Video
Introduction
With the panoramic views of Hong Kong Science Park, Pat Sin Leng and Tolo Harbour, the restaurant also provides some outdoor seats here. It offers dim sum, Thai and western food. In dinner time, it has hot pot and Chinese fired dishes.
continue reading
Opening Hours
Mon - Sun
11:00 - 23:00
Above information is for reference only. Please check details with the restaurant.
呢度好Chill，對住海，雖然唔算近，但又好多樹，春夏季黎就係一流，冬天可能好凍！呢度個帳篷似足泰國華欣，令人不禁想去旅行🧳影相或者周年紀念一流😍🍴雖說今次晚餐只係普通晚聚呢XD我地叫咗拉絲咕嚕肉，但係發現……佢菠蘿同咕嚕肉分開煮，好好笑😆但菠蘿係新鮮的，不是罐頭🥫都算有誠意！青椒好辣啊😖另外，我地叫了沙嗲雞串、牛串，但上台係冷的，十分可憐🥺魚餅就普通，不過不失，埋單$547/2人最好笑係個菜，張圖明明係白菜苗，但佢上菜心，個侍應仲傻，話係咁的，但見佢後生仔，廢事投訴，搞到佢無份工。仲要第二台都問另一個侍應，女侍應較年長，居然倒食物！好浪費，其實可以問下客人介唔介意或者叫廚房小心謹慎，台台都錯菜單！唔知係侍應問題定廚房問題了！
continue reading
極不推薦的餐廳！四眼阿伯態度惡劣！初來白石角，看見這餐廳有海景，平日下午茶有折扣，於是嘗試。食物的質素尚可，結賬時，光頭四眼阿伯忘記打折，我便提一提他我們是2pm後入座的。阿伯話：「我唔知呀！我點知你幾點入黎呀！」一邊語氣極差一邊void單，重新打單。我問阿伯攞番張void單，佢話：「攞去啦，垃圾黎啫。」第二次是假日帶父母去光顧午餐，落order職員話跟餐+$6有凍飲，結果結賬時又係四眼阿伯，收了4杯凍飲正價。幸好我們搵番個職員對質，該職員再講一次熱飲加3蚊，凍飲加6蚊。阿伯話個職員新黎嘅，對唔住，照收正價。爭辯一番後，佢極不願意地做番個跟餐餐飲價，仲不停重覆大聲講：「對唔住！！」我阿爸要返張單做泊車優惠，佢又諸多留難，話張單改過唔知泊唔泊到車架，又話佢要keep呀畀唔到單你etc. 這兩次的光顧，實在是不愉快的經歷。觀乎四眼阿伯的態度，就算食物再好，都不過如此。
continue reading
白石角lunch一向無啖好食，食得科學園其他野多就想試下新野，咁啱行海濱見到呢間就試下買外賣食下，佢個入口要係tom bar & grill再入先揾到，平時仲以為佢到tom bar & grill 同一間野黎。見食評寫到服務好差，但我買兩次外賣都正常。之前食過焗豬同肉骨茶已覺得好唔錯，d豬扒好好食芝士係爆多，肉骨茶好夠味又足料，入面d排骨會夾雜豬軟骨，軟諗好味！！ 今次第二次叫肉骨茶+蜜味豬扒，肉骨茶一樣咁掂，豬扒今次呢隻整法無焗豬咁膩，睇黎呢間所有有豬扒的午餐都值得一食！
continue reading
星期日瞓醒食完早餐諗住去中大遊未圓湖，遊咗一陣就散步到科學園 lunch，經過呢間見有檯就坐底，叫咗個午餐茄子炆伊麵加個泰式沙律，然後再叫 xo 醬炒蘿蔔糕同腐皮卷。蘿蔔糕好味但份量好少，腐皮卷比較油，伊麵上檯時睇落好淋但食落又 ok，泰式木瓜沙律幾開胃好味，但用個邊爐醬料兜上，個兜已經細，仲要用塊生菜墊高，木瓜沙律成本唔高，收 $18 都要咁𠱓啲客就唔好。對住個靚景環境空礦食嘢人都舒暢啲，見其他食評講到服務態度差我又唔覺，有機會都會再幫襯，食完浴吐露港散步去大埔都好舒服。
continue reading
見到comment大家都話呢間野服務態度好差，咁我就講句公道說話。呢間野唔係好差咁簡單，而係好！鬼！差！係科學園食過兩次呢間野，講真價錢已經比其他餐廳貴，野食水準又唔係特別好，試過兩次係呢到食飯，結果都係有唔愉快經歷發生。特別係個四眼阿伯員工，懷疑同老細有仇，專係幫餐廳倒米。我話拎四個人嘅位，佢就話“兩個人請量體溫”以為佢聽唔到重覆多次講咩點知個阿伯員工嗌到成餐廳都聽到講野大大聲小弟心臟一向唔係大好，差啲比佢吓到心臟病發，幸好咁啱有帶救心丹，如果唔係真係要叫白車食左兩次得出的結論，真係無下次我都叫老細們千萬唔好來呢間野食比咗錢仲要受氣，野唔係咁好食科學園有更好的選擇希望間野好好改變下
continue reading