Pancake Colours Cafe & Bar (Closed)

當我以為是一間café既時候, 原來呢一間係餐廳, 但係個環境都幾好, 4個人，叫左9款食物，食個飽飽。黑松露海鮮燴意大利飯, 放抵就聞到好特別既香味, 食落d黑松露原來係無味, 但個飯幾好食，豬仔助骨好大條，燒得好好，紅豆奶香朱古力, 幾滑，紅豆好多, 唔錯唔錯，　腐皮蟹卷, 幾好，但有d肥膩，肥牛野菜豬骨湯火鍋, 湯濃度適中；湯幾清，可能用鍋仔慢熱d烏東唔會淋哂，最後到叫左rainbow　pancake，非常好味，個邊好脆，啱哂我地鍾意食甜野既人食。服務員都幾好禮貌同幾好笑容，但係呢度就太多人，ｄ位太近，真係要隔開番小小，都幾嘈吓！而環境都屬於舒適．

好耐之前向朋友個 xanga度睇到d 焗飯好靚好好味咁@@有時行過旺角果條橋, 亦會被佢入面既圓蛋chair 吸引住...好似好得意咁今晚就約左同個fd 去食啦, 向門口果陣問"有無果d 圓蛋chair 坐呀??個短髮女waitress就好快安排到俾我, 等左20秒都無點知1坐, 原來d 蛋蛋chair係唔好坐 = =""好低呀,唔通我太矮?? 我用左2個 culsion 去墊高自己坐環境黑黑的, 幾 romantic <3嗌左2 個set dinnersset dinner: 1湯, 1主餐, 1餐飲, 1甜品食: 叫左個 set dinner 水牛芝士吉烈豬扒飯/ 個fd 就叫 芝士焗茄子雞扒飯*** 都好大碟, 不過我果個吉烈豬扒唔脆口d cheese 有d臭..我覺得, 失望drink: 薄荷朱古力 (好似+$5)*** 好大杯! 睇落去幾靚, 飲第1 啖果陣, 甜到痺!! 要等左好耐d 冰溶咁d 先敢飲是日湯: 南瓜湯*** 幾 light(唔濃+唔肥既感覺~) , 唔錯是日甜品: 咩奶凍 -_- *** 好淡... 我同個fd 試左啖, 2個都無出聲好耐XDDDD

約左一班中67同學出尼gathering諗住試下呢間面積唔不過失望其實人多,我地都預左等得耐不過就唔多明點解叫3碟同一款野食都會隔差唔多10mins先上一碟又唔夠熱仲要有d係俾左其他枱咁樣其實..俾人感覺唔多好..好似每枱俾住一碟你先搞到第一個frd食完最後個frd個碟都未到差唔多45mins先有得食-＿-野飲..加$5多一球完全唔好味既雪糕又係一杯一杯上,好慢好慢我諗唯一叫做好d既應該係個杯細細既set dinner dessert=)book左位都只係可以坐2.5-3hrs唔係好得大間cafe原來都唔係好大至食物質素,小至service..都有待改善或者因為唔算cafe但又未去到餐廳水準巳吧

第一次已極度不滿覺D野食細碟唔抵食又夾人一人叫一個餐有最低消費又吹人埋單你估你係高級CAFE 咩今次一行十人冇緊要GATHERING 一班人打算上去DINNER + 玩下服務差到前一日訂左位可以話人冇訂個個門口女人真係話人白撞XXX多人就唔好去環境又唔係真係好好加左價THEN +1 $80-100 洗鬼揀佢以後唔會再去同埋會叫D FRIEND 唔好去

同女友行開旺中,收到傳單,見到好多食,於是走上去試一上到去,個場都幾大,兼且張張梳化,我女友揀近窗的位,不過個餐牌實在太豐富,佢足足揀十多分鐘,話呢樣有想試,個樣有好似好好味我叫XO醬蜆肉炒墨魚麵,蝦球多士,香芒三文魚卷,芝士薯蓉肉醬千層麵個墨魚麵都幾好食,d麵都幾彈牙,唔知係咪真係用墨魚打呢?不過d蜆肉就真係少d,同埋好細粒蝦多士同個千層麵就過得去啦,同其他cafe質數差唔多個香芒三文魚卷就幾好食,d芒果好甜,同d三文魚幾夾.我女友最後重叫個藍莓pancake做飯後甜品,個pancake好大個,不過我唔食藍莓,靜係食個cake上面的雪糕,俾我女友鬧餐飽....

食過1次,食物水準如以樓上cafe黎講係唔錯,但服務認真麻麻.我地3個女仔坐左起張佢地張5人"大"枱,(我地唔想坐佢地原先安排既位,因為好黑好污漕,有小強飛出黎都唔知),唔知係咪咁既原因,佢地既服務特別"殷勤",成日起我地傾緊既時候問我地呢樣,果樣,明明未食完都想收左我地d碟...我既朋友忍唔住,話左其中一個侍應,佢地先收歛d. 第2次想返去再食,6點半打電話訂7點半既位,佢話有位.去到個知客阿姐竟然話張枱只可以食到9點半,我d朋友都未齊,我咪話我訂位果時你地唔同我講,點知阿姐好神氣咁話"我地同事想同你講果時你已經收左線" 我已經嬲嬲地,因為明明係佢果邊收線先,我咪話"係你地既同事收我線喎",阿姐仲依然話係我收線先! 去消費俾人屈返轉頭受氣我都係第1次,我以後唔會再去呢間cafe.

其實都黎過幾次架喇, 覺得抵食又幾好味, 最緊要佢係cafe得黎d食物又有水準, 又可以慢慢坐吹水玩下game, 但一直都冇評過, 估唔到第一次評就係要講Ｄ唔好野！話說佢地menu有道"鵝肝釀鴨胸意粉", 我之前點過一次, 幾好味, 於是再點一次, BuBu就點左個羊架, 當我個意粉送到黎時, 我就好開心咁影張, 之後就準備食啦, 點知我望真Ｄ, "鵝肝釀鴨胸意粉"Ｄ鴨胸唔見左Ｄ鵝肝, 得Ｄ鴨胸！於是Bu就問下侍應小姐點解會咁, 果位侍應小姐就話:"係呀...我地今晚冇哂鵝肝呀...可能頭先落單果位同事唔記得同你講啦..." 冇辦法, 我唯有轉另一樣野, 但我真係勁失望囉！不過咁, 隨左呢樣野之外整體黎講都冇咩野既, 食物質素保持水準, 超飽, 而甜品今次我唔叫pancake(次次都叫), 叫左個朱古力cake試下, 味道都ＯＫ, 但都係pancake好食Ｄ(不過就會超超超超超飽囉)

叫左兩個dinner, 一個係58蚊既牛肉火鍋烏冬一個係六十幾蚊既墨魚汁麵個墨魚汁麵都ok...但真係好食少少都好滯...但個牛肉火鍋烏冬雖然係manu裡面最平o個個dinner但好好食=]o係d肉漲價既情況下都有咁多肉真係好足料個湯底又幾好冬天食真係最o岩

本來只係想找個地方坐．．但係變成食餐！因為食吓又一樣，食吓又一樣，停唔到！雞軟骨：味道幾好，層脆皮幾好味！芒果三文魚卷：幾好食，酸酸地，幾開胃，可能係因為呢個菜色，令我食多左野！墨魚餅，較普通！豬頸肉，味道一般，所以食唔哂！最好食都係個芒果三文魚卷！

早幾日12 人晚飯去呢度慶祝, 賣單1000 蚊. 呀Mandy 生日, 最後扑鎚呢度, 食物質素okay, 至少好多款式可以選擇, 牛扒、羊扒, 意粉都做得比其他Café 好, 肉質都幾滑, 賣相竟然幾精緻, 隨手叫12 個set dinner, 居然都可以味味菜唔同款, 多選擇是好的. 大家好快咁食完, 即刻叫侍應收野, 馬上玩uno 及影相, 到唱生日歌既時候, 竟然有多位男女侍應唱生日歌比mandy , 呢part 真係全場聽我地唱生日歌, 頂癮係連音樂都停左, 氣氛形造得全世界只有mandy, 幾感動! 以café , waiter 服務算有驚喜、夠nice 、有效率。其實好多新派餐廳都有呢類格局和服務, 但侍應們真的很投入咁為我地慶祝, 呢間café 走既商務服務都幾專業, 起碼交個心出黎為客人慶賀。講真, 如果收咁價錢, 佢就好唔錯, 唯一係洗手間太細，好多人等，實在不太方便。整體上，食物味道不錯；上菜速度都好快，good　啦！　ｍａｎｄｙ生日快樂！

自從轉工後，已經好耐無黎過，都半年有多啦。今次跟女友再黎，覺得有ｄ唔同左，客人多左好多，Ball Ball 椅又多左好多張，以前黎都冇咁多人侍應，而家真係旺左, 呢度夜晚特別爆滿，幸好我都有訂位。氣氛都幾好，人和環境仍然親切，女朋友仍然喜歡呢度, 服務好好, 仲介紹d 遊戲我地玩, 又玩比我地睇。講番食, 我　地兩個人叫左兩個晚餐,湯：個忌廉湯都幾好，有好多海鮮。小食：海鮮燒烤拼盤，好味，有d乾，不過都幾新鮮。有焗蠔, 大蝦, 青口, 帶子，男友話好好食，新鮮。主菜：羊仔扒跟燒飯團，幾好味，唔蘇，飯團邊好脆。另外叫曼魚炒飯，飯係珍珠米，ok。如果冇用蒜蓉炒就更好食。甜品：送既, 芋頭奶凍，次次個甜品都唔一樣。今次個甜品有些小甜，要改進下。

個同事話有呢度VIP咭, 所以專登黎食. 黎之前都有做準備工夫, 睇過下食評, 見到有讚又有彈, 心諗應該普普通通料, 知道呢度食物份量也不算小, 但係我地有好多人, 所以都叫好多野. 叫左燒豬仔骨, 超多肉汁, 好Juice, 又有d house salad跟住, 朋友要啤酒, 我就要花茶(無限refill). 燒豬仔骨係所有朋友既至愛, 平時見到佢就一定會點, 但燒豬仔骨對我呢d 懶人黎講真係唔慣, 因為有一大條骨嘛. 不呢個燒豬仔骨好豐富, 有一大塊骨, 同埋好多薯角條. 燒豬仔骨味道不錯, 有少少煙燻味, 除左佢多骨之外, 又真係幾好食既叫左一打加拿大生蠔, 估唔到呢度都食到, 個西裝先生話誠意推介, 果然係, $88半打隻隻都手掌咁大, 想點! 有d friend 唔食海鮮, 白酒煮藍青口, 有d海水味, 好香酒味, 但係d藍青口細左小小, 但勝在多, 都算係水準之作, 兩個人食就夠分, 如果好多人食就真係好唔夠, 煙肉芝士焗大蝦海鮮燴飯，我地好多人都大讚cheese 焗得好香, 以諗住應該幾好食, 但叫左之後又係唔夠分，有d失望,兩隻蝦都算幾大，可惜我地人好多，講番個賣相

見所有朋友一致推介chocolate cake, 決定去尋找此店一試。說真的, 這件cake是我暫時吃過最好味的cake之一。一向對choco cake一般, 不太喜好。但吃過chocolate, 卻愛上此homemade cake。Choco份量十足又香濃, 口感一流。最正係可以跟餐Tim, 不過, 吃完後非常飽肚。另外買了Blueburry cheese 回家, 很回味。跟晚餐勁低食!

尋日同朋友在旺角行街買野, 平時行過天橋見到呢度, 都想去試下! 特登行黎呢度試試! 落單的妹妹笑容滿面, 好CUTE . 叫左個下午茶既法式朱扒包拼薯角, 廿幾蚊都幾ok、驚喜在下午茶都有湯送! 吹漲! 好好味! 睇住d牛油慢慢溶喺包度, 感覺好正. 朱扒大過包, 煎得好香所住肉汁無過籠, 正! 最驚喜都係杯凍檸綠茶唔使加錢同有湯送, 睇下書望下街個feel幾好, 下次夜晚黎一定試埋意粉先得

之前係沙田果間試過d意粉好好食~今次得過旺角見到就入左去~點知.....叫左個黑椒牛柳炒扁意粉上到枱既時候個賣相已經唔多好, 一食落口, "哇"~d意粉炒到腍晒, 成pat野咁, 好難食~服務又差~ 叫極都冇人應...冇下次~