PAPER STONE BAKERY

Open Now

Now Closed

行過新都會廣場，我地睇到一間鋪頭叫做paper stone，俾佢個污糟包吸引左。😮😮😮不過因為就嚟食晚飯的關係，我哋驚太飽，所以就冇試過污糟包。反而我地就走咗去買一個$10兩塊的麵包。✌️✌️✌️✌️✌️味道唔錯，賣相也好，一個朱古力味就淡咗啲。😔😔😔因為人哋話個污糟包，入邊係流心，而且我哋都睇到好鬼大個。睇落去真係好吸引，下次經過新都會廣場你間店舖，我一定要同自己講，無論幾咁飽，都要再嚟買返一個污糟包返屋企。💪💪

是員工問需要紙袋嗎？我每次也買兩個或以上，有cream在面的，一係極不情願俾紙袋，一係將兩個包壓在一個最細的紙袋內。我説，其實唔想俾紙袋也無問題的，只是你們不要壓D包。員工態度極衰，仲要問我，「我D態度有問題咩？」，簡直不知所謂。其實唔想俾紙袋，為什麼要問客人「需要紙袋嗎」這個問題⋯⋯

前陣子去連鎖店買東西，看到旁邊有一間麵包店。麵包跟蛋糕都非常吸引，還嗅到好香的味道，木的裝修又靚，所以今早專登去買來試試。我選了一個今期在店內no. 1的麵包，三重芝士米燒餅，看樣子已經覺得好好食，好脆。這款麵包不需用微波爐翻熱，一打開就嗅到好香，咬落去真係充滿芝士的味道，每一口都是濃濃的芝士，上面層的米燒餅真的很脆口，很香，跟麵包一起吃，真是芝味無窮，很愛香口及芝士的一定要試。我相信下次一定會再來，況且價錢也合理。跟平時在連鎖麵包店的價錢差不多，真是一試難忘的麵包。

Paper Stone Bakery是《美心集團》旗下的麵包店，主打融彙亞洲風味的歐式麵包，店內以開放式廚房設計。其法包以石窯式焗爐烘製，大部份都可以試食，方便顧客選擇適合自己的口味。紅莓南瓜籽黑麥法包不算巨型，比拳頭大一點，但拿著還是頗墜手的。麵包的外皮香脆但不會過硬，包身有彈性及嚼勁，嗅下也有濃濃的麥香。內裡的紅莓粒、提子乾及南瓜籽塞得滿滿。每一口都是提子乾的甜與南瓜籽的脆，口感非常豐富。此麵包非常美味，看上去小小的卻異常飽肚。如果要挑剔的話，就只有提子乾略嫌甜了一點，以及面層白色粉末容易弄得滿手黏乎乎。下次再來，要嚐嚐其他款式。

今早上班前走到Paper Stone Bakery。看看有沒有吸引的麵包作早餐。見有咸牛肉炒蛋三文治售賣。買了一份試試看。拿上手是微暖的温度。白方包吃來很軟熟。而且是相對厚切的。麵包邊皮亦沒有硬崩崩的。質感非常好。富有淡淡的麵包香。麵包出色。炒蛋則略嫌遜色。有點兒overcooked並且不香滑。不知為何還吃出一點點膠味。咸牛肉佔的比例是蛋的10分之2。幾乎完全吃不到咸牛肉的味道。相當吝嗇。下回還是光顧他們主打的西式麵包好了

焦糖吉士忌廉法包 $16葵芳新都會廣場呢間paper stone bakery 賣嘅麵包都好邪惡，今次試左佢個焦糖吉士忌廉法包$16。兩邊面頭係焦糖，中間夾住吉士&cream。一啖咬落去好滿足。焦糖同細滑嘅cream & 吉士好match, 加埋一齊食唔會好甜or 好漏。-忌廉好滑。-因為係法包，所以都比較難「𡁻」，食到牙都軟。 -回頭指數：9/10 （佢仲有好多包都好吸引，不過就好邪惡）

近排消委會先話原來市面上嘅麵包好多都有添加劑，始終麵包都係自己常食嘅野，所以就上網搵下資料睇下邊間嘅麵包係Eat clean之選！無意間發現Paperstone原來都係一個好選擇黎，雖然佢係美心集團，但論麵包品種同款式多比較優勝。今次我就買左紅菜頭紅莓法包，$26一條，但原來切完之後都幾大包，早餐食唔晒仲可以留返下午茶，哈哈講返個包，雖然係法包，但佢唔會好硬好乾身，配上粒粒紅莓，酸酸甜甜好開胃，而且紅菜頭同紅莓都係健康嘅食材，所以佢而家已經成為我係Paperstone嘅First Choice!見到佢d cake都好吸引，睇黎下次買cake又多一個選擇喇！

往往走過新都會廣場的四樓，都會聞到一陣陣撲鼻既香味，就係因為呢間內有焗爐既麵包舖。舖內麵包款色甚多，其中今次吸引到我既係朱古力流心撻，流心芝士撻見得多，朱古力比較少見。個朱古力流心撻一咬落去即刻流哂啲朱古力醬出來，十分香滑，朱古力人應該會好鐘意。

發現葵芳開了一所麵包店，款式多樣 ，選了一個朱古力丹麥酥，價格也算是合理。不知是否隔了一天早上才吃，麵包過硬，味道偏甜。就算泡了杯咖啡邊吃邊喝，還是太硬，下次試試其他口味。

係新都會商場食完飯, 友人大力推介呢間麵包店比我, 話d 包好好食, 又好多款簡~ 開放式廚房~部分包款有得試食~我地試左個朱古力酥, 超級好食!!! 因為平時我係唔食牛角包或者其他酥皮類的包, 覺得好油, 但個朱古力酥, 試食完會令人有衝動再食!!! 下次有機會要買!!今次就買左個芒果無花果法包食, $24一個, 我覺得都唔平架, 但而家一個普通菠蘿空氣包都賣7蚊8蚊時, 比d 新嘗試自己食下都好。比錢時店員仲好好咁問我細唔細切埋, 原本我都諗個包都唔係大, 洗唔洗切呢, 請佢切左之後又覺得又真係切得幾靚, 一片片放入口, 個口感都幾扎實, 冇空氣感, 幾真材實料, 非常容易就食到芒果同無花果! 係好食既, 我都知無花果都唔平, 所以都算ok 既呢個價錢。下次想試埋紅菜頭包~

生日蛋糕又多一個選擇🙌🏻-特濃朱古力紅莓醬蛋糕($198)🎂PaperStone原來除左包出色之外，蛋糕都幾驚喜😍-蛋糕外圍用上黑朱古力塊，依塊朱古力都好好食，朱古力味香濃，又唔會死甜🙂而蛋糕裡面層次感非常豐富，係朱古力海綿蛋糕加打得好滑既朱古力慕絲，朱古力味夠唒濃，甜甜之際中間一層酸酸地既紅莓醬中和返，正啊🤤蛋糕底層仲係可可脆餅，口感真係一流👍🏻性價比唔錯！-但多人share比較好，如果唔係會有啲甜有啲漏喔🤚🏻‼️其實蛋糕都有散件架，一個人想食都無問題‼️

這間餅店給我的第一印象是麵包嘅款式比較新穎 雖然麵包價錢比其他餅店高少少 但都值得一試 賣相亦不錯的這兩個慕絲蛋糕分別是抺茶柚子慕絲($28)和芒果慕絲 ($28)抹茶柚子較特別 配搭有清新的感覺甜度適中 柚子和抹茶又出奇地配合而芒果慕絲就比較有層次感 第一層是芒果慕絲加少少Jelly 第二層是朱古力蛋糕 第三層就是朱古力脆脆做餅底一啖食到三個口感 但係蛋糕形狀比較細少 價錢合適與否就見仁見智了

經過諗住買早餐第二朝食，店舖唔算大，都有唔少選擇。見到依個朱古力方包，寫住朱古力lover必食！嘩，花先生見到即刻話要試，因為佢真係朱古力lover！！第二朝我同花先生都好期待，用焗爐焗返熱黎食。點知有啲失望⋯⋯ 可能期望太大⋯⋯ 麵包都實在唔係空氣包，但朱古力味完全唔重，似係食緊普通方包，係食到中間有少少朱古力醬，只有好少好少⋯⋯見其他包既賣相都吸引，有機會再試！

其實自己有點怕法包太硬，咬到牙都甩；因此本人甚少買法包吃。但由於路過此地見這裡的法包非常吸引，於是我買了兩個法包作早餐。一個是紅莓南瓜籽黑麥法包，$20。另一個是蜂蜜橘子麥法包，$21。這裡的法包非常美味，充滿麥白，質感上不會太硬。配上水果(紅莓、橙)後，法包味道除變得更清新外，更變得香氣滿溢。而且食下去有好多粒粒(南瓜籽等)，口感豐富！另外，買包的時候，店員會問你需不需要把包切成小件。真的，店員用他專業的麵包刀把包切成小件後，法包是特別美味的一定要再encore嚐盡其他法包的滋味!

今次介紹嘅Paper Stone係我近期幾鍾意嘅一間麵包店因為佢有好多特別款式嘅麵包Paper Stone 上環丶將軍澳丶葵芳同元朗都有分店而我去過元朗同葵芳分店葵芳個間分店 麵包仲有得試食㖭比較特別嘅係海盬牛油卷除左原味仲有紅菜頭丶羽耳甘藍同黑松露口味依家啲人追求健康紅菜頭同羽耳甘藍所以都幾多人揀亦都係幾新穎嘅選擇我買左黑松露口味真係幾香架 唔止表面 入面都有黑松露不過我最想介紹同推介嘅係我最鍾意嘅蜂蜜橘子麥法包叫得法包 麵包口感係硬硬地表面有蜂蜜糖漿 入面充滿橘子肉好香橙香味價錢$21 麵包黎講係貴左少少不過款式特別而且份量都幾多 可以分兩次食或者同人share食都可以