掌門重慶麻辣火鍋 (Closed)

今日同朋友晚飯聚會，就係openrice搵左尼間掌門重慶麻辣火鍋食晚餐，之前從來都無食過。一入去啲裝修都幾古典，座位寬敞，而且環境乾淨，店鋪無咩油煙味。呢間麻辣火鍋有兩個麻辣湯底選擇，分別係重慶麻辣鍋及重慶翡翠麻辣鍋。我地就叫咗個翡翠麻辣鍋同豬骨湯，翡翠麻辣鍋望落去綠色的，好似唔太辣，但食落又真係幾麻下。火鍋食物方面，就叫左極上手切肥牛、黑豚肉、牛胸爽、花甲、海蝦、西洋菜等等。小食方面，就叫左麻辣雞翼及炸餐肉條，超級香脆，必點！當然，仲有打邊爐唔少得既啤酒，因為晚上9點之前係Happy Hour，所以啤酒買一送一，真心抵！極上手切肥牛，牛味濃郁，入口有種溶化既感覺，配上個重慶翡翠麻辣湯底，真係一流。花甲同海蝦都好新鮮好甜，完全唔洗用醬油配食。總括黎講，食物質素好有保証，最抵讚係店員態度好nice，環境同啲餐具都好乾淨，值得再去食。

最近天氣涼涼地就約咗妹妹去打邊爐，呢排好興食四川野就去咗試呢間重慶火鍋。 佢個湯底好特別-重慶麻辣翡翠鍋，原來係張平時既辣油加牛油轉左健康啲既植物油，不過香味同辣味一樣。我和妹妹都唔係咁食得辣，就叫左小麻小辣，然後我地都鍾意芫茜皮蛋，侍應姐姐話可以做鴛鴦鍋，淨係得酸菜魚唔可以做鴛鴦鍋。我哋叫咗出邊好少食到嘅芫荽餃，裏面啲餡都幾足，好多芫荽。我哋仲叫咗肥牛，羊肉同鯇魚片。鯇魚片切得好大條，好多肉，好好味。同埋最後叫咗兩款菜同白蘿蔔。白蘿蔔好甜，配埋個湯底好夾，唔算好辣。除左打邊爐料之外，仲有必吃下酒小菜-掌門麻辣炸雞翼，唔算太辣，接受到，個雞翼一分為二得返一條骨食落好方便。總括而言，個湯底真係值得一試，我哋今晚食左好多野，但食完之後都唔覺得好油膩。

今日係我第一次食綠色嘅麻辣火鍋真係超級驚喜呀！話說今日係我朋友生日我哋有一齊去佐敦搵一間麻辣火鍋佢叫做掌門！今日嘅裝修都幾得意架有小小中國特色。不過重點都唔係係個裝修度而係喺個食物度。一開始侍應就介紹咗我哋食翡翠湯底一上到嚟麻辣湯底竟然唔係紅色係綠色？心諗會唔會唔好食㗎？！點知一食就覺得個種辣味非常之特別！牛胸爽口感唔錯，牛味香濃。仲有豬黃喉都非常新鮮。炸午餐肉，鴨血，腰潤同埋萵筍呢啲咁特別嘅食物，配搭果種麻辣味真係好好食！海鮮都仲有好多選擇，我哋食咗沙巴蜆真係好鮮甜呀。仲有魚標! 好少地方有我食!好爽脆~最後辣到嘴唇都紅卜卜嘅時候，仲有中間清湯可以俾你唞一唞，跟住繼續食。仲有食辣野必備嘅啤酒！佢嘅draught beer九點前仲有買一送一!有1664同埋asahi簡！ 飲飽食醉坐耐少少傾吓計都仲得！作為happy Friday 嘅選擇都係幾唔錯㗎

打邊爐係我嘅至愛， 今次約咗朋友去呢間火鍋店，因為之前見到朋友介紹話佢食材比較特別😋湯底嗌咗麻辣鍋， 一上到枱好香， 唔會有好刺鼻ga麻辣味!芫茜餃， 好香，好味，唔知係咪自己做，同出面食嗰啲唔同！豬腰，豬潤雙拼， 兩樣都好新鮮👍🏻鴨血真係超好味， 好香好滑，同自己買嗰啲唔同！仲有土豆片，唔係周圍有得食， 土豆片吸咗啲麻辣香味，正。仲有個牛胸爽好有趙口， 我鍾意比較厚身嘅牛🤭仲有個豬我唔記得叫咩名😂 好香豬味，我喺出面冇食過呢款配料！食咗咁多肉，叫返個五蔬菜籃， 等我冇咁有罪惡感先😆整體嚟講環境， 食材都幾好，而且價錢唔貴！有好多出面未食過嘅食材， 發現原來門口周圍都好多位泊車， 下次可以揸車嚟😎

今日約咗我個女嘅契媽食晚飯， 契媽超鍾意打邊爐，今次上網搵咗一間坐得舒服嘅餐廳🍴因為帶住個女打邊爐的確有啲麻煩🤓去到店員好細心咁介紹佢哋嘅食物，首先我揀咗佢哋嘅招牌湯底， 重慶麻辣翡翠鍋，因為我大肚所以要求小辣個煲好有型，小辣有兩隻辣椒🌶️佢哋招牌菜佢有鴨紅，好味道， 唔同平時我買肥媽嗰隻好滑好香，契媽食完話要追加當然唔少得打邊爐必備嘅蘿蔔，四寶丸同埋牛柏葉。牛柏葉爽口，蘿蔔新鮮，四寶丸就冇乜特別！豬眼根好有豬味 重點推介*吊龍伴*食落去好香好香豬味，滑，淥熟咗食嗰陣又甘香係個口到回味無窮！牛胸爽有趙口，價錢都好抵！整體來講呢度食材比較新鮮，好多特別部位，可以食到環境舒服乾淨，下次可以帶埋小朋友再嚟

鐘意食辣的我成日週圍搵辣野食上星期又約左男朋友去食四川麻辣火鍋。呢間火鍋店充滿古色古香，仿似去左d庭園大宅食飯一樣，更感覺到濃厚嘅風味。前菜係一碟香辣腐皮，辣辣地好香口，開胃。掌門麻辣炸雞翼推介！雞翼超入味，辣味適中，而且皮脆肉嫩👍🏻重慶麻辣翡翠鍋(小辣)個鍋外觀好特別，係一個好大個而又富有傳統色彩嘅火鍋容器。個麻辣湯底雖然睇落好清、唔似麻辣火鍋，但裡頭有唔少香科，一開頭都唔覺得好辣，但愈煮就愈辣！非常爽！湯底裡仲有鴨血添其他火鍋材料都好新鮮。我地叫左芝士腸、土豆片、五彩鮮疏盤和極品西班牙黑豚肉，特別係d黑豚肉質素幾高，配個麻辣湯更加味道一流。埋單$500左右。個翡翠麻辣鍋絕對值！

新開張既雞煲火鍋店，門口有老闆睇住，樣樣野都親力親為！叫左個麻辣鍋，我地兩個人之後再叫左小小配料，份量真係幾大，火鍋配料都好新鮮，個招牌香料加左好多香料入去整，打開煲蓋已經聞到流口水�蔬菜拼盤唔貴，但估唔到咁大一籃。呢間餐廳俾既份量真係大件夾抵，新鮮魚鰾同墨魚滑都係好大份。兩個人食咁多都係幾百蚊，為呢個晚餐畫上左一個完美既句號啦。   老闆仲好好人，問我地有無野可以改進，好注重同食客交流！不過同埋老闆好nice，我地一入門口，我話book左位，都好親切同我地交流下，唔會好冷冰冰咁

今日黎佐敦揾個朋友，跟住為左揾個地方好好坐低傾下偈，就費事走出我mk揾野食，一上openrice就見到呢邊有多間食打邊爐嘅舖頭，於是就去左簡下有邊間好食，行行下見到呢間舖個名叫掌門火鍋，作為打邊爐發燒友嘅我地，就簡左呢度開飯喇。 麻辣鍋 一開始就緊係要簡個湯底先喇，呢個 麻辣鍋個湯底真係好香，入口有濃濃的香料香味，唔洗加入任何嘅配料，而且所有湯料嘅份量絕對唔會小，真係令人對其他配料有更深嘅期待。 豬肉 豬肉份量唔小，煮熟之後入口好有肉味，果陣味令人難忘，好小有餐廳會提供到咁優質嘅豬肉。 今次嘅體驗都算幾好，比起一般任食嘅舖頭所有野都做得好更到位，食材亦都更加新鮮，有機會都要再黎先得

又到放工時候緊係搵間就腳嘅好野食下野喇，係openrice搵左一陣，最終決定去呢間離公司近嘅餐廳，地方雖然唔算太大，但員工就夠晒親切，個人真係好耐無食過打邊爐喇 湯底我地叫左麻辣鍋，呢個招牌湯底便當真係值得食叫下架，湯底係即叫即整，成個湯底都係綠色本身唔會太油膩，入口夠惹味，而且陣味好香都好開胃下，係一個幾令人驚喜嘅湯底。 配料方面呢度嘅配料都真係幾有心思，夠份量唔再講，重點係所有配料都係餐廳師傅自己即場切嘅同入貨，夠晒心思!! 餐廳嘅野食都真係幾令人興奮，咩都有得食下，價錢都唔算太貴，幾個朋友食下野傾下偈都算係好地方，下次都要再黎先得

話說上網見到呢間有個青色嘅麻辣湯底感覺上好特別，所以放工同朋友去試試餐廳嘅裝修都幾古式古香，都算寬闊。。。。。。。。。。。。。。。。。麻辣腐皮 (送嘅前菜)▸未點餐就已送上前菜，麻同辣味都幾出，唔太食得辣嘅我地覺得有點辣，但又好惹味，好快就清晒😊。。。。。。。。。。。。。。。。。重慶麻辣翡翠鍋 (小麻小辣)▸同平時食開嘅麻辣湯底好唔同，平時個啲好多紅油辣油，但呢個鍋完全唔同，感覺上清新好多，青bb咁，無咁多油，主要係青辣椒為主，但味道其實同平時食開嘅一樣麻辣，而且裡面仲有鴨血，啲鴨血都算幾滑😊。。。。。。。。。。。。。。。。。極上手切肥牛 (細)▸肥牛厚薄適中，雪花紋唔算特別多，但口感都好好，有點咬口得黎又軟熟，如果牛味再重啲會更正😊。。。。。。。。。。。。。。。。。掌門招牌四寶丸(白魚蛋，牛丸，貢丸，墨丸)▸估唔到質素都幾高，特別係手打墨魚丸，好爽口彈牙，潮洲牛丸嘅牛味都幾香濃同幾有咬口😊。。。。。。。。。。。。。。。。。掌門麻辣炸雞翼▸單骨雞翼食起上黎好方便，麻辣味不算好重同埋偏咸左少少😊

食麻辣火鍋最佳聚腳點，必定數佐敦渡船街一帶，今次去食掌門重慶麻辣火鍋！上次經過門口已經聞到濃濃香味，湯底叫咗重慶翡翠麻辣鍋，湯底一上已經發現同其他麻辣火鍋好唔同，平時食都係一大片紅椒同埋紅油喺面，呢個湯底感覺健康，但食落又有麻辣風味。鴨血湯底入邊有鴨血， 由於鴨血太好食關係，我後加咗一碟，鴨血唔會一咬即散，喜歡佢煙韌口感。凍豆腐凍豆腐同麻辣火鍋堪稱絕配組合， 每次打邊爐都會叫，呢間凍豆腐特別在吸味之餘，亦能保留豆腐滑滑質地，絕對值得我再encore。萵筍因為有朋友特別喜歡食萵筍，呢度萵筍薄薄一卷，鍾意食夾脆口感嘅，可以成卷食唔拆散，一上枱嘅嫩綠色，睇顏色已經知道係新鮮，食落好清甜。四色手打丸四色手打丸，我最鍾意食入邊嘅魚蛋同埋墨魚丸，魚蛋雪白彈牙而且有魚味，墨魚丸邊有細細粒嘅墨魚，好有咬口。牛柏葉唔係好多地方有得食黑色牛柏葉，因為白色牛柏葉有啲會加工過，食落一般。牛柏葉大大塊就算縮水，都仍然好有口感。一定要有「short short 聲」先係新鮮牛柏葉。日本葛絲我點嘅時候，會以為係有啲似日本嗰一種蒟蒻，但熟左之後反而有少少似四川薯粉，睇落非常晶凝通透，食落QQ彈牙，而且吸埋湯底味道，個

呢間專食麻辣火鍋既餐廳係一位住喺佐敦嘅朋友介紹既，單單一句「辣得夠過癮」，鍾意食辣野既我馬上召集左幾個志同道合嘅人陪我一齊試燈光明亮，衛生狀況良好，張枱亦都夠闊落。一坐低就已經有一個涼拌腐皮小食叫左一個麻辣拼沙嗲嘅湯底，叫咗大辣越食越辣，食到後來其中一個朋友直頭頂唔順，改食沙嗲湯底😂除咗辣勁十足之外，麻香亦都唔錯，鍾意食麻辣嘅朋友真係唔好錯過！當晚嗌左唔少火鍋食材，全部質素都好高，絕對對得住個價錢充滿肉香既西班牙黑豚肉 （$88）豆腐（$48）同手打墨魚丸（$68），豆腐正正常常，而手打墨魚丸質素好高咬到粒粒彈牙墨魚肉同埋味道好濃！極上手切肥牛 （大：$258）必點！口感滑嫩，牛味濃，除左價錢略高之外無可挑剔！呢啲索湯野唔少得啦～金菇 $28山根 $28芋絲 $38生菜同蘿蔔好新鮮，特別係蘿蔔好清甜又無渣

我又來挑戰麻辣火鍋喇！！繼上次＂漲格＂之後，麻辣鍋真係令人又愛又恨！我對佢總係念念不忘⋯⋯今次黎左佐敦覓食地帶，聽同事介紹一行四人鎖定了掌門重慶麻辣火鍋，位置有少少偏離了主食街，但唔算難搵，反而靜中帶旺～感覺好東西總是被埋沒一二角，沒關係是金子的總會發光！！！一入去店子細小橘緻，與一般的店不一樣沒有超濃郁的麻辣火鍋味，感覺乾淨俐落多了！未order 店員已火速送上小食，有啪青瓜及麻辣腐著甚開胃～～餐廳果然夠體貼！聽店員細心介紹我地就試試翡翠麻辣鍋$148比起一般麻辣鍋感覺清淡，湯底其實加了大量的青辣椒，麻子及蔥頭，有份獨特的麻辣味～～比起一般麻辣鍋加上厚厚的牛油清新得多！好似少了一份邪惡感！哈哈～～極上手切肥牛$258（大）手切肥牛果然有誠意，絕對不是薄切，見到雪花油脂分佈可見真材實料！牛胸爽$108我第一次食，唔食太生可以勺多幾十秒，咬落口感爽彈但唔鞋口！不錯！必點的鴨血$88麻辣鍋怎少得的鴨血，正如食薯條少不了茄汁一樣的道理！什麼道理？😂蜂巢豆腐$48吸收了麻辣鍋的湯汁，超濃郁！食完絕對會想食第二舊！！葛絲$48想食麵食的朋友唔一定烏冬同丁麵咁＂行＂可以考慮下點葛絲，熟透後呈透明狀

身邊既朋友都超鐘意食辣，所以今次聚會就簡左呢間都幾出名既麻辣火鍋，雖然我唔食得辣但好在個湯底可以雙併～呢到用既辣椒都唔算多，但個湯本身既辣油超勁，再加上大量蔥令到個湯底麻辣香都夠曬～ 中間係專為我而叫既沙嗲湯底，非常出色，特別有濃郁花生香味～自家制手打墨丸，口感彈牙，仲有粒粒墨魚係入邊～份量極多既豬膶，非常新鮮，厚度切得岩岩好～牛柏葉，洗得好乾淨，容易索湯，但注意唔好煮過龍噢～極品西班牙黑豚肉片，一向都覺得豚肉片應該大塊薄切，呢到做得好好，另外肉既質素亦相當唔錯，有肉香，鐘意豚肉既我encore 左兩次～

朋友知道我深愛辣火爐，在生日的月份帶我試新的！一黎到個湯係青綠色咖，心諗左一陣係咪真係飲得咖。懷著信心就拿起湯匙試一口吧！哇想不到味道清甜、帶有少少的麻也有香辣的香味！不是想像中那麼辣，而是慢慢的滲入味蕾當中。我全程都不停咁添飲😂😂蕃茄薯仔湯同樣出色，最後我哋兩個飲曬成個湯底👍🏼👋🏼另一個是我最停不了口的是麻辣百葉，因為本身我又好辣又愛香草加腐皮，所以一碟菜當中有齊我最喜歡的，所以真是停不了口！所以當我知道店中的餃都是人手包制的，我看到使挑選了香茜餃，厚厚實實的啖啖肉，不過如果香茜味再多啲就更好啦☝🏼而佢哋既肉丸都滿有驚喜的！每一種都好癰肉汁同鮮甜味❤️我朋友覺得貢丸最好味，我自己就鐘意足料墨魚丸，而牛丸同魚丸都係我試過咁多火鍋店當中最juicy 的👍🏼仲有超新鮮的A菜，不過落左一次辣湯裡面，已經辣到無左意志😂🤭火鍋店仲有好多唔同牛既部位俾我哋選擇，我哋今次㨂左牛橫隔膜上面既一條肌肉，個名從未聽過，所以已經唔記得係乜名😂不過牛味十足的！喜歡試新野既可以不妨試試❤️