Video
Exit H/ R, Tsim Sha Tsui / East Tsim Sha Tsui MTR Station
continue reading
Telephone
23277071
Opening Hours
Today
11:45 - 21:00
Mon - Sun
11:45 - 21:00
Above information is for reference only. Please check details with the restaurant.
已有好多年無去食、以前旁邊有bakery 麵包好好食、咖啡好好飲、水bar內的馬尾姐姐好親切、正餐的味道就真係標準以下、CP值不高的。但喜歡它的咖啡、麵包、水bar姐姐的親切，所以以前成日去，最喜歡坐門口位、因為裡面嘈到爆。今日經過開心見到佢仍然存在（其他同期存在的餐廳差不多完全消失曬），在入與不入餐廳之間，聽到水bar 姐姐把聲，好開心佢仍然在，所以馬上入去，叫左$142 的魚柳配白飯和$132的牛尾飯，味道一直保持10幾年前的水準，感覺係碟頭飯一樣。最後的咖啡最出色，配餐湯的麵包同樣好吃（以前好似可以refill），服務方面就覺得水bar姐姐做得最好，唔知點解佢非常落力，會出來樓面幫手，值得一讚。其他職員就茶記水準。這次應該係最後一次去啦。
continue reading
工作天中午想找個人少地方吃飯，以前假日來吃過下午茶，味道一般但人不多所以再來試一下。這一次人更加少，要了個午餐，什麼雞肉天使麵，118元，價格不算平也沒關係，但問題係真心難食，即使一向喜歡清淡的我都覺得沒有味道，其實這種意面就算淡一些沒關係，但總會放些香草、放些白汁或忌廉汁之類的，但它一律欠奉，而且佢啲雞肉overcook到幾乎咬唔到、超韌。其實好又一餐唔好又一餐，難食一啲都唔係至攞命，最離譜係，由於感覺有些飽，所以想將餐飲橙汁轉為外賣攞走，心諗都預佢可能會收一元外賣包裝費也沒所謂吧，點知個侍應話佢哋嘅外賣杯係兩元，與她再三確認她仍是堅持要收，與一般餐廳慣例一個外賣盒收一元貴左一倍，然後向佢查詢如果成個餐外賣的話，又湯又意面又飲品仲有餐包，所有外賣包裝費加起嚟不是不得了？不過佢竟然話成個餐外賣的話反而唔使收錢，而對我呢啲堂食已經畀咗加一服務費嘅，食唔曬想攞走杯嘢飲就要向我開刀，簡直係難以理解，服務態度之差就驅使我這個平時唔寫食評嘅人都覺得應該要寫一下讓其他人知道呢間餐廳有幾差。呢啲餐廳都叫做老牌子不過就見佢越做越耷，原來背後總有原因，被市場淘汰應該係遲早嘅事。
continue reading
呢間餐廳位於i square,其實雖然我係喺中環返工，但係中環真係冇乜嘢食，搭兩個站去到呢個地方其實都方便快捷同埋價錢都會平啲大概30%，我同我個朋友叫咗一個焗豬扒飯同一個喇沙，焗豬扒飯不過不失，當然我認為最好食都係喺大家樂，但係佢個杯咖啡都幾正，因為係嗰啲放入圓形茶壺的咖啡，所以呢佢嗰隻味係比較龍同埋比較香，一個午餐大約130-150，有埋餐包同埋雜菜湯，如果喺中環食吓吓你要二百幾，不過要比多$20過海費用
continue reading
鐵板西冷牛扒配黑椒汁($138)✅賣相唔差，好少見有原塊牛油放喺面🧈✅黑椒汁俾得唔孤寒，每啖肉都有點到汁🫕👌🏻薯條，都算炸得香脆🍟👌🏻粟米有半條，味道正常🌽❌牛排幾多筋，切唔斷都咬唔爛😬❌7成熟啲肉淋異常地淋🫢📝 4/10香煎鴨胸露荀黑松露燴意大利飯 ($178)🐻❄️🔎配例湯/沙律&飲品 送是日甜品🍮✅鴨胸煎完釋放咗油香，幾香口🪿✅黑松露都幾香，每啖飯都食到黑松露味🍄👌🏻羅宋湯同餐包正常🍞👌🏻甜品係凍焦糖芝士蛋糕，焦糖厚，蛋糕係實🍰❌飲品燈汁勁酸😖❌意大利飯偏向淋身，太重忌廉，有啲漿口🤐❌鴨胸得三舊有啲少🤏🏻❌蘆筍有啲苦🤢❌食到後面好滯，有啲油膩🛢️📝 4/10~⭐️總括而言…嘢食偏貴💸，出品都係茶記質素，係港式西餐味道🍝。都明開喺尖沙咀Isquare裏面，應該大量成本都去咗鋪租到💰。值得講一下哩度啲侍應全部都媽媽級🤶🏻，好好服務態度，但人手不足，叫好耐先過黎幫你😮💨。我就無下次了🙅🏻♂️
continue reading
前後兩次電話卜枱，女職員都十分有禮。和朋友叫了晚市套餐，食物水準正常。意想不到的是，跟餐甜品「芝士蛋糕」相當好味，配跟餐咖啡，甚有水準。另外，我們亦單點了抹茶西多士，味道不錯，為晚餐畫上完美句號。凡事都要親身試過才知道究竟質素如何。
continue reading