樂園素食

Open Now

Now Closed

一班人約食飯，最煩就是要諗食咩。尤其是素食的朋友聚會，去到素食餐廳，總是想把所有美食都點齊。然而，近呢幾年來，主打素食的自助餐廳越開越多，立即解決了大家聚會時，想不到吃什麼的煩惱。是日，我們的素食聚會，就選擇了在銅鑼灣，新開的《樂園素食》自助餐廳，大伙兒試一試新地方。一聽是去食素食自助餐，我即時的感覺話俾我聽，咪同以前去過的素食自助餐廳差不多，都是幾個熱菜同炸點為主。但當我出去巡視食物時，《樂園素食》的食物選擇就令我另眼相看了。因為，一行入去，就有一個清新的沙津及水果吧在迎接大家。再來是一系列的涼伴菜式，也有好多款素食壽司選擇。此外，也有令大人小朋友都歡喜的甜點。當中，有一個叫和菓子的甜點，幾乎每一次盛出來的秒清。另外，素食的炸點絕對是少不了的，春卷，炸蕃薯，天婦羅等等，都好吸引。熟食方面，有瓜有菜，有咖喱魚蛋，豉油根絕對是美味入味。連同炒米粉，這四個食物都是好味的東西。有荷葉飯，有上海粗炒，有銀針粉同腸粉。說真，飯麵粉同腸粉都非常之吸引。弄得我們去取食物時，每一碟都總是有飯、粉、腸粉在相伴。不計湯，飲品至少有五款。有三款不同的茶，有清新可口的檸檬水，當然有大家都飲不停口的冰凍豆漿啦。

樂園素食｜銅鑼灣下午茶自助餐之前見到網上介紹銅鑼灣有間新開嘅素食自助餐🥗價錢唔算貴之餘，新開嗰陣仲有折，趁放假就同朋友試咗佢嘅下午茶時段自助餐😆由於餐廳入面仲執緊野嘅關係，一去到門口已經企滿人，要夠鐘先可以入去😱雖然話係下午茶時段，但係食物選擇都非常豐富，睇嚟同中午時段嘅嘢食都大同小異，出去攞嘢食除咗要戴口罩之餘，仲要帶埋膠手套，感覺更加衛生👍🏻菜式嘅選擇非常多，有沙律吧、前菜、炸物、熟食、甜品等等，蒸包有三款，試咗蓮蓉包同麻蓉包，都係不過不失，炸物就有六至七款，推薦入面軟糯嘅炸香蕉、平時放題食到嘅芋泥波波同埋好香嘅咖喱角，而最特別嘅係呢度有好多款唔同嘅數壽司🍣我就試咗素嘅三文魚同吞拿魚壽司，素生魚片由蒟蒻製成，點埋豉油食個口感都有少少似😂而熟食都有十幾款，四喜烤麩切得非常大舊，不過醬汁可以再濃啲，薑醋蛋嘅雲耳非常入味，可惜雞蛋嘅蛋白就未入到味🤔比較推薦嘅係甜酸齋、煮得幾淋嘅椰汁芋頭、幾可亂真嘅咖喱魚蛋、同埋幾有鑊氣嘅炒河粉，甜品方面有日式和果子同埋朱古力布朗尼🍰蛋糕嘅朱古力味非常香濃，仲有中式嘅桃膠糖水同埋椰汁西米露， 十分滋潤養顏，飲品方面都有唔少選擇，有洛神花茶、羅漢果茶、豆漿同

我重佢試業就開始幫襯，但自從睇到佢哋做埋本地遊，愈來愈多人，添加食物嘅次數也耐咗，加上食物質素也有所下降。另可能請唔夠人，令到啲服務員態度十分之差，所以我以後都唔會再幫襯😡😡

我哋星期六下午茶時段去樂園素食，一去到就見到長長嘅人龍，一條隊係book咗位，另一條隊係walk-in。當日都有九成滿座，入座後店員會比一對膠手套，疫情關係，出去攞食物要帶手套。一開始攞食物嘅情況相當混亂，D人一窩蜂去攞野食，企滿哂攞食物嘅地方。不過食物補充嘅速度都幾快，食物嘅款式同味道同以前素一一樣，最大嘅不足就係食唔到素章魚燒同串燒，可能只係晚餐時段先有。攞食物旁有一個區域放咗唔同醬料比食客自行調味。沙律bar小食:日本蕃薯仔、中華沙律、芝麻豆沙球、薑醋、日式麻醬山藥、炸天婦羅、炸地瓜丸、炸香蕉、綠茶餅、素餃子、煎堆仔、炸南瓜餅、春卷、咖喱角、印度薄餅、一口蘿蔔糕、麻辣雲耳、日式麻醬青瓜、酸蘿蔔本來以為炸香蕉入面會食到香蕉肉，點知咬開又係食粉團，應該改名叫炸香蕉糕。山藥嘅質感好淋，似大陸淮山。壽司:三文魚壽司、墨魚壽司、火腿壽司、卷物 (唔記得叫咩名)小菜:南乳齋、蓮藕炆花生、咖哩魚蛋蘿蔔、上海烤麩、酸齋、炒四季豆、茄子肉碎、薑粒炒芥蘭、炒菜心、炒粉絲小菜普遍幾好食，味道夠濃味，尤其推介咖哩魚蛋同炒粉絲，兩款都係辣辣哋，幾惹味。主食:海帶冷烏冬、黃薑炒飯、炒麵、炒河粉、腸粉、蒸粟米

「樂園」既前身係「素一」，果陣都好鐘意黎食，除左食物款式多，又有清楚標記邊啲係vegan之外，最重要就係地方闊落。香港雖然都有好幾間素食自助餐，但大部分既座位都好窄，食物擺到密密麻麻，出去拎野食時會撞手撞腳咁。「素一」就完全冇依個問題，坐得好舒服，拎野食都唔會撞到人。「樂園」基本上只係換左個名，裝修、食物同營運模式基本上都係同「素一」果陣一樣。今次掛住同朋友傾計冇乜點影相，不過都盡量share下啦。一坐低冇耐店員就主動送上燉湯同冰鎮咕嚕肉。咕嚕肉既真身係雞脾菇，個粉漿冰鎮完keep到脆脆地既口感，都幾好食，不過份量實在太多，我地三個人都食唔哂依一碟，建議份量可以減至少1/3，如果鐘意食先再encore會好啲。自助區分成沙律、炸物、壽司、主食等等，食物種類都真係幾多，而且vegan類既都好多！炸蓮藕片超好食，辣辣地咁好惹味，完全顛覆左我對蓮藕既認知。啲壽司就都係蒟蒻扮魚生，可以過下口癮。叉燒都做得幾出色，有燶邊，像真度高。整體黎講食物都唔錯，服務亦都幾好。夜晚黎都好多人食呀，長做長有絕對冇問題。

選址大家放工都就腳嘅銅鑼灣，由於呢排嘅潮流都流行素食就搵咗呢一間主打素食嘅自助餐專門店。-一入去就馬上奉上靚湯，而且食左一個甜酸炸菇嘅冷盤，啲菇都炸得好香脆，同埋個鬆餅食落去都好香軟，配合埋一啲素餃子，都幾match。基本上甜品嘅裝飾擺設都好靚而且食落去香口恰到好處。-而且都飲咗一碗老火湯，老火湯裏面有有蓮藕嘅味道，雖然唔知每一日係咪都係相同嘅湯，但煲湯裏面裏面都有好多養生材料，見到用咗好多骨頭去熬製，仲有一啲蓮子龍眼等等嘅蔬果去製成～-不過可惜就係個炸秋葵到咗嘅時候就已經凍哂比較可惜，總括嚟講餐廳乾淨清雅，而且服務都好好，即是我哋未人齊但係都俾我哋先入俾我同埋攞嘢食，都幾滿意嘅

茹素本來應該令人心平氣和，點知食完之後我怒火中燒入座後未夠半小時，櫈都未坐暖就收檔 (入座前無提示完場時間)職員態度惡劣，食物質素參差星期日打電話去餐廳問自助餐嘅時間，佢答全日都係自助餐至晚上11點關門於是我3點半到餐廳入座時職員冇提過原來4:15收檔坐左唔夠半個鐘就有侍應埋黎叫埋單，火到黎同我講話出去拎埋最後一round囉態度極其惡劣最後我同當席經理投訴，態度更差，最後俾返幾蚊耍我走，無言祝各位好運

網上search 見到有素食外賣，所以決定一試。在銅鑼灣外賣$48一份已經係唔多，而且份量相當大，會再幫襯試埋其他組合。是日我哋二人選擇係A餐雜錦壽司+凍豆漿，素壽司用蒟蒻扮魚生，點咗wasabi 同豉油後其實真係唔似食素🤣。另外選擇係B餐海鮮炒飯，跟麻辣粉絲牛肉及古法酸齋+凍豆漿，一盒份量好大，炒飯味道清淡但合我口味，2味餸小菜都好有質素。

素鮑魚同素魚蛋意外的幾好食，最初以為個味會好假，但唔錯😋好鐘意佢個燉湯，有羊菌菇，正👍🏻係自助位個蔬菜湯都好飲炸野好食，雖然好肥😆尤其係蓮藕片，好惹味我最鐘意芝士焗菇同炸腐皮卷仲有無章魚嘅小丸子🤣加埋啲調味料同紫菜其實食落都幾似真嘅，唔錯無試到壽司，因為啲偽魚生唔知用咩做，望落個顏色我有啲驚，如果寫明食材就好啦食物種類有好多，飯麵甜品串燒生果都有糖水有桃膠，補身😍價錢方面合理，想食中式素嘅時候可以再黎

回想第一次嚟依間舖仲係前身素一既時候，當時已經覺得好抵食，環境靚坐得好舒服！今次再返嚟依間店雖然裝潢一樣，但名就轉咗啦，不過同樣好食，啲人都好nice！必食sushi，偽三文魚sushi食落真係幾似！偽火腿炒飯，味道都可以。第一次食偽咖哩魚蛋，我覺得幾彈牙，外表睇落去都似嫁！必推蕃薯天婦羅！唔甜好味，食多兩舊都唔怕肥，狂掃推介~必推南瓜天婦羅！依款都好好食！腸粉度度都有得食，不過自己混下漿食一兩舊都唔錯！必推！小小泡芙，我都唔記得食咗幾多舊..以為係馬拉糕，問啲姨姨話係類近既，點知味道似係黑糖蒸糕... 完全唔好味，下次一定唔拎。 

朋友菇素，前幾天約了我們幾個好友往銅鑼灣素食樂園吃自助午餐。我們十二時去到，已經座無虛席，幸好我們一早訂位，可以立即入座。店舖設在商場地庫，簡潔明亮，尚算寛敞舒適。食物擺放自成一區，由於疫情，大家出去拿食物時都要戴口罩及膠手套，做足防疫措施。至於食物方面，與一般自助餐沒甚分別，分門別類，林林總總，應有盡有，包括沙律、壽司、冷熱盆、炸物、粉麵飯、湯、甜點心等等。炸物種類特多，炸蘿蔔糕尤其好味。熱食除一般齋菜外，還有美味薑醋蛋。飲品有豆漿、汽水，還有落神花檸檬水及羅漢果茶，非常健康。八十多元，食足個多小時，絕對超值。

返工銅鑼灣既我！同事介紹約好2:30 試下午茶，好在預約左可以第一時間入座，因為原來呢個時間好多公公婆婆tea ga🤣座位乾淨整潔，入座每人派對膠手套！拎食物一定要帶上，但只有一對用到尾小心保管！食物質素超班，好多味道同肉冇分別，而且款式多到驚人！個三文魚🍣壽司手感完全一樣！有炸物例如：炸香蕉，炸蕃薯天婦羅等等，又有老火湯！豆漿好飲，有咖啡仲有糖水！最最最讚係各式各樣醬油！講得出都有🤔講到呢度好擔心佢加價Tim!另外唯一不建議食係薑醋蛋！完全不入味🤣🤣🤣冇味又、朗、胃！千祈唔好浪費空間😆

👉位於銅鑼灣嘅樂園素食 地方就腳 距離地鐵站行5分鐘左右 約朋友食飯都方便 環境舒服 地方好乾淨 呢度嘅素食種類比較多 平日嘅晚市$185位 🥰每位另送冰鎮咕嚕肉同埋原盅燉湯 🟪食落酸酸甜甜咕嚕肉係雞髀菇 食完好開胃🟪燉湯內有蟲草花 粟米 腰果 姬松茸 圓肉 飲落清甜 味道偏淡少少 😋好鍾意食佢啲炸物  不太油膩 入口鬆脆👏 選擇又多 壽司款式多元化🍣整得好有心思 熱盤食物都是比較大眾化 例如椰菜花 菜心 🥦魚蛋蘿蔔 雲耳 翠玉瓜 蕃薯 🍠粟米🌽 等 另外都有少少沙律菜 水果等🍎🥬 🧉飲品吧嘅選擇都好多有羅漢果水 豆漿 洛神花茶 檸檬水🍋仲有部咖啡機 👏可以沖 cappuccino， latte 或普通咖啡☕啱曬咖啡控‼️👉鐘意食素食嘅朋友可以一試😋

本身對素食都有好感, 晚餐時間路過見唔算太多人就入去試下, 服務員既態度一般般, 可能係人流多, 工作忙影響心情, 坐低一陣就先送上一客素燉湯, 都算幾濃味好飲, 而另一樣就係素咕嚕肉, 味道普通啦 之後就出去出面好似 buffet 枱咁樣攞 D 食物, 行左圈都覺得有好多款素食, 但最吸引既係咖哩魚蛋, 咖哩好香, 另外就係自己最喜歡食既酸齋, 蛋角都有, 不過轉下轉下就覺得條路開始好多人, 好窄, 所以攞住 D 食物既時候一定要好小心, 又驚會整到人, 亦好怕被人整到 講返個咖哩魚蛋, 個咖哩汁真係好香好掂, 雖然魚蛋係素既, 但都唔會覺得係一團粉咁, 而且索左 D 咖哩汁入去, 都算幾好食, 酸齋就當然係同齋舖既一樣, 食物種類真係幾足夠, 連薑醋都有,  而且好似越食就越多人入座, 出面條 buffet 枱既路已經窄, 加上咁多人真係有 D 難頂, 同埋亦都比較嘈甜品要讚既係有雪耳桃膠, 而且整得幾好, 唔會太甜, 值得一試

近年素食者多左好多, 所以素食餐廳都相繼多左, 繼而多左好多變化, 好似素食自助餐咁😋某日行過銅鑼灣見到有間 "樂園素食", 假期既中午都係 $98 一位 (需加一), 好抵食!種類款式非常多, 炸物, 熱盤, 沙律, 糖水, 頭盤, 湯品, 糕點, 菜類, 飲品.. .. 樣樣出色, 款款格新🙌🏻 仲有好多醬汁醬料供調味之用😊我覺得最好味同驚喜係 - 麻辣牛肉炒粉絲, 麻香味, 辣味十足, 素牛肉囗感同真牛肉口感一樣, 好食好食! 而有款洛神花檸檬汁茶, 酸酸甜甜, 超開胃