廚坊

Open Now

Now Closed

我同朋友係大學生，食飯用電話時比侍應態度惡劣又串又囂張話: 用電話送飯咩？我地食完走又望住我地嘲笑我地 我同朋友真心好嬲。態度差 又多口 第一，我同朋友用電話唔關佢地事。第二，嗰陣又唔係繁忙時間 坐50分鐘食飯係冇問題。第三，周圍有好多阿叔都有用電話 又唔見佢話佢哋，明顯想「恰」學生。利申:我地係食正價餐 非學生餐。

今天中秋節，家姐和我打算和老爸散散步再吃個晚餐。於是乎行去富榮花園那邊的海富商場找吃的。見這間有中式套餐，三人又吃不多，打算叫個二人餐便可以。二人餐要了沙薑雞（原本想要豉油皇滑雞，但售完）和蒜茸白菜仔炒肉片。跟羅宋湯和豬骨湯。沙薑雞一上菜就大失所望。這隻雞營養不良，被人奴役到只剩副骨。90%無肉。份量又少。雞肉嫩不嫩一點都吃不出，新鮮也不新鮮。隔壁枱也叫了這份，也是骨頭。我們忍不住互相吐嘈，查看對方那一碟。他說吃都吃不下，太差了。他太太要的是這個芝士咖喱汁焗雞扒飯。我看著她把只咬了幾口的雞扒拿去垃圾車掉。她說差到要吐，又梅又鞋十十，雖然浪費還是要掉。所以這個蒜茸白菜仔炒肉片在比較下就好多了。至少上來菜是感覺有穫氣。就是油了點，沒有太多蒜茸味。肉片好稔但也不太有鮮味。不過已經令隔壁枱說了句早知點這個好了。反而湯不差，雖然豬骨也沒有肉，但湯很清甜。而羅宋湯老爸一開始就喝完了，相信應該不錯，要不然老爸是不會喝的。最好味是這個沙茶醬，拌雞骨沒用就用來拌飯吃囉。吃完飯後老爸說了句山長水遠來這𥚃吃劣貨。我好肯定這𥚃沒有第二次機會了。

今日平平地去茶餐廳食午餐，一睇餐牌，居然俾左個雜扒飯吸引住，個心諗：嘩！肉~全部都係肉🙈真係好肥，但左望右望之後都係唔知食咩，最後一於抱著食完再減，食左先算ge心態，叫左個雜扒飯，配一杯熱檸茶解膩！雜扒飯有一大塊豬扒，雞翼，煎蛋同腸仔，包你食得飽。份量係多，但就麻麻地好食，豬扒肉質有d硬，雞翼就無咩味，好像完全無餣過咁，麻麻地。雜扒飯配粟米汁、黑椒汁、蒜蓉汁，今次揀左蒜蓉汁。個汁又ok ge，配飯還可以！其實本來平平地食一餐都無咩要求，但d肉唔好食，又無謂浪費左食肉ge quota 啦！

有人話，食野最緊要食飽，今日餓左一朝，就更覺得呢句説話有d道理😂既然係咁，午餐一於做番隻食肉獸，等肚皮滿足下😝😝😝今日點左Q版雜扒飯 ($49)，送餐湯及熱飲，食得飽飽又滿足。Q版雜扒包括豬扒、雞中翼、腸仔、煎蛋，好豐富👍🏻但始終多條菜會好少少! 雞中翼煎得香脆可口，豬扒就有點硬身唔夠嫩。整體來說都👌🏻但因為太多肉又無菜，都係少食多滋味😬

今日午餐同同事黎食午餐, 見到餐牌有芝士蕃茄焗豬扒飯, 就試下, 另餐湯飲羅宋湯。羅宋湯入口香濃, 帶有豐富雜菜及少許牛肉味, 味道酸辣, 相當開胃。賣相吸引, 焗至芝士略焦, 舖上滿滿蕃茄汁及豬扒, 睇見都流晒口水。豬扒厚切份量十足, 並巳將豬扒切件, 唔洗用刀切咁麻煩, 豬扒肉質鮮嫩多汁, 蕃茄醬汁濃郁, 配搭雞蛋抄飯底, 味道十分好。

食物一般及有時不穩定，但老闆 班皇親國戚 同一眾員工，服務態度真係好差極差。今次連外賣餐具都可以無比，非常拿西。只可惜附近類似餐館不多，無太大壓力另他改進。相信我唔會再幫襯

早餐食最普通的沙嗲牛肉麵,差!原本沙嗲味唔錯,但牛肉食落去係滑,但真係連沙嗲都蓋唔住陣鬆肉粉味!超難食。今朝仲見到有個男人抱住個仔,唔記得帶銀包,個男人係街坊,轉頭拎錢落黎,留低嘢當抵押好正常,但餐廳職員竟要求要留電話或身份證,個男人梗係唔俾,話留意BB用品,我諗仲貴過嗰廿零蚊早餐,但職員唔肯,男人係態度唔好,但男人講多兩句,個職員竟然鬧人痴線,男人話見老細,職員梗係話老師唔喺度啦,個男人都真係激到死。唯有請太太拎錢落黎。我諗,街坊生意唔係咁做既!最重要係有乜理由鬧客人痴線架!!唔抵幫。服務要改善,態度要改善。

今日去奧海城睇早場, 時間尚早, 就黎呢到吃個早餐, 我要了份A餐, 有火腿通, 腸仔煎蛋(轉抄蛋), 牛油方飽跟熱華田HK$23, 朋友叫了一份沙嗲牛肉牛尾湯螺絲粉跟熱奶茶HK$25火腿通粉入口不錯, 比一般茶餐廳大碗, 通粉煮得軟硬適中, 抄蛋抄得不乾, 可夾在在牛油方飽同吃, 腸仔味道不會過咸但帶點油沙嗲牛肉牛尾湯螺絲粉真不值推介, 一般常用的牛尾湯材料都是以番茄+薯仔+紅蘿蔔+牛尾來煲, 煲出來的湯底都是番茄顏色, 不知這裡用了什麼材料來煲, 煲出來係豉油色, 還要係杰底兼好咸, 入口完全沒有以上所講材料及沙嗲汁的任何一種味道(試了朋友幾啖) 牛肉有數片, 入口不UN. 最大敗筆在於整個湯底, 一份簡單的早餐,竟然摧毀了我朋友的味蕾熱奶茶入口不滑, 但勝在茶味夠濃, 熱華田則略嫌淡了一些

要左個雙拼麵餐,好唔掂呀!個公仔麵係無味架,湯底都係清湯,乜都唔落架!雙拼點左煎蛋同漢堡扒,但係兩者都好細件,食完成個餐都唔夠飽既...下次唔會再食呢樣野,同埋會減少黎呢度...

話說食晚餐,先點左個福建炒飯餐,再點個鮮牛煎蛋湯意粉,點知竟然話無意粉,時為七點左右,是日晚餐餐牌上仲寫明可揀飯或意粉,咁快就無,食晚餐顧客咪無得揀意粉,只可揀白飯??唯有改通粉...福建炒飯出奇地快,五分鐘即有,鮮牛煎蛋湯通出奇地慢,食完成個福建炒飯都未見蹤影,即係有成十五分鐘以上咁耐!!!我對此十分生氣!簡單如鮮牛煎蛋湯通,都要整咁耐??過份!

難得一日可以同老公歎早餐,好耐無食過茶餐廳早餐咯1老公要個西式早餐,有魚柳(配沙律醬),薯餅(不過好細塊,只有麥記一半咁上下),牛油方包(加左$1轉多士),同埋飲品。我果份所謂營養早餐就有牛奶麥皮同火腿三文治,牛奶麥皮比較淡,少奶味,似乎鮮奶麥皮好好多; 火腿三文治比想像中多,以為只係有半份,原來係一份,而且塊火腿係煎過,所以特別好味,加上加左$1烘底,真係唔錯!不過呢個餐無飲品…整體上算係咁,ok呀!

今次食呢兩樣野,都附近食肆無供應,所以貴一點點都黎呢度幫襯…東京鰻魚拉麵($36):有一片長方型鰻魚切開三份,唔腥,頗香,個汁都唔錯,幾惹味,配菜都係鳴門卷,紫菜,粟米果d, 拉麵唔算好好味,預左係現成果d,無乜所謂,起碼唔差,個骨湯底抵讚,係超出預期地好味.唯一可以更好既係,鰻魚份量可以多一點。蛋白三文治($15):從來未見過有呢樣野,所以好想試,仲加左$1烘一烘底,原來個樣好似蛋治,又係煎蛋,只不過隻蛋顏色比較白,係無蛋黃,可惜都幾油,不過食落感覺上好似健康d咁,味道竟然同有黃既蛋都好似喎!

要左個$33特餐,係牛扒飯,配黑椒汁,有兩塊薄薄牛扒,size唔大,好在無乜筋,個汁都幾香,幾有黑椒味,不過真係好普通,同埋份量比起一般快餐店或茶餐廳叫做少,叫杯凍飲又加$2,其實有點覺得偏貴…不過又咁,服務OK既,而且坐得都算舒服。

搬咗入黎大角咀，所以在附近搵食。這間餐廳當然食過。好奇怪竟然冇人俾過食評！我極力推介是其供應的晚餐，晚晚不同，我記憶中最最欣賞是一個酥皮扒，可惜之後好耐都唔見佢再供應。如果係到食晚餐，記得要揀配薯菜！她的薯菜真是日日精彩，有時是焗薯皮，有時是天婦羅，有時是牛油忌廉薯仔，總之一定唔會求其。其實她的餐湯也很good，我印象中最好的忌廉波菜湯之類的特別忌廉湯，但好可惜最近幾次去都只得羅宋湯，雖然唔差，但唔夠精彩。