棕櫚閣西餐廳

Open Now

Now Closed

今日嚟到九龍維景酒店食buffet，環境都算幾大，雖然維景酒店已經係比較舊嘅酒店，但係裝修都算好骨子，燈光又開明，我哋都坐得好舒服。入到去職員已經好有誠意，好熱烈咁歡迎我哋入座，我哋比安排左坐係窗口位，可以一覽九龍嘅街景，一邊睇一邊慢慢食。自助餐來講呢度都算係幾豐富，前菜方面，有刺身同埋沙律吧，仲有好多款唔同嘅生果添啊！海鮮方面，有北海道長腳蟹，青口同埋新鮮嘅蝦，最正嘅當然係海膽刺身啦～主菜方面，有大量嘅中式小菜，雞翼呀薯仔啊～ 意式焗海鮮闊條麵同焗扇貝。當然仲有既西式嘅鵝肝同羊架，呢個唔係好貴嘅價錢來講，有即叫即煎嘅西餐嘢食都算好抵呀！除咗嘢食之外，都仲有即叫即煲既湯飲，係「燕窩龍蝦濃湯」～野食方面都有好多選擇，包括有橙汁、蘋果汁、同埋西袖汁。甜品方面，就有大量嘅西式蛋糕。見到好多一家大細嚟到維景酒店食，適合平平哋想一家人食自助餐～

今日嚟咗九龍維景酒店入面嘅西餐廳食buffet，一入到門口就有呢一幅咁靚嘅山水壁畫喺度歡迎我，大家見到呢一幅壁畫，再喺扶手梯上，左手邊就係餐廳，餐廳環境decent，貫徹酒店西餐廳的風格。一坐低梗係去海鮮吧拎返啲阿拉斯加長腳蟹回下本先啦，呢度嘅海鮮吧除咗長腳蟹之外，仲有紐西蘭青口，龍蝦仔，熟蝦，田螺同埋凍蜆；長腳蟹新鮮清甜，剪開蟹腳就有啖啖肉嘅蟹肉，熟蝦爽口彈牙，最難得嘅係田螺，未食過 buffet 嘅凍田螺有咁重嘅海水味，所有冷盤都無限refill，目測refill嘅速度都相當之快。食完海鮮吧就去食刺身，呢度嘅刺身好似哂冷咁一次過任攞，絕對唔會好似某啲buffet咁樣，又要排隊，又要限住一次攞三幾塊咁小家，淨係一次過攞20塊三文魚埋位嗰隻勝利者嘅感覺，已經夠哂爽皮。燕窩龍蝦濃湯，濃湯即叫即製，龍蝦味道未算好濃，不過個湯係食得出嘅鮮甜，每一碗都有唔少龍蝦肉喺入面，認真真材實料。海膽刺身蟹子沙律（ 每位一客），海膽刺身雖則係每位一客，但係份量一啲都唔嘢少，仲跟咗面頭有好多蟹籽嘅沙律同埋爽脆嘅紫菜俾你包住啲海膽一齊食，倍添滋味。香煎鵝肝，同樣屬於即叫即製嘅鵝肝亦都係回本項目之一，廚師將鵝肝

維景酒店自助餐第一次試，見openrice有優惠價，仲sell有海膽&燕窩，帶住兩老膽粗粗去試一試。準時6:30進場，已經好多人排隊拎食物。魚生、長腳蟹5分鐘都差唔多冇哂。好誇張！ 食物分散兩邊會疏通點。食物選擇算多：海鮮有長腳蟹🦀、青口、龍蝦仔🦐、帆立貝&凍蝦。魚生有希靈魚、三文魚脾、吞拿魚、甜蝦、另有碟原條切好魚生。仲有壽司🍣熟食有蒸魚、避風塘炒蟹、辣冬風螺、炒蝦、螺絲粉、帆立貝、炸豆腐甜品花多眼亂，有好多cake、楊枝甘露、涼粉、芒果糯米飯....cake偏甜，個人覺得麻麻地，反而涼粉好耐冇食好味道！中間有排隊拎食物-🌸燕窩龍蝦湯🌸燒羊架、鵝肝、虎蝦🌸燕窩雙皮奶✨✨極力推介✨✨ 重點-一板海膽+蟹籽沙律。以$400價錢，海膽質素都算不錯！

人嘅一生營營役役，為咗生活努力工作，由朝做到晚，返到屋企或者出街食個晚飯真係好想同對的人分享點點滴滴。當你有了一個對的人都想有個對的地方，等我倆可以舒舒服服傾吓計，重點是可以慢慢揀慢慢吃。今日就去到旺角哪頭的【九龍維景酒店1樓－棕櫚閣西餐廳】，同我親愛的另一伴，在沒有催趕的氣氛下，偷一點時間慢吃慢活慢聊天。人生一大樂事啊！其實今次Buffet是見到【棕櫚閣】今期做「海鮮主題」知道另一伴鍾情海鮮類，所以便選了平日星期一至四內去食，因為價錢相對比星期五六日便宜...價錢： 星期一至四：成人每位HK$398；小童每位HK$268餐廳位於窩打老道，附近沒有地鐵到達，位置有些不方便，約幾了7:00到達...當晚由旺角地鐵站前往，大概15分鐘，如果從油麻地地鐵站前往大約要十分鐘左右路程，話遠不遠，話近又未算只是不算難找呢。 上了扶手電梯轉左便到達餐廳門口，門口細細的。員工好主動，好好禮貌帶我們到坐位上，見佢笑容滿臉是我這一餐愉快的開始。今期的新主題是「海鮮、龍蝦、燕窩自助晚餐」 ，眼見出面的海鮮、龍蝦類常常很快被人清掉了，不過有3.5小時時間慢慢吃，相信Refill完便可以品嚐了！周圍望望睇下有咩

同伴冇提議 日日自助餐 冇難度德福閣食生蠔焗蠔 棕櫚閣食羊鞍 唔會悶棕櫚閣 冇生蠔冇焗蠔 會員8折 $180 接受價食物枱換咗裝盤 幾吸引 別緻齊整食物就大同少異 甜品多選擇羊鞍~每次都唔同水準 要有心理準備今次係老師傅大廚座陣 鐵板即煎煎羊鞍嘅香味吸引 肉嫩冇騷味有肉味有幾塊係粉紅心 特別正節瓜豬骨老火湯~夠老火 肉味濃瓜淋滑多飲幾碗唔會頸渴 略嫌湯水暖唔夠大熱豉油雞 ~有啲咸咗 肉嫩嘅 白汁魚塊~ 魚塊略硬 厚身位微微腥焗薯 ~ 薯仔仲係硬嘅 食1片就夠菜心~ 次次都有提供 但煮太熟 菜黃晒魚生凍虾青口壽司~ 多款式 夠鮮凍盤~ 每次接近相同 好味道但煙三文魚暗色出水 唔吸引服務好好 坐得舒服 收碟快 食物多選擇熱葷一般般 ……

食評話呢度又抵又好味，所以五週年揀咗呢度慶祝。地點有啲唔就腳，地鐵出口行咗十幾分鐘，大概七點到餐廳，職員安排咗卡位比我哋，座位闊落。餐廳食物選擇比較少，味道可以，唔太特出，海鮮類Refill得比較慢，每位送一板細海膽同埋蟹籽沙律，職員有禮，價錢真係幾平，放題價錢加多少少有更多選擇，確係唔錯。刺身係切定自助形式，魚頭擺設幾吸睛。大約七點到，但海鮮塔上只剩返兩隻龍蝦仔同蝦，塔下有蟹腳，青口，少量螺。蟹腳鹹鮮味味適中。青口，蝦都幾新鮮。螺有啲細隻。每人一份海膽，蟹子沙律，細細板，都好新鮮。即燒鵝肝，大大塊，不過口感唔夠豐腴，幾欣賞下面墊底嘅包，蛋味重，雖然口感鬆軟，但喺鵝肝下面唔會影響口感，就算單食包都唔錯。三文魚最新鮮，甜蝦出得好少，之後都無出，三文魚到好後期先再refill。即燒羊架油膩感少燒牛肉同火腿都唔錯，肉質幾嫩。燒蝦好香，大隻燒得夠乾身。魚唔錯，不過之後無再出。其餘熟食一般。甜品都算多，因為我食得甜，普遍人食得無咁甜， 對其人嚟講應該唔錯。反而更欣賞下面嘅， 楊枝甘露，芒果涼粉，龍蝦湯燕窩雙皮奶。Movenpick三種味任食。

係旺角行完街，夜晚過左去九龍維景酒店棕櫚閣食buffet，呢到啲buffet又幾抵食，每位先$398，食足3.5個鐘，原來都幾爆場！每位送加拿大海膽刺身一份，另外仲有蟹籽沙律，紫菜可以無限refill。海鮮有蟹腳，青口，海蝦，小龍蝦等等，蟹腳鮮甜豐富海水味！龍蝦濃湯，師傅用鐵煲上，真係有龍蝦肉！龍蝦湯味道濃郁好味！有魚生有sushi，有原條章紅魚！Cold cut同沙律都唔錯，貴精不貴多。熱食有即煮羊架，有燒牛肉！中段仲有鵝肝多士，油脂甘香入口即溶，好好食！仲有薑蔥炒蟹，辣酒花螺，豉椒炒蜆，味道都做得唔錯！甜品部份我最愛movenpick 同 燕窩雙皮奶。 movenpick雪櫃隔離仲有朱古力噴泉，我就攞咗啲朱古力漿嚟做個脆皮雲呢拿雪糕，超正！燕窩雙皮奶，又滑有好奶香，又大一大匙燕窩，推介！如果有時間的話，坐耐啲都好，因為酒店中途會出唔同款的食物。埋單net price$398一位，不錯吃！

慶中秋, 團圓飯通常都會提早出去食得豐富D!~👍🏻朋友推介呢間酒店自助餐唔錯, 多款式, 價錢又實惠用Openrice 淨價優惠黎呢到提早同屋企人慶中秋今次係以海膽、鵝肝、燕窩做主題的自助餐每人都會有一板海膽, 海膽新鮮, 入口即溶 冷盤都有我同屋企人最期待的魚生、海鮮魚生新鮮, 原條魚即切即上,刺身色澤光鮮, 味道鮮甜三文魚夠厚, 魚脂均勻, 入口魚香十足 海鮮款式多, 有長腳蟹、大蝦、青口、小龍蝦、翡翠螺.....不得不讚長腳蟹, 蟹肉鮮甜, 肉質彈牙, 的確要推介青口, 螺都好大隻, 肉又夠厚, 入口叫人滿足冷盤有豐富的海鮮、魚生之外, 熱食的選擇都唔弱有龍蝦湯, 煎羊架、鵝肝、大蝦厚切鵝肝入口就溶化, 食多都唔會覺得膩大蝦每次都係新鮮即煎, 煎得剛好的肉嫩彈牙菜式都仲有即焗大扇貝, 新鮮奉上, 夠厚夠大粒😋炒蟹，蟹肉多而夠惹味不同煮法的海鮮、鵝肝矜貴款式都食到盡熱食都令人滿足非常甜品都有佢的綽頭, 就係女士們最鍾意的燕窩燕窩蛋撻、燕窩燉鮮奶, 燕窩響蛋撻上絕不輸蝕, 撻皮又夠哂脆鮮奶燉得夠滑之餘, 奶味濃郁, 再加上燕窩, 點可以話唔夠滋補養顏👍🏻除左燕窩做主打, 都有近排港

是日去旺角shopping，晚上就去了九龍維景酒店，凡食晚上buffet送海膽一客。海膽每顆分明，包紫菜食的海膽，唔會腥同苦，帶少少甜，入口即溶添。雜菜時蔬新鮮時蔬，有蘿蔔粒、青扁豆、翠玉瓜帶有濃郁的牛油香味。清蒸海鱸魚簡簡單單的清蒸鱸魚，色香味俱全，魚肉嫩滑、一點兒也不腥，加上面頭的香蔥更滿足。椒醬薈海螺東風螺夠辣勁，少少麻辣，食落開胃，肉質嫩滑。酸辣湯有豆腐、筍、雲耳、金菇又酸又辣於遠處已見有一條人龍，原來是等鐵板燒鵝肝、虎蝦及羊架。鐵板燒虎蝦蝦身面頭煎到金黃香脆，唔會過熟，爽口彈牙，惹味非常

一向甚少吃自助餐，因為眼闊肚窄，一下子就吃多了。不過近日去了間由老姊介紹的酒店自助餐，覺得甚不錯。這個自助餐以海鮮為主打，有龍蝦湯，刺身，海鮮，鵝肝等。到達時已經是晚上8時多，食客約大半滿。 安坐後立即去巡視一下有甚麼好吃的。海鮮方面有蟹腳，翡翠螺，帶子，青口等等。以蟹腳的味道最佳，帶海水味，鮮味不俗。羊架和虎蝦也是即場煎的，虎蝦頗大隻，味道香濃，肉質彈牙；羊架肉質軟腍，沒有渣，羶味不重。每位光顧自助餐的客人，都有一客龍蝦湯和海膽沙律，由侍應送上。龍蝦湯不太熱，但味道頗濃郁，沒有苦味，龍蝦肉不少，肉質也彈牙，不錯。海膽刺身是整板上的，雖然海膽肉不大隻，但沒有腥味，用紫菜包着吃，感覺豪華。鵝肝也是即煎的，以蛋糕托底。新鮮煎好的鵝肝色澤金黃，外層香脆，而且香味撲鼻，油份雖不算多，但入口也算軟滑。如果底下換香脆法包的話，口感和味道會更美味!刺身也是自助餐不可或缺的食物，當晚最 觸目的，當然是原條魚刺身! 還有其他的如吞拿魚，希靈魚，和三文魚等等。刺身尚算新鮮，喜此道的不可錯過。甜品也是不少自助餐的主打，這餐廳的選擇相對來說不算多。蛋糕類來說，最喜愛栗子蛋糕。蛋糕十分鬆軟，栗子份量也不少，味

朋友生日 話想食自助餐 一行四人去咗維景食一入餐廳 聞到好香炒蟹味 已經流晒口水入坐後朋友嗱嗱聲去攞炒蟹 爆膏超香 冷盤方面而長腳蟹 翡翠螺 小龍蝦魚生方面款式多 一大條油金魚 鮮甜可口重有厚切三文魚 同彈牙嘅北極貝熟食方面除咗一般自助餐都有嘅羊扒 牛扒外呢間重有鵝肝 廚師煎得好香脆 食完簡直齒頰留香食左大半個鐘左左 終於送上呢個自助餐嘅重點啦一人一客海膽 配埋脆脆嘅紫菜 正甜品方面有燕窩燉蛋同moverpick雪糕重有大量蛋糕同生果

今日同男朋友喺旺角行街， 揀咗呢間維景酒店入邊嘅棕櫚閣餐廳嘅自助餐做晚飯，一對好鍾意食嘅情侶，就係鍾意可以一次過可以食晒中西式嘅嘢食自助餐嘅賣點係送海膽原本我以為係普普通通嗰隻劣質貨，但後來居然比到驚喜我！海膽其實份量唔多但係顏色睇落鮮艷， 睇得出新鮮保存得唔錯，味道係海水味，重唔會有苦味。.作為一間自助餐，佢嘅菜對我來講其實幾開胃加埋出邊有少量唔錯嘅刺身，吞拿魚完條切連埋魚頭放咗喺出邊，排列得工整；其實有啲唔捨得拎走幾件，破壞左個形。.另一個賣點係佢嘅龍蝦燕窩湯，我飲到好濃烈嘅海鮮蝦味，聞落去已經好香，飲落去海鮮味係我口腔入邊遊走走咗好耐，加埋燕窩，男朋友帶女朋友去，食得滋潤可以保養下皮膚，做女朋友一定冇詐型.講到自助餐又點會咁易放過個海鮮冷盤好鍾意食佢個長腳蟹，佢好細心咁樣俾埋鐵鉗你，好快就開完又開，係咁意就清咗一碟啦。.肉食獸嘅我係肉bar前面嘅常客，我鍾意全部牛肉都係厚切，出邊燒得好香脆口，入邊帶紅多汁，入口嫩滑，再加埋鵝肝其實滿足左肉食獸嘅願望.至於甜品方面其實我冇咩試到，係因為movenpick 嘅雪糕實在太吸引，食左幾杯好滿足!其實呢餐兩個人食都係輕輕$700有找， 食到

媽媽生日，一家人同佢食自助餐慶祝一下！宜家去酒店食自助餐，每人五六百元是最低消費！難得呢間係九龍旺區位置，連加一只係四百幾元一位，而且又未同媽媽去過，所以就去試下啦！😆😆小弟覺得食物都算多款，海鮮有無限量供應的大蝦、龍蝦仔和青口（略嫌失望無媽媽喜愛的生蠔），熱食推介有鐵板羊扒和虎蝦、香煎鵝肝，即叫即燒，新鮮好味！👍👍👍小弟最喜歡的是甜品的燕窩雙皮奶和燕窩撻，很足料，入口鮮甜美味，而且供應充足，唔會收收埋埋唔派俾食客，值得一讚！另外仲有任叫任食的movepick雪糕，可以食多兩杯呢😋😋

今日同亞仔出完何文田比賽攞到優異獎，就比佢話事食乜啦，佢話想食自坐餐，就搵吓附近有冇酒店嘅自助餐，見到九龍維景酒店做緊燕窩鵝肝盛宴，就去試吓啦，我哋大概六點到，時間仲早，好在有位。一入到就被一陣香味吸引住，就係煎羊架，呀仔食咗三大件，另外就係長腳蟹，雖然不是好大隻，但每隻肉都好厚實，海水味濃，螺都好大隻，好爽口過咗一陣店員送上一碟海膽蟹子沙律三文魚都好肥美，吞拿魚無根龍蝦湯有燕窩同龍蝦肉，龍蝦味幾重煎大蝦肉好實今次比較有驚喜係香煎鵝肝，不會太厚，底面都好香脆，入口即溶，呀仔都食咗四大片燕窩雙皮奶和榴槤奶凍同樣突出，好滑另外亦有熱咖啡檸檬茶，三款果汁任飲最後食返兩杯雪糕，飽到不得了！經OpenRice訂有折㗎！