Pancake Colours Cafe & Bar (Closed)

聽聞這裡已很久了，因為有朋友間中會來。禽日終於有機會試了。環境幾好，好旺場。不過坐位高度太矮，坐得有點辛苦。叫他們比咕o臣我們，叫了起碼五次，先有人睬我們，態度亦不好。全部waiter都好高大，但大部份都唔識serve客。有一個紮辮仔的就幾醒目。食物方面有很多選擇，價錢一般是五十多至七十多一個餐，好多的配搭，碟頭唔算好多。亦有2人餐或4人餐可選。有minimum charge，就係要一人一個order。我們五個人，叫了一個三文治同野飲，另加兩個二人餐。餐湯只得一款白湯，味道可以接受。主菜有蟹肉太極墨魚麵同煙鴨胸天使麵，前者太少墨魚麵，無咩味，但都ok。後者不夠熱，太水旺旺同漏。薄餅亦一般，個照燒雞肉係好濕的。甜品係紫米露，無咩味，一般咋。飲品係幾大杯，但我叫的梅子蜜，又係無味。失望!暖暖的薄荷咖啡就幾好飲。總括來說，食物質素可以接受。來hea o下都唔錯。但選擇食物要識得揀。雖叫pancake color，但由於之前食家的評語關係，都係唔想冒險試pancake。埋單時發現多加了我們一杯飲品的價錢。都係果句，埋單最好check單，先係醒目消費者。如有下次，會選擇兩個人來，叫自己想吃的款

一行7個女仔大約7點到,都唔係full哂,但7點幾就已經有好多人門口等,所以一定要book定位or早d上~我地叫左一個4人餐$328(白湯4客+飯/意粉2款+7吋pizza+小食拼盆+熱飲4杯,凍飲另加錢+pancake),另加3杯野飲,4客小食~個餐要左白汁西蘭花海鮮太極墨魚麪,葡汁焗海鮮黃薑飯,金牌至尊pizza,而4個小食:芋茸西多$28(細細件,口感好Q,沾d奶一齊食好好食),椒鹽鴨魚條$20幾,煙三文魚沙律$45,XO醬炒年糕,所有野食都幾好食,份量唔係好大,上菜太快喇,完全無位擺,d飲品都ok大杯既~有一兩位女侍應態度唔多好,笑都唔笑咁,相反地男侍應重好人!overall都值得去~最好就多人去~total$606

今晚約左個好同事去呢度食dinner, 之前黎過一次, 覺得幾好坐, 確係一個可以坐低吹下水既好地方~~我地兩人各自選左一人套餐, 湯係無得簡, 清一色用一個"鐵兜"盛住d我飲左都唔知係咩黎既湯, 只係見到有d紅蘿白同薏米, 淡白色既水囉~~>_<, 主食叫左葡汁海鮮意大利黃薑飯, 都ok既~~但關意大利咩事呢??奇怪奇怪~~d 料竟然最多係青口, 凍左真係麻麻地, 仲有叫左白汁鵝肝鴨胸天使面, 都幾好~~但都係要快d食~~d野凍得好快~~, 飲料叫左益力多特飲, 個friend話都有益力多味, 仲有奇異果特飲, 呢杯真係麻麻地, 幾淡下~~無乜奇異果味囉~~ 最後仲有甜品, 真係勁差囉~~又係用清一色既"鐵兜"盛住, 感覺奇差~~~甜品係蘋果雪梨紅棗糖水, 但好好難飲呀~~~真係好"是旦" 囉~~~呢度d服務真係要改善一下~~~不過無可否認呢度係一個坐得下既地方, 不過唔會再黎~~

其實幾喜歡pancake colour因為佢的空間大, 環境及枱椅幾特別而且set lunch/ set dinner 幾reasonable, (但tea set就不是太抵了)知道於旺角有分店, 有桚會便約朋友上去玩一玩食物飲品味道一般, 但份量幾大, 可惜當日冇cream puff 做甜品> <有時間會再去^ ^

都話pancake唔好食啦,有相為証,這碟pancake未食都己經好似水浸咁,賣相已是0分,對pancake充滿希望的我來說仲邊有心機食喎.份食物微暖的感覺都無,唔會再幫襯了.

見未去過﹐趁午飯時間過去試試。Set lunch有40多個選擇﹐本來我想要竹筒五穀飯配銀雪魚﹐不過當日沒有銀雪魚供應﹐最後選了煎雞扒。整個餐都好”寡”﹐只有兩塊油淋淋的雞扒﹐一點汁都沒有。配菜只有一些乾爭爭的椰菜絲同埋粟米。其中一塊雞扒還煎得不夠熟﹐個五穀米夠健康﹐只可惜完全不夠熱。跟餐有兩個泡夫作為甜品﹐不過太甜了﹐而且雪到好腍。幸好飲品方面都好頗多選擇﹐不只是咖啡或茶﹐我要了柚子菊蜜﹐叫做飲得0下。其實對這類形的樓上CAFE的食物質數沒有太大期望﹐都是志在舒舒服服”hea”一下。如果這是你的目的的話﹐相信這裡絕對可以滿足你的要求。這裡地方大﹐梳化大大張勁舒服﹐吸煙區要去到好入﹐就算怕煙味都毋須擔心。而且這裡有多款棋和遊戲供客人借玩﹐如果約埋三五知己”hea”0下飲0下嘢都係一個不錯的選擇。服務方面﹐當日serve個我的侍應態度都不錯。

(22/11/06)好朋友話帶我食tea,原來就係我想去好耐既pancake colour~環境有分非吸煙區,好難得啊。本身好鍾意食pancake,咁叫得pancake做名,緊係要試。巴比倫pancake,外圍芒果片,pancake夾少許cream,失望既係pancake竟然係唔即煎,唔熱既,好似食雞蛋餅咁,一d都唔似pancake o羅。配花茶:蕅亞美花茶+桃,一壺濃濃的,好good!下午茶至五點半,但我地係咁揮手都無人理(店員企晒係drinks bar度傾計),攪到過左鐘,幸好佢地明理,俾我地快快揀。雞排豬骨湯意粉,相當濃湯+牛油味,意粉又無過"林",連椰菜絲都入晒味!正!!配餐飲:mocha,嘩!大杯又勁o岩口味!糖由你加,但我喜歡咖啡味重,朱古力味苦苦o地,我覺得仲好飲過starbucks & pacific 的mocha添呀!manu仲有好多款野,都好想試呀,希望有機會再去。

與龍在旺角買完野，要找地方食飯卻沒有頭緒。有人在PCCW大廈下派單張，見食物及環境看來皆不錯的樣子，就上去。　從外面看，cafe外面的counter很有K房格局，不過一進去就知道環境漂亮得多。水晶燈、沙發椅、任人閱讀的雜誌，單「看」環境真的不錯，卻有一個很大的問題-超嘈。這點竟與K房裡不謀而合!　是晚我們點了兩份晚餐，各包一碗淡而無味的忌廉湯，唯一可取是湯中有些頗香口的鴨胸肉。主菜大家都是點意粉，龍的芝士白汁煙三文魚意粉白汁煮得幾香，水準不俗，可惜侍應不肯幫我們轉天使麵，不然應可更好。我點了鐵板海鮮喇沙炒意粉，當然海鮮不會是甚麼新鮮靚貨，但意粉炒得十分香口，都算不錯，唯一缺點是多油。　飲品我飲滋補梅子蜜，龍飲蘋果肉桂茶，味道ok而份量都不小。晚餐還包括兩件小泡芙，小小的都幾可口，以免費甜品來說都合格。　整體食物、環境都不差，如果不是太嘈，可以成為好好hea的一個地方呢!

對於你的批評我們會努力改進多謝你的指教

專登來試pancake,但好難食.1. 下午茶餐的藍莓pancake $42~pancake有二塊,好多藍莓醬在面,但顏色及形狀好核突,pancake又唔熱,可能要配合翻上面那球雲呢拿雪糕吧. 杯熱的意大利咖啡只是微暖的,差極了,而且亦不好喝.2. 下午茶餐的咖哩煎雞塊$29三件~其實原來係印式薄餅,還可以啦,但又係唔熱的. 而杯熱朱古力就比較暖多一點,亦稱唔上熱,那些朱古力粉都仲未搞溶就比我,又一差極.

下午tea一tea~食左個tea set~唔知乜乜漢堡扒意~茶餐\\\廳貨仔~非常普通!再嗌左杯espresso~原來係齋啡~唔緊要~我都ok鐘意飲~但係杯野真係好唔掂~完全無啡味~仲衰過自己屋企沖!自問唔太講究~但係真係勁難飲!!試問作為一間cafe~最基本一杯coffee都唔得~叫人點再幫襯?環境幾好都係假!!

十點幾人人除左我之前食晒飯搵個地方好坐就夠啦好唔好食又無咩所謂咯晚餐XO醬炒海鮮烏冬送野飲及甜品(生果或泡芙)海鮮當然就來來去去都係魷魚同魷魚同一隻青口上次(2006-09-23食評)領教過之後知道叫野唔可以講任何英文字另一方面亦要飲返尐正常野特色野免問今次我既焦糖朱古力終於比較正常其他飲品都無咩問題班戟方面有一個白雪公主雪糕加班戟加朱古力糖漿加生果用得班戟黎做名一直都唔擔心質素要再黎都係食班戟only喇另一個唔記得名用一個mug載住雪糕下面放滿泡芙求其左少少咁啦一路掛住講野加上唔多好食意粉食極都唔完結果都食唔晒其實講左成晚似乎都好難講得清結論咪係千金易得知音難求囉

今天和一女友人在此晚饍.很喜歡這兒懷舊的傢俱(特別是我坐的"太空椅"!在等友人的時候差點兒便睡著了.食物的選擇很多.有套餐選擇.不過覺得不太值得-$58湯+一款主菜(有意粉,飯,pizza,etc.)+熱飲(普通)+甜品(兩件雪糕puff/西瓜).其他的pasta,飯,pizza大概由$45起.小食平均$30起.我們點了一份餐,要了西西里磨菇汁墨魚漢堡扒扁意粉.和很多餐廳一樣,這個意粉像是焗製的,因為上層的芝士看來像焗熔的.但是,意粉是有很稀釋的汁/水.幸兒墨魚漢堡扒(即墨魚扒)味道ok,可惜只得3塊.小食方面,我們點了馬介休炒椰菜-菜很"林",汁很鹹!蕃茄焗薯皮,很厚而且不夠焦.似蕃茄汁釀著仔!最差的是不夠待應(招手了很久也沒有人理會!)而且有一個蠻像吳卓羲的待應,沒記性,耳不靈...點了2杯飲品問3次;要求給餐具很快便忘記了...這只是個聚舊的好地方.想吃好點便去其他的吧!

朋友同我慶祝生日，揀左呢度食晚飯，一入到去個佈置幾特別，每張同椅都不同款，可能時間尚早7點未到，環境都唔嘈雜，我同個朋友每一叫個一人套餐(餐湯+主菜+飲品+甜品)都係$58，餐湯只得忌廉湯一款，主菜揀左海鮮喇沙炒意粉，食落夠熱，有少少辣，都幾野味，另一款叫左白汁海鮮焗飯，上都係熱辣辣，飯上都有幾多海鮮，至於飲品，我地兩杯都係叫左咖啡系列，不過杯野就夠大杯，味道就麻麻，甜品有兩款選擇(西瓜或忌廉泡芺)，我同朋友都覺得野都幾好食，只係飲品唔掂，至於服務方便，待應入場有帶位，到差唔多食完主動幫你收碟，同會問下order齊未，有無漏單，當晚見有幾客慶祝生日，待應都有唱生日歌同幫忙影相，我同朋友坐左成三個鐘自己先埋單走人，可能係閒日所以無時間限制，收銀處亦見到一著便服女子同男人都有招呼客人，無之前寫食評人講到懶洋洋坐係度，可能餐廳管理人有所改善啦，呢度都係一個聚腳既好地方。

this is my 2nd comment on this restaurant... and its really good this time! after the pasta incident in summer i've decided never to try their pasta again so, me & my friends ordered:1) shrimp toast - VERY SMALL!!! not much shrimp... traditional ones are better2) Murtabak (curry chicken wrap thing) - also very small! nice curry taste but it'll be nicer if they didn't use minced chiken 3) Grilled potato skin with bacon and onions - yummy! have to eat it hot! too bad there isn't enough cheese & th