Pasha Kebab House (Closed)

係就係燒,但係唔太覺得有羊味喎......同埋羊最好食的羶味一d都冇.係香香地咁囉.薯條都脆都大條ge.始終羊肉冇羶味不如唔好食, 我覺得.其實環境幾好, 可能而家唔太熱, 坐係街邊幾好.

sep 30, 08可以出街做d嘢,咁當然要掃吓訂咗好耐嘅target啦,叫咗 : 1) lamb roll-即叫即做,有羊味,但略嫌肉質實咗少少-有幾足料嘅蔬菜 - 生菜絲同紫洋蔥條-個辣醬似現成貨,所以覺得其奇咗d-整體覺得唔夠惹味-如果下次再順路經過會試吓好多人叫嘅chicken roll-唔知點解,對kebab都幾有好感,但大約試咗4間,還是覺得ebeneezxx突出d,可能佢哋有好好飲嘅local甜乳酪啦~~~

在外國生活久了, 夜晚浦得多, 對中東food, 一定有一個情意結.星期六返半日, 中午一個人, 自由選擇, 原來想試的沒有開, 蕩蕩下, 被一卷卷的Kebab勾引了.小小一個店, 卷著一串羊肉, 一串雞肉. 抬頭細看Menu. 好簡單, 有配薄餅, 沙律, 薯條或飯.點了雞肉加薯條, Kebab雞肉加了他們獨有的醬汁, 有Spicy口感, 有沙律甜味. 肉/菜/薯條配搭得好適中, 唔會叫濟.有個光頭中年老外, 相信是老闆, 端來食物, 細心問問要不要野飲. 吃飽收碟, 又來問問好食否. 如果唔係後巷仔環境, 幻想一下在南歐小國. 又幾寫意下.

Chicken Salad--好多新鮮蔬菜,暖暖的轉轉雞肉,香辣的乳酪醬汁,味道一流,份量十足Lamb Roll--保持水準,好..........

13Jun2007 1725係何博士做完野後，臨返歸前黎呢度食卡巴，之前在上環熟食中心食左碟極不滿意的所謂「泰式海南雞飯」，誓要報仇。一入到去見到個旋轉型式羊肉在上面，食的時候用刀片下來，這種做法的名稱便是Kebab，肉類亦可包括雞肉或牛肉，豬肉因宗教信仰而不在內。我就點了最喜愛的Lamb Roll，等左10分鐘便有，裡面以生菜絲及蕃茄片為主，醬汁選了辣的，而羊肉在卷內佔左約一半位，羊肉有部份不淋，勝在份量多，而包熱辣辣，味道已經不錯，而這個餐可以有一罐汽水，幾位中東/印度員工招呼週到。地點係大巷內，不太留意都唔會見到，作為一點點支持，會稍為俾高少少分數。

行到橫街,本來想去零食店掃貨,但係俾街口,卡巴店的香味吸引住,我地最後都忍唔往,買個兩份分Lamb Roll--卡巴熱辣辣,餅皮軟熟,羊肉調味得宜,不會蓋過羊肉本身的味道,再配合蕃茄,洋蔥,生菜,仲有酸酸辣辣的醬汁,好滿足店員服務細心,羊肉卡巴$45

早前午餐黎依到食下...都唔平ga..要40蚊到一個wrap...我要0左個雞wrap..初時睇佢..驚唔夠飽...點知..食0左一半,都覺得有可能唔飽..再食另一半時..好飽!味道方面呢..都係..無咩special..佢係將d好fresh的菜..like tomato, lettuce 切細,加d mayo 加d雞件,用個pita 包好,個pita都係bake0左少少的,幾好.依餐飯食得唔係好貴..不過一個238...唉..無0左好多錢...

在上環的橫街，本是DHL的收貨點，月前現開了一間卡巴店。見佢台前幕後都是當地人士主理，應該都幾正宗，就來試試這裡的卡巴。要了個羊肉卡巴，除了羊肉，還可以在番茄、洋蔥及幾款醬汁中選擇，我當然多多益善，醬汁選了酸及辣的組合。只見星哥三兩下手勢就用鍚紙把卡巴捲起，夾在熱板中烘，轉頭便有得吃。卡巴的羊肉是免治羊，臊味不重，調味做得不錯，加上生洋蔥，幾好味。唯一敗筆是餅皮，捲了太多，變成厚了一點，吃下去硬硬的，可能有多一點餡會好一點。而烘得也不太夠熱，溫溫吞吞的，不是我喜歡的口感。星哥服務態度不錯，見他們同客人有講有笑，氣氛幾好，服務一欄有分加。連一罐汽水，埋單30蚊，似是月前的新張的特價，星哥說遲些會調貴一點的了。

小弟第一次寫食評，希望可以和大家分享一下外出用餐的飲食心得啦。兩時多左右來到這裡，我點了個Chicken Tikka。因為店裡的坐位十分有限，我們三個都坐了外出的高檯。但外出只有兩張高椅子，剩下身材較高的我只好坐普通椅子了；那位外藉老闆尚算熱情，主動山來替我想辦法呢，可惜始終也欠缺一張合適的椅子就是了=.=主菜送上，賣相還算可以，有幾塊橙色的雞塊，小許雜菜沙律（有生菜，三色菜椒，和一些不知名的香草），都舖上了不同顏色的醬汁，加上一些已經調了味的飯就是今天的午餐了。因為我都是第一次試這個土耳其菜，整體感覺很新鮮，肉的份量商中，而且完全不肥不膩，可算是十分健康的一餐。這裡另加一款飲品也只是三元而已，算是合理吧！這小小的店舖居然會有一個網頁，大家可以參考一下：http://www.donerbox.com/Welcome