掌門重慶麻辣火鍋 (Closed)

配料新鮮麻辣鍋渡船街呢邊一向都多美食，今次就去左呢間食麻辣火鍋，餐廳唔算大，裝修得幾骨子，座位有十張枱左右，去之前最好打去Book枱。呢到個重慶麻辣翡翠鍋 $148 好特別，成個湯係綠色，比平時嘅麻辣鍋無一層油係面又清新啲，😋少左罪惡感，食都覺得健康啲，叫左小麻小辣，但到後期愈食愈麻，愈食愈辣，🤪要加湯去降返個辣先得。極品西班牙黑毛豬 $88排到好靚，有十塊左右，肉質軟身，豬味濃，但唔騷，好味👍掌門招牌四寶丸 $98有魚蛋、牛丸、墨魚丸、貢丸，每樣三粒，而墨魚丸最出色，食到有粒粒墨魚係入面，又彈牙。掌門芫茜餃 $58自家包制，粒粒都飽滿，餡料好豐富，芫茜味重，岩哂鍾意食芫茜朋友。韓國炸餐肉條 $48炸到外脆內軟又香口，就咁食已經覺得好好食，再浸一浸個湯加上麻辣，更加惹味。五彩鮮蔬籃 $58放到好似花咁，好新鮮，有幾款菜，有生菜、娃娃菜、通菜、金菇。

這晚又涼番d, 最好又是邊爐夜, 仲要係辣個隻。今次唔係有麻辣妹陪伴同行了, 所以只能辣不能太麻😂 我同朋友到了掌門重慶麻辣火鍋店, 一進去被店中的湯香鎖住個胃了。兩個女仔點了六款食物, 飽飽滿足的離去。我們選了推介湯底: 重慶麻辣翡翠鍋, 湯底的鴨血是驚喜。為了平衡一下同朋友既食辣指數, 我們點了鴛鴦鍋, 辣湯中間的鍋是裝著莞莤湯, 清香, 用來食鮮肉一流! 食物方面, 我們很喜歡它的自家製餃, 皮有咬口而餡多, 粒粒都是脹卜卜。我們點了莞莤餃同鮮蝦黑松露餃, 前者多茶少肉, 味特別, 後者啖啖肉且重黑松香, 而且彈牙。我要推介這兒的脆鯇魚, 羊肉片及冰豆腐, 都是必點之選。鯇魚夾脆而有魚脂部份, 吃時有咬口且甘甜。羊肉新鮮厚切又大塊, 陣陣羊 味, 放較清的湯吃會較能食到其鮮味。冰豆腐大大份, 是食辣湯必點之選!

最近又熱又凍，又落雨又潮濕，最好就係去食麻辣火鍋出一身汗去濕。上網見到呢間係佐敦嘅麻辣火鍋，好特別嘅湯底，平時嘅麻辣火鍋係紅色嘅好油嘅，但係呢度嘅麻辣火鍋係用青辣椒，感覺會比較清，所以特別黎試一試！-我同朋友都鍾意食辣，不過其實唔係食得太辣，所以我地叫咗一個鴛鴦鍋，包括係翡翠鍋，小麻小辣，同埋豬骨鍋。$168-見到佢有唔少佐酒小食， 咁我哋打邊爐之前，嗌咗一個炸魚片頭 $58-細手切肥牛$178呢度嘅手切肥牛好出色！脂肪比例好適中，好適合配麻辣火鍋。-呢度嘅芫茜餃$58同埋丸類拼盤$98都係必食，芫茜餃平時比較少見， 牛丸非常彈牙，咬開仲有肉汁，好高質！-然後我哋仲嗌咗一碟炸午餐肉條$48，炸得好香！-食到好滿足嘅一餐，下次約多啲人一齊黎就可以試多啲唔同嘅食物啦。

這次來到掌門重慶麻辣火鍋吃火鍋這間店是位於在柯士甸站旁邊的文英街中這個位置有很多美食在這裡我跟nana姐這次沒有食麻辣而是食芫茜皮蛋湯底鍋也十分有中國彩繪的特色這次來到掌門火鍋有現在很大熱的手切肥牛手切肥牛的厚度比起機切的來得厚但這肥牛的肉質好嫩滑牛肉味也好足寶的沒想到手切肥牛這麼好食的封門柳封門柳是牛的橫隔膜肌肉每隻牛也只有一條肉味較重和油花比較少在外門沒什麼機會吃到這個部位豬腰這裡的份量都不少豬腰好新鮮食下爽脆魚膘這裡的魚膘好大個每條魚也只有一個份量也多也新鮮

今日朋友介紹到佐敦食一間重慶火鍋店 <掌門重慶麻辣火鍋>, 因為有朋友5食得辣所以揀左芫荽皮蛋湯底! 如果想食辣都有其他湯底揀!芫荽皮蛋湯容器好特別, 未試過用呢種煲打邊爐, 聽講打邊爐冇咁熱氣喎因為4個都為食所以都點咗幾多嘢,  HAHA湯底都未打開就已經嗅出好香皮蛋味😍😍叫左一個大嘅肥牛, 肥嘅部份唔算多而且肉味濃, 唔錯另外叫左海蝦, 打邊爐食海鮮最緊要鮮甜, 呢個個蝦就夠大隻都好鮮甜, 正鯇魚片都要食, 好鮮甜長蟹柳都唔錯,  黃金魚皮必食, 好味

最近天氣又濕又焗，弄得人悶悶不樂，沒太多之胃口呢，香濃麻辣的重慶火鍋，正好刺激口水分泌，引人食慾，順道出一身汗去濕解暑！這間重慶麻辣火鍋很吸引喔。可是今天去到想清一點吃皮旦湯，想不到這店不是推介的招牌麻辣也美味。皮旦的香，配了陶瓷青花設計鍋！店可以分戶外，設有雙人、四人座位，並新增兩張大桌，能容納非常多人。如果遇上紀念日或者生日，更可以來吃喔！食物非常新鮮，令人感到回味的是以下：手切肥牛味道不但有濃濃的牛味，而且肉質棒，用來火鍋，亦有口感。魚皮餃份量多，而且很大粒。芋絲想不到平日易買的配料也有驚喜呢，非常好吃，加上皮旦湯感覺好！炸魚皮這個要一定要叫，因為是即叫即做，魚皮不但閃閃金黃，且暖暖當小吃亦佳。這店叫餐方法很特別，而且店主的推薦，令有選擇困難的朋友不用動亦有東西喔。

今個冬天好似仲未食過麻辣鍋，咁啱呢日有個無辣不歡嘅同事即慶約我收工嚟個麻辣火鍋夜，今次我地搞搞新意思，唔食平時又紅又辣嘅麻辣湯底，試下翡翠鍋-綠色麻辣湯底。餐廳位於文英街，我地由佐敦港鐵站A出口出發，睇住google map行十分鐘左右，傾住計好快到。餐廳裝修走中國風，環境舒適，座位闊落，仲有電視睇👍🏻🔥重慶麻辣翡翠鍋(自選麻度/辣度) HKD$148個鍋好有中國色彩，好特別好靚，拎嚟影相打咭啱哂📸最初睇食評，見呢到嘅湯底綠綠地色咁清，仲估佢冇咩殺傷力就揀咗中麻中辣😂原來中麻中辣都唔少嘢㗎😂仲越食越辣。翡翠鍋同紅油麻辣嘅分別在於佢冇咁油，減少油膩感，而且辣得嚟帶啲清甜，打邊爐前我地都各自飲咗碗湯，味道唔錯😋鍋底本身已有提供鴨血，鴨血爽滑，配麻辣湯最好味！🔥白蘿蔔 HKD$38蘿蔔片一開始我地就倒哂落去個鍋到再慢慢食，煲得越耐，越入味，索哂啲麻辣湯👍🏻🔥手打墨魚丸 HKD$68足料彈牙👍🏻🔥芫荽餃 HKD$58脹卜卜入面滿哂芫荽，鐘意食芫荽嘅絕對唔可以錯過💪🏻🔥極上手切肥牛(細) HKD$148油脂分佈平均，肉質鮮嫩重牛味，滑得嚟有啲爽口。🔥萵筍 HKD$48估唔到擺盤咁有心思😍食落清甜

聽朋友介紹佐敦有間位置偏僻既隱世麻辣火鍋，見天氣凍凍地可以一試！今次叫左個重慶麻辣翡翠鍋，平時算係食得辣既我，不自量力地叫左小辣中麻！🤣🤣🤣🤣野食算快到齊！本身打算叫金針菇同娃娃菜吸哂d麻辣湯汁諗住過癮一番，點知一入口發現真係好麻辣，好正！d菜吸哂湯汁，不錯！🤭再黎有極上手切肥牛同牛胸爽：肥牛入口已經知唔係平時平價火鍋d cheap牛，油脂分佈不俗！食落feel到肉質d紋路，高質！牛胸爽食落幾過癮，亦值一試！👍👍掌門芫茜餃，性價比不錯，滿滿餡料。四色手打丸：幾欣賞當中既貢丸同埋牛丸，味道香濃。日本葛絲：爽彈質感唔太岩我，比我會揀其他面底總體黎講，味道、湯底麻辣程度高質，值得一試！

天氣轉冷，熱辣辣嘅麻辣火鍋真係好岩同朋友聚首。今日膽粗粗試呢間食店，裝修好華麗，好有重慶地道感覺，加上地方精緻乾淨，環境認真唔錯。黎到當然試佢地特別介紹嘅青麻辣，雖則我地只叫小麻小辣，味道一樣濃厚，飲一啖過隱又刺激。加上我地叫咗鴛鴦鍋，中間有溫和嘅薯仔蕃茄湯，真係多重享受。餐牌食材多樣化，火鍋必備手切肥牛質素唔錯，肥瘦適中，牛味香濃，好岩配麻辣湯。不過最令我驚喜就係豬眼根，膠質豐富，彈牙鬆軟，回味無窮。韭菜餃就水準之內，皮有點偏厚，不過餡料味道香濃，都食得過。另外一提就係佢地有提供生啤，俾大家打邊爐都有麥香味更重嘅啤酒。總括黎講，掌門算係價錢合理嘅麻辣火鍋，呢間嘅湯底食材真係值得大家一試。

我番親黎香港都係冬天，所以不論係屋企定出街都離唔關打邊爐今次同朋友黎左呢間掌門打邊爐邊度既位置唔係幾易搵，要開住個map先搵到黎到我地睇左陣menu先就叫野食啦因為我仲病緊，唔係好食得辣試唔到佢地既麻辣湯底，所以就叫左個蕃茄薯仔湯個煲好得意，湯底好濃既蕃茄味，入面仲有好多厚切既薯仔！正我地仲叫左一碟細既極上手切肥牛，美國桶蠔，四寶丸，萵筍同金針菇肥牛都夠大碟，重點係佢好滑又有牛味！非常高質桶蠔係我朋友指定打邊爐必食，佢好鐘意食蠔，佢都大讚呢個蠔夠新鮮同大隻！我地都冇諗過有六隻大大隻！四寶丸就有彈牙魚蛋，牛丸，貢丸同墨魚丸。重部都好食，我暖鐘意係貢丸，冬菇味好正萵筍又係朋友叫既，我之前都唔知咩黎，好似近幾年先hit既菜？口感係爽既，好似食緊西蘭花個莖金針菇個擺設好得意，成個盆栽咁！我地仲encore左一個！最後加個公仔麵作結。

好辣之人對麻辣火鍋總係情有獨鍾❤同我一樣鍾意食辣野嘅朋友想我同佢食係佐敦嘅呢間麻辣火鍋~咁我就逢陪到底😂😂去到門口, 見到中式復古門面已經好期待啦！入到店裡面, 一陣陣嘅麻辣香味同見到老重慶嘅相令我期待感又增加餐牌方面都好似一般火鍋店, 分幾個種類, 湯底有唔少選擇之餘仲有海鮮類啊上菜啦！我地叫左重慶麻辣翡翠鍋, 個鍋真係好靚煮緊嘅時候麻味一直飄過黎~而煮滾之後開鍋嘅麻味真係太正啦！唔單止有好多辣椒同蔥~仲見到好多胡麻粒(我地只點左小麻同小辣啊！)親切嘅店員係我地點菜嘅時候已經幫我地將鴨血放落去煮~而鴨血都做得好有彈性❤吸埋 D 湯汁岩岩好另外都叫左一個吸湯嘅蜂巢豆腐😋吸晒湯嘅麻辣味再加特別口感, 又係另一重享受本身對西洋菜冇咩期望, 因為只想叫碟菜食下, 點知點洋菜接表面會將辣油吸晒味❤變成麻辣菜~好好食啊！跟住嘅牛頸脊令我地有驚喜啊~香濃嘅牛肉味只要滾幾秒就食得, 肉好冧~真係好味道!另一個有驚喜嘅就係新鮮牛胸爽~本身諗住其他好少地方有得食, 所以一試, 一試令我好難忘! 因為同普通牛肉好唔同, 爽爽嘅口感~好特別👍而沙白都好飽滿, 夠新鮮! 就已經好足夠😁最後黎到涮羊肉片, 份量

今日去左朋友屋企嗰頭食飯，朋友話呢間鋪大約開左半年鬆啲，食過都唔錯。環境裝修幾有舊式感覺。盛載湯底個鍋都幾特別，好有古式既花面同形狀。魚皮餃無乜特別，不過係佢有解過下凍先拎出黎，而唔係一舊冰咁比我地。炸魚片頭，食落外脆內滑，唔知差啲以為係食緊炸豆腐。手切肥牛，色澤好靚，煮完幾有咬口，好重牛味。新鮮牛胸爽，第一次食，望落好似肥膏咁，但食落韌韌地幾爽口。爽脆栢葉，無漂白既黑栢葉，一塊葉長度不少於半隻手掌，食落都真係幾爽脆。牛丸+墨丸，牛丸咬落幾彈幾juicy，墨丸一啲都唔粉而且好彈牙。==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

入到冬天點可以唔打邊爐，於是就約左朋友去打邊爐，但又唔想食酒家任食邊爐個啲咁頹，於是就搵左間係柯士甸既掌門重慶麻辣火鍋。餐廳門口有一盞盞寫住掌門既燈籠，係街頭已經聞到個陣麻辣既香味。我地叫左個雙併湯，叫左重慶翡翠麻辣鍋同豬骨湯，麻辣鍋就簡左中麻小辣。翡翠鍋既特別地方係綠色，聞落去好香，飲左少少湯底又覺得幾入得口。原來火鍋店有生啤1664飲，仲要Happy hour買一送一。環境坐落一啲都唔迫好舒適。所有食材都好新鮮好好味。我地叫左花甲、海蝦、炸餐肉條、手切肥牛、西洋菜、黑豚肉同埋牛胸爽。所有野都好好食，花甲好鮮甜，我地將所有花甲同西洋菜放哂係豬骨湯度煮，所以個湯都超甜。海蝦好新鮮好彈牙。炸餐肉條就可以兩食，因為佢新鮮炸起，就咁夾黎食都好好食，另外可以放係個湯浸一陣，一樣唔錯。手切牛就幾高質，色澤又好睇而且入口即溶，牛胸爽就牛如其名，真係好爽好彈牙。熟食我地就叫左個麻辣炸雞翼，呢個雞翼幾特別，係出面未試過。整體黎講一流，下次會再番黎試。

朋友介紹，黎左呢間位置比較無咁就腳既舖打邊爐，好就好在，暫時未係好多人知呢到，因為呢到野食質數幾高下，之後慢慢就會越黎越多人了。舖面幾似內地舊式飯店，掛左好多紅燈籠。舖內都係古式裝修，配襯埋木枱木凳。我地叫左個沙爹湯底，個煲個形狀同花紋都幾得意。開頭蓋住煲蓋既時候咩都聞唔到，但一打開個蓋，濃濃既沙爹味散發出黎。麻辣炸雞翼，幾香而且好脆口，仲要剪開兩半方便吐骨。炸餐肉條，熱辣辣新鮮炸出黎，外脆內軟！似小食多過係火鍋料。手切肥牛，新鮮唔肥而且有咬口，仲幾重牛味。炸枝竹，一啲都唔硬，煮一陣就食得，完全索哂沙爹味！酸菜白肉餃，酸菜味比較重，我鍾意食所以會覺得好味。西班牙黑豚肉，相對下有驚喜，煮完同食肥牛差唔多，淋身唔老。出前一丁同稻亭烏冬，叫得沙爹湯梗係要叫呢兩樣野索味作為總結！

整條文英街的食店可說是多不勝數，要從中突圍而出固然不是易事。我和友人逛了整條街後，最終決定嚐這間麻辣火鍋，天氣尚涼，正是吃麻辣鍋的好時候晚上9時前生啤會有買一送一優惠，當然不能錯過本來我們打算點普通麻辣鍋的，但店員推介了重慶麻辣翡翠鍋，她指當中的配科皆是即叫即炒而成湯底，我們便一試吧！湯底的麻味香濃，我最享受吃過麻辣鍋後感受嘴唇被麻味感染得像在跳動的感覺點了幾項簡單配料。腰澗雙併十分新鮮，汋後吃有口感。特別推介韭菜餃！足餡得來配上麻辣鍋的麻辣味更是美味非常。脆鯇魚片厚切，吃起肉質彈牙香口整體來說此店價格合理，食材新鮮，只是地理位置不及其他店優越，但我認為仍然值得一去！