木金餃子製作所 (Closed)

上網見到好多好評，點知嚟到令我大失所望。首先叫咗番茄湯同南瓜湯，湯底係唔錯的，蕃茄湯比較甜而南瓜湯濃郁得嚟唔會過膩。但係餃子真係唔得，內餡超級乾完全冇汁，其中一款叫咗黑松露芝士味，但係一粒芝士都食唔到，真係有少少過份😅

第一次試依間餃子店，叫左外賣，見啲口味咁特別試下佢既特色口味同經典口味。首先，餃子夠大隻但啲餃子既餡係吾熱，而且勁乾。個椰菜玉米豚肉餃既栗米係勁乾又冇味😦 可能外賣佢冇煮得夠熱比我🤔個黑松露芝士豚肉係冇芝士味，嗰舊餡都好乾好硬，我覺得似超市啲雪藏餃子。😢😢😢個蕃茄薯仔湯就一般，無咩特別，整體來講，68$ 8隻黎講，性價比太低，同埋都吾好食，餃子都吾新鮮。試左四款餃子，四款都麻麻地🤯🤯🤯🤯

店內光線充足，座位亦都唔會好擠迫，枱與枱之間都會有返啲距離，唔會痴埋哂。上菜速度正常。今次煎餃同湯餃都有試到，煎餃皮脆香口，表面唔會過份多油👍🏻湯餃就試咗南瓜濃湯同埋蕃茄薯仔湯，雖然話係濃湯，但個南瓜湯冇乜味，有啲失望🥺反而蕃茄薯仔湯就好香蕃茄味，好似屋企煲嘅蕃茄薯仔湯咁，而且唔會飲落覺得好味精👍🏻加分位係啲湯用個壺裝住比客人自己倒，適合打卡又冇咁沉悶。而湯餃嘅餡料係非常足夠，未食之前已經見到佢脹卜卜，一咬發現入面係塞爆曬餡料好似隻餃子就嚟要爆咁🤣🤣整體嚟講都算唔錯，不過就唔建議叫南瓜湯底！！

📍 木金餃子製作所🇭🇰 觀塘開源道60號駱駝漆大廈三座6樓E2室有一日突然好想食餃子醒起觀塘有呢間之前食過一次 都好唔錯!!😋 西式南瓜奶油湯餃 $58😋 臭臭香荽豚肉餃😋 野菜玉米豚肉餃如果揀南瓜湯的話好特別㗎佢係用一個金色壺裝住d湯比你好似斟茶咁倒個南瓜湯好濃稠唔算好重南瓜味不過好香滑d餃子大小適中 唔算好肥大 不過都好足料!!我覺得整體嚟講佢嘅味道都係都係偏淡啲但證明佢冇落味精! 健康都會再嚟食㗎我

觀塘工廈隱世餃子店，一直都好有名氣，專程去試下，店舖唔大，不過幸好我星期六晚上8:00幾去唔洗排隊。1.泡菜豚肉餃+鳳城蝦蝦餃（西式南瓜奶油湯）$68/8粒《⭐️》泡菜豚肉餃子還可以，有足料既泡菜；鳳城蝦蝦餃一般，佢係碎蝦肉，無咩蝦味，至於個南瓜湯反而奶油味重過南瓜味，勝在有個金壺比你倒湯，可以比你打下卡🤣2.咖哩豚肉餃+黑松露芝士豚肉（中式蕃茄薯仔湯）$68/8粒《⭐️⭐️》咖哩豚肉餃子得個辣字，咖哩味唔濃，有點失望；黑松露芝士餃子係4款之中最推薦既一款，佢好重黑松露味，加上少少芝士好配合，咬落口感豐富，至於個蕃茄薯仔湯都係普普通通，湯底偏淡。3.照燒烤雞腿肉串 $28/5串《⭐️⭐️⭐️》小食黎講算抵食，啖啖肉，但味道唔突出，就係普通烤雞串🙃4.無糖白桃鳳龍茶 $14《⭐️》普通烏龍茶茶包，無咩特別。整體都麻麻，感覺名過於實，餃子係幾大粒，但味道麻麻，而且湯底偏淡，唔太吸引。

素食餃子只有一款, 素食者想選擇多一個口味. 就沒有了. 尖椒皮蛋$28難食...餃子店都係點番餃子比較安全有營纖維素菜餃配南瓜奶油湯$58皮薄材料豐富,湯底有特色, 可以一試.

發現原來我去兩次都沒拍照，其實餃子很一般，但只能說觀塘工作很久了，好評很多都去過，這家算比較好的。但南瓜湯是真的沒南瓜味呀。不知道大家在推什麼。蕃茄湯感覺下糖可以再少一點，有點甜，但肯定是糖味，因為我老公最常煮蕃茄湯給女兒吃，所以很了解😂**但平常在觀塘100完以下想再吃價錢可以的店少，這算可以去的其中一家***

𠵱間餃子店隱身🫥觀塘工廈，卻早已略有名氣，星期日過咗食飯時間去都滿座，要等下位。-白菜豬肉溝芫荽豬肉湯餃（$58/8）餃子十分飽滿扎實，啖啖肉，八隻足夠飽到上頸。人氣金湯即係西式南瓜奶油湯，色澤金黃，入口都幾香南瓜🎃味，但配餃子有少少唔襯，仲有啲漏，建議配另一個湯試吓。香辣榨菜豬肉溝鳳城蝦🦐蝦餃煎餃（$68/8）煎得香脆可口，餡料同樣豐富，大滿足😌酥炸花枝丸配台灣腸（$38）食到最後一粒先記得影，炸得唔油膩，價格相宜，都無咩好挑剔。

▪️ 翡翠白菜豚肉餃（6/10）+ 臭臭香茜豚肉餃（7/10）+ 西式南瓜奶油湯（7/10）💲58 (湯餃)每個Set係8隻，可以揀2款口味各4隻😈個皮略為厚身唔夠薄滑，內餡雖則飽滿，但太過實淨，唔算係我好鍾意既口感🙈味道方面豚肉味偏淡，白菜亦無咩味😳本身點椰菜玉米豚肉餃，但食落係芫荽味黎既，唔知侍應定廚房落錯左，好彩佢遇著我呢個芫荽愛好者，如果唔係應該比人問候🤣反而錯有錯著，芫荽味突出幾香口😎南瓜湯質感稠身，就咁飲微甜唔錯，不過同餃子唔太夾🎃▪️ 黑松露芝士豚肉餃 （7/10）+ 大大隻鳳城蝦蝦餃（6.5/10）+ 中式蕃茄薯仔湯（6.5/10）+ 讚岐烏冬（6.5/10）💲78 (煎餃) + 12煎餃會再貴一截🤑外皮似鍋貼，陣味又似生煎包，整體會略油一點😂煎餃無湯餃咁實會好少少🤏🏻有陣陣黑松露香氣，芝士味比較薄弱，而蝦餃都有粒粒蝦肉，但無預期中彈牙🦐蕃茄薯仔湯相對淡味，烏冬亦煮得較腍🍜▪️ 日本葡萄梳打 （7.5/10）💲12🔎 整體評分（6.5/10）

阿媽家姐omakase8隻煎餃🤍🤍🤍🤍可以指定唔要邊款餃子，然後就會隨機上8  款餃子！食嘅時候好似抽盲盒咁，適合想一次試好多款餃子嘅人🙈餃子喺可預想嘅味道，亦都好多餡！蕃茄薯仔濃湯雙拼餃🤍🤍🤍🤍蕃茄薯仔湯好飲，俾普通湯濃稠，但唔會好膩！揀咗大大隻鳳城蝦蝦餃同黑松露芝士豚肉餃，大大隻鳳城蝦蝦餃比想像中隻蝦細，同餡料比較多喺豬肉，木耳等！而黑松露芝士豚肉餃好食！黑松露味足，一啖食隻餃可以同時食出所有味道！酥炸花枝丸配台灣腸🤍🤍🤍酥炸花枝丸同台灣腸都喺普通，唔會難食，都唔係特別一定要order無骨明太子雞翼🤍🤍🤍明太子餡好足！微辣好食！無糖白桃烏龍冷泡茶🤍🤍🤍有清清地嘅白桃味，配上餃子，可以清油膩感！

東九龍良心餃子店 —— 佢個名叫「木金」啲枱枱凳凳，都真係用木色同金色；餃子整體，皮薄、多餡，包得好實淨，但就多肉少菜；湯頭算濃味，蕃茄湯清甜、南瓜湯細滑；但如果要配辣菜脯，就用番茄湯夾啲！。🥟🍅『翡翠白菜豚肉餃•椰菜玉米豚肉餃 。中式番茄薯仔湯』$58⋯⋯🥟🎃『深海紫菜豚肉餃•椰菜玉米豚肉餃 。西式南瓜奶油湯』$58⋯⋯🥒『涼拌腐竹青瓜』$38‼️注意•慎點‼️有大量芫茜；個汁係酸酸辣辣幾開胃嘅；腐竹亦都好入味，但芫茜味實在太突出，唔食芫茜嘅你就唔好叫啦！。➡️友人話哩度嘅餃子未算「驚艷」，佢鍾意「甜記」多啲；但個湯就比較岀色➡️本來想試下「素餃」，但店員話lunch時已經賣晒😞。📍 木金餃子製作所 (觀塘)觀塘開源道60號駱駝漆大廈三座6樓E2室。好味指數：🌕🌕🌕🌗🌑回味指數：🌕🌕🌕🌗🌑

本身係諗住去駱駝漆一座6/F，有人帶錯路，黎左三座6/F，唔想再搭lift行黎行去，就錯有錯著食餃子🥟！店面只有一位員工，可能因為咁工作量較多，店員好似唔太想同人講野…食物方面揀左特色口味，和風咖哩豚肉餃+ 黑松露芝士豚肉餃，配西式南瓜奶油湯。咖哩豚餃好香咖哩味，少少辣辣地。而松露餃呢，松露味同芝士都唔算太特出，係淡淡既松露香，不過勝在佢地既肉質新鮮搭救，肉質鮮而多汁，無豬肉蘇味。如果松露芝士味再重多少少更好！南瓜湯質地較杰身，口感綿滑淡淡南瓜香味道，個人覺得剛好，如果湯太出會搶走餃子風頭。

今日如舊同b🐷做運動之前填飽肚仔先。今日我地就決定試木金餃子製作所既餃子😀老實講 真係有d失望。首先講一講餐牌選擇，木金餃子製作所將餃子分左兩類，分別係經典口味 ($58)同特色口味 ($68)，一碗湯餃子有8粒，可以係這兩個類別中各簡2款口味各4隻。1. 翡翠白菜豚肉餃 (3/5)平平無奇的白菜豬肉餃，皮唔算滑同唔算薄🙏🏻2. 深海紫菜豚肉餃 (3/5)深海紫菜豚肉餃既豬肉肥味比較出D，所以香味都重d，但紫菜味好淡。3. 韓式泡菜豚肉餃 (3.5/5)韓式泡菜豚肉餃算是4款口味當中再食得出符合名子既味道🫣 足料泡菜都幾辣下，為呢一餐飯帶點刺激感😺都不錯喔🫰4. 大大隻鳳城蝦蝦餃 (2/5)有蝦隻係餃子入面既，但細隻切碎唔係成個蝦仁入面。地點：樓上鋪，係觀塘地區地標駱駝漆大廈，相信大家都熟曬路😼 要等一陣lift姐，難唔到小編既!環境:牆上有掛上小清新飾😉 可惜白色既牆身有污漬，周圍又有蚊滋。價錢:平均$7.2-$8.5一隻餃，都唔係平架，尚有改善空間令客人覺得值回票價🥺服務:店員都好有效率👍👍

#foodchaser_hk📌同區美食#foodchaserhkkwuntong📌同類餐廳#foodchaserhkrestaurant📌同款美食#foodchaserhkdumpling✨✨✨✨✨✨✨✨✨📍觀塘 木金餃子製作所🥳🥳🥳觀塘工廈向來都係美食嘅好地方💛今次介紹呢間係主打餃子，湯底方面可以選擇日式特濃豚骨湯同埋是日濃湯🍲🍲而濃湯有時候條南瓜濃湯🎃🎃，橙色鮮艷打卡好睇📸📸📸🥰✨✨✨✨✨✨✨✨✨🍽 翡翠白菜豚肉餃 + 讚歧烏冬 $58 + $12因為嗰日有啲肚餓，所以加咗讚岐烏冬😹😹😹今次揀咗日式特濃豚骨湯，配埋白菜豚肉餃子，味道OK👍🏻👍🏻雖然餃子個皮稍微厚咗少少🥟，啖氣讚岐烏冬夠煙韌🥰👍🏻🍽 臭臭香荽豚肉餃 $68如果鐘意食芫荽嘅朋友要注意‼️推薦！重芫荽味之餘，又冇完全遮蓋豚肉🐖嘅味道🤍🤍配埋豚肉，配搭一流👍🏻👍🏻😜✨✨✨✨✨✨✨✨食物味道：⭐️⭐️⭐️⭐️打卡指數：⭐️⭐️⭐️⭐️⭐️服務環境：⭐️⭐️⭐️⭐️📍觀塘 木金餃子製作所店舖地址：觀塘開源道60號駱駝漆大廈三座6樓E2室營業時間：星期一至日1200-1500; 1800-2200查詢/預約電話：62254451服務費：🙅🏻‍♀️🙅🏻‍♀️🙅🏻

Dumplings 🥟🥟🥟.⭐️Favourites:🥟和風咖哩豚肉餃🥟黑松露芝士豚肉餃🥟大大隻鳳城蝦蝦餃🥟翡翠白菜豚肉餃 🍗明太子雞翅.💭Thoughts: 每隻餃子都好紮實，大大粒，肉質偏瘦。個人最鐘意咖喱同蝦餃。黑松露果款調味都啱啱好👍🏻 南瓜湯同番茄湯都好正。明太子香辣惹味，好夾雞翅😋.😋Recommend? ✅ 👩🏻‍🍳Food rating: 4.5/5👩🏻‍⚖️Overall experience rating: 4.5/5