巴黎咖啡店 (Closed)

斱有一排冇, 見有番我鍾意的blueberry cheese cake, 梗係食番件啦, 雖然仲係細件左少少...... 不過斱仲係咁好味, 再try try 佢杯玫瑰Latte, 個樣好靚, 味道唔錯, 開心!!!!

之前係雜誌同電視見到佢老細好高調話要起條咖啡街, 以為佢間鋪會幾好, 所以同班friend去試登打士街間樓上鋪, 點知....我地4個人分別叫左咖啡和紅茶飲品, 杯咖啡無什咩特別, 咪咖啡囉. 而啲紅茶只得個甜字, 直頭好似飲緊糖水咁. 啲意粉本身好淡, 要靠啲漿汁先有味, 不過比得太少汁, 所以乾曾曾咁, 我叫侍應比多啲都係比多少少,仲好似好唔願意咁... 件cake 又細而且一食就知道唔係新鮮, 放左都好耐啦.最頂唔順係入到toilet, 見到成彭烏蠅佈滿坐廁. 咁嘅情形我都係第一次見. 諗起都有點反胃.

原本想同幾個朋友去三上食日本料理，卻因為太多人而放棄了。大家諗好耐，其中一條友提議去Paris Cafe，其實唔係太想去，不過都諗唔到其他更好既提議，就去食一餐。好細既一間cafe，侍應很勉強才幫我們找到座位。但一坐底，發覺左右兩檯都在狂食煙，又因為座位太迫，實在避無可避，完全吸晒二手煙。本身有喉嚨敏感既我，即時不停地咳，勁辛苦。在冇咩食慾既情況之下，我只是求其點了一個set dinner，是鴨胸意粉和薄荷朱古力咖啡，兩位朋友也一樣。先來杯咖啡，薄荷味幾重，算交到功課。但主菜份量又少，認真一般。鴨胸又只得薄薄地幾片，口感欠奉。比起快餐店更糟。老實講，食物冇驚喜，亦坐得唔舒服，仲煙霧彌漫添。如果唔食煙既朋友一定接受唔到。雖然佢近期開了很多分店，但我本人就真係唔睇好。

(編輯快d加返荃灣果間呀~~其實我想講荃灣果間的, 但迫不得已先係度寫jar!!)(編按：請提供食店資料)個肉醬意粉(我轉左長通粉) 真係難食到冇人有...首先個通粉同pat 肉醬係sure係整定再放落microwave叮的.... 而且個bolognese...我未見過bolognese上面加片kraft cheese, 兼係乜香料都冇lor!!! 真係十級難食呀...本身已經overcooked(唔係al dente) 仲要再係microwave叮多野...可以想像到係幾難食!! 即係, 你要做到呢個檔次, 但係個質素連d平價餐廳都不如, 好唔得lor!我問個waitress要black pepper, 竟然冇!! 大佬, 你個set din全部都係pasta (spaghetti/penne), 你唔serve black pepper? 好懷疑間野個cook對點食pasta有冇一d基本既concept架?!?!?!?! 下下下下下?!?!?!?!

約o左幾個朋友去呢度食飯...因為遲到o左...咁叫囡囡幫我發板食咩...坐低就o黎o左個當日廚師推介o既肉醬蛋包飯...睇清楚d 其實就係一堆白飯...上面有塊好老o既蛋皮...側邊有d 肉醬...碟o野淡而無味...真係不知所謂...再細問朋友...碟o野原來要成45 蚊!?再試埋囡囡o舊豬扒...嘩...又"鞋"..又硬...真係唔知點食唔好玩啦...45 蚊o係o個頭...可以食好多好o野啦...呢間o野真係請我都唔會再去...

開頭諗住cafe都唔會差到去邊,但係service又唔得,野食又唔得,真係一肚氣!!同朋友叫左一個煙三文魚意粉,雞翼加2個咖啡....個意粉又細碟, d三文魚酸gei!!雞翼又細隻...食左好似無食咁!佢地好明顯唔夠人,得一個人做樓面,條友好似發夢咁,又唔比folk我地,點食野呀!做野又慢半拍....咁樣一餐都要$110,完全唔值!

完全唔掂呀呢間野...d野唔好食...三文魚酸o既!! 同佢講左係酸...佢夠膽死將我食開果碟意粉"林"d汁上去..再"po"番靚塊三文魚比番我食...所以最後都係酸o既... 我冇食到...都唔再同佢講....上哂菜又唔比叉我地...唔通佢覺得我地似印度人?唉...一共食左碟"酸"三文魚意粉..幾隻我阿媽都整得好食過佢o既雞翼...2杯coffee....就$120....無天理!!!!

晚上大概九時到店，店子未滿，但仍很熱鬧。過了一會，全店也滿座了。晚餐吃了set dinner的吉列帶子白汁意粉，味道比上次吃的菠蘿豬柳長通粉來的好。餐飲跟蜜瓜朱古力，叫了熱，卻來了凍的，不過味道尚可。朋友吃了另一個set dinner，是燒骨配飯，肉比較韌，份量不是多，但用的碟頗大(^^!)。餐飲跟凍愛爾蘭咖啡，味道不錯。因為蛋糕已經售罄了，就點了圖中的朱古力摩絲，吃下去就像在吃雪糕般，只是沒有那麼凍。份量足，朱古力味足，不過作為飯後甜品就可能太多了，女孩子可以兩人share一杯，而且跟花茶吃會比較好。一大敗筆是店中有抽煙的客人，加上店子小，桌與桌之間距離少，感覺十分不好。

上星期一(2005aug20)晚上七時許去到吃晚飯，店子很小，人更少，不知是否因為大雨的關係。晚餐食品普通，不是太突出。咖啡就不錯！圖中是吃過飯後點的甜品，很香，絕對要襯熱吃！熱朱古力蛋糕淋了熱辣辣的朱古力汁，好豐富的朱古力味！但對不喜歡濃味的朋友就可能不太合適^^，要留意。侍應有耐性、細心。

07/27/2005 20:15同朋友相約深水"土步" 聚舊，沒有特別要求下，路經此店覺得係一個唔錯o既選擇，就咁就入左去.....店子很小，不過樓底頗高，勉強可彌補空間的不足。食物的選擇不多，以精美為主，點了是日晚餐- 芥末牛柳飯跟凍朱古力。牛柳飯賣相已令我提不起食慾，牛柳弄得過火，嚴重偏韌而且冇肉味，芥末汁過杰，連飯都可以造到好似擺左好耐硬掘掘咁先神奇，真係差到唔可能再差。朱古力就普普通茶餐廳水準，不過比起那碟牛柳飯已好出很多了。巴黎咖啡店在特許經營下越開越多，但質素參差，試過最好的亦是較舊的在紅磡馬頭圍道，還比這間平$10。$40一個餐免加一，一定冇下次了。

呢度既ｔｅａ　ｓｅｔ由１５－２８不等，唔駛加一，幾抵，就入黎試下～由於唔餓就叫左１５蚊既奶油多＋飲品（熱朱古力）咁平既價錢都唔有太大期望～奶油多都ｏｋ既．．不過朱古力太淡唔夠熱，ｍ記仲好過佢＝　＝由於店子細，如果唔多人既話都幾舒服～但係一多人，ｄ人又大聲講野既話，就真係超嘈，冇晒ｃａｆｅ果種感覺．．．最好係冇咁多人既時段去啦～ｄ　ｌｕｎｃｈ　ｓｅｔ３０蚊，唔駛加一，好似幾抵，有機會都想試下，不過下次試凍飲啦，大杯ｄ～好似抵ｄ　ｗｏｒ．．

年初三行完山, 搭番車落深水步搵食. 掃左一輪街邊檔後, 由於大部分食肆都無開, 所以就選擇左平時唔會去既Paris Cafe.我地order tea set, waffle可配士多啤梨醬/朱古力醬/蜜糖, 我地要左後兩者. Waffle應該只係現成雪藏貨翻熱, 驚喜在個醬汁, 蜜糖係靚貨, 香濃甜美, 而且份量一d都唔孤寒, 多到要漏番少少出黎添; 朱古力醬一般, 但亦好在份量夠. 至於厚多士亦唔錯, 配搭既花生醬有花生粗粒, 非一般行貨.飲品方面, 我要既凍咖啡比想像中好, 友人既熱朱古力據報唔夠香濃, Cafe latte都ok.當日負責落order既得一位女侍應, 好明顯係生手, 但有禮貌. 食物同飲品既水準亦比我預期好, 以價錢黎衡量既話, 都食得過.