Pancake Colours Cafe & Bar (Closed)

這間店,我去幫襯全因樓下的派傳單員真的很賣力,我都俾佢地既誠意打動而上樓一試!食物選擇不少,我就揀左一客鮮茄吉列豬扒飯,吉列豬扒既吉列皮唔係炸得好脆,不過塊豬扒都ok厚,跟餐有杯飲品六十幾蚊都算差不多,不可以說是平,不過不失咁啦,服務算幾好,而環境都係似cafe格局,始終如果想食餐會覺得有點不像!

下晝同2個好朋友黎左呢度﹐其實對cafe 感覺麻麻地﹐硬係覺得D野唔太好食﹐但係想坐低耐d傾下計hea下﹐朋友又想黎﹐所以最後都係黎左 午餐都有好多野揀﹐嗌左個唔知咩野既龍利柳飯(刁草汁).先黎左個跟餐既磨菇湯﹐麻麻﹐無咩味。之後個飯黎到﹐刁草汁原來係白汁黎﹗龍利柳都OK啦﹗不過D汁得好少好少.. 唔夠撈飯呀! ﹕(杯綠茶好大杯呀﹗味道都OK﹐不過淡左D.服務都係麻麻﹐但係黎前都無咩期望﹐所以都無咩失望喇﹗我地都坐左幾耐下.. 傾左好多好多野.. 我地都識左差唔多10年了, 你地係我一世既好朋友呢 ^ ^

葡國海鮮焗飯：都可以椒鹽魷魚：果然夠咸…勁口乾薄荷朱古力：幾好，夠薄荷味濃朱古力：睇色都知咎晒濃味

今日一行七人同朋友慶祝生日，第一次來呢間野~都幾大間~望落去都叫做環境唔錯既cafe~但張梳化好奇怪~地板太滑關係會郁既~anyway~我地7 個坐落去有d 迫~問個waiter 可唔可以加張chair 俾我地~佢:「你地幾多人?」「七個」佢:「咁應該夠既~你地坐埋d啦~」夠既話我問你做?跟住呢個waiter 就有一大輪奇怪野~例如: 唔太願俾份menu 我地留低睇下飲咩，碌完卡唔俾番張卡我地~有幾下仲扮見唔到我地叫佢~最後友人都忍唔住要向經理投訴~其他都唔多掂~但特別係某一兩位waiter食物方面~我唔太記得叫左咩~但記得有個應該係墨魚汁麵~超咸.....我頂唔順~仲有個拼盤~d 雞翼無醃過~解完凍就加少少胡椒來去炸....我食唔到有d 咩味....唯一覺得個pizza 都幾好味~有個叫木魚鰻魚pizza~d 料幾足~~但我唔會再來~我唔想食得唔開心~

今次已經係第2次黎. pancake colours優勝既地方, 環境一定係其中一樣. 一入到去, 已經畀佢既裝修同特別既枱枱椅椅吸引住! 感覺上唔錯, 女仔一定會鍾意; 仲有電視睇, 好似有兩部?...野食方面, 今次同朋友食tea, 叫左兩個snacks, 賣相同味道都好滿意!服務都唔差, 今次因為我先叫左一樣, 個waitor都好有禮貌咁同我講每人有minimum charge (一杯飲品); 記得上次5個人黎食dinner, 有個waitor好好人, 幫我地影左好多次相...

先講等位! 算係有兩張梳化坐下, 都ok!等左一陣, 越來越多人等, 有d煩躁, 門口個女仔比左d雜誌我地睇, 冇咁火!入到去, 終於有得坐, 仲係梳化位, 有個似野人既侍應生熱情地帶位, 有d驚! 入座后每人叫左一個餐, 4個餐都食唔哂, 叫左一條豬肋骨, 大就大條, 不過唔係咁夠肉, 但係都好正, 手指留低既汁都lam埋, 直得一讚係果杯木瓜牛奶, 大杯到我地都唔信, 飲完真係食唔落野, 隻杯咁大, 睇見都飽, d木瓜係堅既, 飲落去完全鮮木瓜味, 好正, 仲有個燒大蝦意大利飯, 大蝦4個人分, 個蝦燒得好香, 算大隻, 個飯好creamy! 係個送既甜品流左d, 朱古力奶凍, 餐送既貨色唔期望太高!

今晚同朋友一齊去食DINNER .. 入去覺得環境幾好 D位都幾好坐~嗌左2個SET DINNER .. - 忌廉粟米蟹柳湯味道偏淡- 芝士XX海鮮意粉(唔係好記得全名) 有奄列底.. 幾好味!~- 墨魚XX意粉(又係唔記得全名) 就淡左D..- 荔枝椰果SODA 都OK 加上幾大杯 都幾抵飲- 不過跟SET個甜品JELLY好唔得LOR............-0-"""最後改左朱古力PANCAKE~都OK d..... ^^"overall黎講都會再去ge.. 因為menu 都幾多choices同埋環境ok~!

昨天和朋友上這間食tea, 環境不錯, 店內昏暗, 有宮廷式裝飾食物質素沒什麼問題, 份量足, 只是羅宋湯太淡但是店員態度真是很差, 完全無服務可言叫了兩次埋單都沒人理, 我簽卡, 她遞上本簿就走了, 我簽完要自己搣返張黃單走下次還來不來真是要考慮

下午茶搵食搵搵吓中左上去hea嗌左個香蕉pancake食,pancake colour ma,pancake應該係招牌菜食落都幾好味播,pancake皮ok滑,cream份量啱啱好!ice cream加了一d朱古力糖漿真係甜到入心!另外仲叫左一客墨魚餅,點泰式醬食都ok架傾計既時候坐得幾舒服,服務都唔錯,有下次啦!

路過旺角道pccw,有個男人派張傅單俾我,好似好多野食,於是就試吓啦,因為個派傅單員真係好有誠意咁點選西班牙白酒煮青口,吉列生蠔同埋脆薯角,因為只係當下午茶,所以都以小食做主打!一路食一路傾計,坐得幾舒服!白酒煮青口如果可以濕d,即係多d汁,會好食好多,不過味道都算唔錯,吉列生蠔有四隻,$34,炸到脆卜卜,唔怕熱氣可以一吃!脆薯角一般啦!環境唔錯,坐得舒服,不失係一個hea既好地方!

第三次黎到呢間café & bar, 對上一次已是一年前了, 今次竟然排隊排左35分鐘, 好似旺過以前, 記得以前呢間野好細間, 估唔到依家經營得咁大, 我地3個人點了3個餐, 我仍然點番上次個三文魚意粉, 好cream好香, 仍然只係想念呢個味道, 我朋友叫我介紹, 佢竟然同我點同一個三文魚意粉, 佢應該點另外一種等我地可以試多d新野, 佢竟然…………. 不過佢地都覺得好食, 總算推介成功, 是次開心既我係呢度開左張保險單, 選呢度主要係幾有氣氛, 又唔係好貴, 誠意推介我地保險業既同行黎呢度食野傾單, 都好旺我! 3個人開左1支紅酒, $200一支真係唔貴, 比起老蘭一杯仔$80蚊既質數都唔係差好遠, 服務都唔差, 有個好似話事人既長毛仔d服務都幾誠懇, 是次比85分

同個fd慶祝生日去.12個人霸左2張長table.岩岩好啦又吾係話好迫.野食方面味道ok` 我點左個鰻魚雞粒炒飯. 都無expect特別好味.上菜果下.. 嘩!好細兜-_-" 但係食落果下先知原來幾"漏". 食哂都夠飽.個炒飯幾好味. 成個飯都係鰻魚汁,勁有鰻魚味. 不過雞粒就剩係食到幾粒-0-.如果鍾意食鰻魚ge人應該會幾鍾意=]*其他fd食d咩都吾係好記得..不過記得有個fd點左個肉眼扒. d肉夠'林'幾好味.但有個fd點左個墨魚肉餅飯就真係麻麻" 味道仲差過一般漢堡扒!-0-另外果度d服務態度我覺得幾好喎=]個waiter又nice又talkative. 仲同我地搞笑添-v-價錢我覺得ok啦..我地請埋個fd都係每人平均$80幾PS:我諗鍾意romantic feel ge情侶吾係好適合去..因為其實果度都幾多人. 好似果日咁我地成班人係度玩UNO都好嘈下XD'

小弟第一次上嚟寫食評,,,我非常不滿,,,,,我同朋友去旺角食飯,我哋三个人,,,坐低之後叫咗三杯嘢飲,,,,我自己叫咗杯焦糖朱古力,,,我從未飲過噉難飲嘅朱古力,,,都算,,,,叫咗个拿波里扁意粉,,,等咗二十分鐘都未到,,,我就問吓啲待應啦,,,,,佢話幫我跟跟張單啦,,,再等多二十分鐘都未到,,,於事我再問同一个侍應,,,,佢又話幫我跟跟張單,,,,當時我己經好嬲,,,算數,,,比多次機會佢,,,,,,,好喇,,,我等咗足足一个鐘,,,跟住叫个經理過嚟,,,我就話叫咗个拿波里扁意粉好奈都未到,,,跟住佢就去个电腦度幫我check吓,,之後走過嚟同我講話無落單呀,,依幫你落單啦,,,都唔知啲人喺度做緊セ,,,,,,,,希望大家記得唔好去,,,,,,,太過份!!!!

星期五同老婆睇完戲，六點半左右接到傳單，就直接黎呢度食飯啦！反正旺角都冇好地方好坐，黎到呢度都好大幾舒服。我地坐既係街邊窗口位，一邊望望玻璃另一邊街景都別有一番情調。點左白酒煮藍青口 – 藍青口肉質較細和實，超甜美味，白酒汁有洋蔥蕃茄粒同香葉幾好。千島鮮蝦pizza - 底就係薄pizza 底啦! size就好ok, 但餸料就好足, 上層芝士好多, 好香. 至於服務, 可能當時有好多客入坐, 想叫侍應都幾難, 個個都好忙咁, 但有幾個都幾醒目, 早知道我叫但叫定我等等, 轉頭即到!嘢食係ok 嘅, 個人就覺得叫d番普通菜式就會係最穩陣好味

昨晚睇完戲，諗緊係旺角邊度食，女朋友話想去Pancake Colours食Pancake，咁就行左過去啦。九點上到去，啱啱有人埋單，等左一陣就有位。即刻睇Menu叫左兩個set dinner：XO醬蜆肉炒墨魚麵 + 桂圓熱飲芝士忌廉吉列豬扒飯 + 樽子朱古力奶香個炒墨魚麵炒得剛剛好，超彈牙，好好食。連我都偷食左好多。吉列豬扒都炸得好鬆脆，一D都唔差，不過配白飯就冇咁好，冇咩特別麻...下次或者叫水牛芝士個個焗飯先。最後就係拎人期待既Pancake啦。我地叫左大家都鐘意既藍梅Pancake，食左幾次唔同既pancake，都係覺得呢個最好，藍梅醬酸酸甜甜，加埋cream同雪糕食，配合得剛剛好！其實呢度環境都唔錯，雖然人多D熱鬧D，但係都唔算太糟同太迫，今餐唯一唔好既地方，就係我坐個個位，成日俾waiters撞到我張椅。今餐女朋友做東，多謝^^