熊貓小雲吞 (鯉魚門廣場)

Open Now

Now Closed

今晚屋企人都約咗人，得番自己一個人，放工之後叫埋男朋友陪我去樓下買外賣晚餐，其實想試呢一間好耐，一於試試。用開QR code落單，方便快捷，唔使排隊order，有得揀網上付款或者店舖付款。麻辣手撕雞，青瓜絲同雞肉份量都平均，雞肉唔嚡，雖然幾辣，不過好香，好味。點左個雲吞雙拼set，鮮蝦豬肉餃拼小棠菜豬肉餃，各10隻，配蝦米紫菜湯，同樣皮薄餡靚，浸入湯連紫菜一齊食，特別好味。韭菜雲吞餐呢個餐有韭菜餃10隻，蜜汁芥末雞翼，三隻仲有罐可樂。我揀咗蕃茄湯，韮菜豬肉餃同樣皮薄，餡料靚都多，每隻一口，size 啱啱好，蕃茄湯好濃味，味道唔錯。蜜汁介末炸雞翼炸得好香，重蜜汁味，微微介末味，雞翼好大隻，啲肉juicy。豬扒油蔥酥熱撈麵睇個名以為會好油，不過食落又唔係，好多蔥同芫荽，炸黃豆同埋花生，食落好香，我揀咗粗麵，粗麵好掛汁，啲汁帶啲麵豉香味，好好味。豬扒肉質好腍，又入味，豆粕配上五人菜譜一齊食，味道啱啱好，仲有啲唐生菜，呢個便當盒都好豐富。五仁菜甫丁呢個菜甫就係由撈麵入面嘅菜甫，辣菜甫，加上啲青豆同埋葵瓜子，鹹鹹辣辣，用嚟撈麵就最啱啦，我買咗罐返去慢慢食。

一口豚肉雲吞 (韭菜及高麗菜)我地叫左雙拼, 可以自由選擇味道, 而湯底方面我地叫左清雞湯真係細細粒一口size, 個皮好薄, 餡料都包得滿滿的真係唔覺唔覺可以食晒20隻涼拌海帶絲我好鐘意食涼拌, 海帶絲好爽口, 而味道方面唔會過鹹, 如果再辣多DD就perfect啦紅燒肉套餐 (紅燒肉油蔥酥熱撈粗麵 & 酥炸韭菜豚肉雲吞)好耐冇食紅燒肉, 肥瘦勻稱唔會太柴, 粗麵夠彈牙, 好香蔥油味炸韭菜豚肉雲吞炸得剛剛好, 非常香脆麻辣雞絲手工涼皮我地叫左少辣, 涼皮口感煙韌, 麻辣雞絲夠嫩滑, 唔會太柴, 配埋其他配料如花生, 脆脆豆, 菜脯丁等等, 口感豐富又開胃茉莉花茶 & 洛神花茶野飲方面我地叫左呢2款花茶, 茶夠香又唔會太甜, 中和返偏重味道既食物同減低油膩感

呢日又約左朋友去佢屋企有啲嘢傾，油塘係佢地頭，所以佢負責揀有咩好食。佢提議黎呢間叫熊貓小雲吞嘅鋪頭，選擇種類非常多，而且都好抵食。呢日係星期五，亦都見到好多人買外賣。我地揀左：外婆紅燒肉油蔥酥熱撈麵（＄55）：原來冇辣椒圖案都一樣可以揀辣度，我地揀左小辣同幼麵，呢個熱撈麵非常推介，辣得來又唔會油膩，亦都好美味，令人食完一啖會再追住食，呢個麵拎到返朋友屋企嘅時候因為已經凍左少少，所以要攪散佢地，但係都冇令到佢個口感變差，一樣都好彈牙。亦都有生菜提供，平衡健康。肥牛金針菇重慶酸辣粉（＄48）：我地點左小辣，都好夠辣。酸辣粉夠曬煙韌，吸收哂湯汁非常滋味。肥牛都好好食，一啲都唔韌，亦唔會過肥。串串鍋（＄40）：長洲大魚蛋很彈牙，振興豬肉丸和振興100％牛肉丸很juicy，振興丸類質素亦有保證，台灣滋美香腸大大條，蓮藕夠爽脆，海帶結很鮮味，白蘿蔔夠清甜，五香豆腐串炸得很脆。孜然椒麻炸雞翼（＄35）：我地叫左五隻雞翼，雞翼大大隻，炸得皮脆肉嫩，孜然味很香口。雞翼煮得熟到適中，啱啱好。涼拌蔥花皮蛋（＄22）：皮蛋份量好多，而且仲有大量芫荽，非常惹味。軟糯香甜紅糖糍粑（＄28）：一向都好中意食呢款甜品

天氣凍最啱食熱辣辣嘅川菜暖身🥳呢間仲要價錢實惠～啱晒全家簡簡單單食餐飯🫶🏻.1️⃣三人餐($189)💗主食x3👍🏻番茄湯鮮蝦雲吞番茄湯香濃！鮮蝦好新鮮香甜🥰食得出唔係急凍蝦而且每粒都好大隻飽滿！👍🏻肉躁熱撈麵撈麵沾滿醬汁🤤👍🏻老北京擔擔麵擔擔麵佈滿花生香味😚而且仲可以貼新地走辣！啱晒唔食辣嘅人.💗小食x1👍🏻芝麻手撕雞手撕雞好新鮮～～～配埋芝麻令成碟香味更加突出.💗前菜x1👍🏻手拍青瓜青瓜超級爽口😆仲有粒粒花生做配菜！.💗甜品x1👍🏻紅糖糍粑糍粑啱啱整好🫶🏻外脆內軟～完全係味覺享受！.💗飲品x3👍🏻香桃茶👍🏻青蘋果茶👍🏻西柚茶飲品唔會過甜！淡淡清香係茶味襯托下更加開胃😬🎡熊貓小雲吞 地址：油塘鯉魚門道80號鯉魚門廣場1樓128號舖(港鐵油塘站 A1 出口, 步行約6分鐘)#油塘cafe #觀塘cafe #觀塘 #油塘#觀塘美食 #油塘美食#gianna綠色綫 #gianna觀塘綫 #熊貓小雲吞 #招牌菜 #麻辣 #pandawonton #外賣 #一口雲吞 #熊貓 #撈麵 #食辣 #麻辣 #香港美食  #吃貨  #相機食先 #人氣  #甜品

雖然熊貓小雲吞係正我樓下，但一直都未試過，今日就試試佢，估唔到係一間幾出色嘅川菜，就連外賣都好有水準👍🏽😋Menu有好多選擇，我叫左：< 雲吞雙拼粉面套餐 > $43🥟一口粟米豚肉雲吞🥟一口高麗菜豚肉雲吞～配QQ紅薯粉 （特濃蕃茄湯底）～配菜追加：金針菇/爽脆蓮藕片/腐皮 （每款+$7）呢度嘅雲吞套餐有成5款雲吞俾你揀，雲吞細細粒，可以一啖食晒落口，而且皮薄餡靚🤤 另外粉面有 米線/上海麵/QQ紅薯粉，我揀左嘅紅薯粉好滑👍🏽 湯底就有6款：清雞湯/蝦米紫菜湯/特濃蕃茄湯/爆汗麻辣湯/老壇酸菜雞湯/超人氣重慶酸辣湯。我揀左特濃蕃茄湯，蕃茄味道濃郁，下次想試下超人氣重慶酸辣湯！< 即撈手作川式涼麵 >我叫左 麻辣手撕雞川式涼麵 （小辣） $52手撕雞辣度適中，涼麵撈得好均勻，愈食愈麻，而且麵質軟硬適中，再配有涼拌海帶絲、香辣菜脯丁、手拍青瓜，幾豐富！再叫左2個小食、一個甜品同飲品。-涼拌松花皮蛋 （小辣） $22-田園涼拌青瓜 $24-自家製熊貓涼粉 $16🍏氮氣青蘋果 $18係一間好食又方便嘅川菜，仲要有成7間分店甘多，大家都可以

平時食開嘅川菜都喺街邊搵到少有可以入商場 嘅川菜小食餐廳環境乾淨企理 座位寬敞 坐得舒服仲要去卡位添啊服務方面姨姨好有禮貌 叫嘢食嘅時候姨姨仲會推介唔同食品俾我哋選擇 食物種類好多唔同選擇每樣都好想食啊今次我哋就叫咗幾款唔同嘢食試吓串香辣鍋分量十足 入面有清爽蓮藕 鮮甜大蘿蔔 仲有入晒湯汁嘅豆腐串 加埋大魚蛋仲有台灣腸 海帶 振興豬肉丸 牛肉丸湯汁味道鮮甜 有少少牛肉湯汁嘅味道 我哋叫咗小辣 好彩呢個辣到都handle到👅10粒小雲吞我哋今次揀咗一口棠菜豬肉雲吞必食之選好鍾意佢個size細細粒 一啖一粒容易入口小雲吞湯底仲可以選擇 我哋就叫咗清雞湯越食越開胃豬耳朵涼麵豬耳仔食極都食唔晒 好滿足面嘅質地彈牙 拼埋佢嘅辣汁係好完美嘅組合特別推介佢嘅自家製辣菜脯 撈埋面食好香口嘢飲方面 我哋就揀咗御翠烏龍茶西柚柚子茶味道清香尤其是西柚柚子茶 佢哋嘅嘢飲無糖清香啱晒走糖嘅朋友 夠晒健康

星期日休息日，決定吾煮飯，叫外賣。諗起街坊介紹過熊貓小雲谷，川菜辣嘢，諗起都流口水二人套餐 $128🌸一口豚肉雲吞有五款餃子 六款湯底選擇 我揀了一口小棠菜豚肉雲吞 配 超人氣重慶酸辣湯 呢個最鐘意食，真係好好味，酸辣適中，好啱我口味 ，份量多些更好🌸 油蔥酥肉燥熱撈麵 撈麵配有菜脯丁 好香口 🌸芝麻鹽焗手撕雞手撕雞賣相一般，但味道很不錯 雞都夠滑🌸軟糯香甜紅糖糍杷自家製甜點，暖暖地，煙煙韌韌，甜度適中，餐後食好啱🌸氮氣雪梨水自家啖氣飲品，雪梨水啱晒食完辣嘢飲🌸冷泡洛神花茶手工冷泡茶，很不錯芝麻鹽焗雞川式涼麵 $52即撈手作川式涼麵 配有芝麻鹽焗雞，花生，青爪，菜脯丁 味道配搭一流孜然椒麻炸雞翼 三件 $24皮脆雞肉嫩，非常香口整體來說，一口雲吞酸辣湯，有驚喜，其他食物都好啱口水，吾怪得咁多人排隊買，當日買外賣時，見到店員做吾停📸環境指數🌕🌕🌕🌕🌑🤵🏻‍♀️服務指數🌕🌕🌕🌕🌑💰抵食指數🌕🌕🌕🌕🌗👅味道指數🌕🌕🌕🌕🌗⭐️推介指數🌕🌕🌕🌕🌗

去完魔鬼山落山當然要去油塘醫醫肚。於是去到呢間熊貓小雲吞買外賣上朋友家食。店舖光猛明亮，整齊。餐牌上有多款不同的川菜供選擇，價錢仲非常親民。職員的態度都非常友善。最後叫左以下的食物。 1.一口韭菜豚肉雲吞（ $26/10隻）湯底：超人氣重慶酸辣（+$2）每粒小雲吞都由店員逐粒現場包。雲吞細細粒，但勝在皮薄餡靚，飽滿的餡料。且仲有6款口味及湯底供選擇。愛食辣的人當然要試試人氣重慶酸辣湯，非常惹味，酸酸辣辣，2.麻辣雞絲手工涼皮（ $40 ）手工涼皮是我最愛，雖然與平日食的外形不太一樣，但佢地的涼皮都非常有口感和煙韌。配上嫩滑的麻辣雞絲，調味不會太鹹 ，配上花生粒、豆豆、菜膊，更惹味，下次可以試中辣。3.椒麻豬耳朵川式涼麵（ $54 ）一個盒內有各款的小食，岩哂貪心的我。有青瓜、木耳、菜蒲、豬耳和涼麵，滿足。4.黑醋涼拌木耳（ $20 ）木耳份量十足，用了黑醋作調味，微微帶酸，非常開胃。5.孜然椒麻炸雞翼（ $24/3隻）雞翼炸到金黃色，外脆內軟，肉質嫩滑，加上孜然椒麻，更惹味。6.軟糯香甜紅糖糍粑（ $28 ）川菜唔少得的甜品--糍粑。外炸到脆脆金黃色的，內煙煙韌韌，配上紅糖漿同黃豆粉，

呢間嘢都唔知有冇人做品質管理嘅，每次叫同一個辣度都會有唔同辣嘅，酸辣比例又係次次唔同，一時勁酸，一時完全唔辣。今次仲要將粗麵當做米線交俾個客，唔通煮嘢嘅連米線同粗麵都分唔到咩？我攞到返屋企望一眼就知比錯粗麵我。你地嘅材料配搭係冇問題嘅，但就被煮嗰個人糟蹋左。啱啱開嗰陣啲嘢都冇問題，仲幾好食，但開咗幾年之後個水平真係跌咗好多囉。見呢間嘢都係2019年成立，可能經驗係少嘅，如果管理層真係care嘅唔該跟進下，究竟係培訓員工方面有問題定係有其他問題

很可愛的餐廳名字，顧名思義雲吞應該是這裡不可不試的招牌菜式。由淡到濃，先叫了份不辣的一口韮菜豚肉配蝦米紫菜湯。雲吞大小弄得剛剛好，皮薄料足招牌雲吞以外，店裡的小食種類繁多，部份小食更可選辣或不辣，大辣小辣均可選擇。 涼拌松花皮蛋 - 叫了小辣 ，但比想像中稍微偏辣。味道口感還好麻辣鮮嫩手撕雞 - 只得一種辣度，相比起皮蛋，手撕雞的辣度剛剛好外婆紅燒肉油蔥酥熱撈麵 - 撈麵選了粗麵，吃的時候陣陣蔥油香味，十分邪惡。軟糯香甜紅糖糍粑 - 這是當晚最最最喜愛的甜品 🤩 甜度剛剛好不太甜，口感外脆內軟。建議趁熱食最好食😋食辣野又怎能沒有飲品！？店舖有多款自家製氮氣果茶提供選擇，今次就試左氮氣青蘋果和氮氣香桃茶，果香味濃，解辣解渴的良品 😂😂

麻辣川菜本身自己就好鍾意食，尤其冬天。方便就脚就會幫襯屋企附近商場既【熊貓小雲吞】。主打一口豚肉湯雲吞，另外有多種麵類、頭盤、冷盤、小食。一口豚肉湯雲吞都有幾款combo選擇、5選一款口味（10隻/20隻）同6款自選湯底、兩款雲吞口味配自選湯底、或者8隻雲吞配麵底。 一口高麗菜豚肉雲吞配特濃番茄湯：一口豚肉雲吞，細細粒容易入口，番茄湯都ok濃、不過有少少微辣。 一口小棠菜豚肉雲吞配麻辣湯（中辣）：一直都食開呢個combo，如果本身食得辣，中辣都ok既。湯底唔會太鹹。 豬扒油葱酥熱撈麵：呢個撈麵第一次食，成份便當一樣，包括兩款小菜同青菜，油葱酥熱撈麵調味不錯，好香又微甜、又唔會太鹹。豬扒啖啖肉，個人幾推薦呢款。 串串鍋：包括大魚蛋、豬肉丸、牛肉丸、豆腐串、海帶結、台灣香腸、蘿蔔、蓮藕片，湯底本身微辣，個人覺得整體一般，鍾意食辣又唔夠辣、食材都唔算太入味。 孜然椒麻雞翼：每次都必點，炸得好酥脆、調味既孜然都幾香而且唔會好辣。 涼拌海帶絲：酸酸辣辣好開胃，而且分量都好多。

我friend之前同我推薦左呢間熊貓小雲吞佢話我咁鐘意食酸辣粉真係要試下呢間呀見個招牌有小雲吞咁就當然要試下招牌菜啦我地叫左雙拼小雲吞係鮮蝦雲吞&粟米豚肉係手工自家製，新鮮足料，個雲吞皮仲要好薄好滑小雲吞食足20粒都冇問題呀另外我仲叫左2人餐我首先揀左重慶酸辣粉 爽口彈牙，酸同辣個比例啱啱好薯粉彈牙 好Q彈彈呀我朋友就揀左 傳統重慶川式涼麵 涼麵仲配上青瓜絲、菜脯同炸花生 吸收晒紅油好惹味仲有個小食手撕雞俾佢雞肉嫩滑唔鞋口仲有青瓜係底部仲叫咗一份雞翼做小食我揀左孜然味既雞翼一咬開啲肉都好嫩好juicy炸粉都唔算太厚軟糯香甜紅糖糍粑 紅糖糍粑嘅灑滿左黃豆粉，底層有甜甜既紅糖漿，外皮好香脆，而入口就好軟糯QQ的 好好味呀

屋企人最近喺油塘返工，放工後唔想煮飯仔就買咗一個三人餐分享。三人餐有三款主食、三款小食和三支飲品。一口鮮蝦豚肉雲吞/10pcs人氣重慶酸辣湯惹味，喜歡酸辣湯的人可以一試。一口雲吞外形精緻飽滿，一粒一啖。雲吞皮薄身，食到鮮蝦同埋豚肉餡料的鮮味，最近飲暖笠笠好正。傳統重慶川式涼麵麻醬辣油，濃郁鮮香，花生醬比例剛好，唔會太淡或太鹹。麵質都幾爽口。老北京擔擔麵呢個麵就相對比較淋身，醬汁就冇涼麵咁濃烈，食落都算輕盈。芝麻鹽焗手撕雞手撕雞底部咗唔少青瓜絲。面頭淋咗醬汁同芝麻，雞絲香口嫩滑，配埋木瓜絲一齊食更顯清爽。軟糯香甜紅糖糍粑紅糖糍粑真喺如其名，炸完之後呢外脆內軟，淋上啲黑糖同埋黃豆粉絕配。黑醋涼拌木耳木耳份量十足，用咗黑醋調味所以微帶酸，口感彈牙。氮氣青蘋果氮氣西柚柚子茶氮氣香桃茶解膩一流，350ml好抵飲。<香辣菜脯丁 > $22鋪頭側邊有個櫃擺滿咗唔同嘅醬，好奇就揀咗香辣菜脯丁。菜脯口感大粒得來又爽脆，撈粥同撈麵食都好啱食。

熊貓小雲吞 📍油塘鯉魚門道80號鯉魚門廣場1樓128號舖抵食川菜～人均$100～超級飽😋🥡主打細細粒手工小雲吞、涼皮、麵食二人優惠套餐$128 可自選2款主菜～同2款小食。一口豚肉雲吞可以自選湯底同餡料韭菜、小棠菜、鮮蝦、高麗菜、粟米我簡左鮮蝦豚飲雲吞～一啖一粒皮薄🐽啖啖肉～簡左蝦米紫菜湯清清地～唔錯。油蔥酥肉燥熱撈麵(小辣）幼麵撈麵配上炸並豆、辣油菜脯～香口惹味～。芝麻鹽焗手撕雞原來已經整好左～涼拌菜來放係雪櫃自己攞～味道唔錯。軟糯香甜紅糖糍粑 ～必食即叫即炸～新鮮熱辣～外脆內軟♥️😋冷泡茶 。洛神花茶。愉翠烏龍茶另外散叫左香辣鍋同水晶拉皮。水晶涼皮🤤我個人好喜歡水晶涼皮食落Q彈～爽滑～帶點麻辣👍🏻好味。串串香辣鍋 $40幾抵食～八種食材～幾大份。長洲大魚蛋。振興豬肉丸。振興100%牛肉丸。五香豆腐串。鮮味海帶結。台灣滋味香腸。清甜蘿白。爽脆蓮藕片最鐘意豆腐串～吸曬湯汁好入味見到佢仲有醬料賣～買左樽香辣菜脯丁平時攞來撈下飯都幾好😁

新開熊貓小雲吞主打平民川菜，兩條友勁大食都只係HK$200以下，超抵食！二人優惠套餐主食任選二：10粒一口韭菜豚肉雲吞配超人氣重慶酸辣湯傳統重慶川式涼麵小食：芝麻鹽焗手撕雞甜品：紅糖糍粑飲品：大麥茶、鳥龍茶單點一口小棠菜豚豚肉雲吞配蝦米紫菜湯涼拌手工涼皮冰粉熊貓小雲吞當然主打小雲吞，一啖一粒小雲吞餡入面包左豬肉🐖同小棠菜/韭菜，超細粒，男士食10粒一定唔夠食，不過女士細細粒就啱啱好！湯底分別都揀咗超人氣重慶酸辣湯和紫菜蝦米湯🍲，重慶酸辣湯超正超正宗，而紫菜蝦米湯好多蔥花，不過都好多芫茜！另外傳統重慶川式涼麵和涼拌手工涼皮調味基本上一樣，不過沒有配菜，只有簡單伴菜例如青瓜絲、花生粒、辣菜甫等，我自己比較鐘意食涼麵，開胃冰涼又消暑！