木金餃子製作所

Open Now

Now Closed

我又食餃子🥟喇～今日嚟咗觀塘駱駝漆大廈買嘢～因為天氣又熱，又未食lunch，求其搵間餐廳入去唞一唞😮‍💨我對餃子嘅抵抗力係零，況且喺香港食餃子好少中伏，所以一見到「餃子製作所」就入咗去叫咗韓式泡菜豬肉餃，同埋香蔥酸菜豬肉餃，揀咗煎餃，不過要加$10😵佢唔係普遍嘅餃子形狀….都唔緊要，一入口，肉好鞋，只能說好健康，呢個係我生平第二次食到咁嘅質感嘅餃子餡，第一次食係我自己整嘅餃子餡，用全瘦肉先至做到呢個效果😓煎得好脆，不過好油…..酸菜唔係好酸，亦都冇乜蔥味，泡菜餃子嘅辣度就好夠加多一份buffalo wings，睇落似係煎雞翼上面加pat醬就算…….😐至於雞翼嚟講呢，我真係未食過咁乾…綠茶是好飲的🥲衛生方面，我哋隻小手喺餐具籃攞起隻叉嚟玩，我一睇，頂……有醬嘅……好彩未擺入口…