木金餃子製作所

Open Now

Now Closed

去開觀塘諗住搵間餐廳食飯醫下肚，見到呢間餐廳，望完餐牌，又有餃子又有西式野都好似ok,就打算試下，坐低位置比較迫，人手較少，店員都忙到唔得閒，睇完餐牌，叫左個意粉同餃子仲有份小食，食物一般，餃子個蕃茄薯仔湯偏鹹，意粉都ok,但意粉質地有啲硬好似未熟透咁，食完埋單先知要加一，心諗咁都收加一？睇番餐牌都無寫要加一wo,你有標明要收就無野好講，你無標明就收加一，就好似有啲過份，結論係試完伏算數，唔會有下次

Lunch time 去食餃子 睇menu 時店員一手搶走枱上menu 其間撞到人 一句說話交代點解無啦啦搶走客人睇緊既menu都無講過 撞到人之後唔好意思都無一句 之後落單未落完已經擰轉頭 問多句紅茶有無熱 店員已經十分不耐煩落單又落錯 點了豬骨湯 送上來的是蕃茄薯仔湯之後重新再整過 就咁將蕃茄湯裏面嘅餃子擺落豬骨湯度 之後皮都是穿的如果大家想喺呢度受氣又食劣食就去試伏啦

每個星期一都會黎觀塘接男朋友放工， 每次都會搵唔同鋪頭食下😌！ 個日特別想食湯類既野～ 見到呢間湯餃好吸引🤩就決定試呢間🙌🏻Menu 都幾多野食，有平民價餃子🥟又有意大利飯同意粉🍝 好多選擇🤩門口既甜品櫃都好吸引！ 同男朋友一人叫左一碗餃子黎食😼［翡翠白菜豚肉餃子配蕃茄薯仔湯加米線］餃子正常size 一碗有8隻，餡料都幾足！加埋幾濃味既蕃茄薯仔湯！好啱我胃口，夠曬飽肚［沙茶洋蔥牛肉餃配豬骨湯］呢款餃子都幾特別！ 沙茶味原來同洋蔥牛肉禁夾，好香口！ 同豬骨湯好夾～ 男朋友激讚！！！值得一試！ 仲有好多特別既味想試！ 會再黎架

之前嚟過一次，店面比較唔同。後尾先知原來佢同另一間餐廳合併咗，所以呢度都有西式意粉可以叫。不過因為今次係專登嚟食餃子，主要都係叫咗水餃同煎餃。雙拼 - 臭臭香茜豚肉餃 & 韓式泡菜豚肉餃 一份有8隻水餃🥟可以自選湯底，今次揀咗南瓜湯，湯底都幾濃郁，感覺好似真係飲緊西式餐湯咁！芫荽嘅味道啱啱好，唔會話太多太勁，搶咗南瓜同其他配料嘅香味。泡菜餃子微辣，食落去啖啖泡菜，但感覺同南瓜湯唔係好夾，用於煎餃會比較適合🤣煎餃 - 黑松露芝士豚肉餃 煎到金黃色，食落都幾脆，炸得岩岩好！咬落去有陣陣黑松露味，而加入芝士令佢個煎餃唔會乾身，幾香口。

去到觀塘工業區，就即刻諗起駱駝漆大廈入面嘅小店去到呢間餃子店發現呢度唔單止有餃子揀，仲有cafe類型嘅西餐可以揀今次就試咗翡翠白菜豚肉餃+韭菜蔥頭豚肉餃+南瓜湯店家嘅餃子同南瓜湯係分開上，南瓜湯放喺湯壺入面🎃🎃🎃😊一方面可以保存溫度，另一方面就係客人可以按自己嘅需要落唔同分量嘅湯再加上打卡效果一流🪖店家嘅南瓜湯係西湯嘅南瓜湯，比較竭身由於味道濃郁，略嫌掩蓋咗餃子本身嘅味道如果叫其他湯底：豬骨湯 / 番茄薯仔湯，可能味道會再夾啲😋

前幾天去駱駝漆大廈3座買戶外用品，之後去了這餐廳吃晚飯。我點了柚子雞扒番茄燴飯，出乎意料地好吃，吃到我最愛的柚子味，雞扒大塊又不乾。香蕉奶昔原本要$58，跟餐減$20，奶昔很濃郁，而且有一點香蕉脆片在上面，好喝！焙茶千層蛋糕有茶味，但我覺得甜了一些。這頓西餐是誠意之作，將来有機會我會嚐嚐其他出品。

星期日去駱駝漆大廈原本想食二撇雞，但原來星期日休息見到同層呢間餃子有開，就入去試下見佢餐牌又有餃子，又有西餐，又有千層蛋糕，已經覺得奇奇怪怪咁佢店名叫餃子店，應該食餃子穩陣d, 就叫左個雙拼餃（鳳尾蝦餃拼咸蛋蟹子），番茄薯仔湯底，加左個黑松露薯條餃子質感與味道都好一般，基本上食唔出邊隻味打邊隻味，湯低都係好一般黑松露薯條嘅薯條係一般急凍貨，最難食係pat醬, 唔知食緊咩🤢埋單我2樣野$58+$38，因為我唔知要加一，佢餐牌亦無寫要收加一，我就攞張$100紙出黎俾店員，個店員口面極唔友善咁用非常無禮貌語氣講‘’$106蚊！‘’，ok我即刻攞多$6俾佢真係無下次

我又食餃子🥟喇～今日嚟咗觀塘駱駝漆大廈買嘢～因為天氣又熱，又未食lunch，求其搵間餐廳入去唞一唞😮‍💨我對餃子嘅抵抗力係零，況且喺香港食餃子好少中伏，所以一見到「餃子製作所」就入咗去叫咗韓式泡菜豬肉餃，同埋香蔥酸菜豬肉餃，揀咗煎餃，不過要加$10😵佢唔係普遍嘅餃子形狀….都唔緊要，一入口，肉好鞋，只能說好健康，呢個係我生平第二次食到咁嘅質感嘅餃子餡，第一次食係我自己整嘅餃子餡，用全瘦肉先至做到呢個效果😓煎得好脆，不過好油…..酸菜唔係好酸，亦都冇乜蔥味，泡菜餃子嘅辣度就好夠加多一份buffalo wings，睇落似係煎雞翼上面加pat醬就算…….😐至於雞翼嚟講呢，我真係未食過咁乾…綠茶是好飲的🥲衛生方面，我哋隻小手喺餐具籃攞起隻叉嚟玩，我一睇，頂……有醬嘅……好彩未擺入口…

好耐之前見到有朋友po嚟呢度食南瓜湯餃子，好鍾意南瓜湯同餃子嘅我就一直bookmark咗呢間餐廳😻 店內有多款餃子選擇，可以雙拼，同埋有意粉、千層蛋糕等，就算唔鍾意食餃子嘅朋友都有其他食物可以選擇😋🥟我揀咗 #黑松露芝士豚肉餃 拼 #韓式泡菜豚肉餃 🤤 雙拼每款有4隻，餃子size偏大，再加埋南瓜湯都夠飽肚😜另外，我留意到朋友叫嘅蕃茄薯仔湯，係冇得用湯壺自己倒啲湯落啲餃子度，係就咁一個湯碗載住啲湯同餃子，所以諗住試湯壺餃子嘅朋友要留意返了～🙈

今日同小朋友去駱駝漆行街，行過肚餓，就見到呢間餐廳，入去試吓。餐廳細細地，乾淨清楚，牆上有好多蛋糕畫，加上粉紅色梳化，幾靚。我地叫左蘇格蘭煙三文魚配香蒜青醬炒意粉和封煎北海道帶子配黑松露奶油意粉。三文魚意粉到左，我摸下隻碟，凍凍地，感覺怪怪地。因為熱盤加大碟，感覺唔係太舒服。份量比較細，味道都好好，意粉都算彈牙，醬汁惹味。帶子意粉隻碟都喺凍，一樣份量比較細，味道都OK。見到其實好似推介餃子，有機會的話，會再試吓餃子。😋Yummy Yummy: 7/10😋

中午去咗駱駝漆搵食，咁啱想食清淡少少就選擇咗木金去食餃子🥟大約12:45去到，見到都需要排隊，好彩今次只係一個人去食，店員好快就安排咗座位🙌🏻環境🏠工業風裝修，但係都有唔少粉紅色少女心元素💕中午比較人多需要搭枱，店舖空間唔大，坐得都比較擁擠⚠️中午時可能需要排隊同搭枱食物🍜翡翠白菜豚肉餃+韭菜蔥頭豚肉餃+蕃茄薯仔湯米線餃子比較普通，兩款餃子嘅餡味道都好清淡，餃子亦唔算大粒；反而係蕃茄薯仔湯味道濃郁，食到蕃茄同薯仔，感覺健康，可惜米線未算太入味，整體份量都唔係太多，女仔食係啱啱好，男士就未必夠了💰午餐贈送低糖紅茶/綠茶，埋單$60，以餃子嚟講係駱駝漆應該有其他更好選擇，不過見到店入面仲有其他cafe野食同埋蛋糕，如果下次再去就會寧願試下cafe lunch menu啦🍝

香港百物騰貴，木金餃子都搞唔掂 😫2022-23 年 10隻餃子，依家$58得返 8 隻 (價就算喇舊menu 都冇晒底），又細隻咗 🥟 鳳城蝦餃以前有一隻或以上原隻蝦蝦依家得幾粒蝦碎 🤡 仲要收埋加一，但除落單上餐就連水都冇 (我都明已成現今標準） 🤑 環境方面比以前暗又嘈，個廚房依家係半open kitchen, 每逢用攪拌機嘈到傾唔倒偈 雖然明白租金物價上漲，但作位工廠大廈嘅食肆其實已經畀一般街鋪平咗。。。 總括而言已經再唔係以前嗰間木金餃子，十分可惜，永不回頭

觀塘駱駝漆人氣餃子店，最出名打卡之選南瓜湯餃子。南瓜湯用金色湯壺🏆分開上菜非常可愛。😍😍- 臭臭香茜豚肉餃 & 黑松露芝士豚肉餃 HK$58 🥟🐷🍄中式南瓜湯底味道香甜純粹，帶出天然風味。餃子皮薄滑潤，肉餡飽滿。臭臭香茜豚肉餃莞茜味十足，黑松露芝士豚肉餃散發香濃松露味，仲有流心芝士，超滿足!!- 尖椒皮蛋 HK$28 🌶️🥚溏心皮蛋配上尖椒醬，又清新又香辣非常開胃！！- 燒烤醬洋蔥圈 HK$58 🍤🍤

估唔到佢哋二合為一！call me chef x 木金餃子製作所call me chef 原本就好出名食千層蛋糕而木金餃子製作所，最出名莫過於係佢嘅南瓜湯配餃子金金黃黃嘅南瓜湯，好靚又健康，唔會好甜餃子仲有好多唔同味道嘅選擇 ♥️由舊舖食到新舖，會繼續支持 💛