Panash Cafe (iSQUARE國際廣場)

Open Now

Now Closed

工作天中午想找個人少地方吃飯，以前假日來吃過下午茶，味道一般但人不多所以再來試一下。這一次人更加少，要了個午餐，什麼雞肉天使麵，118元，價格不算平也沒關係，但問題係真心難食，即使一向喜歡清淡的我都覺得沒有味道，其實這種意面就算淡一些沒關係，但總會放些香草、放些白汁或忌廉汁之類的，但它一律欠奉，而且佢啲雞肉overcook到幾乎咬唔到、超韌。其實好又一餐唔好又一餐，難食一啲都唔係至攞命，最離譜係，由於感覺有些飽，所以想將餐飲橙汁轉為外賣攞走，心諗都預佢可能會收一元外賣包裝費也沒所謂吧，點知個侍應話佢哋嘅外賣杯係兩元，與她再三確認她仍是堅持要收，與一般餐廳慣例一個外賣盒收一元貴左一倍，然後向佢查詢如果成個餐外賣的話，又湯又意面又飲品仲有餐包，所有外賣包裝費加起嚟不是不得了？不過佢竟然話成個餐外賣的話反而唔使收錢，而對我呢啲堂食已經畀咗加一服務費嘅，食唔曬想攞走杯嘢飲就要向我開刀，簡直係難以理解，服務態度之差就驅使我這個平時唔寫食評嘅人都覺得應該要寫一下讓其他人知道呢間餐廳有幾差。呢啲餐廳都叫做老牌子不過就見佢越做越耷，原來背後總有原因，被市場淘汰應該係遲早嘅事。