Read full review
2019-03-02
110 views
餐廳喺尖沙咀諾士佛臺1號8樓,地下酒吧林立,Happy Friday night自然係人頭湧湧,熱火朝天。餐廳以紅磚牆做牆身,配以木枱,感覺係老式清吧咁。一入到去就見到兩位樂手彈結他唱經典英文歌,Hey Jude、Lemon Tree自然少不得,如果有客人生日仲會唱生日歌,加上兩位樂手又風趣,氣氛相當熱鬧。頭盤叫咗【鵝肝奄列$140】一上枱真係嚇咗一跳,成個蠔餅咁大。煎得香滑嘅蛋包入面除咗嫩滑鵝肝外,仲有大量紅椒粒、青椒粒、番茄粒、腰豆、蘑菇、芝士;有沙律做配菜。份量就4個人share都夠,我哋兩位食完都飽咗一半。【阿根廷頂級草飼肉眼扒$298】 肉眼扒大塊又夠厚,切開見到粉嫩肉色。炭燒味濃,味道非常可口,肉味濃郁肉汁豐富;配上嘅燒汁味道幾特別,好似帶點酒味;配菜薯仔微辣香口。【塔斯曼尼亞三文魚扒配阿根廷青醬$198】魚肉軟滑鮮美,食三文魚扒最怕乾身,呢個好juicy,真係靚魚嚟。魚肉上面鋪滿青醬,味道清香可口。【朱古力鮮果班戟$78】班戟入面係朱古力醬帶少少甜酒味,上面嘅有藍莓同士多啤梨,再配以雲尼拿雪糕。班戟都算大份,兩個人share都夠食。同兩位樂手傾計,原來佢哋逢星期五、六晚都
餐廳以紅磚牆做牆身,配以木枱,感覺係老式清吧咁。一入到去就見到兩位樂手彈結他唱經典英文歌,Hey Jude、Lemon Tree自然少不得,如果有客人生日仲會唱生日歌,加上兩位樂手又風趣,氣氛相當熱鬧。
頭盤叫咗【鵝肝奄列$140】一上枱真係嚇咗一跳,成個蠔餅咁大。煎得香滑嘅蛋包入面除咗嫩滑鵝肝外,仲有大量紅椒粒、青椒粒、番茄粒、腰豆、蘑菇、芝士;有沙律做配菜。份量就4個人share都夠,我哋兩位食完都飽咗一半。
【阿根廷頂級草飼肉眼扒$298】 肉眼扒大塊又夠厚,切開見到粉嫩肉色。炭燒味濃,味道非常可口,肉味濃郁肉汁豐富;配上嘅燒汁味道幾特別,好似帶點酒味;配菜薯仔微辣香口。
【塔斯曼尼亞三文魚扒配阿根廷青醬$198】魚肉軟滑鮮美,食三文魚扒最怕乾身,呢個好juicy,真係靚魚嚟。魚肉上面鋪滿青醬,味道清香可口。
【朱古力鮮果班戟$78】班戟入面係朱古力醬帶少少甜酒味,上面嘅有藍莓同士多啤梨,再配以雲尼拿雪糕。班戟都算大份,兩個人share都夠食。
同兩位樂手傾計,原來佢哋逢星期五、六晚都會嚟表演。周末拋開工作煩惱,有美食配搭live music,啱晒一大班人歡樂一夕。
Post