巴黎咖啡店 (Closed)

07/27/2005 20:15同朋友相約深水"土步" 聚舊，沒有特別要求下，路經此店覺得係一個唔錯o既選擇，就咁就入左去.....店子很小，不過樓底頗高，勉強可彌補空間的不足。食物的選擇不多，以精美為主，點了是日晚餐- 芥末牛柳飯跟凍朱古力。牛柳飯賣相已令我提不起食慾，牛柳弄得過火，嚴重偏韌而且冇肉味，芥末汁過杰，連飯都可以造到好似擺左好耐硬掘掘咁先神奇，真係差到唔可能再差。朱古力就普普通茶餐廳水準，不過比起那碟牛柳飯已好出很多了。巴黎咖啡店在特許經營下越開越多，但質素參差，試過最好的亦是較舊的在紅磡馬頭圍道，還比這間平$10。$40一個餐免加一，一定冇下次了。