍唔住要打食評今日臨時想轉間酒樓飲茶 (平時去開第二間)同爸爸兩個人去叫咗五個點心蝦餃、粉果、牛肉球幾款食落去都一陣酸味🥲叉燒腸一啲都唔滑… 仲好硬身唯一我個人覺得可以接受嘅係 個鮮蝦長春卷至少係脆身(雖然唔熱)呢個質素嘅點心，真係百年難得一遇屋企人話呢間嘅點心喺深圳運過嚟 所以可能會唔新鮮 不過我哋都食到嗰陣酸味真係會懷疑佢啲嘢食係咪已經係咁熱嘅天氣下變壞而且咁嘅質素我都唔會想喺呢度擺婚宴….

難得今日放假，就陪屋企人飲下茶，下午茶時段黎到都冇咩人等位，呢個就係平日飲茶嘅好處。鮮蝦長春卷鮮蝦腐皮卷外皮炸得香脆得黎但一D都唔油，唔錯。斗門蝦餃皇皮雖然有D厚，但勝在蝦肉份量搭夠，掩蓋住皮厚呢一個缺點。沙煎堆仔入面有濃濃嘅芝麻醬，食落外脆內軟，芝麻馬蹄糕芝麻馬蹄糕都食過幾次，但入面有咁多馬蹄嘅都係第一次，而我覺得呢個比例係最好食嘅。潮洲粉果不過不失鮮蝦菜苗餃燒鵝檬粉燒鵝味道唔錯，加上全部都係肉，省卻左我去骨嘅時間。欖仁奶皇千層糕

好耐冇黎過酒樓食晚飯，今日心血來潮突然間想食龍蝦伊面就黎左屋企附近嘅煌府。主角美國龍蝦伊面，其實本身想食澳洲龍蝦，但因為價錢問題所以就食價錢平D 嘅美國龍蝦。龍蝦幾多肉，而且蟹鉗亦都已經好貼心咁整開左，唔駛太費力就可以輕鬆食到蟹鉗入面嘅肉。伊面都煮得幾入味，份量亦都好夠。$38嘅薑蔥生蠔煲有六隻，每隻都煮得好入味。而最後一個餸就係冬天必食嘅豆苗瑤柱扒豆苗豆苗唔老食落冇渣，配埋瑤柱汁一齊食令人食唔停口。

同老闆食飯，老闆鍾意去酒樓話有啖茶飲吓又坐得舒服啲😂😂入元朗做完嘢去咗附近間煌府，一去到就有位，開心唔洗等🥳🥳老闆一坐低就叫孖寶餐，有燒鵝又有蝦，部長話蝦賣哂問我哋加唔加$30轉蒸扇貝（我內心即刻好開心，因為我其實唔想摵蝦殼😂😂）然後見到有優惠$38嘅薑蔥鮮蠔煲，我哋估佢唔會好多當小食食吓啦！點知嚟到都唔少架，而且都幾大隻😍😍最緊要係整得幾好味呀！😎😎我係都話要食菜，老闆就叫左個馬拉盞炒芥蘭，芥蘭一直都係我至愛🤤🤤不過馬拉盞炒法我就麻麻哋，係好香濃但太油膩，好在酒樓食可以飲返啲茶解油膩😂😂最後我要求加左個甜品，哩個薑汁千層糕真係一層層架，仲好夠薑味，勁正🤤🤤😍😍

難得跟朋友來下午茶，在附近閒逛後便到煌府休息一下，點了普洱甘甜夠滑，店員加水收碟快，服務挺周到有禮。😊上湯海蝦伊麵外觀吸引，份量不欺場，海蝦彈牙新鮮，上湯伊麵軟硬適中，上湯濃稠不過咸，還有紫洋蔥蔥更惹味。👍🏻臘腸炒芥蘭冬天必點，臘腸肥美帶油脂香味，芥蘭翠綠帶甘甜味，配白飯一流。😍鳳爪醬汁夠惹味，燒賣彈牙多汁，皮夠薄，鮮竹卷饀料豐富，蠔油芡汁佈滿腐皮，層次分明。女士最愛薑汁糕，薑味香而不辣，口感軟糯，暖胃🥰芒果布甸芒果果肉甜，一粒一粒切好在布甸裡，布甸綿滑，加上花奶更香滑。😆連鎖服務，地方方便夠闊落，上菜速度快，下午茶點心小食更優惠，下次再試晚上小菜。😉

今晚與家人到酒樓提早慶祝生日🎂 恰巧碰上婚宴，可以沾沾喜氣🎉🦞 海鮮孖寶套餐 $3281️⃣ 上湯焗美國龍蝦（約1斤）送伊麵底龍蝦的肉質鮮嫩彈牙，而且份量不少；伊麵的麵質軟硬程度適中。整體的味道不會過鹹，更能品嚐到龍蝦的鮮味，值得一讚👍🏻2️⃣ 蒜蓉銀絲蒸大元貝（4隻）大元貝的肉質爽口，名副其實啖啖肉、好滋味。配上粉絲、蒜蓉和蔥花，口感更加豐富，非常香口。🐖 鳳梨咕嚕肉 $88咕嚕肉的外層炸得非常酥脆，內裏的肉質肥美可口，做到外脆內軟的效果👍🏻 菠蘿香甜多汁，還有三色椒，更健康。晚市的茶位為$13/位，小食$13/碟，另設加一服務費。這裏的上菜速度很快，職員會主動幫我們換碟，而且裝修豪華。下次想試試羊腩煲和其他小菜💯

朋友生日，佢就比較鍾意食中菜，咁就揀佢屋企附近煌府酒家中式酒家選擇比較多，仲有啲特價餸菜，但手快有手慢無😅原本想點燒鵝孖寶，但蝦賣晒了，只好揀其他小菜點左佢至愛燒腩仔，佢話每次嚟食飯都會點，因為呢間既燒腩仔肥瘦均勻，而且又唔油膩，最緊要個皮係脆卜卜椒鹽鮮魷：鮮魷彈牙，又夠咸香，送啤酒一流食咁多肉，點左個蒜蓉炒時蔬，呢個時間最岩食就係豆苗，呢碟豆苗份量都幾大碟，而且炒得好香，豆苗又好甜👍🏻北菰紅燒豆腐煲：呢個我既至愛，豆腐好滑又健康👍🏻豉油皇銀芽炒麵：呢碟炒麵要大大推介，份量超大碟😅每條麵都炒得好均勻上色，好夠鑊氣，唔會有死咸感，仲無鹼水味👍🏻

元朗煌府，一直都係屋企人首選嘅茶樓，今日放假就同屋企人嘆番杯茶先。朗屏站行過去都係幾分鐘就到，非常方便。地方好大，全個地下都係酒樓，門外可以叫燒味外賣。坐底叫返一壺普洱先下午茶價格相宜，十多元便有交易。效率好快，點左十分鐘到就到，即叫即蒸，熱辣辣。燒賣好大粒蝦肉，粉果十足料！卡通奶皇包，小朋友最愛，睇得又食得🤣春卷熱辣辣，仲有好多蝦肉！乾炒牛河份量十足，夠鑊氣，料多！咁凍嘅天氣食啲熱辣辣嘅點心，正！

天氣開始轉涼了，今晚相約了友人在元朗見面後，突然想吃羊腩煲，剛巧經過了元朗屏會街的「煌府婚宴專門店」分店，看到宣傳海報有羊腩煲，便二話不說入座！這間分店鄰近西鐵站，非常方便，場地很寬敞，坐得舒適，裝潢走華麗路線，它主打宴會酒席，原來晚飯性價比很高，孖寶套餐優好吸引！餐牌選擇很多，中式小炒是主打，海鮮外，晚市四選一以超抵價錢享用美食當中最吸引，馬上點了雙冬羊腩煲，因近年嘗試外賣羊腩煲回家吃，發現味道不及現場吸引！這次的羊腩煲有驚喜，熱騰騰用爐加熱的羊腩煲端上桌，香濃的羊味四溢，羊腩肉質非常腍，少許羊羶味，加上大量配菜，如冬筍、冬菇、枝竹、馬蹄，盡吸羊腩煲的醬汁精華，友人提議加配生菜，沾上腐乳汁更加惹味，怎可以沒有白飯及汽水！另一道是蜜椒雞中翼，炸得金黃香口，肉質嫰滑，咬下去有很多肉汁，加上蜜椒味道甜，醬汁惹味！鮮竹上湯浸豆苗，份量大碟，先爆蒜香快炒後加入高湯，蒜味濃郁，豆苗炒過後依然嫩綠，很有獲氣！整體來說十分滿意，特別是雙冬扣羊腩煲，性價比高，快入冬了，在酒樓吃到高質、驅寒暖胃又滋補的羊腩煲，加上環境舒適，下次會帶家人再吃！

這間煌府婚宴專門店位於元朗朗屏屏會中心地下，呢間煌府鄰近西鐵站十分之方便🤔，而佢嘅食物都唔錯!.鮮蝦菜苗餃 $23.8呢款菜苗餃望著都唔錯🤔，皮薄通透煙韌又有口感，而佢嘅菜苗夠哂青綠新鮮夠哂清甜🤫，尤其是佢D鮮蝦都好爽口味道十足😋!.卡通奶黃包 $23.8呢一籠奶黄包賣相超可愛😍，尤其是小朋友見到一定喜歡，奶黄包外皮鬆軟，而D奶黃甜度適中😋又夠軟滑!.乳香花生豬手 $19.8呢款花生豬手賣相睇得吓😮，色香味俱全😙😋，聞到好香南乳嘅味😙，食到入口夠哂腍身完全入哂味😋，而佢嘅醬汁掛滿整嚿豬手令到味道更加正👍!.金珠咸水角 $19.8呢碟咸水角皮薄又夠脆口，食到入口都好煙韌🤔，又有口感都好香口😙，而佢D饀料都好豐富味道十足😋!.蠔皇鮮竹卷 $19.8呢籠鮮竹卷賣相吸引，望著好似好好味🤔，金黃色嘅外皮口感煙韌味道十足😋，索哂去D汁液令到腐皮更加正👍，而佢嘅饀料都好軟滑好好味😋!.鹹魚雞粒炒飯 $68呢碟雞粒炒飯粒粒金黃軟硬適中🤔，聞到好香鹹魚嘅咸香味😙，而佢嘅雞粒味道都幾好😋又夠腍身，兩者加埋相當之夾!.杞子桂花糕 $9.8呢碟桂花糕精盈通透🤔，賣相都唔錯，食到入口聞到好香桂花味😙，再加埋D杞

食物尚算可以， 但服務態度太差勁， 我十一個人食飯， 只有一半打咗針， 要分兩枱食飯， 叫咗一個套餐， 落單時與侍應講咗要分兩開兩枱出菜， 點知送來指是一台， 並無分開， 與部長講，佢話點解一早唔通知， 我與他說落單時已說清楚分開兩台， 並把責任推落我身上， 好明顯這間酒樓內部員工溝通出咗問題， 但叫佢在枱分開上仍不做， 叫佢攞隻大碟來， 也放給一堆茶杯用的細碟， 這樣做與茶餐廳食碟頭飯一樣嗎？ 服務態度仲衰過快餐店， 最後要我工人姐姐自己分菜， 這家差勁的酒樓的服務態度， 我以後一定唔會去。

其實兩個人去酒樓食飯都可以食得好豐富 而家好多酒樓或中菜館 都推出了一些孖寶套餐優惠 其實都幾抵食㗎 仲好豐富添晚市四選一 以超低價錢享用美食 28蚊半隻霸王雞 真係平到笑 薑蔥煎生蠔煲都係38蚊咋 就算去街市自己買都搵唔到呢個至抵價薑蔥煎蠔煲$38 一煲有五隻又大又肥美嘅蠔 相當有蠔味 煮得一啲都唔老 相當嫩口 薑蔥都爆到勁香 我連薑蔥都食埋 38蚊這個價錢真係超值海鮮孖寶A $268上湯美國龍蝦伊麵底 +蒜蓉粉絲蒸元貝(四隻)龍蝦伊麵兩個食啱啱好 每人大概有兩碗伊麵 龍蝦嘅鮮味畀伊麵吸曬 非常鮮味 隻龍蝦都幾好肉 肉質彈牙又爽口 海水味十足元貝用咗粉絲蒜蓉蒸 非常惹味 元貝很鮮甜 而且清洗乾淨 並沒有沙粒 蒸嘅時間亦都剛剛好 肉質是嫩滑的脆皮燒腩仔$108 即叫即燒上枱嘅時候仲係熱辣辣 個皮脆到好似食薯片一樣 腩仔一層肥膏一層肉梅花間竹 肉質一啲都唔鞋口 夠juicy環境舒適 地方很寬敞 燈光明亮 做宴會嘅場所確實不錯 天花都是鏡面和水晶燈感覺華麗