掌門重慶麻辣火鍋 (Closed)

講四川麻辣火鍋，呢間算係第一次個人認為係夠「正宗」川辣 - 掌門重慶麻辣火鍋。餐廳面積唔算好大，大約三、四十座。但店內裝潢好花心恩，古屋醬身，又有中式吊爐。點餐方式夠特別，過膠餐牌，用刷得甩marker點餐。餐員好好心機介紹推介湯底&火鍋菜式：重慶麻辣翡翠鍋($148)個鍋一拎過黎就好eye catching，個鍋好特別，青銅瓷器外觀，傳統火鍋設計，小麻小辣湯底，已經滾出陣陣麻香，因為湯底放左好多花椒、青花椒，好多麻香材料。下次試可以試中麻，因為湯底好青，唔似市面重慶火鍋咁油👍🏻台灣極品鴨血($88)終於卑我試到間令人回味台灣火鍋，鴨血新鮮，又彈牙，完全冇腥味。萵筍($48)餐廳試菜好花心思封擺放，萵筍都係第一次試，好爽口。菜式選擇以小店計其實都算多樣化，又近西鐵站，下次再黎試其他！

前兩星期同朋友去佐敦渡船角搵食，估佢唔到又幾多新奇有趣野食！登登登登！重慶麻辣翡翠鍋（小辣）雖然叫左麻辣，但竟然個色唔係紅色，比較特別，但落左唔青辣椒🌶️，只會越食越辣。另外佢個味，有D似食酸菜魚個種味，即係重口味啦！麻就唔算好麻，幾過癮！中間細個個係特濃豬骨湯黎，幾清甜，有兩三塊粟米同蘿蔔，味道濃郁。點左個小食，上海淆肉，呢個可遇不可求，唔係度度都有，脂肪比倒唔算高，但呢個菜主要係靠冷藏去凝結做固定。到我地打完邊爐，已經成舊溶得七七八八。九菜餃一碟六粒，雖然得六舊，但件件大粒，菜好新鮮，大大粒好香口。蟹棒條條勁長，一人一件，食落勁爽，啖啖肉。蜂巢豆腐，十件好大件，呢個可以吸曬個湯汁，吸曬水咁好juicy!

M佬：重慶出名食咩？A姐：麻辣火鍋！M佬：叻豬，咁麻辣火鍋咩色？A姐：紅色囉⋯⋯M佬：唔一定，有綠色㗎！吓！青色嘅麻辣火鍋？咁得意！無錯呀，佐敦掌門重慶麻辣火鍋主打翡翠麻辣鍋，有驚喜！重慶麻辣翡翠鍋平時嘅重慶麻辣鍋都係火紅色，一嚟到就有好攻鼻嘅辣椒味。呢到嘅麻辣鍋係綠色，鍋如其名，好似翡翠咁綠，原因係因為用咗青辣椒。鍋底仲有大蒜、大蔥同花椒，味道比較清新，不過同樣夠辣。最正係裏有仲有新鮮鴨血，同麻辣鍋係絕配。極品西班牙黑豚肉肥瘦適中，肉質比平時嘅豚肉鮮嫩，豬肉香同咬口 十分唔錯。鮮雞件本地新鮮雞切件上，肉質鮮嫩，麻辣湯入晒味，好吸引。骨膠豬眼根厚切豬眼根，背面有一層薄薄根同脂肪，入口有淡淡的油脂香。蝴蝶腩蝴蝶腩又稱牛爽腩，肉質結實，中間有條筋位，口感豐富。西洋菜餃自家包嘅水餃非常足料，粒粒脹卜卜，仲有M佬最鍾意嘅西洋菜。餃皮厚度適中，新鮮西洋菜加埋豬肉餡，正！（記住Like同Share畀朋友）By A姐M佬

見到大家講綠火鍋咁吸引，當然都要黎挑戰下佢既辣度啦！好在朋友們都係同我一樣無火鍋不歡😂！雖然話湯底係綠色，但唔係因為佢加左色素，而係用上大量綠色植物、香菜去令湯底睇係黎係綠色，但同時十分之香！湯底唔似平時食開重慶或四川個種咁多辣油，反而係不油不膩，仲要重點係唔攻鼻，唔會要狂打乞嚏咁食一餐飯。丸類都係人手打，呢點值得加分。最中意佢個墨魚丸，夠爽口牛肉叫左細既份量，同樣新鮮，牛味好重相對上餃子較少，但皮薄餡靚午餐肉係每次邊爐必點😂，炸埋夠香脆，點少少湯食一流擺碟都好用心，排返一條魚既形態出黎😂食食下發現原來鍋底仲有豬紅！索晒啲香辣味道，食唔停口雞腸咁冷門既都有得叫

今日約咗幾位好朋友敘舊，大家都喜歡打邊爐，所以就決定嚟佐敦嘅掌門重慶火鍋，過下麻辣火鍋癮！重慶麻辣翡翠鍋 $148（小辣、小麻）店內嘅招牌湯底，用青花椒、青辣椒、川椒、葱製成，顏色青綠，非常特別！入面仲加咗鴨血，超鍾意食呀！特濃豬骨湯 $128有朋友唔食辣，所以另外揀咗個豬骨湯底，店家親自真材實料熬製，濃郁芳香，也值得推介。極品安格斯肩胛牛（大）$218分量果然很多，就是豪氣！醉雞卷 $58新推出嘅小食， Menu上仲未有，酒味香濃，唔錯。新鮮韭菜餃 $48、酸菜白肉餃 $48餃子絕對係亮點之一，粒粒飽滿紮實，用料新鮮，真係好好食。骨膠豬眼根 $68 幾特別嘅火鍋配料，肉質非常爽口，係補充骨膠原嘅不二之選！手打墨魚丸 $68掌門招牌四寶丸 $98鮮冬菇 $38估唔到份量咁多，都幾新鮮。五彩鮮蔬籃 $58蔬菜籃好大盆🤩葛絲（日本） $48口感Q彈煙韌，滑劣劣，大家都好鍾意食！😋可樂 $12加多寶 $14整體來講都好滿意，店家服務態度好好，食物質素唔錯，下次一定會再嚟！

鴛鴦鍋（$168）平時食麻辣鍋基本上都係紅通通🌶，加上大量牛油，怕肥既朋友仔可能望到都怕怕😂！佐敦哩間既麻辣鍋就大攪創新，個鍋底居然係綠色既，食落唔會超多牛油，反而清清地好特別，但都做到辣度十足，而且幾香口，怕油膩既朋友仔可以試下喎。中間唔辣既湯底比較多選擇，港式啲揀左個沙嗲湯😂，不過略嫌中間個湯真係好細，如果多朋友仔唔食辣既話就食得麻煩啲😂。-配料方面有麻辣火鍋常見既內臟，亦都加入左好多港式元素，款式選擇多，但份量偏細份🧐，大食既真係要叫多碟先夠喉啊！手切肥牛($158)係必點啦，打邊爐點可以冇牛呢？鮮雞腸（$58）好少地方有得食，司令覺得比鵝腸好食，夠肥嘛🤟🏻。萵筍（$38）係近期打邊爐必食，特別係食麻辣火鍋，煮完仲好食過蘿蔔，正啊🤤。

最愛周圍試麻辣火鍋，見呢間「掌門」新開無耐、comment 又唔錯就即管試一試。其實佢有傳統既麻辣湯底揀，但一場黎到，梗係試佢既翡翠麻辣鍋啦！睇下究竟有咩甘特別！個鍋一黎到，未打開個蓋已經聞到好香既麻辣味，佢用左好多青辣椒同唔同既香料，比起傳統既麻辣湯底無甘油，亦多左青辣椒既香味，其實都幾特別，麻同辣度都好夠。叫左牛胸爽，好爽口，食過返唔到轉頭。四寶丸好正好彈牙，特別係個墨魚丸，咬到一粒粒既墨魚，口感十足。萵筍薄切令到更易吸收湯底既味道，同厚切有唔同既感覺👍🏼午餐肉煎到香香脆脆，無放落湯底已經就甘清曬了😂呢度環境同食物都唔錯，係麻辣火鍋愛好者既另一個好選擇👍🏼👍🏼

初嘗麻辣翡翠鍋 竟然不是紅卜卜的😱我發現原來佐敦有一條街竟然充滿麻辣火鍋的縱影🤩作為一名麻辣控 今次就試左一間叫掌門嘅麻辣火鍋😏重慶麻辣翡翠鍋 $148一去到 店員就推介呢個翡翠鍋俾我地當然要試試 嗌左少麻少辣 有別於平日紅噹噹 比較油嘅牛油湯湯底較清 亦用青色嘅辣椒代替😋聞落好香 不只辣👍🏻一定要落啲粉絲煮下佢 索盡湯底嘅味道💓如果要揀 我真係會比較喜歡這個湯底🙈無甘油膩 食完唔怕疴🤭掌門麻辣炸雞翼 $58雞翼剪開左做單骨雞翼 食落方便👍🏻麻辣味好重呀 又脆得好香脆🤤好想encore 不過都係留肚食其他野先💓芫茜餃 $48原來落左韮菜餃 淥左之後先發現黎左芫茜餃😂唔緊嘅 試下佢🙊果然好食呀 有解辣作用 好清新喎💓掌門招牌四寶丸 $98四寶丸包括 牛丸 蝦丸 貢丸同潮州魚丸其中最喜歡嘅係蝦丸 手打的好彈牙👍🏻極品安格斯肩胛肉 $128叫左個細嘅試下 肉比較肥喔一般般 下次會試下其他肉類😛豬黃喉 $68食麻辣鍋必備豬黃喉 淥十秒內 食得❗️夠唒爽口呀最後佢地送左個涼菜蘆筍俾我地食之前未試過 原來好清新好爽口撈埋麻油 好香☺️☺️我覺得呢到好適合初嘗麻辣火鍋嘅人無甘油 個肚會適應d👍🏻👍🏻🍽 掌

同好友飯聚，大家第一時間就想食麻辣火鍋，今次就黎到佐敦覓食鴛鴦鍋，麻辣翡翠鍋+豬骨鍋，第一次試唔係紅色湯底既麻辣鍋，但麻辣味都不容輕視，叫左小辣都已經夠辣上海淆肉，凍食唔會覺得肥膩，而且好有骨膠原既感覺鮑魚仔，好新鮮全部仲識郁豬眼根，第一次試，肉質爽口肩胛牛肉，肥瘦分佈均勻，牛味幾香炸餐肉條，炸左之後好香脆，浸一浸麻辣湯仲好味魚皮餃有8粒，味道唔錯凍豆腐，慢慢煲到索晒辣汁好好味韭菜餃餡料夠豐富炸有骨魚皮，比較厚身有咬口蟹棒，好i大條，食落仲好鮮甜葛絲，有少少煙韌，煮一陣就食得，正

朋友上網搵到呢間掌門重慶麻辣火鍋，就約我呢隻辣腳去試食。老實講，我本身預佢係連鎖火鍋店，海乜撈、小肥乜、小肥物，果d 預計得到既味道，點知佢竟然意外地出色。首先，佢雖然係小店，但衛生清潔一d 都唔馬虎，圖中左上角既係清潔公司放置既誘蟲劑。湯底方面，掌門人推薦我地食呢個重慶翡翠麻辣鍋，好貼心地有麻度同辣度揀，我地揀左中麻小辣。值得欣賞既係佢用左青花椒去炒個麻度出黎，所以個湯底帶d 綠綠地既色。懂川菜既人，就會知道青花椒係既麻又香，唔會一味死辣，估唔到向香港會食到咁有內涵既湯底，真係心心眼之選。第二樣吸引到我既，就係呢個帶骨既魚皮。話話呢個先係傳統既魚皮，同依家一般坊間食到既魚皮好唔同。平時d 魚皮，淥兩三秒就要拎起，否則就會謝曬皮，最多咪當薯片咁食囉。但呢個有骨版魚皮，係要炆一陣先食既，但食落口，除左脆，仲會有平時d 魚皮無既魚味，推！再黎就係芫茜餃，個餃子既調味真係不得了。食落口除左有芫茜味之外，個肉餡仲好Juicy，咬落去要小心燙口。最絕個位係佢落左些少酒去調味，食落去辟曬芫茜唓草青味，仲有酒香氣，連我朋友都讚話，連唔食芫茜既人，都會食到呢款餃子。因為佢食物質素都幾好，所以我地追加左

紅卜卜的麻辣火鍋吃得多，綠色的麻辣女鍋你吃過沒有？😍估唔到小辣都幾辣🌶——————————————🍲重慶麻辣翡翠鍋🌶 （$148）（小辣、小麻）一向都挺能吃辣的我都覺得這個小麻小辣的重慶麻辣翡翠鍋比較足料和辣味突出。比一般不同的是，這個麻辣火鍋是用了青辣椒、青椒和大蔥等配料製成，所用的辣椒夠曬份量，所以吃上來也非常辣，入口刺激味美！🐷特濃豬骨湯 （$128）一大班人難免有人不嗜辣的，這個時候最好來一個豬骨湯，清甜味美，滋潤可口。吃火鍋除了靈魂在於湯底之外，配料當然也非常重要呢！配了除了要夠新鮮外，擺碟佈置能夠盡顯心思，精緻可觀，那一定讓食客食慾大增！🐄極品安格斯肩胛牛（$218/大）牛肉擺碟精緻可觀，條紋清晰可觀，肉質鮮嫩可口，好吃！🐥醉雞卷 （$58）雞卷浸上花鵰香酒之味，香滑嫩口，散發著陣陣酒香味。🥟新鮮韭菜餃 （$48）🍀酸菜白肉餃 （$48）🐖骨膠豬眼根 （$68）豬眼根切得幼細，口感很好！🐮爽脆柏葉 （$68）柏葉用上黑柏葉，爽脆可口，輕輕滾十多秒就可以吃了！🐙手打墨魚丸 （$68）墨魚丸爽彈可口，墨魚味道香濃好吃！🍡掌門招牌四寶丸 （$98）🍄鮮冬菇 （$38）🌽粟米 （$

我真係好鐘意打邊爐今日去開圓方～就去左佐敦搵野食就比我發現左佢～～我們一行六人～叫左2個鍋，有辣有唔辣，任君選擇重慶麻辣翡翠鍋 （小辣、小麻）$148，賣相綠綠地，有啲青椒同大蔥，唔似會辣得去邊～～點知一食，原來好惹味～果然有驚喜～另一個是特濃豬骨湯 $128，味道冇咁重口味餸個方面～一定要推介呢個「極品安格斯肩胛牛（大）」$218 好好味～有牛味，又唔會好多脂肪！分量唔算多，好快就比我地搶哂但係值得食架！另外，點了醉雞卷 $58，貪但唔洗淥，可以快啲食 酒味香～～～肉嫩！新鮮韭菜餃$48 ，酸菜白肉餃 $48， 一黎就放左去淥，唔記得影相都幾好味架～～骨膠豬眼根 $68 yummy!爽脆柏葉 $68 好爽口👍🏻👍🏻手打墨魚丸 $68，掌門招牌四寶丸 $98啲丸口感彈牙鮮冬菇 $38、粟米 $28、五彩鮮蔬籃 $58，都好新鮮～又甜，推介！稻庭烏冬 $38，葛絲（日本） $48 好正，淥耐左都唔會好林，口感仍然good good!

難得約左很久不見既老朋友食晚飯，當然要揀返間合口味既餐廳聚一聚啦，話説呢個朋友異常的吃得辣，所以專誠選了這間係渡船街既麻辣火鍋店。識食既朋友們應該知到黎到渡船街根本就係美食天堂由幾條橫街直街組成，餐廳既數量真心唔講得小，且雲集不同既菜式，選擇倒是挺豐富的。「掌門重慶麻辣火鍋」係近期比較新開張既正宗麻辣鍋小店，見到呢隻大手掌就無錯啦，正正係小店既招牌手掌大概由十多張木製兩人枱組成，內牆用上簡單既灰泥磚牆，中國風既燈飾，不誇張既裝潢返而舒適得多，好符合中國式既風格。由店員帶到一張靠檣既小桌，經推介選擇了本店既招牌湯底餐牌有兩面重慶麻辣翡翠鍋(中辣小麻) $148神龍昇天，騰雲駕霧，藍色既翔空再配以彩雲，呢個鍋具夠覇氣之餘，又夠奢侈吧，概念當然不忘相機食先吧😝湯底係由店長特製而成，選用既素材同傳統既重慶火鍋湯底略有不同，以青色辣椒為主！另外有大蒜，大葱等主要湯料，顏色偏向青綠色，千祈唔好小看青bb既佢，味道還是夠辣的，同紅卜卜既正宗麻辣鍋有過之而無不及，而且味道偏向清新，不會死辣，就似一個超爽既麻辣清湯。仲有入面加入新鮮鴨血，本人初次食鴨血感覺幾特別的，同豬血相似，但鴨血質感比較結實，味道濃

上網發現這間特色火鍋小店，於是一試。餐廳位置不算太難找，係柯士甸站一出行幾分鐘就到。餐廳環境特別，籠罩著濃濃的中國風，令客人更能感受到食麻辣鍋的氣氛。食物方面，我們叫了重慶麻辣翡翠鍋（小辣）及一些打邊爐常見的食物。☝🏻重慶麻辣翡翠鍋（小辣）雖然是叫了小辣，但都有一定的辣度，始終是食麻辣鍋。翡翠鍋是呈綠色的，湯底很特別，辣得過癮，湯底還有很多配料，如蔥、青辣椒及豬紅。不得不提的是，餐廳用的鍋很有特色，特別喜歡。☝🏻其他食材我們點了蜂巢豆腐、極品安格斯肩胛牛、墨魚滑、魚皮餃及生菜等，其中，我最欣賞蜂巢豆腐及生菜，雖然豆腐及生菜都好似平平無奇，但這兩樣食材最能食得出翡翠鍋的辣跟香。整體而言，掌門重慶麻辣火鍋是一間不錯吃的麻辣鍋小店。

北上深圳食麻辣火鍋已經係我地班朋友仔好經常做既活動，蜀大俠啊~大龍坎啊~大龍燚都成日食。通常依D火鍋店都係得紅白鍋，有D就會有埋蕃茄鍋。最近，朋友推介有間麻辣翡翠鍋，真係第一次聽~所以就決定一試依間「掌門重慶麻辣火鍋」！掌門重慶麻辣火鍋係柯士甸站附近，A出口或者B5出口都一樣可以行到去，轉入文英街就好快就見到。認住隻手掌就會知自己到站啦~因為假期後，第一日去一入去就已經有位。店鋪裝修都係以中國風為主，有點似我地成日睇中國古裝劇見到茶樓既樣，牆上掛住一D中國舊時既相，別有一番風味。除左麻辣翡翠鍋之外，仲有唔少獨有既野食，好似骨膠豬眼根、台灣魯麻辣鴨血新鮮炸有朋魚皮甘。仲有D係鋪頭自己自製既野食，店既哥仔介紹左佢地既手工餃同埋手打墨魚丸。今次得兩丁友去，所以叫唔到好多野食，同埋佢地有D食材太好賣，未返得切貨有D可惜而佢地有四種配料比我地揀豉油、乾蒜、新鮮蒜粒、沙茶醬。重慶麻辣翡翠鍋 (叫左小辣+小麻) 依個湯底真係同平時既重慶麻辣鍋好唔同，係青色同埋味道無平時紅湯甘咸同重口味，反而有少少似台灣既一種湯─「剥皮辣椒雞湯」，但佢既配料就有少少唔同，有青辣椒、蔥、花椒等等，飲落去唔傷胃得來又清清