Pan da Cafe

Open Now

Now Closed

西貢係一個可以治癒心情的地方，工作上累的話，最適合來這種地方充電，一呆就可以呆一整天。今天去的這家有復古味道，不一樣的感覺，整條街最讓人忘懷的cafe店，雖然店外也很多稀奇古怪的東西堆疊在一起，看起來就像一個回收的雜貨店，但其實是一家cafe，還是朋友告訴我的，就嘗試了這一家，忘了拍外面，不過這個是那那條cafe街最裡面的。裡面的都是香港懷舊產物，滿滿的包裹住你，感覺特別溫馨和懷舊風情。裡面你可以看到香港的各種有趣的小玩意。裡面的餐也不貴，值得一提是烤春雞比一般餐廳的要大很多，而且也巨嫩滑。烤青口裡面是薯蓉底，綿密薯蓉同青口好搭配，青口嫌新鮮大隻。飲品類超多花茶系列，總有一個適合你，也太好喝了吧，我這一杯是有瘦身功效的花茶。

嗌左個二人餐個湯嚟到已經覺得伏伏 正確啲嚟講應該係蕃茄水 到個正餐 收人四百蚊食二人餐 但得一碟意粉兩個人分 一啖已經完咗 個pizza一嚟到 餅底係急凍餅底 一路食仲要一路睇啲餡係咪齊 因為得好少餡到左甜品 話係是日甜點果凍 一嚟到以為擺底個杯嘢係啲醬倒落個果凍到點知原來個杯野就係杯果凍 兩啖完左另一個甜品叫左心太軟無講差額加幾多都算 碟嘢嚟到 真係望到都唔知點解佢地好意思收人五十幾蚊攞碟咁嘅心太軟出嚟仲要加埋一服務費 唔知服務左去邊最後齊頭收人五舊水 食完都唔知自己食撚左咩落肚 可一不可再 收人五舊水 但做出嚟嘅嘢真係搞唔掂

真係怪自己冇上OpenRice睇下就入左去叫左二人餐$258揀左咖喱雞飯同pizza其實味道ok geh 咖喱係薯蓉幾特別但食完之後見店員好耐都未問我哋甜品我地就問佢啦佢俾左dessert menu我地睇 我地問點計價錢但佢冇答實我哋 淨係話會加返錢我哋就嗌左個$97嘅窩夫但埋單見到要加$84 張單淨係寫價錢冇寫item完全冇得追究🤢

叫咗杯嘢飲酸到核爆，普通一杯茶，冇可能有咁嘅酸度！好聲好氣問佢，佢話酸咪加糖水囉，我心諗我下至奶茶店，上至酒店嘅水巴都做過，你當我條俐假嫁？算，臨走好聲好氣再提點下佢仲係諸多藉口！ $4x /杯！今日公眾假期四圍都多人，預咗要等，但等咗成個鐘（上次去隔離嗰間15分鐘內咩都上齊）,每台都係咁戇居居等。大佬呀，又要收得貴又要唔好食，坐我隔離嗰個好醒目咁樣上咗openrice check ,原來已經有大量差評！我哋想支持下佢都支持唔落！

好耐之前係晏晝黎過呢度過All day breakfast 印象中係好唔錯的而且佢既環境好特別好多懷舊野好夠真都可以順便俾屋企小朋友認識下舊時既文化所以都希望下次可以再黎於是今次入西貢睇完丫囡比賽都黎到呢度食晚餐但係估唔到竟然大失所望係呢個最多人食晚餐既時間沿路唔少餐廳都坐滿人或者出面有人等緊位而黎到呢間見到無人本來仲以為係因為佢係街尾所以咁我地2大2細叫左個Pizza 餐同豬手餐首先係鵝肝醬多士 薄薄1片鵝肝醬除咗話佢份量比較少其實都還好咪多士咁 跟住係焗田螺同雞翼田螺不過不失 雞翼就1食就知係叮既因為平時自己都係咁叮所以1食就知其實我唔介意叮 但叮得唔好食就唔係幾好囉感覺d伏味開始出黎喇到千層麵 味道正常但個樣完全係急凍野直接攞去叮出黎既然後到豬手同牛仔骨都係伴住1個好稀無味既白色汁牛仔骨係明顯無醃過然後叮過龍叮到乾晒咁Pizza 又係1望就見到餅底都係急凍野然後成個用餐過程係無聽到佢廚房煮食既聲同氣味所有食物都係我係凍肉店就可以買到既急凍食品最嬲係埋單接近1千俾500蚊以上食餐急凍餐我真係🙄🙄🙄🙄🙄🙄

喺西貢有間隱世懷舊cafe💛，由門口到入內，都放滿大大小小，唔到年代嘅懷舊物品、玩具、漫畫、月餅盒等，仲會播住#黑膠唱片 😍餐廳提供嘅食物亦都好有驚喜🤩 味道都偏去唔太重，反而好啱我😌All day breakfast 用木盤盛住，有十多款食物，茄汁豆及粟米粒仲放喺可愛嘅器皿內，成個感覺好親切🥰 炒雞蛋🍳亦香夾滑😋咖哩肉丸配法包同一般嘅咖喱唔同，呢款混入薯蓉🤤，非常軟滑，沾肉丸或法包都好正😌 法式焗田螺 熱騰騰🔥 田螺吸收左香草牛油，變得甘香軟滑，好好味Baileys coffee 香滑朱古力味配咖啡，上用仲有舊甜滑嘅cream 😌

原來西貢有好多Cafe我都未試過，今次就去咗其中一間Cafe，淨係睇個門口都已經係成個博物館咁，佢出邊有兩張枱，四周圍都鋪滿晒好多懷舊嘅嘢，雖然面積唔大，但係佢將每一處都唔放過，放滿晒好多好多童年嘅回憶，將唔同年代嘅香港懷舊嘢放晒入去，阿姐我有好多都未見過😏😏，但總會有啲你係見過嘅，座位雖然比較逼，但我幾鍾意包圍住你嗰種感覺，去食嘢嘅成個過程裏邊，你可以不停咁去觀賞唔同嘅舊玩具舊擺設，甚至書😍😍，同你啲friend有傾有講，絕對唔會有悶場😆😆老闆真係好有心思將唔同年代嘅嘢融為一體👍🏻👍🏻我地嚟食個下午茶，叫左一份雞翼，窩夫同埋一份田螺，佢個雪糕三重奏窩夫真係好吸睛，若果係飯後甜品一定食唔晒，佢個三重奏既三隻雪糕有雲尼拿啦，抹茶同埋芝麻味，個窩夫落口既時候仲係熱嫁，外面脆，裡面軟，不錯不錯，之後到個蜜糖雞翼，佢係焗既雞翼嚟，不過色澤有啲淡，食起上嚟冇咩味，蜜糖味更加冇🤔最後到個田螺，佢個底係薯蓉，面頭有田螺，焗得唔錯，幾入味，又香，我睇到啲人話好容易吉到出嚟，我食既時候都係，但無論係真田螺定一包包果啲都好，佢的確整出嚟係好味😎😎最後叫咗兩杯咖啡，一杯Bailey’s coffee 一杯係

今日係一年一度嘅萬聖節，上年同女朋友行完山，係西貢搵良心食店。見到呢一間同市中心幾分鐘腳程距離，繁華又帶寧靜嘅西餐廳小店。見到個咁有特色既門面，已經俾佢深深吸引，睇得出店主花咗好多心機，將佢鍾意嘅收藏品、心血，一一佈置喺佢嘅舖頭度。事隔一年我都想重返舊地，再次回味一年前同女朋友同一日黎同一間餐廳嘅點滴點憶。門口有一部黑膠碟留聲機，播放住嘅係80年代天王天后梅艷芳林憶蓮張學友張國榮等等嘅歌曲，令到舖頭嘅氣氛變得柔和舒服放鬆。餐廳入邊有好多各式各樣70-90年代小朋友會玩嘅小玩意，例如，鬥獸棋、、象棋、飛行棋、瑤瑤、漫畫、一堆已經執咗笠嘅酒樓嘅月餅罐、同埋海量唔同packing嘅可口可樂或者其他汽水。總之就係各種各樣令你充滿着回憶嘅小玩意。冰鎮鮮檸紅茶好有鮮味嘅檸茶，茶味濃厚，絕對唔係Hea貨。不過如果啲冰融左就要小心啲啦，因為女朋友貪玩，見到佢啲冰溶咗所以當佢係紅酒杯咁樣Fung ，結果搖到啲水飛晒出嚟，自己成身濕晒我自己就掉咗呢部嘅Lemongrass honey tea，清熱潤腸，啲Lemongrass仲要好夠味，沖左兩三次都仲夠味呢。下面呢個係跟Chan蒜蓉包，口感爽脆，又唔會太重

一世人食過最難食既餐廳價錢貴 食物超難食蕃茄湯 同飲水係冇分別明明見到餐牌上寫蜜瓜巴哈馬火腿 但係最後上枱係哈密瓜巴哈馬火腿叫了杯雪糕梳打但係上枱沒有雪糕梳打是暖的還有冰鎮蘋果茶 超級難飲薯蓉焗田螺 當我一開始食的時候已發現螺肉係好容易差到出嚟 所以我已經發現本身應該係侯家上去殼上面 經過我再睇其他食評 就知道是後加上去再叫了一個豬架 一坐低的時候老闆不斷推介說這個豬架 是肥膏均勻 食了一次必定會再來當我吃的時候 瘦肉般一樣最後甜品是烏龍茶冰凍 完全沒有味道極度懷疑自己昨晚吃了什麼

【#肥波西餐系列】🎈西貢特色Cafe之食物篇😆我地叫左兩個set去share。🥗All-day breakfast 💵$108🍝午市千層麵餐（連蒜蓉包&餐湯）💵$98🎈All-day breakfast食物種類都幾多。多士烘得岩岩好🍞牛油粟米粒粒唔係淋到爛嗰種🌽腸仔同火腿煎得幾香，肉質ok而且唔會好咸！炒蛋唔係滑流流嗰種，但都唔會炒到好老，幾好食🍳唯一要彈嘅係煙肉，比較硬，如果可以唔好炸/煎咁耐會比較好🥓🎈肉醬千層麵驟眼睇好似好細份，但其實食完兩樣野都幾飽😆千層都醬汁裡面有洋蔥🧅不過炒得都幾香同甜，所以我都有照食！肉醬酸度ok，唔會太酸🍝撈埋芝士食岩岩好‼️千層麵嘅麵煙煙韌韌，唔會焗到一patpat，做得幾好💛🎈飲品方面，橙汁略淡，無咩甜味；蘋果汁🧃就正常🥤📍Pan da Cafe @pan_da_cafe 📍西貢市場街23號地舖#黃店 #黃店系列 #黃店推介 #黃店cafe #黃色經濟圈 #黃藍地圖 #西貢 #西貢黃店 #西貢cafe #西貢美食 #saikung #saikungcafe #cafe #cafehk #hkig #hkigfoodie #hkigfoodblogger

路過，見門口幾得意，帶小朋友一齊食個午餐有All Day Breakfast，即入。入面既擺設，好多懷舊野，小朋友覺得好多野都好新奇有趣。點左All Day Breakfast，牛奶炒蛋好香，有腸有煙肉有火腿，粟米青瓜多士，仲有水果另外叫左個Pizza，4款錎料自己揀服務唔錯，食物都幾好，會再黎幫襯。

去過幾次西貢都比佢門口既「雜物」吸引住，成間舖頭都係儲住懷舊既物品，入到去先知原來主打西餐嗌左兩個set：一個牛仔骨意粉，一係自選4餸pizza，跟埋麵包同餐湯；另外再嗌左另杯蜜桃（一杯加左雪糕）餐湯就比較淡無乜味，但麵包就夠脆夠熱，唔會硬到咬唔開；牛仔骨夠香有肉味唔太淋，加埋意粉既白汁唔會太heavy；至於pizza就新鮮焗，皮唔太厚而且夠熱夠脆，加上都足料，所以都唔錯；野飲就都夠甜，加左雪糕就再正d🤤

久聞去西貢 Pan da Cafe 食嘢要擁有一顆超慢活嘅心，咁啱嗰日我驚塞車遲到，早咗入到去市中心，見大把時間，於是決定去試下。由於係假日，一入到去，見室內坐滿人，於是就揀咗張戶外近門口嘅枱。眼見樓面得一位叔叔做嘢，忙到出煙，我唔趕時間，就一直坐喺出面等等等，一面欣賞前園嘅裝飾同佈置。呢度有海量有趣嘅古物，包括紅 A 喼，駱駝牌水壺飯壺，舊電話時鐘玩具唱盤 cassette 帶等，非常吸引😲。等咗好耐好耐，我好肚餓，終於忍唔住，起身望一望入面，叔叔見狀，即刻出嚟幫我落 order，我匆匆叫咗份 All Day Breakfast，之後又係一輪漫長嘅等待。當日係四月頭，店入面播放哥哥嘅 Final Encounter 大碟，有我非常非常鍾意嘅寂寞夜晚😍，真係非常非常非常正💕。千呼萬喚始出來嘅 All Day Breakfast 非常豐富，有多士，火腿，炒嫰蛋，德國腸，芝士腸，煙肉，甜粟，焗豆，焗蕃茄同火龍果，味道大部份正常，只係炒蛋略嫌多咗少少水，另外就係火龍果唔夠甜較淡口。飲埋杯 Americano，好飽。總結：嚟呢度幫襯，主要係食環境，食氣氛，對食物要求不能過高，同埋必須要預留較充

去西貢一遊當然係想找間特別一點的餐廳試試😉多次行過都見有人等位，心想應唔太難食啩！今次唔洗等當然要試試啦！😊 首先餐廳佈置用上向懷舊玩具🎰書籍、📗📐海報📜及物件📷☎️💾📱作餐廳主題、如果一心先懷舊一番值得一去，我覺得值得推薦😊😊😊但在這裡當然要講食同味道啦！😔😔答案係超一般、未到超難食但一定唔能夠稱為好食、味偏淡、我叫左個牛仔骨意粉,牛仔骨薄如紙、焗到出嚟時似牛肉乾多啲😅薄餅超市買回家現成熱比佢還好味😋，法國田螺看到個樣已umm..... 你懂的😅😅 我覺得一間餐廳命脈應味為主、相信老闆與廚房同事要加把勁想想辦法、否則個個冇下次

一天最伏嘅時刻…直升機伏…未食過咁難食嘅餐廳，又貴 一塊肉眼扒$288，西冷牛扒$238 前菜沙律係罐頭 菠蘿+粟米+西芹😤個湯係茄汁溝水😡 個扒就更加唔想講啦😖難得去食西餐，搞到成肚火🔥埋單連加一$1081…真係多謝曬#伏伏伏 #冇下次 #一次都嫌多