Papa Joe (Closed)

平時去諾士佛臺都係飲酒，什少係個到食飯，估唔到有間餐廳價錢ok之餘服務態度仲好到加零一😱😱😱阿根廷安格斯牛腹膜柳-4成熟 $288由於揀唔到，所以都係叫店員推介。原本都驚會介紹最貴既扒，點知係之中最平既牛腹膜柳，而且會形容口感同建議適合既熟成度，牛扒上枱時仲會主動問要唔要黃芥辣，好細心💯💯講返個扒先，肥瘦適中，熟成度剛好。一啖放入口，一咬，牛味油脂極香直沖味蕾，肉淋之餘仲有口感，好食！👍🏻👍🏻👍🏻撘斯曼尼三文魚扒配阿根廷青醬 $198一般西餐廳都會有三文魚扒，今次想試下阿根廷青醬，撘三文魚食魚味更加突出而三文魚肉質唔會煮得過熟，幾滑，仲好開胃，不停食。crab tacos $42/1平時比較少食到蟹肉🌮 ，係香港食taco 尼講雞肉/豬肉都要呢個價有啲再貴dd，而且蟹肉都幾多所以$42個人認為唔貴。味道方面，蟹肉唔腥應該加左啲西檸汁去腥，幾清新送酒都不錯。酒類都有唔少唔少選擇，但個人鍾意紅酒多d，價錢唔貴而且易入口。枱同枱距離舒服，咁岩又冇乜人，食完飯係到靜靜地傾下計仲舒服過樓下😌

上年去完阿根廷旅行，對佢地既牛扒念念不忘。好開心今日同老公黎到諾士佛臺呢間既中南美菜色Papa Joe，佢地唔單止有阿根廷出名既牛扒仲有墨西哥同巴西菜餚。頭盤點左個Chicken Quesadillas墨西哥餡餅，各式各樣既豆類係墨西哥菜既特色，加埋Guacamole 牛油果醬一齊食好fresh。另外叫左個汁煮青口，同平時食開既青口味道好唔同，加左墨西哥辣椒jalapeño 同埋小蕃茄，酸酸辣辣好野味仲配左個薯條做配菜添。終於到左今晚既重頭戲，係我地好期待既牛眼扒。五成熟既牛扒外脆內軟，肉汁鎖得好好，加埋阿根廷青醬將我地旅行既感覺帶動番黎。南美洲人果然好鐘意食薯仔，佢地呢個小薯仔伴菜好清爽唔會好飽和。今次係差在無叫到紅酒，配呢個肉眼扒真係一流。我地就叫左個Tropical Fizz cocktail，好濃既香橙同熱帶水果味道，有一點點回甘都係唔錯既選擇！

去諾士佛臺晚餐，同友人去了1號搵食，見呢間有得食墨西哥菜，幾吸引。由前菜到甜品都有好多選擇，特別在墨西哥菜式都有唔少，可以試新野！呢個5 courses好豐富，都有唔少選擇。我地點左一個5 courses set dinner，一個沙律同一個墨西哥雞肉芝士薄餅。每枱都有脆片食，個醬有啲辣，不過好開胃，脆片點醬先好食，唔係味道就有點寡。飲品方面點左紅莓汁同橙汁，兩樣都唔係好甜。藜麥沙律 - 好健康，感覺食完會瘦。冇dressing，用左生果黎調味，分別係芒果、橙、紅石榴同蜜瓜，好甜好fresh！藜麥同啲配料撈勻易入口好多。是日餐湯係蘑菇湯，攪拌過嘅蘑菇好香，田園風味。最正係個餐有兩隻蠔同sparkling wine，生蠔好鮮甜，加左檸檬汁同醋，好醒胃。Rib eye點左五成熟，好香牛味，唔會好韌。薯蓉好滑好香牛油味，creamy到可以就咁吞。好鍾意呢個雞肉芝士薄餅，個餡好豐富，有三色椒、菇、雞肉同芝士，全部都好惹味！可以點牛油果醬、sour cream同莎莎醬，仲好食！跟餐甜品有檸檬cheese cake， 不過都幾酸，同埋麻麻地啲jam。

諾士佛臺上面有好多墨西哥餐廳，除咗食野，夜晚黎梗係要shisha下🥰介紹番啲野食先~ 好多都好有特色！墨西哥焗烤卷餅 ($138 W/chicken) 呢個係捲着入邊好多芝士，雞肉，同埋青椒各種調味料，味道真係好墨西哥🤪 點埋牛油果醬同埋忌廉係仲好味，個皮煙煙韌韌好正牛油果天婦羅 ($98) 最鍾意食牛油果嘅我又點會放過呢個牛油果天婦羅☺️ 牛油果原來加少少炸粉調下味就可以咁好食，呢個係食到停唔到口！鵝肝奄列 ($138) 呢個奄列大到好驚人，蛋既份量夠多不在話下，入邊係材料都好足，有芝士，黃椒，菇類，同鵝肝。隱約都會食到鵝肝 ，如果放喺面頭，味道應該會更加突出阿根廷頂級草飼肉眼扒 ($298) 揀咗7成熟，牛扒好冧好多汁，味道都唔錯，煎得好香。旁邊嘅薯蓉都一樣食唔停口🤤

一坐底無幾耐個staff就會拎一兜粟米片過黎。佢仲有埋墨西哥既蕃茄莎莎既sauce俾你。我食個時係有微温既，我相信佢係即整既！牛油果天婦羅熱辣辣，上面有少少調味粉。佢有個sauce俾你點既。就咁食既時候都好夠味，外脆內軟。而個sauce酸酸地既，點左會有另一番風味。佢份量好足夠，可以你試清楚佢既美味。藜麥沙律一黎到好似成碗飯咁。但細心睇其有好多配料，例如牛油果、車厘茄、粟米等等。超鐘意藜麥個種味，好香，而且好健康。"蟹肉"墨西哥夾餅(Taco)佢既"碟"好得意。微温侍應叫我地襯熱食，所以放低手上所有野。即刻食佢！第一啖就知道究竟有幾新鮮！完全係無雪味。佢既調味亦好出色！講吾出係咩味，總知就係好好食！阿根廷安格斯牛腹膜柳(5成熟)聽staff既意見，佢話5成熟就得。因為本身呢個部位都係有咬口，如果6成或以上就會咬吾到。一黎到就己經香氣四溢。咬落去，果然係剛剛好！好有咬口。而且佢既牛味好出，同平時既肉眼有分別！佢仲配左小薯仔同埋啲菜！吾會太漏！

由於我本身並不太愛喝酒，通常是朋友邀約，才會小酌兩杯，所以很少來諾士佛臺的餐廳酒吧。今晚難得有朋友說要到這裏一間西餐廳，不用我想去哪裏食，當然好！ 餐廳門口有個霓虹廣告牌，很醒目，去到才知道，原來這間餐廳主打墨西哥，阿根廷和巴西菜，是我平時較少機會會吃的菜式呢！餐廳入面面積很大，微暗的燈光很適合喝酒談天。菜式的選擇都頗多，連生蠔都有。先一人來一杯酒！朋友飲Asahi,而我就選了一杯比較特別的雞尾酒：Typical Fizz。這杯酒主要用了Rum酒，配上果汁和乳酪。第一次飲有乳酪調製的酒，味道酸酸的，與果汁的酸甜味很夾，不錯喝，但酒精的濃郁比我想像要高一些。前菜：芝士焗大啡菇個人很愛吃大啡菇，所以自自然然然就點了來吃。餡料不算豐富，只有芝士鋪面，幸好大啡菇夠juicy。墨西哥鐵板烤肉（雞肉$168)鐵板烤雞肉，雖然是用了雞胸肉，但肉質不會乾。調味較重，每塊雞肉都沾滿香料，相當惹味。墨西哥薄餅包上雞肉，牛油果醬，莎莎醬，生菜和芝士，捲起一同進食，非常惹味。 主菜： 阿根廷安格斯牛腹膜柳 $288 第一次食阿根廷的牛，這個部位不太肥，但亦不會韌，牛肉味濃，與平時常吃的美國牛或日本牛很不同。

星期五放工，難得忙了一個星期，又係時候放低公司的煩惱事，出去happy hour。約了好友去了尖沙咀其中一條比較高檔一點的酒吧街諾士佛臺，地下有很多酒吧，但我們嫌環境太嘈，而且多人食煙，所以轉戰上樓上這間Papa Joe。餐廳除了有西餐的扒，意粉及意大利飯外，還有多款墨西哥小食及薄餅，喜歡辣的朋友不彷一試。一坐低即刻叫了兩杯1664，一邊傾計一邊飲下酒，可以relax一下。吞拿魚沙律：沙律除了有些爽脆的沙律菜外，還有些鷹嘴豆等，吞會魚比較有咬口。蟹肉天使麵配魚子醬芝士汁：天使麵表面舖上了三文魚子及芝士碎，蟹肉伴入了意粉內，每條意粉都佔滿了忌廉汁，十分creamy，天使麵亦不會煮到太腍，反而帶點爽滑，蟹肉及三文魚的鮮甜味在簡簡單單的忌廉汁上非常突出，整體配合得天衣無縫。阿根廷頂級草飼牛柳：牛柳價錢比較貴，但份量就不算多，勝在是厚切，烤的過程能鎖住肉汁，點了七成熟，中間帶點粉肉色，表面烤至帶焦香，肉味尚可肉汁豐富，旁邊還有些烤薯，外皮烤至微焦有咬口，還有些沙律菜伴碟，一個人就大既七成飽。

諾士佛臺一向比我的感覺就是飲酒的地方，但原來裏面都隱藏了不少世界各地的美食，今晚就同老公去了這間以墨西哥及巴西菜為主的餐廳。餐廳裝飾比較十普通，燈光較暗，播放著音樂，除了晚餐外，還有多款地道墨西哥小食及薄餅等。白酒煮青口青口以大量的番茄及香料調料，粒粒番茄肉及醬汁，酸酸甜甜十分開胃，青口比較大隻，但略欠鮮甜，不會煮過火，另外還配上香脆炸幼薯條。墨西哥芝士雞肉薄餅這間餐廳以墨西哥為主，當然要試下這個墨西哥薄餅啦，薄餅份量十足，餅餅皮煎至帶微焦及香脆，裏面夾著大量雞肉配料及芝士，番茄汁為醬，酸甜中帶點墨西哥菜必有的辣味，另外還附上牛油果醬、酸忌廉及番茄醬以作調味，十分有特色。黑菌安格斯肉醬闊條麵闊條麵是手工製作，每條闊條麵都比較厚身，麵質比較煙韌彈牙，肉醬不是平時的攪爛肉碎般無咬口，反而是牛肉粒，所以口感特別豐富，加上濃郁番茄醬酸甜味，為整個意粉生色不少。整體食物質素中上，兩個主菜都帶給我驚喜，不過價錢略貴。

今個星期六同男朋友出開尖沙咀就係諾士佛台搵咗間南美餐廳，集墨西哥+阿根廷+巴西菜食，就係柯士甸道1號。其實呢呢幢大廈有好多餐廳，今日就揀咗呢間貪佢有氣氛，聽下歌傾下計，悠閒過番晚。墨西哥蟹肉夾餅🌮 出面通常食到嘅墨西哥夾餅都係配肉類，但係呢度好特別有蟹肉可以揀，咁我哋兩個梗係要試吓新嘢啦。呢度嘅夾餅係兩件起跳。蟹肉夾餅有牛油果、黃椒、紅椒、葱同紅椰菜，蟹肉挺新鮮，配合爽脆嘅黃椒青椒，加上牛油果獨有嘅口感，整體配合起嚟係一味醒胃嘅菜。炒菠菜🥗 有一點似中式嘅炒菜，有蒜嘅香味。本身菠菜含有豐富嘅鐵質，所以想食菜嘅時候黎一碟營養豐富嘅菠菜，係一個唔錯嘅選擇。牛柳配阿根廷青醬 牛柳梗係要食五成熟🥩，呢度煮得啱啱好，切開時肉芯粉嫩，比起美國嘅牛柳肉味更加濃郁。而且牛柳燒到每一面都微焦，帶點炭火嘅香味，肉質入口鬆軟，再配合埋佢嘅阿根廷青醬，清新得來帶有軟芝士嘅香味，係一個唔錯嘅選擇。新西蘭烤羊架 都一樣係燒到每面都有炭火嘅焦香味，七成熟剛剛好，有少少肉汁之餘，肉質鬆軟，羊肉又唔會太過羶味，再配上蕃茄黃飯，真係食到舔舔脷。再加上食緊嘅時候， 樂手會走到你張枱同你獻唱，佢哋彈住結他唱歌真係好好聽，而且

來到諾士佛台, 朋友說想吃特別一點的菜式, 找到了這間在樓上吃墨西哥菜式的餐廳。比較少吃到墨西哥菜, 它的食物帶少少辣, 幾刺激到胃口。我們都喜歡吃生蠔, 知道今晚有gillardeau, 每人叫了一隻淺嚐, 價錢五十幾元一隻, 都合理。生蠔是新鮮即開的感覺, 附了檸檬和醋, 我都沒有用, 光吃原味就夠, 蠔薄薄的鹹中帶甜。餐牌上寫白酒煮蜆, 應該是翻譯錯誤, 實際是蕃茄醬汁帶點辣的青口, 青口都幾大隻, 辣感蠻刺激的, 附送了一些薯條, 幼身的脆香新鮮炸起。見到這裡有唯一一個湯, 是秘魯雞湯, 以雞肉和蔬菜煮成, 材料切得細細的, 份量也多, 可以喝也可以吃, 味道豐富。朋友喜歡吃牛, 就豪一豪, 叫了一個價值$388的牛扒, 是阿根廷頂級草飼牛柳, 叫了medium熟, 放在碟上的牛扒, size感覺較細, 但因它厚身, 食落都夠食, 牛扒肉汁不算豐富, 幸好有牛扒醬汁, 可以補償, 另外有些烤薯仔和沙律菜。這裡的環境不嘈吵, 也坐得舒適, 燈光幽暗柔和, 加上吃著的菜式, 有異國的風味, relax的感覺, 很適合和朋友來這吃飯聊天。

諾士佛臺出名飲酒啤兩啤，今次同友人誤打誤撞搵到呢間papa joe ，唔飲酒都有好氣氛好野食！👉🏿✨蟹肉天使麵配魚子醬芝士汁 Hkd 198 💸📌每條天使麵都沾滿左芝士汁，幼身既質地有別於意粉，醬汁夠creamy，食到最後都唔會話好乾身。咬落魚子爆開既口感，配埋蟹肉一齊食，真係雙重既滿足呀🤤👉🏿✨巴西紅花海鮮飯 Hkd 228 💸📌呢個簡直係海鮮盛宴😂帶子，三文魚，青口，蜆肉 大蝦咩都齊晒，醬汁酸中帶辣，有種愈食愈開胃既感覺！再擠埋啲檸檬汁，簡直fresh到爆呀！海鮮絕對唔腥喔😆👉🏿✨阿根廷頂級草飼肉眼扒 Hkd 298 💸📌本身配既薯蓉真係超好食！整到好cramy冇乜顆粒感，好smooth又重薯味👍🏿肉眼叫左五成熟，唔會好難咬開，帶有微微燻過既味道，黑椒味頗出，食肉獸必點☺️👉🏿✨檸檬芝士蛋糕 Hkd 78 💸📌一餐既最後點都要有甜品作總結，本身諗住會係fresh啲，酸酸地，點知原來都幾甜下@@不過同朋友share一樣輕鬆ko🤭

昨晚喺公司ot都很夜，公司在諾士佛臺附近，跟同事一起吃晚飯，我們各自點了一個套餐，非常豐富，一個南瓜忌廉湯，香甜軟滑。跟住再嚟每位兩隻生蠔，濃濃的海水味滿載口腔，鮮味濃郁好滋味。一份烤羊扒，酥酥的，肉質軟綿綿，厚切質感冧冧肉，汁液豐富，份量不少。另一款意大利麵，配搭多款海鮮，大師手作把每一條麵都盡吸海鮮精華，加上麵條煙煙靭靭，令你食到不停口，非常滿足。甜品都頗出色，係自家製品，芝士濃郁芳香軟滑，加上散發著幽幽檸檬氣，令人感覺非常舒適開懷。 餐飲有多款酒精飲品茶或汽水選擇。飽餐過後，令人整天疲勞已一掃而空。

今日放假我同朋友係尖沙咀行街，大家都知道尖沙咀食肆好多款式，簡直係應有盡有你想食咩菜式都有！不過想同朋友飲下酒食下野😁所以我哋去咗諾士佛台嗰邊，揀咗呢一間餐廳有墨西哥阿根廷同巴西菜嘅餐廳！餐廳環境好寬闊，燈光比較暗！浪漫的感覺，而且d位寬落傾計都唔會比人聽到🤭七點左右嚟到，已經有唔少客坐底左！侍應問我地有冇book位,雖然無book 位好彩仲有位～雖然今日係星期日，但係都有set dinner呀! Set dinner 大概有10款左右,價錢都幾吸引，因為佢包左一杯 sparkling wine,生蠔兩隻,仲有餐湯同埋主菜!🤩而主菜方面我哋嗌左澳洲嘅rib eye 5折熟😃而我叫咗魚子蟹肉忌廉天使麵，魚子新鮮仲有好多蟹肉🤪忌廉汁亦好Creamy~唔錯由於我單叫,所以冇餐湯就額外嗌咗個墨西哥雞湯😅因為比較少食墨西哥野，原來個湯係辣嘅不過材料好豐富有雞肉牛油果同辣椒比較惹味！啱鍾意食辣嘅朋友！小食方面嗌咗個牛油果天婦羅😍呢味菜真係好特別未見過，而且呢間餐廳做得非常之好，個皮炸得好薄好脆而且皮上邊都有調味粉！👍🏼再加埋個天婦羅汁簡直係無敵😻個人推介牛油果天婦羅一定要必叫!最後雖然待應唔多，但

諾士佛臺食肆林立，有酒吧、唔同國家嘅特色餐廳美食都有，今次試下呢間集合左墨西哥、阿根廷、巴西菜既拉丁美洲餐廳~呢度環境都幾闊落，返完一日工當然要飲杯cocktail 放鬆一下。Papa sour:干邑味較重帶青檸香~另一杯Tropical Fizz，有乳酪既香滑，果味濃，好fresh既味道。配上小食拼盤Latin summer salad，有水牛芝士蕃茄、Serrano ham配蜜瓜，清新一下味蕾，放鬆疲倦既心情~呢度餡餅款式好多~有阿根廷餡餃Empanadas、墨西哥卷餅Chimichanga等等~ 而Tacos，Nachos就係我地比較常見既~其實餡料大同小異，好多都有燈籠椒、磨菇、芝士、豆蓉、蕃茄粒。呢次試下Enchilada，配料可選牛、雞、雜菜。我地揀左雞，enchilada既做法有點似tortilla，喺卷好既玉米卷加上醬汁，燈籠椒~口感味感同樣豐富，味道又唔會太濃，加埋牛油果醬更有風味!呢度主打阿根廷牛，試下Black Angus out skirt，係橫隔膜後面既牛腹膜柳，店員建議medium rare，少少生肉質 入口更滑，脂肪少較有嚼勁。而阿根廷牛比美國澳洲既牛更有

上星期有個韓國朋友嚟香港旅遊，於是我就帶佢到尖沙咀諾士佛臺食晚飯，畀佢感受下香港西方文化特色，呢間餐廳環境幾浪漫好有氣氛，適合好友談天的地方，講到食物都不過不失，前菜南瓜忌廉湯 非常幼滑香甜。新鮮生蠔盛著滿滿的海水味，軟綿鮮香。一款牛里脊肉，跟一般牛扒類別有不同，又另一番風味，肉質特別鬆軟好有層次感，喜愛吃牛扒的朋友，可以嘗試下呢一個不同嘅部位，會有一個新體驗。另一款智利鱸魚，食材本身已經係優質，加上大廚時間控制得非常到位，相得益彰，肉質特別幼嫩鮮甜滑捋捋，魚香飄逸，朋友都讚不絕口。最後還奉上自家配製芝士蛋糕，跟別家的不一樣， 好有特色，清新檸檬香配搭濃郁芝士，極之匹配，餐飲還可以選擇酒類飲品或配搭茶類都可以，任君選擇。這晚我倆談天說地不亦樂乎。